هل لنا ببعض العدل , والوعي !

[Nay]

كاتب النص الأصلي : ooopss

[FONT='Arial','sans-serif']

انا متلكن عم طالب بالعدل وبتغيير هالقوانين وتنفيذها , وأكيد ما عم اتخلى عن هالحقوق
بس يلي قصدتو من هالكلام : لو كان للمرأة دخل مستقل وثابت ما كانت هالقوانين أثرت هالتأثير الكبير ع حياتهن
وخلت امرأة تتخلى عن أولادها , أو تعيش مع شخص مابدها ياه لمجرد أنها محتاجتو ماديا ومافي مكان تاني تروح عليه ماكانت مضطرة تنتظر قوانين بدها كتير سنين لتصير مناسبة

مزبوط؟

[/font]

كتيييييييييير مزبوط كمان اضافة لهيك انو المرأة مو لازم تربط مصيرها وحياتها بدعم مادي من اي شخص واللي ما قدرت تحصل تعليم جامعي ممكن تعمل متل كتير نساء خياطات او اشتغلو بالصوف وربو ولادهن المهم تكون شخص مستقل ماديا

[nour333]

كاتب النص الأصلي : ..Jimy

أكيد مو هون

لا في كتير ناس مو معها وانا منن

ليكي هلئ إذا كل زوجين جابو ولدين..فهيك بنحافظ ععدد السكان الحالي.. اي زيادي عن هيك مشكلي .. هيدا ما في خلاف عليه..
يعني احنا ببيتنا في 5 زياده
اما مشان انو بعد 9 شهور يجيبو ولد مو مشكلي ..لأ مشكلي ومشكلي كبيري كمان.. في حال كانو شباب..

(بنصيحة مني شخصيا )

بالعكس انا شايفها شغله منيحه بصراحه بعتبرها مصيبه ازا مو بعد 9 شهور كان عندن ولد شو استفادو من هالجوازه

[..AHMAD]

يعني الموضوع كلو مرتبط بقانون الأحوال الشخصية .. اللهم اجعله قانون، ما بقدر اعتبره قانون تم وضعه للشعب إنما بقدر اعتبره قانون قانون استفزازي درجة أولى وما شغلتو إلا زيادة بالكبت والخنق الي صاير بالأوساط.
هلئ النقطة المهمة من هاد القانون ، من أول مادة لآخر مادة فيه مما يتعلق بالمرأة ما شفت ولا نقطة إيجابية بمعناها التام تجاه المرأة... ابتداءً بالمادة الي بتخص حضانة الأطفال هالمادة اللي ضلو عميكعو فيها كذا سنة ليعدلوها وعدلوها اخيراً بسنة ال 2005 على ما اذكر مع انه مش هاد التعديل الي كانو بيطمحولو لكنه اجا اخيرا وان تصل متأخراً خير من الا تصل ابداً .. بالنسبة لقولي مو هاد التعديل الي كانو بيطمحولو كان من أهداف تعديل هالقانون هو إلزام الدولة أو اي جهة ما غير المرأة الحاضنة لهالطفل بتأمين مسكن للحاضنة والمحضونين وتم جمع أكتر من 15 ألف توقيع ما قبل التعديل مشان هاد الشرط لكن هال 15 الف توقيع ومعظمهن من المحامين بالدرجة أولى وبالدرجة التانية من الشخصيات المؤثرة بالوسط الاجتماعي الثقافي والسياسي والحقوقي لكن كل هدول قوبلو بالرفض ونامو عالسيرة واكتفو فقط برفع السن.
بالإضافة لهالثغرة بهالقانون بستغرب التناقض المتواجد بهالقانون الخرندعي هاد
انو كيف القانون بينص على أنه يقول : المواطنين متساويين أمام القانون بالحقوق .
كمان بذات القانون بيقول انه بتكفل الدولة للمرأة جميع الفرص اللي بتتيح الها المساهمة الكاملة بالحياة السياسية والاجتماعية والثقافية والاقتصادية و و و مدري شو وبتعمل على إزالة جميع القيود التي تمنع تطورها ومشاركتها في بناء المجتمع.

بالمقابل بلاقي التناقض متواجد بنفس القانون فيما يخص كتير شغلات متل السماح العشوائي بتعدد الزوجات
بالإضافة للتساهل والتهاون فيما يخص جرائم الشرف،
كمان شهادة المرأة منقوصة
قانون الجنسية .. تعسفي
قانون الحضانة على أضرب
الوصاية كمان ما نفدت ، والارث... و الخ الخ الخ

أي الي بدي اوصلو انو قانون الأحوال الشخصية بالذات قانون مليئ بالثغرات ومليء باللامنطقية بالنسبة الي كـ مواطن اله حقوق وواجبات لكن هالقانون ما بشوف فيه الا واجبات واجبات واجبات .... وشوية كلام عن لحقوق غير معمول فيه فيما يخص المرأة طبعاً.

مشكلة النفقة ما هية المشكلة الأولى ولا هية المشكلة الأخيرة المشكلة الأولى والأخيرة تبقى بالقانون ذاته ، وبتشريع هالقانون، انا مع جداً انو يتم المطالبة بالحقوق لكن أظن أفضل شيء بيتم عمله هو إعادة صياغة القانون بما يتماشى مع أيامنا هي ... وبما يتماشى أيضا مع المستقبل...

[mhsen77]

طيب انا رح افرض فرضية مختلفة شوي
على فرض انو الرجل فعلا امكانياتو المادية ضعيفة و ما عندو القدرة يدفع اكتر من هيك و كان وضع الام الحاضنة مادية افضل من وضع الرجل و رفعت دعوة نفقة نكاية بالرجل القانون رح يعطها نفقة ولو كانت قليلة و هالاحتمال كتير وارد
شو الحل برأيكن؟؟؟؟

انا بعتقد انو الحل هو بانسانية الطرفين ولو كان هالامر ما كتير فينا نعتمد عليه بالحل
و القانون شي مجرد ما فيه امكانية انو يجمع كل المشاكل ويلاقيلها حل بس بنتمنى انو يوصل لافضل الممكن

[Marooshe]

كاتب النص الأصلي : nour333

بالعكس انا شايفها شغله منيحه بصراحه بعتبرها مصيبه ازا مو بعد 9 شهور كان عندن ولد شو استفادو من هالجوازه

ليش الزواج لتفقيس لولاد متل البيض ؟

الزواج شركة اجتماعية فيها الزوجين بيبنو حياتهن الخاصة متل ماهني بيريدو .. ولو كان الزواج بس لزيادة النسل كان العالم فيها تجيب ولاد بلا هالمشروع متل ما كانو يعملو قبل ..

[ooopss]

كاتب النص الأصلي : mhsen77

طيب انا رح افرض فرضية مختلفة شوي
على فرض انو الرجل فعلا امكانياتو المادية ضعيفة و ما عندو القدرة يدفع اكتر من هيك و كان وضع الام الحاضنة مادية افضل من وضع الرجل و رفعت دعوة نفقة نكاية بالرجل القانون رح يعطها نفقة ولو كانت قليلة و هالاحتمال كتير وارد
شو الحل برأيكن؟؟؟؟

انا بعتقد انو الحل هو بانسانية الطرفين ولو كان هالامر ما كتير فينا نعتمد عليه بالحل
و القانون شي مجرد ما فيه امكانية انو يجمع كل المشاكل ويلاقيلها حل بس بنتمنى انو يوصل لافضل الممكن

هلأ أنا برأيي ان طلعت النفقة للمرأة " هالنفقة الرمزية"
يعني لو أحوالو صعبة بس ما رح تكون لهالدرجة , ولنفرض هالشي
طيب هنن مو ولادو ؟
مو كان عم ينفق عليهن وعليها قبل الطلاق , فشو رح تختلف ؟

طبعا متل ما أنت قلت الحلول الانسانية يلي بتتم بين الطرفين حتى دون محاكم هي أنسب الحلول
وبتحافظ ولو شوي عالجو الاسري بين الأولاد

[ooopss]

بالعكس انا شايفها شغله منيحه بصراحه بعتبرها مصيبه ازا مو بعد 9 شهور كان عندن ولد شو استفادو من هالجوازه

بالنسبة لمسألة الانجاب

انا بشوف انو الحمل فور الزواج هي مسألة مو سليمة , انو يكون عندك ولد بعد 9 شهور من الزواج

كتير أزواج بيكونوا متفقين ومتفاهمين بفترة ماقبل الزواج وبعد الزواج تبدا المشاكل ويكون التأقلم صعب وينفصلو , فالازواج لازم يعطوا نفسهم فترة ليعرفو مدى نجاح تأقلمهم وبعدا يجيبو ولاد ..

وطبعا هاد رأيي الشخصي يلي لمستو بتجارب كتير من المحيطين

بالنهاية هي شغلة شخصية بس لازم تكون فيها وعي بالنسبة لتحديد النسل وامكانيات الدخل وهالقصص

[BL@CK]

كنت عند محامي كتير مشهور هون عنا بحلب و قرينا الموضوع هازا , فا قلي ببساطة أنا يوم اللي رح يتصلح قانون الأحوال الشخصيّة اللي من عا أيام هتلر و عبلة رح أنزل عالقصر العدلي سنة شالح و بزلط ربي ..

فالج لا تعالج .

عودة ميمونة زميلتنا المنسقة "Ooops'

[nour333]

كاتب النص الأصلي : Marooshe

ليش الزواج لتفقيس لولاد متل البيض ؟

الزواج شركة اجتماعية فيها الزوجين بيبنو حياتهن الخاصة متل ماهني بيريدو .. ولو كان الزواج بس لزيادة النسل كان العالم فيها تجيب ولاد بلا هالمشروع متل ما كانو يعملو قبل ..

كاتب النص الأصلي : ooopss

سوري نسيت انكم بتأمنو بالحب وانا كوني ملحده من هاي الناحيه بقلك الزواج فقط للانجاب لهيك شوفي كم بيت عربي بضل عمران ازا عند احد الزوجين عقم

بالنسبة لمسألة الانجاب

انا بشوف انو الحمل فور الزواج هي مسألة مو سليمة , انو يكون عندك ولد بعد 9 شهور من الزواج

كتير أزواج بيكونوا متفقين ومتفاهمين بفترة ماقبل الزواج وبعد الزواج تبدا المشاكل ويكون التأقلم صعب وينفصلو , فالازواج لازم يعطوا نفسهم فترة ليعرفو مدى نجاح تأقلمهم وبعدا يجيبو ولاد ..

وطبعا هاد رأيي الشخصي يلي لمستو بتجارب كتير من المحيطين

بالنهاية هي شغلة شخصية بس لازم تكون فيها وعي بالنسبة لتحديد النسل وامكانيات الدخل وهالقصص

يعني انا بس كان قصدي انو الواحد لما يقدم ع اي خطوه بكون الو هدف وكل ماحقق هدفو اسرع بكون احسن خصوصي ازا كان المولود ذكر مو انثى

[mhsen77]

كاتب النص الأصلي : ooopss

هلأ أنا برأيي ان طلعت النفقة للمرأة " هالنفقة الرمزية"
يعني لو أحوالو صعبة بس ما رح تكون لهالدرجة , ولنفرض هالشي
طيب هنن مو ولادو ؟
مو كان عم ينفق عليهن وعليها قبل الطلاق , فشو رح تختلف ؟

طبعا متل ما أنت قلت الحلول الانسانية يلي بتتم بين الطرفين حتى دون محاكم هي أنسب الحلول
وبتحافظ ولو شوي عالجو الاسري بين الأولاد

و هيك انتي ما رديتي على سؤالي شو رأيك بلي بترفع دعوة من باب النكاية بهيك حالة مع العلم انو احيانا المرا هيي بتكون مسبب الطلاق (( احيانا مو ديما ))

[توم و جيري]

اذا بدن يطلقو بعض ...
ليش اتزوجو ..