مأساة مغربيه في سوريا

[LiOnHeArT.3LA2]

كنت بظن انو كلامي أوضح من هيك...

ما حكيت انو عرضو عليها الغالي و النفيس كرمال عرضها... يكونو عرضو عليها شي مغري جدا لحتى تقبل تروح تشتغل كـ خيّاطة... و هي عن جد مفكرة حالها مسافرة لتشتغل بشركة خياطة (و يكونو مفرجينها صور للشركة الخيلة و عاطينا سلفة هدية و ضاحكين عليها بشهادات ناس يفترض انو اشتغلو معهون و كانو كتير فرحانين).. لما توصل على بلد الوجهة تكتشف شو صار.. بعد أيش.. بعد ما يكونو تحايلو عليها ليسحبو منها جواز السفر و يطالبوها بالمصاري اللي عطوها ياها و حق التيكت و يهددوها انو رح يقتلو عيلتها مثلا ازا هربت.. و يجبروها تشتغل اللي بدهون ياه بدافع انو ماعندا غير خيار لحتى تدفعلون المصاري اللي يفترض انو الهون عليها... عبودية حقيقية

نسيت كمان بالرد السابق انو بالحالات اللي شفتها (لما كنت متطوع بالصليب الأحمر من سنتين) كتير أحيان كمان أول ما بيوصلو عالمطار يوهمونهون باحتراف انو الشرطة عم تلاحقهون و انو هنن مطلوبين بسبب جرم شنيع و ازا قعدو عاقلات و سمعو الكلمة فسيد العمل راح "يدبّرهون" بعلاقاتو و معرفتو.. لكن ازا هربو منو راح تمسكهون الشرطة

ياسين .. ما بعرف ..

بيجوز انتي اكبر مني وشايف اكتر مني..

بس ما بتصور في كل هالشغلات هي بسوريا ..

بيجوز يا سيدنا

[suryoyo]

11 دقيقة لباولو كويلو !



دائما القصة متشابهة .......... اولها فقر و حب التخلص من الواقع المر ... و بالوسط شخص يجيد التمثيل و آخرها .. رمي بالشارع من جديد لكن هذه المرة في بلد غريب ....


هذول ناس متخصصين باستغلال الناس و الربح من خلالهم ....

ثمَ لولا كانَ لديها ميول للإنحراف لما وافقت من الأول على الرقص وَ الهز بينَ أحضان ِ الرجال اللاهثين

إنَ هذا العمل الوحيد الذي الذي أتقنته وَ الذي تتقنه

نعم هي مخطئة ..... بس تخيل بنت ببلد غريب و تعرضت للخداع ... وين ممكن تروح ؟؟؟ اذا ما تملك شي ...

وين ممكن تروح ... اذا ما تملك حق تذكرة طيارة الرجعة ؟؟

صحيح في بنات قاموا و قاوموا الاهانة ... بس مو الكل تتحمل النوم بالشوارع


طبعا كلامي مو تبرير ابدا للبنت ... و الحق عليها من الاساس و على اهلها ... و على المجتمع و على البيروقراطية و على كل شي ...


لكن خلي نحكي بواقع اكبر ...


خلي نشوف شلون نتخلص من هذه النماذج اللي تستغل البنات و شرف بالنات من اجل منفعة مادية

[THE_unforgiven]

شو بدنا نحكي اللي صار صار .. وما بقى بينفع الندم ... بس لازم يتعاقب اللي بيعمل هيك أعمال .. وبالنهاية .. الشخص لازم يكون واعي قبل ما يقدم على أي سفرة خارج البلد ..

[alickus]

المشكلة يا جماعة انتو ما بتعرفو هدول البنات ليش هيك بيصير فيهن حملتو البنت غلط ممكن هيي شوي مسؤولة عنو اوكي بس الجهل ما بيرحم حدا تاني شي هدول البنات بيروحو عالمرقص مع بودي غارد يعني ممنوع
الروحة و الجيي
تاني شي بيسكنوهن بشقة تكون طابق مرتفع شوي كمان مشان ما يهربوا و بيكون في معهن شباب مشان ما يهربوا و مشان طلباتهن و حتى الزواج بيكون متزوجها مشان ما يعطيها راتب بيرتاح و لو قررت تهرب من المرقص في شي عشري بودي غارد بيمنعها ولو حاولت تحكي مع ش زبون الزبون مو ارحم من صاحب الشغل لانو مو احسن منو
لا تلوموها لومو الجهل بعر ف كتير من هدول البنات صرت
لا و اذا راحت للشرطة كمان لا تخافو الشرطة مضمونة يعني اللي جايبها عرفان شو عم يشتغل