الاقليات وانتماءاتها القومية

[باشق مجروح]

كاتب النص الأصلي : maged-syrian

الاتراك والتركمان عندهم نزعة عنصرية تجاه العرب وبالاخص الذئاب التركية وهاد الشيء لاحظتو من خلال عملي معهم ... بيكرهوا شي اسمو عرب وبيطلقوا مسمى زنوج الصحراء على العرب .... هاد من عدا حبهم للسيطرة والتوسع على حساب الطرف الاخر ... والكبرياء الزايد و و و من مواصفات سيئة وفي عنكم مثل مشهور بتركيا "" اشرب الشراب .. و@#@# العرب وفهمكم كفاية ... لذلك انا اشد على أيدي المخابرات أنها ماتقصر مع التركمان باعتبارهم عنصريين متشددين وولائهم المطلق لتركيا الى أن يثبتوا وطنيتهم وولائهم لسوريا ..

يا صديقي التخويف من الاقليات سياسة قذرة . والقمع مستحيل يجيب نتيجة فيها خير للبلد . الانفتاح على الاقليات هو الحل والدليل أكراد تركيا الي انخرطو تماماً بالمجتمع التركي وصارو جزء من الأمة التركية مع الاحتفاظ ببعض العادات والولاء المشروع .
التخويف من عدو وهمي بيعطي السلطة ميزتين : الاولى مساندة الشعب لها في القضاء على اي فئة تشعر بخطرها على وجودها وسلطتها. والثانية : عدم تفكير الشعب بالتغيير لظنه بأن كل فئات الشعب الاخرى هي خطر على وجوده وان الفئة الحاكمة ( بكل سيئاتها ) تحمي هذا الوجود .

[mhsen77]

كاتب النص الأصلي : عياش

وشو يعني أكتر من مليون بيبقو أقلية سوريا 20 مليون لانو إذا عالحسبة العددية شو وضع الفلسطينية والعراقية.

مشكلة الأكراد هي محاولتن تطبيق ما حدث في العراق هنا بسوريا رغم الاختلاف الشاسع والجوهري سواء من ناحية التركيبة الديمغرافية أو من ناحية الأكراد أنفسهم يعني اليوم الأكراد السوريين يلي أغلبيتهن بيسكنو بالريف غير قادرين على ادراة حكم ذاتي ولا يملكون الحد الأدنى من الكفاءات اللازمة.

مرحبا يا معلم
اولا انا قلت انو عددون اكتر من مليونين و يمكن يكونو تلت ملايين مو مليون يعني نسبتهن بسوريا بتجاوز ال 10% من تعداد السكان و اذا عرفنا انو نسبة الاقليات بسوريا بتتجاوز ال 50% يعني هنن اكتر من 20% من الاقليات بهالحسبة هي ما بيكونو ابدا اقلية
و مشان المشكلة مع الاكراد انا معك انو هيدا هوي السبب و يمكن هالسبب من زمان بس مابين بشكل واضح الا بعد غزو العراق

كاتب النص الأصلي : Nihal Atsiz

يا زلمة يستر على عرضك لا تخبص بالحكي لأنو هون الحكي مو ببلاش

بقى لا تجيبلي حكي مغلوط من راسك

اي خيو وضعون كتير تمام
انا رئيسي بالشغل تركماني وزميلي كمان تركماني و ما شا الله عيلهن شباب طيبين و كل شي واصلهن متلهن متل اي موظف تاني بالشركة
بس يا حبيب اذا بدك تعمل دولة تركمانية ضمن سوريا اكيد ما حدى بيسمحلك متل ما تركيا ما بتسمح تقوم دولة للاكراد ضمن اراضيها

[Abu ToNi]

كاتب النص الأصلي : MadMax

هامش صغير


بظن الحالة الارمنية .. حالة خاصة .. ما بتشبه الاقليات التانية بسوريا

الأرمن بيختلف واقعن من محافظة لتانية
بالشام شبه منحلين بالمجتمع وما بتحس عندن ايا نزعة لقوميتن بعكس حلب تماما

الارمن الحلبية متكتلين بمناطق خاصة فين " يمكن هلشي مالن ذنب فيه كون حلب كلها موزعة طائفيا -قوميا " المدارس التابعة للمؤسسات الأرمنية بتفرض دراسة اللغة الأرمنية على طلابها .. وبنفس الوقت بتحط عراقيل اما انضمام الطلاب غير الأرمن للمدارس .
في عندن تجمعاتن الاجتاماعية الخاصة " حزب طاشناك على سبيل المثال " بمحاولة لتحزيم الارمن وتنسيبن لهيكلية بشارك فيها كل ارمني .

يمكن ما عندن طموح بعيدة متل انشاء دولة او الحصول على حكم ذاتي .. الا ان قوميتن عايشة وفي الها اسمائها ولحد اللحظة ملف المحرقة اللي مورست على الارمن مانه مسكر ويعتبر الحصول على اعتراف دولي بالمجزرة الأرمنية احدا احلام القومية الارمنية

لهيك ما ترددت بأني اشمل الارمن مع التركمان والاكراد كأقليات محافظة على قوميتا .

[MadMax]

كاتب النص الأصلي : Abu ToNi

الأرمن بيختلف واقعن من محافظة لتانية
بالشام شبه منحلين بالمجتمع وما بتحس عندن ايا نزعة لقوميتن بعكس حلب تماما

الارمن الحلبية متكلتين بمناطق خاصة فين " يمكن هلشي مالن ذنب فيه كون حلب كلها موزعة طائفيا -قوميا " المدارس التابعة للمؤسسات الأرمنية بتفرض دراسة اللغة الأرمنية على طلابها .. وبنفس الوقت بتحط عراقيل اما انضمام الطلاب غير الأرمن للمدارس .
في عندن تجمعاتن الاجتاماعية الخاصة " حزب طاشناك على سبيل المثال " بمحاولة لتحزيم الارمن وتنسيبن لتمجع بيشملن

يمكن ما عندن طموح بعيدة متل انشاء دولة او الحصول على حكم ذاتي .. الا ان قوميتن عايشة وفي الها اسمائها ولحد اللحظة ملف المحرقة اللي مورست على الارمن مانه مسكر ويعتبر الحصول على اعتراف دولي بالمجزرة الأرمنية احدا احلام القومية الارمنية

لهيك ما ترددت بأني اشمل الارمن مع التركمان والاكراد كأقليات محافظة على قوميتا .

الارمن بالاساس ... مو أقلية سورية
يعني ما عندون تاريخ سوري ...
هني لجأوا لسوريا .... و بعدين أخدو الجنسية و صاروا مواطنين سوريين

بس هادا ما بيعني أنو نصير ندرّس التاريخ الارمني .. و اللغة الارمنية بمدارسنا


يعني مثلاً ...عدد الجزائريين يللي بفرنسا ...أكبر بكتير من ارمن سوريا ... ما شفنا فرنسا اعترفت باللغة العربية لغة رسمية بفرنسا

[عياش]

كاتب النص الأصلي : mhsen77

مرحبا يا معلم
اولا انا قلت انو عددون اكتر من مليونين و يمكن يكونو تلت ملايين مو مليون يعني نسبتهن بسوريا بتجاوز ال 10% من تعداد السكان و اذا عرفنا انو نسبة الاقليات بسوريا بتتجاوز ال 50% يعني هنن اكتر من 20% من الاقليات بهالحسبة هي ما بيكونو ابدا اقلية
و مشان المشكلة مع الاكراد انا معك انو هيدا هوي السبب و يمكن هالسبب من زمان بس مابين بشكل واضح الا بعد غزو العراق

لو فرضنا جدلا أن الأكراد بيشكلو 20% من الشعب السوري فهذا لا يعني أبدا أنهم ليسوا أقلية أي أنهم أكثرية بل يعنيي ببساطة أكبر الأقليات الأكثرية هنن كل شي بيرتفع عن 50% بظن هي هية النسبة المعتمدة.

هلق في أمر الدولة الكردية فمقومات قيامها في سوريا شبه معدومة لا الشعب الكردي المعظمو بيشتغل بالزراعة عندو الكفاءات المناسبة ولل التوزيعة الديمغرافية للأكراد ممكنة ولا الظرف الدولي ممكن حتى التعاطف الشعبي غير موجود ولازم ما نغفل إنو موال الحكم الذاتي ما بيمثل المزاج الكردي العام لانو عبر تاريخ سوريا الحديث شهدنا مواقف لمواطنين أكراد برهنوا فيها عن روح وطنية عالية وهالشي ما بيجي من فراغ طبعا.

بالنهاية بشوف إنو الانفتاح على الأكراد وتحسين وضعن المعيشي أهم بالنسبة إلون من أي حكم ذاتي أو ماشابه.

[Abu ToNi]

كاتب النص الأصلي : MadMax

الارمن بالاساس ... مو أقلية سورية
يعني ما عندون تاريخ سوري ...
هني لجأوا لسوريا .... و بعدين أخدو الجنسية و صاروا مواطنين سوريين

بس هادا ما بيعني أنو نصير ندرّس التاريخ الارمني .. و اللغة الارمنية بمدارسنا


يعني مثلاً ...عدد الجزائريين يللي بفرنسا ...أكبر بكتير من ارمن سوريا ... ما شفنا فرنسا اعترفت باللغة العربية لغة رسمية بفرنسا

يمكن صار سوء تفاهم بيناتنا
انا بشوف الارمن وخاصة بحلب .. " ببقية المحافظات وضعن مختلف كتير " مجموعة بترفض الاحتكاك مع البقية ولحد معين عندن نظرة فوقية لحد اللحظة ما عرفت شو مصدرها
بيمتلكوا كل عوامل لحتى نسميهن قومية .. انما فينا نعتبرا قومية سلمية ما بتطمح باقامة دولة بعكس ما تعودنا من القوميات الأخرى .
الارمني بيمتلك مجتمع خاص فيه وعايش بشكل منغلق تماما فيه ، بيمتلك لغة مشتركة بتجمعه مع الأرمني فقط ، حتى بيملك انشطة ونوادي رياضية ( يرموك ... عروبة )
بيمتلك طموح قومية عليا بتجمع الأرمن مع اختلافات اللي صايرة بين الحزبين الأرمنيين .. الطموح هي بالحصول على اعتراف دولي بصحة المعلومات التاريخية الدالة على المجازر التركية الممارسة بحق الأرمن .

فالأرمنية قومية حية وناشطة ومافينا ننكر وجودها .. ان كانت سلمية هاد ما بيعني انحلالها ابدا بالمجتمع السوري
وعلى فكرة وقت بتوقف مع شخصين ارمنيين بيبدوا بيحكوا مع بعض بالارمني بشكل مستقصد ليحسسوك بعدم رغبتن يوقفوا معك انه تعلم ارمني وتعال احكي معنا نحن وقت منكون مع بعض هيك منيحكي

[Nihal Atsiz]

كاتب النص الأصلي : mhsen77

اي خيو وضعون كتير تمام
انا رئيسي بالشغل تركماني وزميلي كمان تركماني و ما شا الله عيلهن شباب طيبين و كل شي واصلهن متلهن متل اي موظف تاني بالشركة
بس يا حبيب اذا بدك تعمل دولة تركمانية ضمن سوريا اكيد ما حدى بيسمحلك متل ما تركيا ما بتسمح تقوم دولة للاكراد ضمن اراضيها

أولا الأكراد اذا بدن يعملوا دولة فيمكن الجغرافية بتساعدن بسوريا ولكن بالنسبة لإلنا ممكن تقلي شو هي حدود دولتنا المزعومة داخل سورية؟
بعدين شو عم تحكي شركة وزميلي ومابعرف شو, حبيبي أنا بدي حقوق لغوية وثقافية فقط.
ممكن تقلي ليش ممنوع علينا نعمل مدارس تركمانية على غرار المدارس الارمنية السريانية الشركسية
ممكن تقلي ليش ممنوع علينا نعمل جمعيات خيرية تركمانية ولك جمعيات خيرية يا عالم متل باقي الاقليات
ممكن تقلي ليش ممنوع علينا نعمل صحف او مجلات باللغة التركمانية متل الارمن

نحن مو أخدين هالشغلات البسيطة لحتى بدك ايانا نعمل دولة موجودة في خيال البعثيين

[MadMax]

كاتب النص الأصلي : Abu ToNi

فالأرمنية قومية حية وناشطة ومافينا ننكر وجودها .. ان كانت سلمية هاد ما بيعني انحلالها ابدا بالمجتمع السوري
وعلى فكرة وقت بتوقف مع شخصين ارمنيين بيبدوا بيحكوا مع بعض بالارمني بشكل مستقصد ليحسسوك بعدم رغبتن يوقفوا معك انه تعلم ارمني وتعال احكي معنا نحن وقت منكون مع بعض هيك منيحكي

اي الارمن قومية مهمة ما حكينا شي ..
بس مانها قومية سورية

يعني ما الهم حق مهضوم بسوريا

بالعكس .. سوريا صاحبة فضل عليهم لما استقبلتهم

و كمان هني الهم فضل عالمجتمع السوري ... بمساهمتهم فيه بإيجابية

[Nay]

بمجتمعاتنا العربية بشكل عام والسورية بشكل خاص ما في شي اسمو انتماء وطني او انتماء قومي متل ما حكيت سابقا بموضوع الاثنيات ، الانتماءات دايما للاثنية اللي بينتميلها الشخص مو لوطنو..
يعني انا علوي قبل ما كون سوري
وانا كردي قبل ما كون سوري
ومسيحي قبل ما كون سوري
يعني الشخص انتماؤه لجماعته الاثنية هوي الاساس اللي بيفرض عليه انو يرفض الانتماء للمكان وللجغرافية بل يرفض الانسان كفرد مستقل بعيد عن تأثيرات عشائرية الطابع
ودولة المؤسسات التي تؤمن للفرد هوية هي الاساس في تكوين الوطن والانتماء له
وسأستعير جملة لاحد الاصدقاء لاقول ضاع الانتماء الوطني وحل محله انتماء بل انتماءات اضيق من المكان وابعد من الانسان

[Nay]

كاتب النص الأصلي : Abu ToNi

شو هوي الحل المناسب للتعامل مع الاقليات غير المنخرطة وغير المنحلة ؟

منطقيا مافي غير حلين .. اما توفير جو مناسب لتنمية المشاعر القومية او اجراء عدة مدايقات بمحاولة لنزع الهوية القومية وسحب الشرعية من وجودا .

ومن جهة تانية .. الشخص اللي بيحمل اصول قومية غير سورية وسائبت الايام مع اجداد اجداده للهجرة للبقعة المدعوة سوريا
بأي حق فينا نطالب بنسيان هويته وانتماءاته والا منسحب عنه شرعية الوجود بالدولة اللي خلق فيها ؟ ما بالاخير الوطن وطنه تماما متل ما هوي وطني فعلى ايا منطق بدي اظلمه وجرده من حق المواطنة ؟

سمعونا رأيكم

صديقي ابو طوني..
توجد الاقليات بكثرة في البلاد التي تكونت على اساس الهجرة يعني بشكل خاص العالم الجديد كندا امريكا و استراليا ونيوزيلندا .. ومنشوف انو في تجربة انسانية قيمة ومهمة بهيدي البلد..
لم تحارب الانتماءات القومية ولا الدينية وفي ظل دولة المؤسسات الل حكينا عنها الانسان صار حرا وصارت علاقته بقوميته القديمة حاجة عاطفية لا حاجة مادية نفعية.. وبذلك صارت علاقته بوطنه الجديد علاقة بلد يؤمن له العمل والحرية والحق في المشاركة باتخاذ القرار..
بمعنى اخر نحن في وطن يشعر ابناؤه بالانتماء له بالكاد.. فكيف نستطيع ان نطلب من الاقليات الغير عربية الانتماء له

على الهامش: بيلفتني كلام الاصدقاء والاقرباء المهاجرين لاوروبا او كندا انو بيصيرو يحكو بلغة " عنا بكندا منعمل هيك" او عنا بفرنسا منروح..." بهي الطريقة بيلفتني الانتماء اللي بيتكون بسرعة عند هدول الاشخاص لبلد ما كانو بيعرفوه قبل خمس سنوات مثلا

[Nay]

من مقال للدكتور خالص جلبي " نوستالجيا عندما حصل على الجنسية الكندية"
كانت القاضية الكندية تنطق بكلمات واضحة بطيئة تكررها باللغتين الفرنسية والإنكليزية: أيها السيدات والسادة نحن نعلم الرحلة الصعبة التي قطعتم، والأوطان الغالية التي فارقتم، طمعاً بمصير أفضل، لتستقروا في هذا البلد الرائع.
أيها الناس نحن فخورون بهذا الاستقطاب لثمانين إنسان ينتمون إلى ما يزيد عن ثلاثين جنسية؟
تابعت: دخلتم هذه القاعة مهاجرين، وتخرجون منها مواطنون مثلي لا أتميز عنكم بشيء. الحق أقول لكم ادخلوا هذا البلد بسلام آمنين، واعتنقوا الدين الذي به تؤمنون، وتنقلوا واعملوا في أي مكان تحبون، وادخلوه وغادروه في اللحظة التي ترغبون، تعلموا قول الحق والعمل به، وفي ذلك لومة لائم لا تخشون. علَّموا أولادكم ذلك، وعلى محاربة كل ألوان التمييز العنصري والجنسي كونوا حريصين.

في النهاية ختمت القاضية خطبتها: والآن قوموا فليسلم بعضكم على بعض فقد أصبحتم بنعمة الله إخوانا. عندها لم يتمالك معظم من في القاعة عن إمساك دموعهم، مبللة بذكريات مؤلمة من جمهوريات الخوف ودياسبورا التشرد.
كان أكثر الباكين شهيقا عائلة فلسطينية، امتلأت منها المآقي بالدموع واحمرت الأحداق.

[Abu ToNi]

كاتب النص الأصلي : Nay

صديقي ابو طوني..
توجد الاقليات بكثرة في البلاد التي تكونت على اساس الهجرة يعني بشكل خاص العالم الجديد كندا امريكا و استراليا ونيوزيلندا .. ومنشوف انو في تجربة انسانية قيمة ومهمة بهيدي البلد..
لم تحارب الانتماءات القومية ولا الدينية وفي ظل دولة المؤسسات الل حكينا عنها الانسان صار حرا وصارت علاقته بقوميته القديمة حاجة عاطفية لا حاجة مادية نفعية.. وبذلك صارت علاقته بوطنه الجديد علاقة بلد يؤمن له العمل والحرية والحق في المشاركة باتخاذ القرار..
بمعنى اخر نحن في وطن يشعر ابناؤه بالانتماء له بالكاد.. فكيف نستطيع ان نطلب من الاقليات الغير عربية الانتماء له

فيني افهم منك بأن في ازمة " انتماء " بشكل عام ؟

بالنسبة دول عالم الجديد فكلامك صحيح وبزيد عليه بأن اميركا اكبر مثال قدامنا على دولة متعددة الفئات القومية وبشكل المواطنين غير الامريكيين الاصل نسبة كبير .. بس شو هوي الاجراءات اللي صارت والطرق المتبعة بالتعامل مع الاقليات لحتى يحسوا بأنهم معنيين ببناء البلد ومعنيين بالمحافظة عليه وتطويره .. بمعنى تاني هنن بينتموا اله ؟

خطبة القاضية مؤثرة وكلماتها حلوة ومعبرة
بس في حالتنا .. انتِ قلتِ بان المواطن السوري " العربي " ماعنده روح الانتماء للارض فكيف بدنا نزرعا بالاقليات القومية او العرقية ؟

كيف بتم تشكيل الانتماء للفرد وكيف بتم حضن انتماءه وترقيته وتوجيهه ... بالاصل هل يمكن توليد الانتماء وتوجيهه ؟

على الهامش: بيلفتني كلام الاصدقاء والاقرباء المهاجرين لاوروبا او كندا انو بيصيرو يحكو بلغة " عنا بكندا منعمل هيك" او عنا بفرنسا منروح..." بهي الطريقة بيلفتني الانتماء اللي بيتكون بسرعة عند هدول الاشخاص لبلد ما كانو بيعرفوه قبل خمس سنوات مثلا

عيفيا على الله
بابا سافر على فينزويلا 6 اشهر رجع عما يحكيلنا " عندن " بفينزويلا كيف بتصير الافراح والاعراس والمظاهرات والاحتجاجات

[Nay]

كاتب النص الأصلي : Abu ToNi

فيني افهم منك بأن في ازمة " انتماء " بشكل عام ؟

بالنسبة دول عالم الجديد فكلامك صحيح وبزيد عليه بأن اميركا اكبر مثال قدامنا على دولة متعددة الفئات القومية وبشكل المواطنين غير الامريكيين الاصل نسبة كبير .. بس شو هوي الاجراءات اللي صارت والطرق المتبعة بالتعامل مع الاقليات لحتى يحسوا بأنهم معنيين ببناء البلد ومعنيين بالمحافظة عليه وتطويره .. بمعنى تاني هنن بينتموا اله ؟

خطبة القاضية مؤثرة وكلماتها حلوة ومعبرة
بس في حالتنا .. انتِ قلتِ بان المواطن السوري " العربي " ماعنده روح الانتماء للارض فكيف بدنا نزرعا بالاقليات القومية او العرقية ؟

كيف بتم تشكيل الانتماء للفرد وكيف بتم حضن انتماءه وترقيته وتوجيهه ... بالاصل هل يمكن توليد الانتماء وتوجيهه ؟

الوطن بجغرافيته.. لما بيحترمك بيحترم خصوصيتك الشخصية والثقافية ... بيمنحك حياه محترمة كانسان.. حرية لتعبر عن ارائك.. وحق بالاشتراك باتخاذ القرارات المصيرية فيه.. وقتها ممكن تحس انك مو بحاجة لتنتمي لقبيلتك او عشيرتك او طايفتك لحتى تحمي نفسك.. وانتمائك لهي القبيلة او الطايفة رح ياخد منحى مختلف منحى عاطفي متل ما حكيت قبل ومنحى بعيد عن العصبية والتعصب والغاء الاخر
وقتها بتحترم هادا البلد و بيخف شعور اللامبالاه تجاه هذا الوطن اللي اكثر شي ممكن تشعرو تجاهو هوي الشفقة.. كل الشباب السوري تقريبا عندون شعور بللامبالاه تجاه هادا الوطن وكلمة من نفس المقال لخالص جلبي.. ربما اتمنى ان ادفن في هذا الوطن لكنني متأكد انني لا أريد ان اعيش فيه

[MadMax]

على هامش الموضوع ..
أحلى ما في سوريا هو الفسيفساء يللي بتكوّن مجتمعها
التعددات الدينية و العرقية و القومية ....
و هادا مصدر غنى لسوريا .. مو مصدر ضعف


المجتمع السوري عندو طاقات كبيرة ... بس بينقصو المناخ الملائم ليقدر يظهرها

[..AHMAD]

أستغرب كيف لـ فئة كبيرة من العالم الجرأة بأنها تطالب بحقوقها كـ سوري ... دون إنكار انو عمتحكي بصفتها / شيء ما غير سوري "هندي على سبيل المثال" / .

بس تعتبر حالك أقل ما يمكن / سوري / وتهتم فيما يتعلق بسوريا الوطن فقط وتنسالي تاريخك السابق ... وقتها ممكن منطقياً اتقبل مطالبتك بحقوقك كـ سوري

أحلى ما في سوريا هو الفسيفساء يللي بتكوّن مجتمعها
التعددات الدينية و العرقية و القومية ....

لما يكونو تحت الغطاء الوطني ... وقتها بكون مافي احلى منهن لكن طالما التعدد الديني عميسعى لإيجاد الانتماء الديني فقط ... كما العرقي بيسعى للانتماء العرقي فقط والقومي للانتماء القومي فقط ... ما بقدر اعتبرهن جمالية فسيفساء سوريا ، بل بقدر اعتبرهن / جلغمة/ ع لوحة غاية في الجمال ... تدعى سوريا.

[MadMax]

كاتب النص الأصلي : ..AHMAD

لما يكونو تحت الغطاء الوطني ... وقتها بكون مافي احلى منهن لكن طالما التعدد الديني عميسعى لإيجاد الانتماء الديني فقط ... كما العرقي بيسعى للانتماء العرقي فقط والقومي للانتماء القومي فقط ... ما بقدر اعتبرهن جمالية فسيفساء سوريا ، بل بقدر اعتبرهن / جلغمة/ ع لوحة غاية في الجمال ... تدعى سوريا.

أنا بشوف أنو أصوات التعصب الديني أو غيرو .. هيي أصوات شاذة
بس هادا ما بيمنع من احترام خصوصية كل فئة من هالفئات


و بالنهاية .. ما بحب اللوحات الباهتة ... يللي ما فيها غير لون واحد



تعدد الالوان .. هو يللي بيمنح اللوحة روعتها

[المحارب العتيق]

هلأ بس نخلص من الأنتماء القومي

حكولنا عن الأنتماء الطائفي . لنشوف شو ممكن يبقى معنا من سورية

[..AHMAD]

حكولنا عن الأنتماء الطائفي . لنشوف شو ممكن يبقى معنا من سورية

سوريا*