ظاهرة الاباء والامهات

[موجه بحر]

كاتب النص الأصلي : the big haert

هو الناس بيقولو لما يكونو الامتحانات ع الابواب لازم الاهالي يوفروا الجو الملائم لاولادن مشان يحصلوا منيح بس هني عم يفهموها غلط و بيزودوها كثيير . بس شو منعمل قلوب الاهالي كثير حنونة و لو كانو بيقدروا يدخلوا ع الفحص بدل اولادن كانوا ما قصروا

شكرا لمرورك وردك حياتي .. وفعلا هدول هنن الاهل حنيتهن وحبن عم ينقلب لخوف دائم

[موجه بحر]

كاتب النص الأصلي : simsima57

انا بعتئد السبب انو الوضع اختلف بشكل عام ,
يعني ما بتزكر انو نحنا كان لازم يكون عنا اساتذة خصوصي لكل المواد مع العلم انو الطالب بيكون مسجل دورات .... يعني وضع الدراسة كلو اختلف ...
هلئ صار الطالب من صف الاول بدو دروس خصوصي.
وماساة ورعب الشهادة عنا بيخلي الاهل يصيرو هيك .. الاهل عم يدفعو دم ئلبون لولادن وبالاخر وبهالايام صار لازم ينحكى بالمجاميع الكاملة لانو المعدلات دابحة الطلاب ..

شكرا موجة عالموضوع

صح هالكلام .. فعلا ققصة الأساتذة الخصوصي كان شي قليل ..
لك مو طبيعي صار كل الولاد اساتذة ودورات و حصص خصوصي
من زمان كان في معدلات عالية وكان في مجاميع بلا دروس خصوصي
بس الاساتذة كانو يعطو ويدرسو من قلبن مو متل بعض الاساتذة هلق بيعطو معلومات بسيطة مشان الطلاب يرجعو يسجلو عندن دورات ودروس خصوصي
حالة بتأسي عنجد

ميرسي لمرورك حياتي سمسومة

[*Marwa*]

والله ما بعرف انا شايفيتها شغلة حلوة واهتمام خاص..بس يمكن أحيانا بزودوها شوي وبعيشوا هني واولادهن بضغط...احنا عنا اهالينا بتعاملوا بالعكس ..قال وع زغر بربونا نهتم بدروسنا وبهتموا كتير..وعلى كبر ولما بتقرب امتحانات النهائي (او الباكالوريا متل ما بتسموها) ما بعودوا بسألوا ..أو بسألوا بس ع الخفيف..قال يعني خلص هني مرتاحين على اساس انو ربونا على هالشي ف بتوقعوا انو ما نخيب ظنهن!..
هالموضوع لسا قبل كام اسبوع كنت احكي فيه انا واولاد الصف..وبعكسكو هون احنا كنا نتمنى يهتموا اهالينا شوي!!!

[موجه بحر]

كاتب النص الأصلي : معرف

هلق منحسن منقول اذا الاهل ماخافو على اولادن مين بدو يخاف
وكمان لازم الاهل يسقو بلاولاد وهي مهمه كتير
بس كمان الاولاد زودوها شوي
انو عندو فحص وهو عبلعب سكنبيل
وين صارت هي
بس ومع هيك في كتير نجحو وبتفوق

والله كنا ندرس ع صوت الموسيقى وماما كانت تجن .. بس الحمد لله المعدلات ماشي حالها ودراسة غير شكل

ميرسي لمرورك معرف

[fernanda bachchan kfoury]

اي والله معك حق موجه
انا البابا استاز والماما أستازة بس والله ماعمو معنا هيك يعني بهالشهر وقت قدمت بكالوريا البابا كان ينطرني حد المدرسة بالسيارة ليوصلني عالبيت لحتى اوصل عالبيت حتى يسالوني كيف قدمت وما بيطولو اسئلة لانو هالشي بيزيد ضغط عاللي بيقدم الامتحان

بس باغلب الاوقات عم نشوف هالظاهرة اللي عمتحكي عنا

[موجه بحر]

كاتب النص الأصلي : Reemi

انا لما كنت ادرس ع ايامي يعني .. كانت امي بعد ما وصل البيت تسالني كيف عملتي واحيانا تنسى انا قلها شو بروح بدق ع باب الجيران مشان يسالوني كيف قدمتي ....

هلا في وجهين للقصه .. واحد منهون انو كتير حلو الاهتمام وحلو تلاقي حد مشغول بالو عليك .. ولانو فعلا فعلا تحديد مصير ..والولد بهالمرحلخ ما بكون عرفان شي ..انا هلا اذا بيرجع فيني الوقت بدرس اكتر ..

الجهة التانيه انو بجوز هالاهتمام يقلب ررعب للبنت او الولد ..
فيعني الوسط احلى شي

اي والله ياريمي .. مدري كانت نسوة من اهلينا انهن ما يسالونا مدري كانو يمكن هيك متعودين من اهاليهن ..
كنا نتحركش فيهن حركشة ليسالونا شو عم نعمل وكيف
يعني شوفو الفرق بين اهالينا والاهل هلق ؟؟؟
حلو الاهتمام بس صاير اهتمامزايد وخوف .. عم بيرعبو الولد من الامتحان وعم بيصير معو ازمات نفسية انو اهلو تعبانين
شكرا لردك ريمي

[موجه بحر]

كاتب النص الأصلي : مالك الحلبي

أول شي بهنيكي يا موجة البحر على الموضوع
وفعليا هذا الي صاير
الأهل عبيقدموا الأمتحان أكتر من الأولاد
وضغط نفسي عليهم وعلى العائلة وعلى الحركة الأقتصادية بالبلد وإذا ما كان على القارة الأسيوية
كله معسكر بالبيت بس منشان مود الولد أو البنت للدراسة
ولحقله طلبات وعلى هس وسكوت وشيلوا التلفزيون وقلعوا الأنترفون
حتى العصفور رحلوا عند بيت العمة
الله وكيلك تخربطت البلد من هالبكالوريا والبروفيه
سألني أستاذ أني طالبة بكيت
قلتله بكاء الطالب بعد الفحص نوعين
يا أما مروحله 4-5 علامات
يا أما متسقط تسقيطة على المقتل يعني مهور ومصورخ العجي
ما بقول غير الله يوفقهم للأهل قبل الطلاب
لأنه الأهل تقطعوا 6000 شقفة منشان هالشهادة
ولسا سمعت خبرية قال في غلط بسؤال بالرياضيات
بشرفي إذا صحيح هالخبرية ... الأستاذ ألي حط الأسئلة لازم يرحلوه على أقرب دويرينة
بيجوز يجاوبني الأستاذ : عودي كله بيغلط
هداك الوقت بتشوفي شو بدي أرد عليه:jakou sh:
:jako ush:

لك مبارح شفت ام عندها ولد بالبكالوريا وحياة ربي حسيتها بدها تموت لسا شوي واعصابها تعبانة لانو ابنها مو عامل منيح بمادة .. لك عنجد بتقطع القلب وقال نفسيتها تعبانة وشي خيلة من الخيلات
والله فكرت انو لا سمح الله ميتلها شي حدا
واختي فرطانة عالاخر كمان لانو عندها ولد بالتاسع وبنوتة بالبكالوريا وبعد ما خلص التاسع الامتحان ارتاحت شوي بس هلق الهم كلو لحتى تخلص بنتها

شكرا لردك مالك الحلبي

[موجه بحر]

كاتب النص الأصلي : eva l

انا برأيي انو الأهل لازم يحسسوا اولادهن بالراحة و ما يزيدوا التوتر و الخوف لانو الطلاب مو ناقصين و بيكونوا لحالهن خايفين و متوترين فبيجوا الاهل بزيدوا عليهن ... و على قصة انو الاهل يستنوا اولادهم لحتى يقدموا ممكن تكون هالشغله بصالح الطالب او انو بتشعرو بتوتر اكبر او اذا استقبلوهن بعد ما قدموا و اطمنوا بهدوء بدون ما يشعروهن انو خلص نهاية الدنيا لو ما قدموا منيح فهادا الشي بيكون منيح

يسلمو عالموضوع

شكرا عالمرور

[موجه بحر]

كاتب النص الأصلي : *Marwa*

والله ما بعرف انا شايفيتها شغلة حلوة واهتمام خاص..بس يمكن أحيانا بزودوها شوي وبعيشوا هني واولادهن بضغط...احنا عنا اهالينا بتعاملوا بالعكس ..قال وع زغر بربونا نهتم بدروسنا وبهتموا كتير..وعلى كبر ولما بتقرب امتحانات النهائي (او الباكالوريا متل ما بتسموها) ما بعودوا بسألوا ..أو بسألوا بس ع الخفيف..قال يعني خلص هني مرتاحين على اساس انو ربونا على هالشي ف بتوقعوا انو ما نخيب ظنهن!..
هالموضوع لسا قبل كام اسبوع كنت احكي فيه انا واولاد الصف..وبعكسكو هون احنا كنا نتمنى يهتموا اهالينا شوي!!!

ههههههههههههه سبحان الله
بس انو وين تنتو .. من اي بلد ؟؟؟؟
تعرفي احسن الشي انو الاهالي عنا ياحخدو من اهاليكن ويعطوهن شوي مشان تتعادل القصة
ميرسي لردك حياتي

[موجه بحر]

كاتب النص الأصلي : fernanda bachchan kfoury

اي والله معك حق موجه
انا البابا استاز والماما أستازة بس والله ماعمو معنا هيك يعني بهالشهر وقت قدمت بكالوريا البابا كان ينطرني حد المدرسة بالسيارة ليوصلني عالبيت لحتى اوصل عالبيت حتى يسالوني كيف قدمت وما بيطولو اسئلة لانو هالشي بيزيد ضغط عاللي بيقدم الامتحان

بس باغلب الاوقات عم نشوف هالظاهرة اللي عمتحكي عنا

عنجد لسا في كتير شغلات شفتهن ما حكيتن مشان ما يطول الموضوع
انا كمان حبيت احكي بشغلة احيانا بتحسي الولاد مو سائلين ع شي
يعني بيشوفو اهلن تعبانين وخايفين ع دراستهن وهنن بيضيعو وقت وما بيدرسو
ميرسي لمرورك حياتي