. . . كيفَ يقبلُ العقل هكذا خزعبلات ؟!

[*Marwa*]

والله في كتير خزعبلات وحكي فاضي..

متلا انا ستي (هية وجاراتها الختيرّية متلها) كانوا يقولولي ما تاكلي لبان (علكة) بالليل قال عم تمضغي لحمة الاموات

وغير عن هيك ما كانت تخليني اتفرج ع حالي بالمراية بالليل

الله وكيلك ع قد ما بحب ستي (الله يرحمها) وبعرف قديش قلبها طيب بس انو كنت لما أروح أنام عندها كنت اسمع اشيا منها ومن ختيرية الحارة غريبة عجيبة يصير عقلي يلّف!!

اروّح احكي لأهلي يصيروا يضحكوا

[..Jimy]

إي إي رح احكيلكن قصة صارت معي شخصيا...

إي مرة أنا ورفقاتي شفنا "جن" بالطريق وسلمنا عليه بحرارة (لأنو من زمان مو شايفينو)

وعزامناه على كاسة متي ولعنبنا معو تركس وطرنيب (إي وحياة ولادي شو إلي مصلحة كذب عليكن أنا..)

بس بعدين لقطناه وهوي ميطلع قص الكوبة من كم القميص...(إي وحياتكن)

وعملنالو قتلي حشك ولبك.. وتبهدل البهدلي العجيبي يومها...(ما عم زل بحرف)

يعدمني الشعب الفهمان
Bay

[jano.]

كاتب النص الأصلي : suryoyo

بس انا اللي يعجبني شلون تجي ببال مؤلف هكذا اشاعة تأليفها و نشرها

يعني بالعربي ....... ما هو الغرض ؟؟

كاتب النص الأصلي : اللامنتمي

ألم تسمعي يوماً بـِ إرهاب الفكر

إننا ضحاياه !

هلأ بمجتمعنا في بشكل عام قلة وعي.. وفي قلة من الناس وكلو نفسون بمهمة التفكير عوضاً عنا, هني مقتصرين الفهم على نفسون وبيتحكمو بالعوام على كيفون ...
واهم شي عندون انو انا وانت ما نشغّل مخنا ونفكر لانو بوقتها ما عاد فيهون يتحكمو فينا..

واذا الواحد درس مجتمعاتنا منيح رح يلاحظ انو هالظاهرة موجودة بالدين والسياسة والأدب والعلم....الخ الخ
وليكو اللامنتمي اعطاها المصطلح الصحيح - ارهاب الفكر-

[MaTyA]

ما بتمرق عليي هيك خزعبلات..نهائياً..لانو لما ينقال هيك شي
رح بطلب اثبات ملموس ومؤكد..سواء كان اثبات مرئي نظرياً او بالعقل كـ تفسير ..

قالوا من فترة انو تعو شوفوا في اسد عم يلفظ اسم الجلالة فـ انا قلت لرفقاتي كلو كذب..
قالتلي بنت انو ليش كذب ، الله قادر ..قلتلها انا ما عم شك بقدرة الله انما عم شك بـ مدى صـحـة ومصداقية الخبر
قالت اسمعي صوت الاسد..قلت طيب بنمشي معكن وبنسمع..سمعت صوتو..واضح في فبركة بالقصة

انا شرحت بوقتها وجهة نظري وهون بقولها..هيك قصص انو اسد لفظ اسم الجلالة..والخ.. ما بتمرق عليي..مو تشكيك بقدرة الله.. انما معرفة بـ استغلال الناس.. للمعلومة من ورا هيك شي عم يربحوا مبالغ طائلة..بذكر مرة انحكى قصة انو مدرب حيوانات قال تعو شوفو يا ناس هالمعجزة واللي هي (قطة الها جوانح) فعلاً الناس شافت القطة واستغربت انو الوبر على جسمها يشكل شكل جوانح..اُكتشف لاحقاً انو المدرب مفبرك القصة من خلال انه ازال وبر القطة "الاصلي" وصار في عملية قص ولصق للوبر المـُـزال ، يعني طلع انو المدرب هو عامل شكل الجوانح للقطة عن طريق لصق الوبر يللي ازالو من مكانو الاصلي ..وربح من ورا هالكذبة مبالغ كتير من ناس اجت لتشوف "هالمعجزة المزعومة" يللي هني صدقوها بحقيقة الامر

كلو بالعقل .. لذا..ما بتمرق هيك قصص

[sona78]

هي صارت مع ابي وخالي .. لما كانو اول شبابون كانو بدون يروحو سوا من ضيعة لضسعة ومن زمان ما كان في لا باصات ولا سرافيس فراحو مشي وبما انو الشجر معبى الطريق ضيعوا بغابة واجا الليل. هلق هني خافو لانو بقول اهل الضيعة انو بهالغابة بيجتمعو الجن فخطر ع بالون انو بدون هني يعملو جن من شان الجن التانيين يخافو!! وفعلا شعلو نار وبلش الغنا والزلاغيط والصريخ والتهييص بهالغابة لطلوع الضو . تاني يوم وصلو ع الضيعة وكل اهل الضيعة بقسموا بكلشي مقدس انو الجن عملو عرس للصبح وانو عملو هيك وهيك بالناس المارة وماسلم حدا من شرون وروح اسال ابو فلان يلي كان هونيك وفلان يلي شافون بعيونو وانو وانو ........ وابي وخالي قاعدين مذهولين انو والله هني مو لهدرجة فظعوا......... شو رايكون

الشغلة ما بدها غير واحد عندو خيال واسع وشلةناس ما بتفكر وبتصدق كل يلي بينحكالها وما بتقصر بنشرو..

[suryoyo]

كاتب النص الأصلي : اللامنتمي

الغرض واضح

الترهيب أو لفت أنظار البُسطاء إلى أشياء تافهة لـِ يَنسوا جريمة تـُقترف بـِ حَق ِ أوطانهم

رُبما هذهِ دعاية مُنظمة !

ما ننسى ضمن هذه السلسلة ... ظاهرة انشر هذه الرسالة عشر مرات

وطبعا الترهيب ة الترغيب من خلال هذه الجمل ... فلان مات ابنه لان اهملها ... و فلان بعثها لعشرة اصحاب وربح الجائزة الكبرى !!



و هذه الرسائل تاتينا من المتعلمين و غير المتعلمين .... من الجميع !



حبذا لو نغير الشعار ..... العلم نور و الجهل ظلام ....

الى ... الثقافة نور

[MaTyA]

كاتب النص الأصلي : sona78

وابي وخالي قاعدين مذهولين انو والله هني مو لهدرجة فظعوا...

حلوة هالقصة ع فكرة

الشغلة ما بدها غير واحد عندو خيال واسع وشلةناس ما بتفكر وبتصدق
كل يلي بينحكالها وما بتقصر بنشرو

صح انو في ناس بتصدق كل شي بينقال لانها اصلاً ما عم تفكر باللي انقال لانها ما تعودت تفكر..
بس كمان انا بحط احتمال آخر هوّ..
انو ممكن هالناس تكون ما عم تفكر باللي انقال لانها بتخاف يطلع معها انو هالحكي غلط

ليش بتخاف يطلع الحكي غلط ؟
ببساطة لانو في ناس رح يقولو للي بيقول انو هالحكي غلط..رح بيقولولو انت عم تكفر بقولك هيدي مش معجزة
وعم تكفر بالقول انو هيدي كذبة وقصة مفبركة..وانك بهيك بتكون عم تشكك بقدرة الخالق و و و ...

فـ بتصير الناس تخاف تفكر بالحكي ليقوم يطلع معها غلط..وتطلع كافرة ع هالحال بنظر الغير

[sona78]

كاتب النص الأصلي : matya

حلوة هالقصة ع فكرة


ليش بتخاف يطلع الحكي غلط ؟
ببساطة لانو في ناس رح يقولو للي بيقول انو هالحكي غلط..رح بيقولولو انت عم تكفر بقولك هيدي مش معجزة
وعم تكفر بالقول انو هيدي كذبة وقصة مفبركة..وانك بهيك بتكون عم تشكك بقدرة الخالق و و و ...

فـ بتصير الناس تخاف تفكر بالحكي ليقوم يطلع معها غلط..وتطلع كافرة ع هالحال بنظر الغير

ما هون المشكلة انو هني هيك فهمانين الايمان والكفر من دون ما يدرسو معنى الايمان والكفر.. ولهيك ما قادرين انو يقولو للكذاب انك كذاب هي الكارثة بحد ذاتها ..

[jina2009]

كاتب النص الأصلي : اللامنتمي

كل فترة وَ فترة نسمع بهكذا أكاذيب مُغرضة

هل سَمعتِ بحورية البحر التي رأوها في الخليج

وَ هناكَ واحدة أيضاً في أندونيسا !

لاء والله ماسمعت فيها وهي اول مرة بسمعها
ومابسدق هيك شي ابدا حتى شوف

[سوا ربينا]

ييييييييي كتير صار معي خزعبلات ,,,وكنت صدق كمان ,,,
هاد وانا عمري تقريبا 14 سنة صاحبي قلي انو في بنت صاحب ابوه قال راكبها جن,,,وقال هاد الجن مش من النوع السيء ,,,, قال من النوع المحترم وهيك مفيد قال ما بيأذي و كان يغششها بالامتحانات ,,, لأا وقال انا صرت وقتها ادعي انو يارب يركبني واحد هيك محترم متلو مشان بس وصل توجيهي قال يغششني وجيب الاول عالمملكة ,,,

اي وهاي احد الخزعبلات واللي صدقتها من كل عقلي,,,,

[شغف القلوب]

والله صاير معي مقالب من ورا هيك قصص

بتذكر لما كنت بصف التاني سمعنا أنا وأخي من رفقاتنا بالحارة أنو في ناس شافوا أقزام عالجبال

وصار كل واحد فيهم يزايد بالأخبار اللي سمعها من ولد تاني .. وهيك مشيت القصة

والنهفة أنو على أد ما كنت أنا آخدة القصة جد وعم بفكر فيها شفت قزم بمنامي بس طلعت براس أخي المسكين .. لأنو كات لساتو نايم لما أنا فقت من النوم .. وعلى أد ما كنت مستعجلة لأخبرو المنام قمت لكزتو بإيدو وقلتلو "لك قوم .. أنا شفت القزم ...... " ولسا ماخلصت جملتي ولسا أخي ما عرف أنو منام .. ما شفتلكم غير أنو قام المسكين ونط وصار بالسقف من الرعبة وأنا ضليت أضحك ساعة من هالشوفة

شكراً كتير على هالموضوع الحلو اللي رجعنا لذكرياتنا الحلوة

[amey]

كاتب النص الأصلي : سوا ربينا

لأا وقال انا صرت وقتها ادعي انو يارب يركبني واحد هيك محترم متلو مشان بس وصل توجيهي قال يغششني وجيب الاول عالمملكة ,,,

ههههههههههههههههههههههههه هههههههههههههههههههههه

10 دقائق الي بضحك بالزبط

ههههههههههههههههههههههههه ههههههههههههههههههههههههه ههه

كم جبت المهم ؟؟؟



برجع اعطي رأي بكرا

لاني نعست هلئ و بدي نام

[سوا ربينا]

كاتب النص الأصلي : amey

كم جبت المهم ؟؟

جبت الاول عالممكلة بس من النص ,,,,

[wwq]

تحيه كبيره لكل الشبيحه الموضوع عجبني وانا راح احكيلكون تجربتي بمتل هيك قصص

قصتي انو انا و صغير شفت واحد اعرج بلطريق امت انا صرت امشي متلو و متل كأني عم اتمسخر عليه
ابي كان معي ما ضربني بس الي ليش هيك عملت ما بتخاف من الله انو يعملك متلو ..
وانا من هداك اليوم ما عاد استرجيت اني اتمسخر على حدى و حياه الله كان عمري يمكن 7 سنين و لهلأ ما بنسيها

يعني الخلاصه احيانا هل القصص بتفيد بتربايه الطفل

و شكر كبير لصاحب الموضوع

[Reemi]

انا كانو يقلولي اذا ما بتحفظي بيجيكي ابو رجل مسلوخه وانا بلش ابكي واتخبا تحت الكرسي

هالشي يمكن عمل عندي رد فعلا لاني تخرجت من الجامعه وانا لسا مو حافظة جدول الضرب وما بتذكرو الا بطلوع الروح

[The morning]

غــــــرررفه الـفيرااااان

[suryoyo]

كانوا يقلي صديقي ... لا تصفر بالليل .. حتى ما يطلعولنا الارواح الشريرة ...


بس انا على العناد كنت اصفّر بالليل ... و ما طلع لي

كاتب النص الأصلي : Reemi

انا كانو يقلولي اذا ما بتحفظي بيجيكي ابو رجل مسلوخه وانا بلش ابكي واتخبا تحت الكرسي

و طلع لك .. ؟

[Reemi]

و طلع لك .. ؟

لالا

وكان جدي الله يرحمو يقلي لا تتمري (تتفرجي ع حالك بالمراي) بالليل لانو بتفيقي الصبح بيكون طالعلك دنب