هل تصاب بالغباء احيانا؟؟

[اميرة التوت]

انا رحت للمعهد وكانت معلمة جديدة اجنبية اول حصة
فدخلت قالت هاي ام كلير وانا ماركزت على اسمها ماكنت اللكنة واضحة وقلت لها ثانكس

[الباحثة عن الحرية]

يا جماعة انا اكبر نكتة صارت معي لما كنت بالاعدادية (كنت ال يعني انا خلصت .... بعدني صف تاسع) وكان عنا استراحة وانا حبيت اتصل لاخي الي كان بعدو بالمدرسة بعدين رد على بصوت عصبي كتير وصار يزعق اجيت انا عصبت علي ونزلت فيو بهادل
بعد ما شرشحتو للزلمة اكتفت انو هاد المعلم واخي الاهبل كان يلعب في الموبايل بنص الحصة والمعلم اخدو للموبايل ومفكر انو هاد ابي عم يتصل لاخي لانو الموبايل الي كان معي بالاصل لابي .... وكان المعلم ساعتها معصب كتير من اخي ..... وبدي يصيح ..... يومتها اخدنا انا واخي انذار من المدرسة والله ستر وما طردونا منها......
والله كل ما اتزكرها بفرط من الضحك

[wild_angel]

مرة كنت رايحة على عرس وأنا عم بارك للعرسان قلتلون بالغلط (( عقبالكون )) وهي مابنساها بحياتي وبضحك كل ماتذكرتا

[الباحثة عن الحرية]

مرة اخدونا رحلة على مكان مقدس (مقام) في المدرسة قام مر من حدي شيخ وقلي "زيارة مقبولة" كنت لازم ارد و اقول "منا ومنك" بس ما بعرف شو صابني و قلتلو الله يقبّلك ........ كل ما اتذكر وجهو و"الصدمة" الي كانت علي بفرط ضحكك
هاد الحكي قبل 3 سنين ولحد هلق كا ما بتذكرو بموت من الضحك

[biomen]

كاتب النص الأصلي : M.E.e.R.O

يييييييييييي انا حالات الغباء عندي كتييير خصيصاً بالحكي مع العالم ...

هداك اليوم مارق قدام محل واحد بعرفو قم قللي تفضل قلتلو اهلا وسهلا

ومرة مارق قدام شحادة حاطة العلبة الفاضية قدامها (العلبة هي عبارة عن علبة حلاوة فاضية ) وهي عم تقللي منشان الله والله يوفقك ...وانا كنت مستعجل ...قلتلها يسلمو

وفيييي كتير منن هالقصص ...وبتزكر شغلة قالتلي عليها وحدة بعرفها ...وهي :
لما كان يوم 6 ايار فاقت الصبح على صوت مدافع قام احلى شي انو فكرت صار في حرب بسورية ...شعلت التلفزيون وبلشت تدور بالجزيرة وبالعربية وكل قنوات الأخبار ما لقت شي
قامت قالتلها اختها لكل اليوم 6 ايار عيد الشهدا يا جدبا ارجعي نامي ....ورجعت نامت بعد ما حست حالها قديش عندها جدبة

[MadMax]

كاتب النص الأصلي : asakli

بس ما بعرف شو صابني و قلتلو الله يقبّلك .

الله يقبّلنا جميعاً