وين الديمقراطية يا أدارة الموقع

[HashtNasht]

عفواً يعني ما حدا يفكرني طلعت عن الموضوع

بس انو بقولولك و الله انو عقوبة الاعدام مطبقة ...بسي بلد يعني ....معناتا انو هالبلد ما بيحترم حقوق الانسان

انا شخصياً مع عقوبة الاعدام ....اذا كان لا بد منها يعني ....لأنو مصيبة وقت بكون الواحد كتير شيوعي و كتير متمسك بالكرسي ...الكرسي البطريركي قصدي ..... و غنيلي بودعك

[Fares]

له له له يا جماعة....
أنا ما كان على بالي يصير كل هالشوشرة من ورا القصة!!!
يعني حسون ليس أول شخص ولم يكون آخر شخص يتم إيقاف عضويته في موقع أخوية...

ولكني أريد أن أعبر عن شيء من مبدأ إزالة الالتباس:
ربما وقع لغط لغوي بالموضوع... فكلمة إلغاء عضوية حسون لا تعني ولا بأي شكل من الأشكال حذف حسون من قاعدة البيانات... كل الفكرة هي إلغاء دخوله إلى الموقع لفترة من الزمن (وذلك حسب ما أعتقد قانوني مئة بالمئة وفقاً للأمور المذكورة سابقاً)...

ولكن، ومن قراءة تعليقات الأخوة الأعضاء أحسست أنه قد تم فهم الموضوع بطريقة خاطئة... فإذا كان الأخوة قد أساؤوا الفهم فقد تم الإيضاح وإذا كان الخطأ هو خطأ في أسلوب كتابتي فسامحونا...

أعيد لمن التبس عليه الأمر: سياسة الموقع كانت ولا تزال مع حرية التعبير والحوار ولكن ضمن الشروط المنصوص عليها ولا داعي لإعادة ذكرها الآن... وبما أن حسون قد تم إنذاره سابقاً وتكرر الأمر، لهذا تم ((إيقاف)) عضويته... ((((وليس شطبه من قاعدة البيانات))) كخطوة دستورية ينص عليها قانون الكتابة في أخوية نيت...

شيء أخير... شكراً على اهتمامكم بموضوعية وديمقراطية أخوية نيت....

[بطل الأخوية]

كما قد تم تنبيهه وجهاً لوجه مرات عديدة و فالج ماتعالج

تم تنبيهه لماذا
لكي لا يقول الحقيقة
حسون كان يقول الحقيقة بموضوع عصر الأخوية الجراسي و أنتا يا أخ أستاذ بتعرف هالشي

الموضوع المحذوف تناول أشخاصاً بالإسم

هالحكي غلط

و أشار صراحة إلى مؤسسة كنسية خيرية تعليمية

هوي ما عم يهاجم هامؤسسي
هوي عم يدافع عنها
و إنتا سيد العارفين يا أخ

لكن الأهم هنا أنه أشار إلى وقائع مرتبطة بأموال مفصلة بالأرقام و هذا بالعادة أمر يدعم المقالة و يرفع من مصداقيته

حلو هالحكي

لكن واقع الحال أن هذه الأرقام لا تحمل أدنى درجات الموثوقية و المصداقية

هالأرقام هوي جايبها من تنين ما من مصلحتون أبدا مهاجمة الخوري

و المتحدث هنا هو المسؤول المالي السابق في هذه المؤسسة، و أحد رؤوس حراب المعارضة الحاليين بالأخوية و الذين يعتبر نفسه حسون من أنصارهم

هالحكي مظبوط
و لو هوي ما بيعرف هالشي كان زعل منكون

كما ان الموضوع الذي يشير إليه حسون هو ليس من إختصاصه فالتحكم بأموال أي مؤسسة كنسية هو من إختصاص راعيها المحدد ضمن النظام الداخلي و القانون الكنسي و ليس لأحد من خارج هذه المؤسسة مساءلتها بالطريقة التي تتصرف فيها بأموالها

بس حسون أحد أبناء هذه المؤسسة
و يغار على هذه المؤسسة

إذ ان الموقع، و بحسب اتفاقية استخدامه، لا يتحمل أي مسؤولية عن المواضيع الواردة فيه بل هي تعبر عن رأي صاحبها فقط

هالحكي غلط
هادا رأيكون قبل ما يكون رأي حسون

يعني حسون ليس أول شخص ولم يكون آخر شخص يتم إيقاف عضويته في موقع أخوية...

بس حسون انظلم بإيقاف عضويته من الموقع

كل الفكرة هي إلغاء دخوله إلى الموقع لفترة من الزمن

و قديش رح بتضل هالفترة من الزمن

سياسة الموقع كانت ولا تزال مع حرية التعبير

كانت إيه
بس ما لا تزال

[Willi]

انا مع حذف الموضوع

بس ضد حظرو عن المنتدى


الحرية مو معناتها انو ينسمحلك تغلط على غيرك
انا قريت الموضوع اللي كتبو وبنظري هوي غلط بالشي اللي عملو
وغلط بكتابة الموضوع

على كل حال بتمنى من الادراة تعطيه فرصة اخيرة

[sezar]

على كل حال بتمنى من الادراة تعطيه فرصة اخيرة

و الله يا معلم انت مو بالطبخة هاد الموضوع خارج نطاق النت

بس انا متلي متلك

[Willi]

شلون خارج نطاق النت

هلق اتقلع من انو اخوية

ولي ما تجنني

يعني حسب ما فهمت
تقلع من اخوية برات النت قام بعدها اتقلع من هاي الاخوية

ولا غير هيك

[sezar]

مبلا هيك

[Willi]

مبلا هيك

[sezar]

شبك

ليش معصب

[gaener]

تحياتي إلك أبو النسيم
و مشكور كتير

ولا يهمك اخ حسون كلنا معك انا وابو النسيم
وعلى راسي ابو النسيم على هالراي الحلو

[بطل الأخوية]

انا قريت الموضوع اللي كتبو

إنتا قريت غير موضوع
الموضوع يلي إنتا قريتو إسمو طوبى لكم

[Willi]

إنتا قريت غير موضوع
الموضوع يلي إنتا قريتو إسمو طوبى لكم

ايوا اي مو مشكلة كلو منيح
معناها اعملولو حظر

[بطل الأخوية]

معناها اعملولو حظر

ما ناقص غير أنو الإدارة يسمعوا كلمتك

[Willi]

ما ناقص غير أنو الإدارة يسمعوا كلمتك

الحكي ببلاش وما حدا سامع
شو المانع نحكي