إيران بين الخيانة والكـذب !!!

[nour333]

كاتب النص الأصلي : VivaSyria

أحد عشر يوماً هي المدة التي حددها أمس القائد العام للجيش الإيراني عطاء الله صالحي لتدمير إسرائيل ومحوها من على الخارطة... ليس هذا التصريح بجديد على مقاومي الخطابات الرنانة في إيران فهم يزيلونها من على الخارطة كل يوم وشعوبنا تهلل وتصفق لكن الجديد فيه هو هذه الوقاحة بتحديد مدة الأحد عشر يوماً لإزالة إسرائيل من الوجود...

.

طيب ليه ما نقول انو العيب بشعوبنا اللي عم تنتظر قوة خارجية تيجي تخلصها من اسرائيل وهيه ما بتعمل شي غير التصفيق والتهليل والدعاء الى الله بنصرهم
احنا شعوب اتكالية ولو ما كنا هيك ما كان ايران صارت تعطينا هيك وعود استمدتها من ضعفنا وقلة حيلتنا
بنفس الوقت ما في احد بينكر انو ايران تعد قوة لها وزنها خف او ثقل عالميا وبدل ما نخون او نرفع شأن ايران ليه ما يكونو العرب قوة على الاقل اذا ما استطاعو يستردو حقوقهم المسلوبه ما يسمحو لأي قوة تتعدى على حقوقهم المتبقية

[ابو نجبو]

كاتب النص الأصلي : mhsen77

هالكلام عين العقل
يعني اذا كان كلام قائد الجيش اليراني للاستهلاك الداخلي ولا الخارجي اذا ما كان بيضرنا ليش لحتى نعمل ثورة ضدو؟
ليش لحتى ما نستفيد منو؟

مابعرف بشو عمنتستفيد من مواقفن.....
أنا مالي شايف بمواقف و تصرفات ايران أي نتائج ايجابية....العالم كلو ضد ايران و شفنا شو صار بمؤتمر مناهضة العنصرية...
بالعكس تماماً ....
التسليح الايراني عمبيخربط المنطقة أكتر مما هي مخربطة ...
دخلك شو الفرق بين امريكا و كوريا الشمالية....
الشعب منتعل امو على أبوه و الحكومة عمتصرف مافتح و رزق على تطوير الصواريخ اللي ماحدا بيعرف لمين رح تتوجه بالنهاية....

كاتب النص الأصلي : mhsen77

بس بالاخير قبل ما نطلب من الفرس ولا من الاتراك يحاربو اسرائيل و ينهولنا مشكلتنا معها مو لازم نحنا بالاول نحارب مشان قضيتنا و شو بدنا بغيرنا

جميل هالكلام...

[ابو نجبو]

كاتب النص الأصلي : عياش

ايران اليوم تبحث عن قضية لاستمرار في عسكرة المجتمع الايراني والاستمرار في مشروعها بان تكون دولة ذات تأثير فعال في المنطقة ونحنا لازم نعرف نتعامل مع هاد الأمر بطريقة تخدم مصالحنا وحقوقنا والصراع العربي الاسرائيلي هو مسؤولية عربية أولا وأخيرا لا ايرانية ولا فنزولية.

تماماً....

[عياش]

كاتب النص الأصلي : ابو نجبو

مابعرف بشو عمنتستفيد من مواقفن.....
أنا مالي شايف بمواقف و تصرفات ايران أي نتائج ايجابية....العالم كلو ضد ايران و شفنا شو صار بمؤتمر مناهضة العنصرية...
بالعكس تماماً ....
التسليح الايراني عمبيخربط المنطقة أكتر مما هي مخربطة ...

لما دخلت مصر مفاوضات السلام مع اسرائيل دخلتها من منطلق قوة بعد حرب تشرين وإلا ع شو بدها تتفاوض مع الاسرائيلية وبنفس الوقت دخلتها ع اساس الانسحاب من المعسكر شبه الشرقي بالحرب الباردة لصالح الاستثمارات الاوربية طبعا مصر كانت صارت تقريبا بنص الطريق هداك الوقت لهل الموضوع.

اليوم ما في مجال لحرب مواجهة منظمة بسبب انسحاب مصر من المواجهة وميزان القوى المايل وبنفس الوقت مافي اتحاد سوفيتي نتكتك معو وننحسب عليه لنضحي فيه ومن هون لازم تستنتج أهمية ايران أو بالأحرى لزمتها إلنا ولزمة تسليحها ودعمها العسكري للمقاومة يعني بدال حرب المواجهة حرب المقاومة ودعم فصائل المقاومة وبدال السوفييت الايرانية وإلا ع أي أساس بدنا ندخل أي مفاوضات.؟؟؟

تطلع ع طلبات الادارة الأمريكية وطلبات الاسرائيليين شو هية وقف دعم حزب الله والمنظمات الفلسطينية بالدرجة الأولى وبالتالي هي أقوى نقطة بالمفاوضات بالنسبة إلنا والتانية العلاقات مع ايران كمان هي بتشكل قلق.

من الحكمة السياسية إنو ما نقدم ثمن السلام مجانا وبدون سلام وإلا بعمرها ما بترجعلنا حقوقنا طالما خيار المواجهة مستبعد حاليا نتيجة ميزان القوى المحروف وبالنتيجة هذا رأي.

طيب ليه ما نقول انو العيب بشعوبنا اللي عم تنتظر قوة خارجية تيجي تخلصها من اسرائيل وهيه ما بتعمل شي غير التصفيق والتهليل والدعاء الى الله بنصرهم
احنا شعوب اتكالية ولو ما كنا هيك ما كان ايران صارت تعطينا هيك وعود استمدتها من ضعفنا وقلة حيلتنا

يعني معك حق بس كمان الشعوب من حقها تعيش واليوم ما فيك تنكري إنو المواطن الأردني بحاجة للاستثمارات الأجنبية الغربية يلي رفعت مستوى المعيشة والدخل ومانو مستعد يضحي فيها وهيك حال كل الشعوب حتى الشعب الفلسطيني من حقو يعيش خارج المخيم ويتعلم ويشتغل ويحصل على فرصتو بالحياة ما بدنا نرمي كل الذنب على الشعب بالقليلة لسا شعبنا بينزل للمظاهرات ومالو حديث غير الصاير بغزة وقبلا بالجنوب رغم مضي أكتر من 60 سنة على النكبة.

[nour333]

كاتب النص الأصلي : عياش

يعني معك حق بس كمان الشعوب من حقها تعيش واليوم ما فيك تنكري إنو المواطن الأردني بحاجة للاستثمارات الأجنبية الغربية يلي رفعت مستوى المعيشة والدخل ومانو مستعد يضحي فيها وهيك حال كل الشعوب حتى الشعب الفلسطيني من حقو يعيش خارج المخيم ويتعلم ويشتغل ويحصل على فرصتو بالحياة ما بدنا نرمي كل الذنب على الشعب بالقليلة لسا شعبنا بينزل للمظاهرات ومالو حديث غير الصاير بغزة وقبلا بالجنوب رغم مضي أكتر من 60 سنة على النكبة.

بما انو زكرت مثال الاردن (ارض الانصار) رح قلك شو دخل تطويرنا لنفسنا وانو نكون قوة الها زونا مع علاقتنا بالعالم الخارجي يعني لا بنكون ارهابيين او ضعيفين بس لازم يكون النا استقلالية واكتفاء ذاتي من ناحية مصادر الطاقة والمواد الغذائية الاوليه متل القمح وتوازن بين صادراتنا ووارداتنا حتى نحس انو في علاقة تعايش مع الخارج (يعني الطرفين محتاجين بعض ) مو علاقة تواكل هاد ببساطه القوة اللي قصدتها
اما عن زكر غزة وفلسطين عندي استعداد ارهن انو المواطن العربي زعلو رفع الكاز والبنزيين اكتر من مدبحة غزة لأنا اكتر شي بهمنا قوتنا وقوت عيالنا

[عياش]

كاتب النص الأصلي : nour333

بما انو زكرت مثال الاردن (ارض الانصار) رح قلك شو دخل تطويرنا لنفسنا وانو نكون قوة الها زونا مع علاقتنا بالعالم الخارجي يعني لا بنكون ارهابيين او ضعيفين بس لازم يكون النا استقلالية واكتفاء ذاتي من ناحية مصادر الطاقة والمواد الغذائية الاوليه متل القمح وتوازن بين صادراتنا ووارداتنا حتى نحس انو في علاقة تعايش مع الخارج (يعني الطرفين محتاجين بعض ) مو علاقة تواكل هاد ببساطه القوة اللي قصدتها
اما عن زكر غزة وفلسطين عندي استعداد ارهن انو المواطن العربي زعلو رفع الكاز والبنزيين اكتر من مدبحة غزة لأنا اكتر شي بهمنا قوتنا وقوت عيالنا

هلق يعني برأيك نهضة الأردن قائمة على اكتفاء ذاتي مثلا ولا على الاستثمارات الأجنبية والسياحة وتعويضات ما بعد أيلول الأسود خلينا نكون واقعيين ما ممكن حدا يقنعنا إنو اليوم الأردن عم يقوم بمهمة تطوير نفسو لصالح القضية الفلسطينية ما إنتو اللي اخترعتو شعار الأردن أولا وماليين فيه الشوارع عندكن بدنا كلام واقعي مو منفوق الأساطيح وبعدا الأردن غير قادر على الاكتفاء الذاتي بلد مواردو محدودة (وكل ما يقولا يطلع فيني).

هلق بالنسبة للزعل طبعا حقو المواطن يخاف على عيشتو وعيشت ولادو يعني ما بتوقع يكون في جوعان عم يفكر بحل للقضية الفلسطينية بس ما فينا ننكر التجاوب الشعبي يلي ما زالت تحظى فيه بالشارع العربي بالأخير مش مطلوب من كل مواطن عربي يكون فدائي أو مسيح مصلوب للقضية.

[VivaSyria]

كاتب النص الأصلي : عياش

يعني واضح إنو هاد الخطاب هو للاستهلاك الداخلي بالدرجة الأولى في ايران ثم للاستهلاك الخارجي للفئات والأحزاب المؤيدة لايران في دول المنطقة ويعتبر جزء من الدعاية السياسية العسكرية الايرانية.

شوف صديقي إستهلاك داخلي استهلاك خارجي مابيغير هالشي من مضمون الخطاب... كلنا معودين على الخطابات الراديكالية الإيرانية بس المشكل هون كون هالخطاب وقح وماعم لاقيلو وصف تاني غير وقح وعلى فكرة اذا انت معتبر هالكلام بيساعد الاحزاب الاقليمية المنطوية تحت لواء "الممانعة" الايرانية فأنا بشوفو بالعكس تماماً اضعاف لهالأحزاب على اعتبار السؤال يلي انا طارحو بالموضوع كل الشارع العربي حيسإلو

وبالنسبة لموضوع الخيانة فنحنا لازم نتعلم نستفيد من مواقف الدول يعني لازم نعرف نستغل سياسات الدول يلي بتتقاطع مصالحها الداخلية أو الخارجية مع مصالحنا في استرجاع حقوقنا ونتوقف عن سياسة من ليس معنا فهو علينا لأنو بالنتيجة ماحدا معنا حتى نحنا مش معنا يعني إذا مصر التي تعتبر نفسها قلب الوطن العربي خارج الصراع منذ عقود فأي عرب وأي معنا.

انت عن جد عم تحكي؟؟ نحنا بدنا نتعلم نستفيد من مواقف الدول؟؟ اي ممكن بس منستفيد منها بهدف واحد ويلي هو تثبيت الأنظمة الحاكمة بغض النظر عن القضايا الوطنية...

ايران اليوم تبحث عن قضية لاستمرار في عسكرة المجتمع الايراني والاستمرار في مشروعها بان تكون دولة ذات تأثير فعال في المنطقة ونحنا لازم نعرف نتعامل مع هاد الأمر بطريقة تخدم مصالحنا وحقوقنا والصراع العربي الاسرائيلي هو مسؤولية عربية أولا وأخيرا لا ايرانية ولا فنزولية

النظام الإيراني نظام معسكر ولايحتاج للمزيد من المبررات لعسكرته وإيران شئنا أم أبينا صارت دولة قوية بالمنطقة والمشكلة انو جزء من هالقوة إيران مستمدتو من تحكمها ببعض الدول والأحزاب يلي أنا وياك منعرفها وهالدول والأحزاب باتت ورقة بإيد إيران تستغلها كما يحلو لها...

تحياتي إلك.

[nour333]

كاتب النص الأصلي : عياش

هلق يعني برأيك نهضة الأردن قائمة على اكتفاء ذاتي مثلا ولا على الاستثمارات الأجنبية والسياحة وتعويضات ما بعد أيلول الأسود خلينا نكون واقعيين ما ممكن حدا يقنعنا إنو اليوم الأردن عم يقوم بمهمة تطوير نفسو لصالح القضية الفلسطينية ما إنتو اللي اخترعتو شعار الأردن أولا وماليين فيه الشوارع عندكن بدنا كلام واقعي مو منفوق الأساطيح وبعدا الأردن غير قادر على الاكتفاء الذاتي بلد مواردو محدودة (وكل ما يقولا يطلع فيني).

هلق بالنسبة للزعل طبعا حقو المواطن يخاف على عيشتو وعيشت ولادو يعني ما بتوقع يكون في جوعان عم يفكر بحل للقضية الفلسطينية بس ما فينا ننكر التجاوب الشعبي يلي ما زالت تحظى فيه بالشارع العربي بالأخير مش مطلوب من كل مواطن عربي يكون فدائي أو مسيح مصلوب للقضية.

انا قلت انو عنا بالاردن اكتفاء ذاتي انا قلت شو لازم نكون مو نحنا شو بنكون
وشعار الاردن اولا شعار يطول الحكي فيو وما بدي اطلع عن الموضوع وبعدين هاد الشعار مو ابتكار اردني قبل هيك كان في مصر اولا بس دايما الاردن مشكك بمصداقيتو وانتماءو وباقي الدول العربية منكرة نفسها في سبيل القضية
آخر شي انا ناوي نزل موضوع عن حرب ايلول بالمنبر اللي 90% من المواطنين العرب مو عارفيين شي دقيق عنها وعن اسبابها

[عياش]

انت عن جد عم تحكي؟؟ نحنا بدنا نتعلم نستفيد من مواقف الدول؟؟ اي ممكن بس منستفيد منها بهدف واحد ويلي هو تثبيت الأنظمة الحاكمة بغض النظر عن القضايا الوطنية...

كمان ما فينا ندخل المفاوضات وأيدينا فارغة من أية أوراق ضغط لأنو ساعتها بتنتفي الحاجة أساسا للمفاوضات وموضوع استغلال المواقف كبير وواسع يبدأ من الاستغلال الاعلامي وحتى الدعم العسكري المباشر.

النظام الإيراني نظام معسكر ولايحتاج للمزيد من المبررات لعسكرته وإيران شئنا أم أبينا صارت دولة قوية بالمنطقة والمشكلة انو جزء من هالقوة إيران مستمدتو من تحكمها ببعض الدول والأحزاب يلي أنا وياك منعرفها وهالدول والأحزاب باتت ورقة بإيد إيران تستغلها كما يحلو لها...

هلق إنو النظام الايراني معسكر هي ما منختلف عليها بس بدو قضية ليضل معسكر وليضل عم ياجل الاصلاحات الليبرالية ويتمسك بالتشدد بالأول كان في الثورة الاسلامية وتطبيق الشريعة وبلورة نظام حكم اسلامي شيعي وقبل ما يخلصو بلشو بالحرب العراقية واستمرت فترة طويلة تم فيها عسكرت المجتمع بشكل كامل وهلق عم يكملو بهل الاطار ويتوسعو خارج اطارن وهي بظن ضرورة مستمرة لايران ولغيرها (ضرورة ايجاد قضية للاستمرار بحالة الاستنفار)

وفي موضوع السيطرة الاقليمية لا تنسى إنو مشاركة ايران كظاهرة صوتية بالصراع دعمتها كتير يعني اليوم عم تندعى بصفة مراقب لكتير مجالس عربية مهمة من القمة العربية وإنت رايح وبيبقى لبنان أكبر مثال.

بس دايما الاردن مشكك بمصداقيتو وانتماءو

هاد الأمر بسبب سياسات الأردن ومواقفو كان في ظروف معينة كان في حاجة لاشاعة الاستقرار والرخاء كان في ضغط من الفصائل وشغب ومنافسة معيشية من اللاجئين كان في دوافع متنوعة بس بالنهاية ماحدا بيربح كل شي وهاد سبب التشكيك الدائم بمصداقية الأردن وانتماؤه طبعا يضاف عليها موضوع حرب تشرين وما سبقها من لقاءات.

[wile]

رد على الجميع

ياشباب ما بصير ننسى أو نتناسى أنه إيران مسلمين وبيجمعنا معهم نفس الدين وإنه هارون الرشيد وابنائه مع إننا نمدح فيهم دائما كانو يعتقدون بخلق القرآن يعني مذهبهم غير مذهبنا ومع ذلك كانوا قادة أقوياء حكموا العالم فمو أي واحد مانو من نفس المذهب يعني خلص والمسلمين بهالعالم فوق المليار مسلم ودولهم من حيث الثروات مكملة لبعض فإذا توحدوا رح يصيروا قوة عظمى ونووية فما بصير نقول على أي واحد مو عربي ما همه غير مصالحه الخاصة ومن هالحكي وما لازم ننسى أنه حتى أمريكا مو همها لا المصالح ولا القضاء على العرب ولكن همها القضاء على الإسلام وما في دليل أكبر إلا قول بوش لما بدأت حربه على الإرهاب (بدأت الحروب الصليبية)
أما قول البعض إنه إيران فجأة صارت مهتمة بفلسطين فهالحكي خطأ لأنه المتابع لإيران بيعرف إنه إيران والعراق من لما كانو بحرب مع بعض كانو عم يدعو العالم العربي و الإسلامي ليوقفو بوجه إسرائيل ولكن لا حياة لمن تنادي
أما الأردن فما بصير ننسى إنه وقف مع العراق أيام حرب الخليج وهو الدولة الوحيدة في العالم الي وقفت مع العراق وساعدته ليواجه العالم

رجاء يا شباب الي بدو يحكي أي شي يكون واقعي ومنطقي وما بصير الواحد يقول الي بيسمعه على وسائل الأعلام بدون ما يشغل مخه (مع إحترامي للجميع) لأنه يا شباب ما حدا مستفيد سوا أمريكا ووراها حلفائها إنتبهوا لهالشغلة وفكروا فيها منيح

((نحن قوم أعزنا الله بالإسلام فإن إبتغينا العزة بغيره أذلنا الله))

[عياش]

جزاك الله عنا كل خير يا أخ wile.... مشكلتنا أننا نقع بالفتنة ونحتاج دوماً لأخ واعي ذو نظرة متسامحة من أمثالك لينير لنا صراط الحق ..... ولكن أحفاد القردة والخنازير ما فتئوا يزكون نار الفتنة بيننا يريدون ألا يلتئم شملنا وألا تتوحد كلمتنا وألا تعلو رايتنا مستغلين أحقادنا وتعصبنا وجهل بعض الأخوة من الذين يغرر بهم....بالإضافة طبعا لعجزنا عن اعمال عقلنا وتحكيم ديننا فيما تبثه وسائل الإعلام وهم يدسون السم في الدسم لنستطيبه ونفسد أدمغتنا به حاربهم الله....جزاك الله عنا كل خير.
وإن كنت أصبت فيما أسلفت فمن الله وإن كنت أخطأت فمن نفسي الأمارة بالسوء.
والسلام عليكم ورحمة الله وبركاته

[Elephant And Castle]

احذروا من أيران ..

[همس الياسمين]

ايران الغول بدها تهجم على الخراف الضادية وتلتهمهم حتى اخر نعجة اي احذرو ا ايران !!

انو أديش العرب بيموتو بدور الضحية وروح قلبهم يلعبو شخصية القتيل

كل شعوب الأرض وشعوب الكواكب المجاورة والغير مجاورة عم تتأمر علينا نحنا العرب المساكين الدرويش المعترين

؟؟ العرب كلمة كسيحة صابها الهلع والجزام والخرف وانفلونزا الجرجير ((عشبة ))
بس تفيقو عملولي مس كووووووول شي بيخجل

بكرهك أيران ياغول بياكل العرب

العو الايراني

[Elephant And Castle]

كاتب النص الأصلي : عياش

جزاك الله عنا كل خير يا أخ wile.... مشكلتنا أننا نقع بالفتنة ونحتاج دوماً لأخ واعي ذو نظرة متسامحة من أمثالك لينير لنا صراط الحق ..... ولكن أحفاد القردة والخنازير ما فتئوا يزكون نار الفتنة بيننا يريدون ألا يلتئم شملنا وألا تتوحد كلمتنا وألا تعلو رايتنا مستغلين أحقادنا وتعصبنا وجهل بعض الأخوة من الذين يغرر بهم....بالإضافة طبعا لعجزنا عن اعمال عقلنا وتحكيم ديننا فيما تبثه وسائل الإعلام وهم يدسون السم في الدسم لنستطيبه ونفسد أدمغتنا به حاربهم الله....جزاك الله عنا كل خير.
وإن كنت أصبت فيما أسلفت فمن الله وإن كنت أخطأت فمن نفسي الأمارة بالسوء.
والسلام عليكم ورحمة الله وبركاته

هلئ الكلام هون جد ولا مزح !!

كيف بتدعي للتسامح و بتقول عن الغير ابناء القردة و التماسيح !!!

ثانيا ايران عم تنهج الطريق الأقذر للوصول لغاياتها ...و هو اللعب على الوتر الديني ...يعني متل مو العثمانيين رجعونا الف سنة تحت زريعة الحكم الديني ...كمان أيران عم تحاول نفس الشي ..بس بطريقة اكثر قذارة بما انو عم توظف الطائفية مشان تمشي امورها

[Elephant And Castle]

كاتب النص الأصلي : همس الياسمين

ايران الغول بدها تهجم على الخراف الضادية وتلتهمهم حتى اخر نعجة اي احذرو ا ايران !!

انو أديش العرب بيموتو بدور الضحية وروح قلبهم يلعبو شخصية القتيل

كل شعوب الأرض وشعوب الكواكب المجاورة والغير مجاورة عم تتأمر علينا نحنا العرب المساكين الدرويش المعترين

؟؟ العرب كلمة كسيحة صابها الهلع والجزام والخرف وانفلونزا الجرجير ((عشبة ))
بس تفيقو عملولي مس كووووووول شي بيخجل

بكرهك أيران ياغول بياكل العرب

العو الايراني

هههههه ..العو الأيراني ..مصطلح جديد بعالم السياسة

اوكي

احذروا العو الأيراني

[همس الياسمين]

كاتب النص الأصلي : Elephant And Castle

هههههه ..العو الأيراني ..مصطلح جديد بعالم السياسة

اوكي

احذروا العو الأيراني

عجبك صح يلعن ديبي أنا شايف كيف بفهم عليك روح ألبك العو متعود على شوفت العوعوات ((شلون بتنجمع كلمة عو )) انشالله ياكلك العو

[mhsen77]

كاتب النص الأصلي : Elephant And Castle

هههههه ..العو الأيراني ..مصطلح جديد بعالم السياسة

اوكي

احذروا العو الأيراني

دخلك و مع اي عو لازم نوقف لحتى نشوف مصالحنا ؟
بتعرف انو بالسياسة لازم تكون مع عو اكبر منك حتى يحميلك مصالحك بهالزمن هاد

و من المثال السابق لازم تكون اي دولة مسنودة من دولة قوية حتى تمشي مصالحها
فا يا ريت تقترح عالحكام العرب شي عو بلكي بستفيدو من نصيحتك وبتكسب فيهون حسنة

[عياش]

كاتب النص الأصلي : Elephant And Castle

احذروا من أيران ..

هلق احذروا التدخين لأنو يؤدي لأمراض قلبية ووعائية ويضر بالجنين والحامل واحذروا من

المخدرات لأنها تسبب الإدمان وتدمر متعاطيها واحذروا توتر عالي لأنو بتحرق أصابيعك بس

هيك احذروا ايران ليش؟؟؟؟؟