بثينة شعبان مالكة البيوت الأولى بين أهل السلطة السورية

[Syrian_Eagle]

لعما شايف القصه كبيره كتتير ....!!!! يعني اذا وزيرة مغتربين هيك .. لكن كيف رئيس الوزارء هههههه لا حول ولا قوة الا بالله ...

[mido1971]

الله يعين سوريه والله انو اهلها من ارقى وافهم الناس العرب عموما احلى سلام من فلسطين

[Government]

يا أخي مابعرف شلون .. بس مابصير انو نرمي التهم هيك جزافا بدون ادلة ملموسة او انو بلا يا اخي ادلة ملموسة مية بالمية .. انو شي يخلينا ونحن عمنقرا هيك مقال نحن انو عمنقرا شي فيو مصداقية ..يعني هالكلام في اي حدا يكتبو عن اي شخص .. انو الواحد بدو وهو يقرا يقرا وهو مرتاح مو مالو عرفان حالو عبيقرا كزب الا صدق

[العيثوب]

كاتب النص الأصلي : dani75

بثينة شعبان مالكة البيوت الأولى بين أهل السلطة السورية
عبد الرؤوف مدلّل

وزيرة وكاتبة ومترجمة وجزء من الفساد وصانعة له

بثينة شعبان مالكة البيوت الأولى بين أهل السلطة السورية

لو استطاعت الدكتورة والوزيرة السورية بثينة شعبان أن تمتلك في كل شارعٍ بيتاً، لما قصَّرت. ولو استطاعت أن تستحصل من رئيس الدولة كل يوم على استثناء ليسمح لها بالتسجيل في جمعية سكنية جديدة لما قصّرت. من وزارة الخارجية لها بيت، ومن اتحاد الكتّاب لها بيت، ومن المؤسسة العامة للصناعات الغذائية لها بيت بسبب أنها أقنعت الراحل حافظ الأسد بتعيين زوجها العراقي مديرا عاما للصناعات الغذائية. وهي رئيسة تحرير مجلة الآداب الأجنبية، وعضو مكتب تنفيذي في اتحاد الكتاب العرب، وتكتب مقالا اسبوعيا في "الشرق الأوسط" اللندنية، ومقالا اسبوعيا في "تشرين" السورية، ومقالا مثله لدى علي جمالو في موقعه الالكتروني المتورّم. هذا فضلا عن أنها تؤلف كتابا كل شهر يكتبه زوجها في العادة كما يكتب مقالاتها أيضا، وكذلك كانت مترجمة الراحل حافظ الأسد، وهي الآن وزيرة المغتربين، أيضاً..
سرّ قوة بثينة شعبان، خصوصا بعيد رحيل الأسد الأب، هو علاقتها برئيس الاستخبارات السورية اللواء آصف شوكت، فهي صحّحت له مؤلفاته وحسّنت علاقته بالرئيس الراحل ودعمته مع الرئيس الابن الذي كان يفكّر بالاستغناء عنها بسبب عدم حاجته لها كونه يجيد التكلم بالانكليزية أكثر من إجادته العربية. في هذه الفترة الحرجة بالنسبة اليها، ظهرت على "المستقبل" اللبنانية لتقدم عرضا بكائيا على الرئيس الراحل بحيث يتم لفت انتباه الرئيس الابن خصوصا أنها دبّجت له الكثير من العبارت المادحة. واعتبرت أن العالم انتهى بسبب رحيل الأسد الأب. هنا، وعبر خدماتها السابقة لآصف شوكت والعلاقات الطويلة التي كانت تجمعهما وبشرى أخت الرئيس، فقد تمت تزكيتها من قيادة حزب البعث العربي الاشتراكي فرع دمشق لتصبح في اللجنة المركزية (منصب نسينا أن نذكره في البدء!) وبعدها رشحت للوزارة ونالتها ومازالت.
كل ماتفعله الآن، هو الاستغاثة بمراكز الأبحاث الأمريكية التي تدعوها بين فينة وأخرى، تذهب هناك وتحدثهم عن ضرورة أن يتكلم الأمريكيون مع بشار الأسد، وتجتمع لهذا الغرض مع مارتن إنديك تحديدا، الذي مازال يفشّل مساعيها حتى هذه اللحظة. ومهمتها الأخرى هي الظهور على قناة "العربية" أو "الجزيرة" والتحدث عن خطة سورية محكمة لاسترجاع الجولان من خلال صواريخ التوت الشامي أو من خلال زعقة صوت لصباح فخري. وأكثر نقطة تجمعها بالرئيس الشاب هو عجز الاثنين عن لفظ حرف السين، فينطقانه "ثيين" والمشكلة أن أول حرف في اسم الدولة هو السين، فكثيرا مالايعرف المستمعون عن أي بلد تتحدث الوزيرة والرئيس الشاب خصوصا بالقول :" ثووريا ألا حاميها"!
لا تشبع الوزيرة من الوظائف، ولا من الرواتب، ولا من الاستكتاب بالصحف بصفتها كاتبة درجة ثالثة بشخص وزيرة، ولاتشبع من امتلاك البيوت التي تملكها وفاق عددها السبعة بيوت. وهي التي أتت من حمص السورية ومن عائلة فقيرة يزينها الكدّ والعصامية والتعفف، إلا أن الأمر عند الوزيرة بعيد التأثر برامي مخلوف، رمز الفساد المحمي بالرئيس، اختلف وباتت لايسكنها حس بالأمن إلا لو أخذت ربما من أهل الشام بيوتهم. ومابين حماية الدكتورة للفساد كونها جزءا منه بعلاقتها بآصف شوكت ورامي مخلوف وماهر الأسد وبشرى، وتحت عين الرئيس ورضاه، فإن أي سوري يكتفي بالقول لها: ألله لايشَبّعك ..

أعرف هذه الجربانه القرطاء شخصيا وكل ما ذكرته صحيح ولكن نسيت أن تضيف لقب (صطمبه) طوابع وفهمكم بالمكفى فهى من يوم اللى كانت فيه بوزاره المغتربين وتجى عالنمسا تشحد من الجاليه إشتراكات و عضويات وخليها مثتوره بما أنو هى بتقرط بلثاء

[الأدهم]

انا بتمنى من كل واحد من المشتركين انو يعطينا مصدر معلوماتو منين؟؟؟؟؟ يعني ما تحكي شروي غروي !!
وبعدين....اذا كان في فساد بالبلد فكلامك اكبر دليل انو مافي شي مخبى بسوريا...والعالم بتحكي وهذا الشي دليل على تقدم سوريا باتجاه الديمقراطية ... مو مثل باقي الدول ما بتقدر تفتح تمك
مشان هيك فتح عيونك منيح وشنك ادنيك واسماع الاخبار واعرف اذا كانت مظبوطة ولا لا... مع تحياااتي للجميع

[HELEN_شمس وبدهاتغيب]

وباستغراب شديد يسئلون لماذا اخوية محجوبة

ولماذ هذا التعسف
ويرددون اوقفوا حجب اخوية .....,,,,,,,والسؤال كيف والادارة تسمح بمثل هذه مواضيع
لو كان الموضوع محاسبة الدكتور بثينة عن بيوتها واموالها لكان الامر يناقش
ولكن الاساءة والسخرية لشخصية الرئيس ,!!!!!!!!!!!!!!!!!!!!!!!هذه هي الديمقراطية و الحرية
وربما غدا( OUGARIT.COM

[سلام محمود]

يا لطيف هالعالم اللي عم تستميت للدفاع عن ممثلي النظام في سورية..
بعدين شو هالحساسية المفرطة عند سيادة الرئيس و جماعته؟
انت يا آنسه هيلين لو قدمتي خدمة علم متل هالشباب كان فهمتي انو اللي عم نحكيه كلام في غاية اللطف مقارنة باللي بنسمعه هنيك.
طول ما الواحد بالجيش عم يسمع عالطالعة و النازلة كلام ما سمعه بالشوارع.. و كل هالإهانات ما بتقدر تفتح تمك بكلمة.
والسؤال: شو الفرق بيني و بين الرئيس؟ كإنسان؟ كمواطن؟ ليش اذا أنا غلطت عليه أكلت هوا و جنابه ما حدا بيقدر حتى ينتقده أو يسائله ولو بأدب؟!!

[مملكة الورود]

كاتب النص الأصلي : HELEN_شمس وبدهاتغيب

وباستغراب شديد يسئلون لماذا اخوية محجوبة

ولماذ هذا التعسف
ويرددون اوقفوا حجب اخوية .....,,,,,,,والسؤال كيف والادارة تسمح بمثل هذه مواضيع
لو كان الموضوع محاسبة الدكتور بثينة عن بيوتها واموالها لكان الامر يناقش
ولكن الاساءة والسخرية لشخصية الرئيس ,!!!!!!!!!!!!!!!!!!!!!!!هذه هي الديمقراطية و الحرية
وربما غدا( OUGARIT.COM

كلامك مزبوط والله
الحكومة معها حق مية المية

[marochka]

الطريقة اللي مكتوب فيها المقال أنا برأيي نتيجته أنو الناس تدعم الحكومة مو توقف ضدها، لأنو إذا المعارضة بدها تكون بهل الطريقة الغبية والمستفذة واللي بتعتبر أنو كلشي بالحكم أسود ومشحّر، فهي مشكلة، يعني إذا كل موظفين الدولة فاسدين، معناتا الشعب كلو فاسد لأنو بعتقد ما في عيلة إلا وفيها شي حدا موظف بالدولة. أنا بفهم المعارضة البناءة هي اللي بتناقش بمواضيع محددة وبتحارب لإصلاحها، وفي كتير ناس شرفا عم تشتغل بوزارات الدولة وبيقدرو يكشفو عمليات فساد محددة ، وهاد عم يصير كتير.
بس في أشخاص بهل الدولة بيستحقو الاحترام حتى لو ما عجبو كل العالم، يعني الدكتور سعد الله آغا القلعة ممكن ينقال عنو كل شي إلا أنو حرامي أو فاسد، والدكتورة بثينة شعبان، ما فيي أكد أو أنفي اللي مكتوب عنّا فوق، ما عدا قصة حرف السين اللي ما بعرف شو دخلا بالموضوع، بس أنو نقول أنها ما بتفهم وما بتعرف تحكي فبعتقد في شوية مبالغة بهل الحكي.

أما أنو لازم تتسكر أخوية كرمال هيك مواضيع فكمان يعني ما بعرف شو الحكمة من هالشي، عالقليلة هيك في كل واحد يشوف ويناقش و يعارض أو ما يعارض، أما منع الحكي ما بحياتو لغا اللي بدو ينقال.

[العيثوب]

أما أنو لازم تتسكر أخوية كرمال هيك مواضيع فكمان يعني ما بعرف شو الحكمة من هالشي، عالقليلة هيك في كل واحد يشوف ويناقش و يعارض أو ما يعارض، أما منع الحكي ما بحياتو لغا اللي بدو ينقال.[/quote]

مافى دخان من غير نار المسأله ليست حسد ولكن تخنت شوى شو عملت للمغتربين الله وكيلكم بالصدفه السنه الماضيه مريت من حدها ولم أستفيد من الإنتساب إلا بدفع العمله للإجتماعات الدوريه وقال واستنكر وودع ولما جينا عالمطار بكل إحترام حجزوا جواز سفرى وأعطونى ظرفين مغلقين فظنيت أنهم شيكات منحه من الوزاره ولكن طلعوا فواتير و مواضيع و تقارير لازم تتسوى بقا شو رأيكم عوجا وياما حنشوف وروحو ننطح رأسنا بألف حيط

[حلبي]

كاتب النص الأصلي : مملكة الورود

كلامك مزبوط والله
الحكومة معها حق مية المية

و يا كأن الحكومة وصية على البشر

و أنها الأله المقدس

لا يحق لأي كان أن يتسأل لمجرد السؤال

لك تعو أدخلو في نوايا البشر كمان شو قلتي ستي

أقول لقد مر على هذه الأرض طغات و ظلام كانو أشد قوة و بأس أين هم الأن

[كريك]

كاتب النص الأصلي : Elephant And Castle

على فكرى ..ما بعرف ليش الناس بتقول عنها انها متحدثة من الدرجة الأولى ..يعني مرة عملو معها اتصال من الجزيرة انترناشيونال ...و الله انصدمت من لكنتها الأنكيزية المكسرة !! غير هيل مقدم البرنامج عاد عليها نفس السؤال عشر مرات و هي عم تجاوبو بالغرب (درس قومية مبتذل) حتى اخر شي قطع الأتصال

مع العلم انو من كبار المتحدثين عنا بسوريا ....
يعني خلصت الناس بسوريا !

لاء ومو بس هيك... بيقول المقال هون إنو بشار الأسد بيحكي انجليزي أحسن من عربي! وأنا لما شفت مقابلتو مع صحفي قناة أمريكية انصدمت من لكنتو ومن سذاجة تعابيروا بالانجليزي! المقابلة بتلاقيها على يوتيوب.

بس يمكن مرتو لبشار بتعرف انجليزي منيح... بيقولوا إنها عاشت ببريطانيا كل عمرها.
أنا برأيي يحط مرتو وزيرة مغتربين أو حتى وزيرة خارجية بيكون أحسن للبلد... عالأقل حدا بيعرف يحكي طالما ما عنا حدا بيعرف يعمل شي ثاني!