أيهما يحتل تفكيرك؟ المُسـتقبل أم الماضي؟ وَ لماذا

[Beauty Angel]

هيك فينا نقول كلياتون بيكملو لبعضون

أنا مابنظر للمستقبل البعيد , يعني بقصر نظري ع المستقبل القريب بس

مشان انو مابدي ابني لي آمال ع شي ماممكن يصير وبعد منو تتحطم كل آمالي يلي بنيت حياتي وتفكيري عليها

كمآن ماضيي مافيني انساه او انو اتغاضى عنو

بس لازم يكون في اتزان بالتفكير والتذكر وهيك يعني مشان استفيد من العثرات يلي واجهتني بالماضي

وانو استمتع بالذكريات والشغلات الحلوة وكمآن استفيد منا

اما بالنسبة للحاضر فهي شغلة تانية مستحيل انو حدا مابيهتم لحاضروه

بس انو الحاضر بيجمع بين الاتنين يعني الماضي والمستقبل

أنا هيك فيني قول مابدي ساوي متل ماساويت امبارح وزعلتا لبنت عمو وفيني قول بكرة أكيد رح راضي بنت عمو

هيك بكون حكيت بالماضي وحكيت بالمستقبل القريب وكلووو هيك بيكون بالحاضر ^^

بتمنى وصلت وجهة نظري !

ويسلمو ع هيك موضوع

[سوا ربينا]

هلأ انا بالنسبة الي كل واحد والو وقتو ,,,,
بس اكيد حاليا المستقبل اللي ماخد اكبر نسبة من تفكيري ,,,بس طبعا ما بتوقف عن التفكير بالماضي ,,لانو الماضي هوي اللي وصلني للي انا عايش فيه هلأ ,,,يعني الماضي ما بينتسى ,,,,
ومستحيل انو ما فكر بالماضي حتى لو للحظات بسيطة ,,,,واكتر شي بيخليني فكر بالماضي لما تشوف شي كان بماضيك ,,,,

شكرا اللمنتمي على هالمواضيع اللي عن جد قمة في الروعة,,,

[اتوتة]

اول شي بحب اشكرك اخي على هالموضوع المهم من جد


بالنسبة الي طبعا بتكلم


ومتل ماكلنا منعرف اللي مالو ماضي مالو حاضر

او اللي مالو قديم مالو جديد


شي مفيد انو الواحد يتذكر اخطاء الماضي مشان يتلافى تكرارها مرة تانية

بس بشرط انو مايعيش بالماضي وينفصل عن حاضره اللي هو اهم


واللي هو ركازة او دعامة للمستقبل كمان

والانسان الحكيم هو اللي بيعرف يخلق توازن بين العبرة من الماضي والتمتع بالحاضر والتخطيط للمستقبل


وتقبل مروري المتواضع اخيي

[بروليتاري]

المستقبل هو شي منو موجود لأنو مجرد أنو فكرت فيه فهوي صار شي من الماضي وصار لازم ندور

على مستقبل جديد بتفكيرنا أو رأينا أو طموحنا لحتى يصير بدورو من الماضي وهيك

أما بالنسبة أنو مين اكتر بيحتل تفكيري فهو نهاية الحاضر وبشكل اخص نهاية لحظة لانو نهاية كل

لحظة هية

بداية ذكرى بتعيش معنا طول العمر

ويا بتخلينا نبتسم ونقول اه على هداك الوقت يا أما بتبكينا وبتخلي

عنا غصة ما بتروح الا بعد ما بتزنل دمعة منك بتغبش عيونك وبتغبش على هي الذكرى لحتى تنطفى

وبتبلش تعيش لحظة جديدة......

[غيديون]

انا عندي رأي ...بيدوخ
طبعا عندي الثلاثة مهمين
ما بنقدر نلغي التفكير بأي واحد فيهن....ليش ؟؟؟
لأنهم مرتبطين والمشترك بيناتن هو انا.....
الدنيا:
هي عبارة عن طريق يللي بدنا ياه منها انو نستمتع بكل لحظة فيها
ونعيشها صح مشان هيك نحنا محتاجين للأزمنة الثلاثة
بس بصراحة عندي الاهم المستقبل
لأنو نقطة البداية لإصلاح الثلاثة
ليش؟؟؟
لأنو المستقبل رح يجيه يوم ويصير حاضر بعدين ماضي
بس اهم شي انو نهتم بالثلاثة مهما اختلفت نسبة الاهتمام

بس انا بهتم اكثر بالمستقبل كمان... لأني لا اتصور الحياة بدون هدف وطموح

[اللامنتمي]

كاتب النص الأصلي : The morning

انت تـحتاج للماضي كـحاجتك الى المستـقبل , كون المـستقبل بدون ماضي بصير حاضر

ماذا إن قـُلتُ لكِ أنني لا أحتاج إلى المُستقبل لأني رجلٌ مازال يَعيش في الماضي

وَ الماضي ذاته يَتكرر بـِ أساليب مُختلفة على هَيئة مُستقبل

لا جديد صدقاً يا مورنينغ .. أنا مللت

[اللامنتمي]

كاتب النص الأصلي : whiterose

بتخيل ماضي جميل يعرض في ذاكرتي..

ألا تتعبُ الذاكرة مِنْ الحَنين لـِ زمن ٍ لا يَحين ,.

[ست الكل]

مافي داعي نكذب ع حالنا لانو كل واحد منا ما معو وقت حتى يفكر بماضيه ...و اللي بيضلو اسير الماضي بتكون حالتو حالة شاذة ... حطولي شخطتين على شاذة

[BL@CK]

راسي .

[ooopss]

برأيي أنو الواحد لازم يهتم بالماضي والمستقبل بدون مبالغة
يعني يستفيد من أخطاؤوا الماضية ويكون عندو طموح
بس يركزأكترعلى أنو يعيش اللحظة لأن هي الأهم

[Gazita]

الماضي جزء من حياتي, والمستقبل عمري الجاي
في ماضي صعب كتير أفكر فيه ,موضروري يحمل نسبة كبيرة اوصغيرة من احداث أليمة, بس لانو سلسلة ذكريات طويلة متعلقة ببعضها, بتخليك تبذر وقتك مشان تتذكرها ,والعالم بتتحرك قدامك وبتتغير ,وانت لساتك بتستعرض ماضيك, وبتقول ياريت يرجع هالماضي, كنت عملتلو تعديلات وعشت حياتي كيف بدي.
حاليا بفكر اكتر بمستقبلي .
والماضي اللي كان من سنتين شاغل بالي اتخلصت منو وما عاد الو مكان .بس لساتي بستعرض ذكريات السنة الماضية بس بتذكرها وقت بكون بسمع للموسيقى.
واهم شي وقت الشغل بتفكر بس بمستقبلك
موضوع رائع شكرا اللامنتمي

[Marooshe]

سنوات وانا قابعة في ذاك الماضي... بعدها تعلمت التعايش معة واعتدت ان اعيش اللحظة وان استمتع بالحاضر... فأي مستقبل سيشغل بالي وانا لا اعرف اين سيمضي بي حاضري...

[fernanda bachchan kfoury]

لكون صريحة انا بفكر بالمستقبل لانو المستقبل بالنسبة الي هوي تحقيق لكل احلامي اللي من وقت ماوعيت عهالدني وصرت فكر اول شي فكرت فيه هوي مستقبلي واني عيش اللحظة باللحظة كيف ماكانت

[بلاك 1]

لغينا التفكير الجدي من حياتنا وصرنا بس نفكر بالأكل والشرب والشغلات الي ما منها طعمة

[نسمة حيفا]

ما فيك تفكر بمرحلة من حياتك اكثر من غيرها
او عالاقل انا شخصيا هيك
الماضي كثير بيشغل عقلي وتفكيري .. وكثير بتمنى انو الزمن يرجع لورا تارجع واعيش بماضيي
قصص الماضي الحلوة والمرة وحياتك بالماضي وافكارك ما فيك تنساها او ما تلتفت لالها واي اشي ممكن يذكرك بماضيك بكل تفاصيلو مثلا مكان اغنيي قصة او فكرة
ومثل ما الماضي بيشغل حيز كبير من تفكيري وكمان المستقبل ذات الاشي ..
كير اوقات بسرح بخيالي بمستقبلي وبرسمو على كيفي وعلى هواي .. بتخيل كيف راح يكون مستقبلي وهل يا ترى يلي بحلم فيه راح يتحقق ولا راح اصير اترحم على ايام وليالي الحلم واتمنى لو بقيت احلم ؟؟ بس برجع بصحى على حالي وبقول انو تأوصل لاهدافي يلي عم بفكر فيها لازم اقطع الحاضر يلي عايشي فيه بنجاح
بس شو ما صار معي وحتى لو تحققت كل احلامي بالمستقبل ما راح يكون هالاشي احلى من ايام وحياتي بالماضي ... يلي ما الو ماضي ما الو لا حاضر ولا مستقبل

[نائب الرئيس]

انه اللي شاغل باللي دايما المستقبل

ما بدها حكي ....
لانه ما عملنا اشي بالماضي محرز نفكر فيه .....