يا أيها الذينَ آمنوا كَم أنتم كَفرة !.

[FORGOTTEN]

والله حاسة حالي اندوخت..كل ما عمبكتشف انو عندي نقص بالبديهة..
أنا غلطانة؟؟...و لا النقاش ما عاد الو علاقة بالموضوع؟؟؟؟؟؟؟؟؟؟؟؟؟؟؟؟

أو بالأحرى بعد كل هالردود اكتشفت انو فهمت الموضوع غلط...

ليش مين هدول لحتى يقرروا مين الكفار و مين لا؟؟؟
كل انسان و الو دينو..بس للأسف نحنا صرنا ببيوتنا حتى عمنتعلم ما نتعامل مع انسان بيختلف عنا بالتفكير..

[whiterose]

كاتب النص الأصلي : sandra

يعني مين هنن الكفار هيك بالمعنى الواسع للكلمة؟؟
وهل شتم الكافر حلال؟
وهل قتل الكافر حلال ؟

بالمعنى الواسع للأسف مابعرف بس هي ثغرة رايحة من طريقي رح بحبش عنها
اما بالنسبة لسؤالك الأول والثاني فبحب قلك انه الجواب اكيد لاء

لأنه لما نزلت الديانة الأسلامية نزلت اختيارية ومو اجبارية

ولما رجع الرسول لمكة فاتحاً قال جملته الشهيرة (كل من في دار ابو سفيان فهو آمن)
بعد المعاهدة يلي ساواها مع الكفار علما انو ابو سفيان كان كافر

[اللامنتمي]

كاتب النص الأصلي : FORGOTTEN

ويل لأمة تنصرف عن الدين إلى المذهب..و عن الحقل إلى الزقاق..و عن الحكمة إلى المنطق..
ويل لأمة تلبس مما لا تنسج..و تأكل مما لا تزرع..و تشرب مما لا تعصر..
ويل لأمة مغلوبة تحسب الزركشة كمالا ..و القبح فيها جمالا...


كاتب الإنسانية: جبران خليل جبران



______________________________لا تعليق______________________

طيب هاد جبران حكي هيك


طيب شو رأيك بقولوا على جبران ملحد و مجنون وما بيعجبهن حكيو


يا صديقتي دائماً الأغلبية تدوس على الأقلية


دائماً

[اللامنتمي]

كاتب النص الأصلي : sandra

يعني مين هنن الكفار هيك بالمعنى الواسع للكلمة؟؟
وهل شتم الكافر حلال؟
وهل قتل الكافر حلال ؟

الكفار هم من يكفرون بالله و لا يؤمنون بالله و ملائكته و كتبه و رسله


طيب أنا شو ذنبي إذا أجدادي خئلو قبل الإسلام


بصير كافر يعني !.


شتمُ الكفار ِ فضيلة وَ إذا قتلتِ كافراً فأنتِ شَهيدة


هلئ إذا واحد شاف رجل مُسالم بحالو و قتله بصير شهيد !.

[Abu ToNi]

بعض الأرقام من غوغل ليس الا :

الجملة التالية بحرفيتها

" الكفرة من اليهود والنصارى "

واردة 60 مرة عبر الأنترنت

جملة :

اليهود والنصارى الكفرة

واردا في خوض الحديث " ليس بالحرفية " 288,000 مرة

جملة :

قتل الكفار

تم تكرارها 352,000 مرة

اما كلمة :

الكفرة

تم تكرارها 289,000
وكلمة :

كافر

تم تكرارها 1,240,000 مرة

مع العلم ان الكلمة في حال تكرارها اكتر من مرة في نفس الصفحة تدخل مرة واحدة فقط في النتيجة

[whiterose]

كاتب النص الأصلي : gabriel

لسخافة القدر اني حاليا عايش بحلب وعلى الاغلب بجانب الجامع اللي انت ذاكره لا بل كانت المدرسة اللي التحقت فيها بالمرحلة الابتدائية واقعا بجانب الجامع المذكور تماما ويفترض انك تعرف شو بقصد .

بذكر كنت صف رابع وراجع على البيت سمعت جملة هزت لي كياني لمدة كتير طويلة كانت الجملة من الشكل :
" الهمّ يتّم اولادهم
آمين "
القصة صار لها اكتر من 10 سنوات وبعدني ما عبقدر استوعبها

كون اكيد وولله انه الله رح ينتقم منه على ها الدعوة واكيد مارح بالأصل يستجيب الله عليها
رح دور على الحديث يلي بيمنع فيه الدعاء على اي انسان باي شيء
وحتى لو دعا الدعاء لايستجاب

[FORGOTTEN]

كاتب النص الأصلي : اللامنتمي

طيب هاد جبران حكي هيك

طيب شو رأيك بقولوا على جبران ملحد و مجنون وما بيعجبهن حكيو

يا صديقتي دائماً الأغلبية تدوس على الأقلية

دائماً

و لكن ما أجمل الزهرة التي عندما تُداس..لا تترك في هذا الكون إلا العبير..

و لكن ..هل الله سبحانه و تعالى ..ذاك السميع العليم..يلبي كل الدعوات؟؟؟
من أؤمن به لا يجعل أطفالاً أبرياءً أيتاماً فقط لأن أحدهم لا تعجبه تصرفات أبيهم..
هل أنا أحلم بالمدينة الفاضلة؟؟؟...ربما..و لكننا دائما محكومون بالأمل..

[whiterose]

كاتب النص الأصلي : FORGOTTEN

و لكن ما أجمل الزهرة التي عندما تُداس..لا تترك في هذا الكون إلا العبير..

و لكن ..هل الله سبحانه و تعالى ..ذاك السميع العليم..يلبي كل الدعوات؟؟؟
من أؤمن به لا يجعل أطفالاً أبرياءً أيتاماً فقط لأن أحدهم لا تعجبه تصرفات أبيهم..
هل أنا أحلم بالمدينة الفاضلة؟؟؟...ربما..و لكننا دائما محكومون بالأمل..

.........

[اللامنتمي]

كاتب النص الأصلي : FORGOTTEN

و لكن ما أجمل الزهرة التي عندما تُداس..لا تترك في هذا الكون إلا العبير..

و لكن ..هل الله سبحانه و تعالى ..ذاك السميع العليم..يلبي كل الدعوات؟؟؟
من أؤمن به لا يجعل أطفالاً أبرياءً أيتاماً فقط لأن أحدهم لا تعجبه تصرفات أبيهم..
هل أنا أحلم بالمدينة الفاضلة؟؟؟...ربما..و لكننا دائما محكومون بالأمل..

الأمل لا يأتي إلا بالعَمل

و أدنى حقوق الإنسان الكرامة الإنسانية

يعني الواحد يُهان ألف مرة وأكتر يمكن يوم الجمعة بسبب الدعاء

و الفضائيات ما بتقصر

هذا الشيء يولد الكره المورث وَ نحنا مجتمع واحد

ما بصير هيك كمان

[ayhamm26]

يعني ما بعرف شو اللي عم يصير بهالمنبر ,يعني الاولى نناقش قضايا البلد السياسية والاقتصادية والاجتماعية مو نقعد نناقش الاديان

صاحب الموضوع عم يدعي انو ما نو ضد الدين, وكل الموضوع والتعليقات موجهه ضد الدين الاسلامي حصرا وللاسف حتى المشرفين مو مقصرين بالسخرية والتهكم

بتمنى لو نترفع عن هالقصص يا شباب لانو في شغلات كتير اهم

[اللامنتمي]

كاتب النص الأصلي : ayhamm26

يعني ما بعرف شو اللي عم يصير بهالمنبر ,يعني الاولى نناقش قضايا البلد السياسية والاقتصادية والاجتماعية مو نقعد نناقش الاديان

صاحب الموضوع عم يدعي انو ما نو ضد الدين, وكل الموضوع والتعليقات موجهه ضد الدين الاسلامي حصرا وللاسف حتى المشرفين مو مقصرين بالسخرية والتهكم

بتمنى لو نترفع عن هالقصص يا شباب لانو في شغلات كتير اهم

يا أخي هاد نقاش مو ديني

بس للأسف صار ديني

أنا أتكلم عَن ازدواجية المعايير وَ الأفعال التي يتكلم بها أؤلئك الناطقين باسم الدين

[yass]

أكبر فضائع التاريخ ارتكبت باسم الدين ... بغض النظر عن الدين شو هوي.. ما حدا قصّر بحدا..

المشكلة وين تكمن... انو غالبا لصق هالفضائع بدين ما هو وليد ربط ركيك و غير منطقي... مثل حالات انتحاريين العراق أو الجزائر.. بيجي بيحكيلك باسم الاسلام... و المشكلة انو في قسم من المتشددين يعتبر الكلام عن هالأمر و كأنو هجوم عالاسلام... لك عمي اللي عم يهاجم الاسلام هو اللي عم يجرم باسمو.. مو انا...


كما قال الماغوط على لسان دريد لحام:" مشكلتنا مو مع الله, مشكلتنا مع الحاط حالو محل الله" و بضيف عليها أنا كمان "و مو ناقصو غير يسجل اسم الله و الدين كعلامة تجارية"


و كمثال عملي... كيف حدا قرا وصية الرسول لاسامة بن زيد (اللي كلنا تعلمناها بالمدارس) ممكن يبرر جرائم أوباش القاعدة بأي مكان بالعالم... و بشكل خاص ببلادنا

[BL@CK]

رجاء من الجميع و بناءا ً على رغبة صاحب الموضوع .. يرجع الموضوع لمنحاه ..

طلعنا كتير عن الموضوع .. يا ريت الكل يرجع لموضوع الحوار الأساسي ..

[ayhamm26]

كاتب النص الأصلي : اللامنتمي

يا أخي هاد نقاش مو ديني

بس للأسف صار ديني

أنا أتكلم عَن ازدواجية المعايير وَ الأفعال التي يتكلم بها أؤلئك الناطقين باسم الدين

وما بتقدر تتكلم عن هالشي الا انو تختار عنوان موضوعك السخرية من اية قرانية

كلنا منعاني من تصرفات الناطقين باسم الدين , بس في فرق بينن وبين الدين
للاسف اللاديني ما بيقدر يشوف الفرق بين انتقاد رجال الدين وانتقاد الدين نفسو بياخد الاتنين بالطريق
ومشان هيك بيستعدي حتى المتدينيين اللي هني كمان مستائين من افعال بعض مستغلي الدين

مشان هيك صدقني بهيك مواضيع انت ما عم تقنع حدا بوجهه نظرك وانما فقط عم تكسب العداء وعم ترسخ الفكرة انو العلمانيين(اكيد بتعتبر حالك علماني) ملحدين وبيكرهوا الدين نفسو

يؤسفني جدا قول انو في بهالمنتدى ناس لادينيين وناس من اديان اخرى بيستغلوا هيك مواضيع لتفريغ شحنات من الغضب ضد دين بيدين في اكتر من 80 بالمية من الشعب

وسواء هالدين عجبن او لاء فلازم نحترموا اذا كان بدنا نبني وطن مشترك

[اللامنتمي]

كاتب النص الأصلي : yass

أكبر فضائع التاريخ ارتكبت باسم الدين ... بغض النظر عن الدين شو هوي.. ما حدا قصّر بحدا..

المشكلة وين تكمن... انو غالبا لصق هالفضائع بدين ما هو وليد ربط ركيك و غير منطقي... مثل حالات انتحاريين العراق أو الجزائر.. بيجي بيحكيلك باسم الاسلام... و المشكلة انو في قسم من المتشددين يعتبر الكلام عن هالأمر و كأنو هجوم عالاسلام... لك عمي اللي عم يهاجم الاسلام هو اللي عم يجرم باسمو.. مو انا...


كما قال الماغوط على لسان دريد لحام:" مشكلتنا مو مع الله, مشكلتنا مع الحاط حالو محل الله" و بضيف عليها أنا كمان "و مو ناقصو غير يسجل اسم الله و الدين كعلامة تجارية"


و كمثال عملي... كيف حدا قرا وصية الرسول لاسامة بن زيد (اللي كلنا تعلمناها بالمدارس) ممكن يبرر جرائم أوباش القاعدة بأي مكان بالعالم... و بشكل خاص ببلادنا

أتساءل

و هل للقادة ثلثي الخاطر في تفرقة الشعوب و بث الضغينة في نفوسهم

" فرق تـَسدْ "

آآآه ٍ منهم

يجيدونَ ضربَ المعارضة وَ جمع الثروة وَ قسـمة الأوطان و َ طرح الأمل

" متفوقونَ في الرياضات "

أيضاً

[yass]

كاتب النص الأصلي : اللامنتمي

أتساءل

و هل للقادة ثلثي الخاطر في تفرقة الشعوب و بث الضغينة في نفوسهم

" فرق تـَسدْ "

آآآه ٍ منهم

يجيدونَ ضربَ المعارضة وَ جمع الثروة وَ قسـمة الأوطان و َ طرح الأمل

" متفوقونَ في الرياضات "

أيضاً

دائما أنصح بنفس الكتاب و نفس الفصل بهذا الكتاب لما اتحدث عن هالشي.. الكتاب هو طبائع الاستبداد (بعرف احكي عنو كتير و كأنو ما قريان غيرو ) و الفصل هو "الاستبداد و الدين".. الشيخ الكواكبي من 100 عام كتب اللي عم يصير هلأ... ابتذال الفكر الديني (اللي هو بالنهاية نتاج فكري انساني و مرحلة من مراحل تطور الفكر الانساني هامة جدا) لمصلحة التخدير الشعبي و الانشغال بتوافه الامور ....

مقولة انو الدين أفيون الشعوب صحيحة (لا حدا يزعل... خلوني اشرح ليش) .. لأنو الافيون يطلع منو الدوا الشافي و المهدئ الهام جدا و الكثير من العقاقير الطبية.. و بنفس الوقت ممكن يطلع منو مواد ضارة...و الاستبداد خير عالم بهالشي.. شوف شيوخ الفضائيات.. شوف الفتاوي السخيفة.. شوف مظاهر التقديس التافهة و تجريم تخطيء أحدهم لمجرد انو هاد شيخ و مشكلتك معو هي مشكلة مع الاسلام.. ألم تقل امرأة لعمر ابن الخطاب أن تعليماته بتخفيض المهور أو جعلها رمزية وقت القحط خاطئة.. و بررت قولها و قال لها عمر ابن الخطاب: أصابت امرأة و اخطأ عمر ؟ (ما بتذكر الواقعة بحرفية..) .

[اللامنتمي]

كاتب النص الأصلي : ayhamm26

(اكيد بتعتبر حالك علماني) ملحدين وبيكرهوا الدين نفسو

يؤسفني جدا قول انو في بهالمنتدى ناس لادينيين وناس من اديان اخرى بيستغلوا هيك مواضيع لتفريغ شحنات من الغضب ضد دين بيدين في اكتر من 80 بالمية من الشعب

وسواء هالدين عجبن او لاء فلازم نحترموا اذا كان بدنا نبني وطن مشترك

وَ هل العلمانية تهمة

وَ هل اللادين جريمة إنسانية

ما هوَ الدين

ما ماهية الدين

تفضل !.

[ayhamm26]

كاتب النص الأصلي : اللامنتمي

وَ هل العلمانية تهمة

وَ هل اللادين جريمة إنسانية

ما هوَ الدين

ما ماهية الدين

تفضل !.

لا انا ما اتهمتك بشي , قلت انك انت بهيك اسلوب عم تعزز الفكرة المنتشرة انو العلمانيين اعداء للدين وبهيك انت عم تخدم الناس اللي عم تهاجمن لانو من مصلحتن يطالعو كل العلمانيين بهالصورة

موضوع اللادينينة حرية شخصية, انت هيك بدك , هيك شايف صح ,تمام انت حر بس في شغلة صغيرة

متل ما انت بتطالب المتدين يحترم اختيارك , لازم تحترم الدين اللي بدينوا في اغلبية افراد مجتمعك

مشكلة الادينيين عنا انو بفكروا حالن وصلوا للحقيقة المطلقة وبالتالي بتبدأ تلاحظ بتعليقاتن احتقار الاديان والمتدينين و السخرية الدائمة منن على اعتبارن قاصرين فكريا ومتخلفين