مرحبا،، خليكم قاعدين ،، حلفنا ما حدا بيقوم ،، هاي اول دخلة لنتعرف على الوجوه الطيبة

[zerocold hacker]

كاتب النص الأصلي : ناعورة الحرية

يا ستي الحكي بيني وبينك ولاتقولي لحدا ،، ما يطلع الحكي من بيناتنا امانة.. بشتهي اقدر ارجع لشم تراب سورية واسمع الحكي الشامي عم يرندح بادني حتى لو عشت بسفل بناية على العظم بتنظيم كفرسوسة .. مشتاق مشتاق مشتاق

والله معك حق متل العيشة بالشام ما في الله يرزقك ياها عن قريب انشا الله

[ناعورة الحرية]

كاتب النص الأصلي : الآلهة

خلص مشان حلفانك مابقوم والله

هلا بالطيب الغالي .. عزيز .. وقومتك حلوة

[ناعورة الحرية]

كاتب النص الأصلي : zerocold hacker

والله معك حق متل العيشة بالشام ما في الله يرزقك ياها عن قريب انشا الله

الله يسمع منك يااااارب ويردني إلى حضن أمي وقهوة أمي .. لامسح بخدي دمعة أمي،، الله يرد كل طيور الحرية المهاجرة عن سورية يردها مرفوعة الراس ومجبورة الخاطر يارب .. نرجع نجتمع ويلم كل السوريين حضن واحد

[الآلهة]

كاتب النص الأصلي : ناعورة الحرية

هلا بالطيب الغالي .. عزيز .. وقومتك حلوة

ترى نا جا على بالي اشوف عيونك الحلوة

[ناعورة الحرية]

..... وضعي العام انه خلقتني امي وانا محكوم بالاعدام .. بعمركم سمعتوا هيك سمعه ؟؟ والله العظيم اني من ولادتي لقيت حكم من القانون السوري ومصدق من مجلس الشعب السوري ونافذ باعدامي !! بتتعجبوا؟؟ وصدقوني انه نص الحكم بيحكم باعدام اولادي يللي من صلبي قبل ما يجوا للحياة ويطبق الحكم عليهم حال بلوغهم سن البلوغ والتكليف القانوني.. صدقوني عم احكي جد ما العب بالألفاظ.

بناء على ما سبق هربتني امي من سوريه لما كان عمري سبع سنين بهويه مزوره وسكنت ببيروت على امل يتم استثنائي من الحكم بواسطة .. وانا عم انتظر الفرج اجاني.. اجاني مو الفرج اجاني قوات الردع احتلوا لبنان وحاوطوا البيت يللي كنت فيه بـ 300 عنصر للقبض علي!!! وللطف الله ما كنت بالبيت لاني كنت مخلص الصف الثالث الابتدائي وناجح للرابع وطالع مشوار للجبل فزورولي جواز وهربت لابو ظبي..[/quote]
.. طبعا خلال التنقلات كانت تروح علي سنين دراسة بس الحمد لله بعمري ما اخدتها الا الاول على الصف، ..بابوظبي اجتمعت العيلة كاملة وعشنا تيسرت أمورنا واشتغلنا والله فتح علينا كعائلة لحتى صرت انا بأول جامعة هندسة كهربا بعدا اجت حرب الخليج ضد صدام ((الله يرحمه)) الحرب الاولانيه تبع تحرير الكويت ،، وللي ما بيتذكر انه بهديك الحرب قاتل الجيش السوري مع الجيش الاميركي ضد المرحوم صدام حسين , ولانه قاتل مع الامريكان والخليجيين طلب من دولة الامارات انها تسلم كل واحد من المطلوبين فيها ( اعطتها قوائم بالاسماء) لسورية ( صاروا بحلف واحد وبيمونوا على بعض) . طبعا الامارات بتعرف قصتنا وانه نحنه مالنا اي جريمة بسورية حتى الاحداث يللي صارت بسوريه نحنه ما حضرناها.. لذلك اجوا لعنا قالوا ترى يا اما بتلاقولكم بلد تانيه يا اما بدنا نسلمكم للاعدام بسورية.. فاضطرينا نسافر كل واحد لبلد ،، انا قررت وقتها اكمل دراستي الجامعية بالعراق وبعدها لحقت بقية اهلي للغرب بعد ما عادت تقبل باستقبالنا ولا بلد عربي.
هاي قصتي بالمختصر المفيد.
طبعا طول عمري بلفى على السوريين وين ما كانوا وما حبيت من الشعوب العربية غير العراقيين بحسهم كتير قريبين للسوريين ، وناس فعلا بيتعاشروا الله يفرج همهم وهمنا.
دول المشرق العربي كلها عن بكرة ابيها يللي ما عايش فيها فترة طويلة زايرها وبعض دول المغرب العربي ايضا.. وهلئ اخدت الماجستير الحمد لله وعم اجهز رسالة الدكتوراه.. بركي الله بييسر بدعاءكم.

[الآلهة]

كاتب النص الأصلي : ناعورة الحرية

..... وضعي العام انه خلقتني امي وانا محكوم بالاعدام .. بعمركم سمعتوا هيك سمعه ؟؟ والله العظيم اني من ولادتي لقيت حكم من القانون السوري ومصدق من مجلس الشعب السوري ونافذ باعدامي !! بتتعجبوا؟؟ وصدقوني انه نص الحكم بيحكم باعدام اولادي يللي من صلبي قبل ما يجوا للحياة ويطبق الحكم عليهم حال بلوغهم سن البلوغ والتكليف القانوني.. صدقوني عم احكي جد ما العب بالألفاظ.

بناء على ما سبق هربتني امي من سوريه لما كان عمري سبع سنين بهويه مزوره وسكنت ببيروت على امل يتم استثنائي من الحكم بواسطة .. وانا عم انتظر الفرج اجاني.. اجاني مو الفرج اجاني قوات الردع احتلوا لبنان وحاوطوا البيت يللي كنت فيه بـ 300 عنصر للقبض علي!!! وللطف الله ما كنت بالبيت لاني كنت مخلص الصف الثالث الابتدائي وناجح للرابع وطالع مشوار للجبل فزورولي جواز وهربت لابو ظبي..

.. طبعا خلال التنقلات كانت تروح علي سنين دراسة بس الحمد لله بعمري ما اخدتها الا الاول على الصف، ..بابوظبي اجتمعت العيلة كاملة وعشنا تيسرت أمورنا واشتغلنا والله فتح علينا كعائلة لحتى صرت انا بأول جامعة هندسة كهربا بعدا اجت حرب الخليج ضد صدام ((الله يرحمه)) الحرب الاولانيه تبع تحرير الكويت ،، وللي ما بيتذكر انه بهديك الحرب قاتل الجيش السوري مع الجيش الاميركي ضد المرحوم صدام حسين , ولانه قاتل مع الامريكان والخليجيين طلب من دولة الامارات انها تسلم كل واحد من المطلوبين فيها ( اعطتها قوائم بالاسماء) لسورية ( صاروا بحلف واحد وبيمونوا على بعض) . طبعا الامارات بتعرف قصتنا وانه نحنه مالنا اي جريمة بسورية حتى الاحداث يللي صارت بسوريه نحنه ما حضرناها.. لذلك اجوا لعنا قالوا ترى يا اما بتلاقولكم بلد تانيه يا اما بدنا نسلمكم للاعدام بسورية.. فاضطرينا نسافر كل واحد لبلد ،، انا قررت وقتها اكمل دراستي الجامعية بالعراق وبعدها لحقت بقية اهلي للغرب بعد ما عادت تقبل باستقبالنا ولا بلد عربي.
هاي قصتي بالمختصر المفيد.
طبعا طول عمري بلفى على السوريين وين ما كانوا وما حبيت من الشعوب العربية غير العراقيين بحسهم كتير قريبين للسوريين ، وناس فعلا بيتعاشروا الله يفرج همهم وهمنا.
دول المشرق العربي كلها عن بكرة ابيها يللي ما عايش فيها فترة طويلة زايرها وبعض دول المغرب العربي ايضا.. وهلئ اخدت الماجستير الحمد لله وعم اجهز رسالة الدكتوراه.. بركي الله بييسر بدعاءكم.[/quote]



..............................
فلجتني

[ناعورة الحرية]

كاتب النص الأصلي : قرتي مسك

لا تزعل مني ناعورة الحرية
حاسة انه هالحكي فيه شوية مبالغة
الله يعينكم عندكم هيك قصص بسورية؟؟؟؟؟

تاكدي ما رح ازعل منك لو حسيتي انه بكلامي مبالغة،، ربما كنت ازعل لو ما حسيتي انه فيه مبالغة.. لانه ما حد بيرضى انه يكون وضع بلده بهذا المستوى

وبصراحه كان فيني اثبت كلامي بدون ما اخلي حدا يشك بكلامي، بس ما حابب اغمق كتير مثل ما وصوني باول تعليق على مداخلتي.. وكتير من السوريين فهمانين شو القصة ترى لانها قصة عشرات الالوف وربما تزيد عن مئة الف سوري مهاجر.

على كل حال مشان تعيشي جو القصه بقلك انه في قانون بسورية اسمه 49/80 بيحكم بالاعدام مباشرة على كل من ينتمي او يساند او يأوي أو أو أو.. الخ لتنظيم محدد ويطبق القرار باثر رجعي ،،
ولما كان ابوي بيوم من الايام منتمي لهذا التنظيم ورغم انه ابوي مغادر سورية من سنة 73 اي قبل 9 سنين من صدرو القرار فصار القرار ينطبق عليه ، طيب وانا شو دخلني؟؟؟؟
لانه قوانين هذا التنظيم بتقول انه اولاد اعضاء التنظيم يعتبروا جزءا من التنظيم حكما وبدون ان يقدموا طلب انتساب. وبذلك يطبق قانون الاعدام على كل ذرية واحد انتمى بيوم من الايام لهذا التنظيم .. طبعا في شباب رجعوا لسوريه لانهم بعمرهم ما انتسبوا لهذا التنظيم مثل ابن الحريري يللي لسه مسجون وواحد ابن الطبشي انحكم 12 سنه وخلص محكوميته وطلع. وغيرهم كتييير مو هون مجال لعدلك اياهم