تقسيم " سوريا إلى خمس "دول "

[phoenixbird]

لانو غالبية الاكراد يسعون لإقامة "كردستان" في سوريا وهادا شي طبيعي أنو صاحبنا ما يفهم شي بالبنية الاثنية في سوريا لأنو أصلا ما بيعترفوا بشي اسمو سوريا.

شو عرفك انو غالبية الاكراد يدهون كردستان في سوريا؟
وعلى اي اساس حكمت انو ما بيعترفوا بشي اسمو سوريا؟

[jano.]

اها هيك قصدك

ربما كان عليّ استبدال "غالبية الاكراد" بـِ " كثيرٍ منهم" !
يا عزيزي اسأل من اردت عن كردستان سيقول لك بان كردستان هي شمال العراق+شمال سوريا+شمال ايران وشرق تركيّا.
عشت مع إخوتنا الاكراد فترة طويلة من حياتي وعاشرتهم في الحارة والمدرسة وسمح لي عملي بالاختلاط بهم إن كان في الارياف او في المدن وكثير من اصدقائي هم أكراد واظنّ بأنّي على دراية كافية بمفهوم كردستان لديهم وان الكثيرين منهم يريدون ضم قسم من سوريا الى كردستان.

حسناً، فلو اعتبروا كردستان فقط كقيمة ثقافية لديهم وبقعة جغرافية تربطهم ببعض من خلال عاداتهم وتقاليدهم وتاريخهم حينها لن يعترض احد على ذلك فهذا احد اجزاء النسيج الثقافي الاجتماعي السوري الغني الذي نعرفه جميعاً وعرفناه ، ولا يحق لاحد إلغائه.

وعلى اي اساس حكمت انو ما بيعترفوا بشي اسمو سوريا؟

عندما تريد فئة معينة إقتسام جزء من وطنك فهل تعتقد بانها تعترف بهذا الوطن؟

انا يا صديقي لا اكره احدا كونه من طائفة معينة او ماشابه وخصوصا في هذا المنتدى الذي اكثر ما شدني اليه هو وقوفه في وجه النعرات الطائفية التي سئمنا منها، واعذرني على القساوة التي ربما بدت في ردّي السابق والتي لا استطيع أن أكبحها عندما اسمع بعبارة تقسيم سوريا!
تحياتي

[VivaSyria]

سوريا لن تقسم لصالح أي فئة أو أي مذهب أو أي دين أو أي قومية... سوريا كاملة هي الوطن يلي ماحدا أكبر منو ولا حدا بيقدر يقسمو.. و أي حدا بيفكر غير هيك بيكون خاين لسوريا.. نقطة أول السطر.

[شب الكوبة]

يا شباب و الله أنو هدول بعض المعارضة ويللي للأسف هني تقريبا الوحيدين" المبينين" هلأ... عم يثبتو للمواطن السوري يللي بيهموا مصلحة وطنو أنو نظامو يللي موجود حاليا هوي أفضل المتوفر و انو البديل عنو متل هيك شكال .. و بيجوز لما رح يشوف شو عم يتخطط لبلدوا من قبل بعض "السوريين" الذين يدعون بأنهم المخلصين رح يقول بقلبو او عالملأ عاشت سوريا واحدة موحدة ورح يدرك اذا كان غافل او مغرر فيه مدى دجل وزيف هؤلاء "المعارضة المبينين ع الساحة"اصحاب الشعارات الطنانة ويلي عم يثبتو يوم بعد يون انن اصحاب مشروع تقسيمي طائفي ورح يخليه يتمسك أكتر بمبادئ رئيسو بشار الأسد الوطنية ..وبصراحة ما عم بحكي شعارات ولا شي بس عن جد عن جد بتصور أنو هاد رح يكون شعور كل مواطن غيور ع سوريا

ورح اقتبس بعض الكلام يللي كتبو من أكتر من شهر ويللي نبهت وحذرت فيه من هيك ناس

1

ملاحظة : كل كلامي هو عن بعض المعارضين في الخارج بدون تسمية .. و لست اعمم على جميع المعارضين يللي منهم من يجب وضع يدنا بيده من أجل سورية أفضل


أسوأ معارضة بالعالم المعارضة يللي مسماية حالا هلأ المعارضة السورية"ويللي هي الأبرز ع الساحة هلا"
لأنو ما عندا برنامج عمل أبدا.. ومعارضتا بس لمجرد المعارضة و للوصول للكرسي و اسقاط النظام
و ما عندا غير شغلتين رئيسيتين بس بتحكي فيهن اما
1.النظام علوي .... يعني "طائفيين" وهدول اذا حكموا رح يخربوا البلد ويعملوا فينا متل العراق
أو
2. المعيشة والغلاء والفساد "وهي كلمة حق يراد بها باطل"...وكأنو اذا اجو ع الحكم يعني رح يعيش المواطن السوري برفاهية ..ورح ينعدم الفساد ... وما بدن يشوفوا شو عم يصير بسوريا من تطوير بكتير مجالات .. والحقيقة تمت نقلة ايجابية نوعية من كل النواحي منذ استلام الرئيس بشار الحكم .. صح أنو ما صرنا لسا متل اميركا أو أوروبا و لسا في كتير شغل قدامنا ..بس معو معو منكمل الطريق نحو المزيد من الأمور المنيحة وخصوصا حرية التعبير يللي عم نسعالا بخطوات كبيرة "هلأ ما بدي فوت بالتفاصيل"

2

ملاحظة : كل كلامي هو عن بعض المعارضين في الخارج بدون تسمية .. و لست اعمم على جميع المعارضين يللي منهم من يجب وضع يدنا بيده من أجل سورية أفضل

خدوا متل ..مرة كانو جماعة من المعارضة السورية طالعين ع أحدى المحطات..وقال شو ع أساس جبهة وموحدين مع بعضن و ما بعرف شو
واحد منن صار يحكي بمساوئ النظام و أنو اذا اجا رح يعمل و يسوي سوريا الدولة الموحدة القوية الغنية
هلأ مو هون النهفة ..النهفة أنو رفيقو بالمعارضة وهوي كردي بلش يحكي بحق الأكراد أنو يكون الون دولة بمعنى يستقلو ..وقتا هداك الأول يللي عم يحكي بوحدة سوريا ما فكر يرد عليه .. وهاد بيدل على عمق التناقض بالمعارضة السورية الفاشلة
يعني بتشوف العلمانيين متحالفين مع الأخوان
و معارض من عرب الجزيرة السورية يللي بيحكي بوحدة سوريا متحالف مع الأكراد يللي بدن يستقلو
مزيج من التناقضات بتدل ع شي واحد أنو هدول ما بدن يعارضوا ..هدول بدن يسقطو النظام بأي شكل و اخر همن الشعب السوري متل ما شفنا بعض المعارضين السوريين بالخارج عم يطلبوا من أمريكا تفوت ع سوريا مشان تريحن من النظام يعني يصير فينا متل العراق ..هدول شو ؟؟؟هدول بدن مصالحن و مصالحن فقط وانشاالله ستين عمرو الشعب السوري ..ففهموني هدول الناس كيف ممكن نسلمهن رقبتنا