اخبــار الكرة السورية 2007 - 2008

[هدوء البحر]

استغرب عضو مجلس إدارة الطليعة ومدير الكرة السيد مازن مرقا الأقاويل التي تتحدث عن نظرية المؤامرة والزج بإسم نادي الطليعة ضمن معادلة البقاء والهبوط للفرق المهددة.

وأكد السيد مرقا لدى اتصالنا به هاتفياً أن الطليعة لايقبل المساومة على مبادئه ولايقبل التضحية بسمعته مهما كانت المغريات كبيرة .

وأشار السيد مرقا إلى أن الحديث عن وجود اتفاق مع الوحدة أمر يدعو للسخرية خاصة وأن النتيجة القاسية التي آلت إليها المباراة تدحض هذه النظرية فإذا كان هنالك من اتفاق كما يروجون بين الفريقين فلماذا نخسر بالثلاثة بينما الوحدة بحاجة للتعادل لاأكثر؟؟

وشرح السيد مرقا ظروف فريقه الصعبة قبل اللقاء والضغط النفسي الذي وجد اللاعبون أنفسهم تحته وأضاف قائلاً: (فريقنا لعب بغياب أكثر من نصف لاعبيه الأساسيين لأسباب متعددة ،فالعميّر دخل القفص الذهبي قبل يوم من اللقاء والفندي يعاني من إصابة قديمة وقد لعب مباراة حطين تحت المخدر الموضعي .والنيجيري إيمانويل تعرض في لقاء الكرامة إلى إصابة بليغة في فكه استدعت لجراحة عاجلة وأربعة غرز وهو لذلك لم يشارك في لقاء حطين،ويونس سليمان لديه إصابة في كاحل قدمه ورغم ذلك طلبنا منه اللعب وكذلك الأمر بالنسبة لكاوا حسو الذي يعاني من أوجاع في أسفل ظهره.هذا ناهيك عن أننا لم نجد حجزاً في أي فندق في دمشق ليلة المباراة مما اضطرنا للسفر يوم المباراة ووصلنا الملعب قبل ساعتين فقط من بدئه!!!وأخيراً كيف تريدون من فريق لعب مباراة مصيرية أمام حطين وبذل لاعبوه جهداً مضاعفاً يوم الثلاثاء أن يلعب بعد يومين مباراة أخرى بنفس الروح وهو لايملك فيها أي حافز لبذل الجهد بعد ضمان المركز الرابع ؟؟؟وبالمقابل فقد واجهنا فريقاً يقاتل للنقطة ولعب أجمل مبارياته هذا الموسم واستحق الفوز عن جدارة .

وختم أبو علاء حديثه لموقع الكرة السورية قائلاً: (كفاكم ظلماً لنا وإذا أردتم البحث في نظرية المؤامرة فليكن ذلك خارج أسوار نادينا فنحن لانبيع شرفنا مهما كان المقابل غالياً وتاريخنا النظيف خلال السنوات الماضية يؤكد ذلك بوضوح وتذكروا بأننا نخاف الله وسيبقى الطليعة في الطليعة في كل شيء ).

منقول...

هي بس منشان اللعي يلي صار كرمال المبارة وحدة مع طليعة

[Reemi]

حيووو جبله

[Government]

للاسف مؤامرة دنيئة من نادي الطليعة .. اللي مابينقال عنا غير وضيعة واللي كان وراها وضيع ..
لكن معقول الطليعة يخسر بهالسولة بارضو .. ولا الفرص اللي ضاعت .. اانا ماحضرت المباراة .. بس اللي حضروة حكولي انو الطليعة من مئات الفرص اللي ضيعا او اللي تعمد انو يضيغا كانو انفرادتين .. يعني مستحيل باي شكل من الاشكال .. ولا باي قوى بتأثر بهالحياة ممكن ضيعن مع هيك ضاعو ..!! ؟
ليش هيك اكيد مو صدفة
بس للاسف المؤامرة نجحت وكانت ضحيتا النادي الحلبي عفرين .. ومابستبعد انو تكون مؤامرة ضد الاندية الحلبية بشكل عام .. مجرد تخمين ومارح احكي حكي تأليف وزت واشلف واحكي حكي مالي متؤكد منو وشايفو بعينو
بس للاسف ظروف المباراة واللي جرا فيا هيك بخليك تحكي
+ انو جبلة ماحليلو يصير برازيل الا مع نادي عفرين .. ونسي انو خسر بالسبعة وبالاربعة قبلا وقبلاتا .. فجأة
صار برازيل سوريا
وهـــأردلك كبيرة لعفرين .. اللي اجنهد وتعب هالموسم كتير بعكس الحرية التعيس .. عفرين تعب وقدك واجتهد وجاهد ..وبصراحة فاتح زكي كان مدر قدير وبيستحق الاحترام وكان ممتاز مع فريقو رغم كل اللي وقفو ضدو ودفع بس للاسف الحظ وقف ضدو وماساندو وطبعا هادا ماعدا نظرية المؤامرة اللي صارت
وللاسف عفرين .. وهــاردلك وان شاء الله السنة الجاي منشوفك بالاولى ع هالاداء الجميل
وبالنهاي صفا الاهلي الوحيد بالاولى .. والله يستر من المؤامرات الكبيرة .. اللي صاير هما الاول والاخير فرق العاصمة .. وصلنا عشر سنين منشوف الشرطة ع شفير الهاوية .. مع هيك بتلاقي ع اخر لحظة مشيت امورو
واللي الوحدة اللي كان على اعتاب الهبوط كمان .. بس الله ستر .. وبهالاداء تبع هالموسم صراحة لازم ينزل ع التانية من زمان ..

وصدق مين قال وهالمقولة سمعانا كزا مرة بس مابعرف مين صاحبا
بقلك ازا رياضة حلب بخير .. فرياضة سوريا كلياتا بخير
بس للاسف رياضة حلب كل مالا لورة .. والله يستر من الاعظم
ومع هيك بضل الكرة الحلبية رمز وشعار كبير للكرة السورية
.. ومدرسة الكرة السورية ..



واكيد هلأ مباراة الاتحاد والكرامة الساعة 8 .. وكلاسيكو الكبير
وان شاء الله الاهلي بظفر بالفوز من ارض حمص من مافاز بحلب وباداء اكتر من رائع .. حتى يبقى الاهلي عقدة للكرامة هالموسم .. وكل المواسم ان شاء الله

[Government]

كاتب النص الأصلي : مسطول على طول

السنة جاية الدور ع الاهلي خيو ماعاد بدنا حلبية بالدوري

فشرت
الاهلي لو في فوق الاولى كان طلع .. واقرا ردي فوق بتعرف شلون فرق الشام امثال الوحدة والشرطة مازالو معلقين بالاولى .. وهنن كل موسم بصيرو ع شفر الهاوية وخاصة الشرطة بس فجأة بتلاقي حقق معجزة
يؤسفني اقلك نوادي الشام ماعبضل الا بشوية مؤامرت وتسالي مع الشباب الطيبة .. وبتعرف نحن ماعنا فساد طاول طاول .. واتحادنا الرياضة بينضرب فيه المتل بالنزاهة والشرف فردا فردا
وازا بتحب تتاكد هاللكلام حاول تحضرك شي مباراة بنهايات الموسم وخاصة ازا كان شي نادي شامي مهدد ورح تشوف القصة

ع كلن اللي صار صار .. وان شاء الله السنة الجاي بتتوج الرياضة الحلبية بالدوري والكأس الاهلاوية .. وبرجعة عفرين واليرموك او عمال حلب ع الاولى (مابدنا الحرية خليا بالتانية طز بالحرية )
وبضل الرياضة الحلبية مدرسة الكرة السورية مهما جار الزمن وكثرة المؤامرات

[هدوء البحر]

لك حسون كل الحكي يلي كتبتو انا بعدك عم تحكي هيك

بعدين ليش متجاكرين منا لك حتى لو متل ماعم تحكي كلنا ما نزلنا لانو صاحبك عفرين خسروا

[barcawi]

كاتب النص الأصلي : المحارب العتيق

وحداوية

الله ستركم

[يمان Rooooonaldo]

شكلو الجيش راجع شادد ...

[مسطول على طول]

فشرت

اشبك شوحكينا يعما شو حقود , على قولت احد الاصدقاء قال ماعاد في مبادلت صور ومدري شو ومن مصادر موثوقة في كوشة عندو

كاتب النص الأصلي : Government

الاهلي لو في فوق الاولى كان طلع .. واقرا ردي فوق بتعرف شلون فرق الشام امثال الوحدة والشرطة مازالو معلقين بالاولى .. وهنن كل موسم بصيرو ع شفر الهاوية وخاصة الشرطة بس فجأة بتلاقي حقق معجزة
يؤسفني اقلك نوادي الشام ماعبضل الا بشوية مؤامرت وتسالي مع الشباب الطيبة .. وبتعرف نحن ماعنا فساد طاول طاول .. واتحادنا الرياضة بينضرب فيه المتل بالنزاهة والشرف فردا فردا
وازا بتحب تتاكد هاللكلام حاول تحضرك شي مباراة بنهايات الموسم وخاصة ازا كان شي نادي شامي مهدد ورح تشوف القصة

ع كلن اللي صار صار .. وان شاء الله السنة الجاي بتتوج الرياضة الحلبية بالدوري والكأس الاهلاوية .. وبرجعة عفرين واليرموك او عمال حلب ع الاولى (مابدنا الحرية خليا بالتانية طز بالحرية )
وبضل الرياضة الحلبية مدرسة الكرة السورية مهما جار الزمن وكثرة المؤامرات

خيو شو طابة ما طابة الله وكيلك يمكن بطلت هل اللعبة عنا .. زحمة يادنيا زحمة الملاعب بالشام فاضية والعالم ماعاد سألت على شي اسمو طابة العاصمة صارت مملة ومقرفة

شبدي قلك بتصدق انو ملعب الجلاء ولملاعب السداسية الي قدامو كلها فاضية ماعاد في شباب مدري شو القصة !؟

يازلمة من زمان كنا نفيق من طيز الصبح لاخر الليل ولحنا عم نلعب والملاعب معباية فرق جمهور أما هلء ماعاد في شي من هل الشي

ع كلن اللي صار صار .. وان شاء الله السنة الجاي بتتوج الرياضة الحلبية بالدوري والكأس الاهلاوي

كل سنة بتقول هل الجملة يازلمة بشرفي زعلت عليك مشتهي باركلك السنة جاية بالدوري حالتك صايرة صعبة

[المحارب العتيق]

عقبال حسون قصدي عقبال الأتحاد على التانية

[barcawi]

أمين
لانوا بصراحة بهدلونا بكأس اسيا وصار لازم شي نادي ياخد فرصة اسياوية غيرو
ولو كان المجد اللي انا ما بشجعوا بس على الاقل بيكتسب خبرة

[Government]

اشبك شوحكينا يعما شو حقود , على قولت احد الاصدقاء قال ماعاد في مبادلت صور ومدري شو ومن مصادر موثوقة في كوشة عندو

ايواااااااااا .. اشتغل ضرب المنيات
يعني بدك تمسكوني من الايد اللي بتوجعني ؟؟
يا اخي كم مرة قلنالكن لادخلولنا الرياضة والحوارات الرياضية بالحياة الاجتماعية ولو

كل سنة بتقول هل الجملة يازلمة بشرفي زعلت عليك مشتهي باركلك السنة جاية بالدوري حالتك صايرة صعبة

لا لا هالسنة اكيدة .. صار عنا خبرة مشان نتدارك اخطائنا
خلص من عندي هالسنة يا الكأس اهلاوي
او السنة الجاي الدوري اهلاوي ان شاء الله واليرموك وعفرين ع الاول (وطز بالحرية )

[Government]

كاتب النص الأصلي : المحارب العتيق

عقبال حسون قصدي عقبال الأتحاد على التانية

مابتصير.. حتى لو حاولت تتخيلا مابتصير
خليني اشوفكن سنة الجاي بدكن تنزلو ولا لأ .. حاجتكن ئررح يا

كاتب النص الأصلي : barcawi

أمين
لانوا بصراحة بهدلونا بكأس اسيا وصار لازم شي نادي ياخد فرصة اسياوية غيرو
ولو كان المجد اللي انا ما بشجعوا بس على الاقل بيكتسب خبرة

شو خبرة ماخبرة .. يا حبيبي ازا الاتحاد كان يخسر 3 -0
المجد ياخوفي تشطح معو 6 صفر
بقى بلا هالشمسة هي .. وشمسة عن شمسة بتفرق
ومابدو هالخبرة ويسود وشنا اسيويا

اصلا كلا ع بعضا مارح يصحلنا غير مقعد واحد بالبطولة الاسيوية على ما اظن
هيك هيك التاني مارح يشارك

[LiOnHeArT.3LA2]

لك انو بدي رد احكي وقول

بما اني كرماوي

كلامي مطعون فيه

بس يا اخواتنا واخواننا

مين فينو يقول انو الكرامة ما خرجو يشارك
وهوي اللي عنجد شرّف سورية بآسيا

وخلاها تنحسبلا حساب

يمكن تكون ضربة حظ

بس ما في حدا بضربة حظ

بيجيب الدوري .. والكأس و وصيف آسيا

وبيتم "" ما رح قول عنفس المستوى "

بس بمستوى منيح

اللي بدو يقعد يقارن الكرامة بالجيش

لانو الامكانيات والتسهيلات والدعم وال " نفش " اللي تقدم لفريق الجيش ما تقدم

ولا رح يتقدم لفريق سوري .. غير الجيش

" بما انو نحنا بحالة استعداد للحرب "

بالنسبة للفريق او الفرق التانية اللي يمكن تطلع

المجد .. الاتحاد .. الطليعة ..

كلياتن على عيني ثم راسي

بس كل واحد عندو مشكلة

المجد عندو مشكلة اسما .. رجا رافع ..

ازا انضرب رجا رافع .. انضرب المجد

الاتحاد .. عندو مشاكل شو هيييي ما بعرف

بس بزعل عالاتحاد

وقت بيوصل للذروة بينتزع

الطليعة .. فريق منيح ورائع وماشي على خطوات حلوة ..

وشي حلو انو فريق يطلع من الدرجة التانية ما ينزل فورا

هادا بأكد على انو الفريق متعوب عليه

بس في مشاكل ادارية كبيرة

واللاعبين بيتأثرو بالمشاكل الادارية

...............

يعني ما رح قول انو الكرامة الفريق المثالي

بس عنجد .. بالنسبة لسوريا .. وخلينا نقول بلاد الشام ..

الاردن .. فلسطين .. لبنان .. العراق ..

الكرامة فريق متميز

حاجتي حكي ما بدي اقعد اكتب شعر بالكرامة ..

بس عنجد بيحقلو .. في شي حكيي غلط ؟

[هدوء البحر]

ستنطلق يوم الثلاثاء القادم مباريات الدور ربع النهائي من مسابقة كأس سوريا لكرة القدم فيلتقي الاتحاد مع تشرين في حلب، وحطين مع جبلة في اللاذقية.
كما سيشهد يوم الأربعاء مواجهة ساخنة في حمص بين الكرامة حامل اللقب وضيفه الجيش، وفي دمشق يلعب المجد مع حطين.
وتقام مباريات الإياب يومي الجمعة والسبت القادمين.
وحدد الاتحاد السوري 15 تموز/يوليو الحالي موعداً لمباراتي ذهاب نصف النهائي على أن تقام مباراتا الإياب في 18 منه، والمباراة النهائية في 22 من الشهر ذاته.

[مايسترو]

للعلم الوحدة قبل استئناف الدوري كان وصيف الكرامة بمرحلة الاياب

[مايسترو]

للعلم الوحدة قبل استئناف الدوري كان وصيف الكرامة بالاياب



مايسترو

[Government]

كاتب النص الأصلي : مايسترو

للعلم الوحدة قبل استئناف الدوري كان وصيف الكرامة بمرحلة الاياب

عفوا ..

[المحارب العتيق]

كاتب النص الأصلي : Government

مابتصير.. حتى لو حاولت تتخيلا مابتصير
خليني اشوفكن سنة الجاي بدكن تنزلو ولا لأ .. حاجتكن ئررح يا

اذا بتصير ستميت حسون مابتصير


شو خبرة ماخبرة .. يا حبيبي ازا الاتحاد كان يخسر 3 -0
المجد ياخوفي تشطح معو 6 صفر

مين قلك لاتخاف مارح يفضحونا أكتر منكم