|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
17/07/2009
|
#289 | ||||||
|
مشرف
  |
حومص ولا حلب ؟
طرطوس ولا الادقية ؟ الاتحاد ولا الكرامة؟ الرقة ولا دير الزور ؟ مرسيل الا مرام (واحد بس سامر الا هشت نشت ريتا الا ريم اب سليمان الا شوط ياقمر يمان الا جاد (بدي الوصلو هه انا ولا حسن حسن ولا انا ابوك ولا امك ؟ بتحب الوحدة والهدوء ولا الضجة ؟ مين اذكى الحماصنة ولا الكراد ؟ مين عقلو حيط اكتر الكراد ولا الحلبية ؟ مين بتشجع من المنتخبات ؟ عدا سوريا (ازا كنت بتشجعا اصلا ) عالمية ؟ عربية ؟ من الاندية ؟ الاجنبية ؟ السورية ؟ العربية ؟ مين اكتر لاعب سوري بتحب ؟ (قدم وسلة) اكتر ممثل سوري ؟ اكتر مغني سوري ؟ اكت لاعب بتحبو بالاتحاد ؟ اكتر لاعب بتحبو بالكرامة ؟ اكتر لاعب بالجلاء وحدة في الاخوية انت معجب فيا من زمان وماعبتقد تقول ؟ واحد بالاخوية معجب في من زمان ومستحي تقول (غيري طبعا ) ؟ مين بتحب اكتر واحد من المشرفين والمشرفات او بتحسي اقرب للاعضاء ومتواضع وعاد وكلووووو؟ عطيني اسم شب واسم بنت من المشرفين؟ نفس السؤال بنطبق ع المنسقين عطيني اسم شب وصبية من المنسقين بتحسي انو ادمي واكابر وعادل ونفسيتو حلوة ؟ عضو او عضوة كنت ماتطيق بس بعدين تبينلك انو كتير حباب وعكس اللي كان ؟ عضو كنت مفكرو حباب ومنيح واكابر وطلع عكس المتوقع ؟ عضو تقاتلت معو ؟ عضوة تقاتلت معا ؟ عضو ماهضمتو ؟ عضوة ماهضمتا ؟ بتحب المحشي مخبوص ولا مفلفل؟ بتحب البيبسي ولا الكوكاكولا ؟ مين من الاعضاء جاي عبالك تشوفن ؟ بتحب البطاطا لحالا ولا مع كاتشب ؟ اكتر كلمة بتحب تسمعا ؟ بتحك كلام قليل ادب لما بتعصب ولا بضل ماسك حالك ؟ شو الشغلات اللي بتمبيز فيا الشب السوري عن الشب الخليجي ؟ والشب الحلبي عن عن باقي الشباب بسوريا؟
اللــي طــــالع الجحش ع المأدنة .. بنزلـــو
|
||||||
|
17/07/2009
|
#290 | ||||||
|
مشرف
|
شوش يا شوش كيفك ..؟؟ شو أكتر مكان ( أو يمكن زاوية صغيرة ) اشتقتيلو بالشام ..؟ بما انك عايشة بالغربة شو هني أكتر 3 اشيا موجودة بالوطن ( مادية أو معنوية أو حسية .... ) .... عم تفتقديها حالياً سؤال فني شو رأيك بالفن السريالي ..؟؟ و صفيلي هاللوحة .. بما لا يقل عن ثلاثة أسطر  
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
الملاكمة|
17/07/2009
|
#291 | ||||
|
عضو
-- مستشــــــــــار --
|
يسعد صباحك شوش ( هيك الكل بينادوكي فقلدناهون
 )كم سؤال خفاف نضاف شوش مين هيي باتوسة اسطر؟ خبرينا شو بيعنيك التصوير؟؟؟ وهوي هواية وبس ولا بتحبي تخليها مهنة ؟ كونك بالغربة .. شو قدمت هالتجربة الك ؟؟ سواء شخصية بحتة او بنطاق عام اكتر شغلة ايجابية بغربتك شو هيي واكتر سلبية كمان ؟ عندك احساس فعلا انو ممكن تكبري بالغربة ؟؟ ( اقتباس من موضوع الك على ما اظن  )واخيرا شو درجة حرارة الزيت يلي عم تنقلي فيه ؟ وبتفضليه زيتون ولا مزولا؟ وسلامات 
قلي لي احبك
كي تزيد قناعتي اني امرأة قلي احبك كي اصير بلحظة .. شفافة كاللؤلؤة |
||||
|
17/07/2009
|
#292 | |||||||||
|
مشرف متقاعد
|
اقتباس:
 .. اقتباس:
 .. اقتباس:
 ..
من يومها صار القمر أكبر :)
______
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
|||||||||
|
17/07/2009
|
#293 | ||||||||
|
مشرف متقاعد
|
Government
حومص ولا حلب ؟ حمــــــــــص طرطوس ولا الادقية ؟ الرمال الذهبيه (( طرطوس )) الاتحاد ولا الكرامة؟ الكرامــة الرقة ولا دير الزور ؟ الرقة  _____ ملغوم هالسؤال (( التالي )) .. انو كيف بدي نقي هيك بالمطلق ؟ متل اللي عم يقلك باليورو ولا بالدولر .. يعني انت اذا رايح على اميركا بدك دولر و اذا اوربا يورو فما في شي هيك مطلق .. لذلك مش رح جاوب عليه الا اذا حددتلي .. اقتباس:
أنا حسن ولا انا أنا بتحب الوحدة والهدوء ولا الضجة ؟ بتتعب أعصابي بالضجه لذلك الهـدوء طبعا ً مين اذكى الحماصنة ولا الكراد ؟ حومـص و بئس المصير  مين عقلو حيط اكتر الكراد ولا الحلبية ؟ انـت ( ماكتير مخالطه حيطان حلبيه او اكراد ) مين بتشجع من المنتخبات ؟ عدا سوريا (ازا كنت بتشجعا اصلا ) عالمية ؟ ايطاليا عربية ؟ سـوريا اقتباس:
مين اكتر لاعب سوري بتحب ؟ (قدم وسلة) انت اكتر ممثل سوري ؟ مافي اكتر ممثل بحبه في ممثل ناجح و ممثل مش ناجح باختيار ادواره .. لذلك تختلف حسب الدور اكتر مغني سوري ؟ أيضا ً مافي ( انا ما كتير بعرف اتعامل مع الامور المطلقه ) في انـّو في غنيه بتتألف من صوت و لحن و كلمات .. اجتمعت هي العناصر صارت غنيه منيحه و بسمعها .. غير هيك ما بيمشي لانو المغني لحاله ما بيعمل غنيه .. اكت لاعب بتحبو بالاتحاد ؟ مابعرفهم اكتر لاعب بتحبو بالكرامة ؟ في واحد اخوها لكوافيرة اللي كنت روح لعندها بحمص .. بيلعب بالكرامة اي هاد اكتر واحد بحبه فيهم .. ( الوحيد اللي بعرفه أيضا ً ) اكتر لاعب بالجلاء مابعرفهم وحدة في الاخوية انت معجب فيا من زمان وماعبتقد تقول ؟ لا حياء في العلم واحد بالاخوية معجب في من زمان ومستحي تقول (غيري طبعا ) ؟ بتخيّل تنياتهم بيعرفو بس للي مابيعرف : Jimy فنان و حمصي و تسالي و شغلة كبيرة  stormsmaker بيعجبني اسلوبه بيعجبني كيف بدّو يغير الدني و ياخد حقه من تم الاسد لو اطره الأمر .. مين بتحب اكتر واحد من المشرفين والمشرفات او بتحسي اقرب للاعضاء ومتواضع وعاد وكلووووو؟ هاد السؤال بنيته غلط .. يعني مين بحب اكتر شي ؟ او مين بحسه قريب للاعضاء أكتر ؟ لأنو بتفرق .. و شو مفهوم المشرف (( الأخضر - الأخضر الغامق - الأخضر الفاتح ؟؟ )) جاوبني على هالتفاصيل لاقدر جاوبك بالنسبه للمشرفين .. عطيني اسم شب واسم بنت من المشرفين؟ كمان مرّه شو مفهوم المشرف ؟ يعني ايّ لون اخضر او كل الألوان ؟ القائم يعتبر مشرف ؟ المشرف المتقاعد مشرف ؟؟ ناطره تجاوبني لجاوبك ؟ نفس السؤال بنطبق ع المنسقين عطيني اسم شب وصبية من المنسقين بتحسي انو ادمي واكابر وعادل ونفسيتو حلوة ؟ كمان مرّه السؤال بنيته غلط .. يعني مين بحب اكتر شي او مين بحسه قريب للاعضاء أكتر ؟ لكن رح جاوب عالتنين ..أكتر منسق بحبه .. هممم .. في سامر .. بحب اسلوبه الاشرافـي كمنسق يعني بحب التنـسيق اللي بيشتغل عليه بكل من السقيفه و الموسيقى أكتر منسق بحسه ادمي و اكابر و عادل و نفسيته حلوه .. suryoyo عضو او عضوة كنت ماتطيق بس بعدين تبينلك انو كتير حباب وعكس اللي كان ؟ مايا* و صارت من أعز الأشخاص بأخويه أيضا عضو كنت مفكرو حباب ومنيح واكابر وطلع عكس المتوقع ؟ رح خبرك حقيقه مرّه انو في اجابه ( و في اكتر من اجابه ) على هالسؤال لكن مش حابه جاوب عليها حاليا ً عضو تقاتلت معو ؟ اعتقد قرصان الأدرياتك مرّه بالبريد عضوة تقاتلت معا ؟ ما بتذكر اني تقاتلت مع حدا غير القرصان .. عضو ماهضمتو ؟ Vivasyria عضوة ماهضمتا ؟ صـراحة مش عم يجي عبالي حدن بهي اللحظه .. أنا ما عاده كتير بشكل انبطاعات عن الناس و بحاسبهم عليها اذا ما شفت دلائل يعني لذلك قد يكون مافي .. بتحب المحشي مخبوص ولا مفلفل؟ مابحب المحشي  بتحب البيبسي ولا الكوكاكولا ؟ ما بشوف فرق بالطعمه مين من الاعضاء جاي عبالك تشوفن ؟ في كتير أعضاء بعد ما التقيتهم و بحب التقيهم (( يعني مش رح بذكر الي التقيت فيهم مع اني بحب ارجع التقي فيهم )) عد لقلك : willi yass MadMax Hus hashnasht مايا* حسن غوفرمنت يعني .. يعني بمعنى آخر انت AHMAD .. يمان رونالدو بس هدول اللي خطرو عبالي حاليا ً و اعتقد بس مبدئيا ً .. بتحب البطاطا لحالا ولا مع كاتشب ؟ حـسب .. بمكدانلدز بحبها مع كتشب بالبيت بحبها بلا كتشب  اكتر كلمة بتحب تسمعا ؟ بتعتمد من مين  ..بس بشكل عام "صباح الخير " بحس هي الكلمه لتقابل فيها الناس ببداية النهار شغلة كبيره .. انك تفوت على مكان ما بتعرف فيه حدا و تقول للكل صباح الخير تعطيهم هالدفع المعنوي هي يعني هيك مدري شو بتعمل فيني بحبها كتير بحب قولها و بحب اسمعها ( حتى لو مو موجهه الي بحب اسمع الناس عم تصبح على بعضها ) .. بتحك كلام قليل ادب لما بتعصب ولا بضل ماسك حالك ؟ ما كلام قليل أدب بالمعنى الحرفي انما بحكي اشيا ما بكون رايده احكيها احيانا ً - اشيا بتزعج اللي قدامي .. أحيانا ً بتصرّف غلط ( هديك المرّه سكرت الباب بوجه شخص كنا عم نتجادل انا و ياه ) .. شو الشغلات اللي بتمبيز فيا الشب السوري عن الشب الخليجي ؟ كل شي والشب الحلبي عن عن باقي الشباب بسوريا؟ انو حلبي |
||||||||
|
17/07/2009
|
#294 | ||||||
|
مشرف متقاعد
|
MadMax شوش يا شوش سمرا يا سمرا  كيفك ..؟؟ تماس انت كيفك ؟؟ شو أكتر مكان ( أو يمكن زاوية صغيرة ) اشتقتيلو بالشام ..؟ قـاسيون مـلحق : في كمان بيت جدي .. ومعرض و مقهى عالبال بباب توما .. بما انك عايشة بالغربة شو هني أكتر 3 اشيا موجودة بالوطن ( مادية أو معنوية أو حسية .... ) .... عم تفتقديها حالياً أمـي في روح معينه من الروابط الاجتماعيه او حتى الروابط البديهيه بين الناس عم افقدها كتير وجوه الناس بالشارع .. الحركه الثقافيه بسوريا .. مع بساطتها الا انو كتير و من زمان كنت حاول شارك و بحب اني احضر و ساهم بالاشيا الثقافيه بسوريا .. مسارح معارض كتب . حفلات , مسابقات , اي نوع من النشاطات كتير بيحب اني اقدر شارك فيه و بيزعجني انو هون السفاره السوريه ما بتقوم بايّ نشاطات تذكر و كل ما نحاول الاتصال فيها بتحس انك بتنزعج اكتر من هالقصه لذلك يعني سؤال فني شو رأيك بالفن السريالي ..؟؟ صراحه انا شخصيا ً ما كتير بيلفتلي انتباهي .. بحس فيه فوضى لكن في لوحات سرياليه ممكن تعجبني الا اني مابتخيل تشوفني عم ارسم سريالي بيوم من الايام و صفيلي هاللوحة .. بما لا يقل عن ثلاثة أسطر ما فهمت كيف بدك ياني اوصفلك ياها .. بس خليني ابدي اعجابي فيها بدايه ً كونه الغموض اللي فيها اضافه للاضاءه شغله لا يـعلى عليها .. غير هيك شو بدي اوصف فيها ؟ عجبني التناغم بين الظل و الضوء و عجبني وجه البنوته و ايضا الأرض الشطرنجيـّة و اللوحه عالحيط حسيت وجودهم عاطي للوحه هويه .. هي صارو اربع اسطر |
||||||
|
17/07/2009
|
#295 | ||||||
|
مشرف متقاعد
|
sona78
يسعد صباحك شوش ( هيك الكل بينادوكي فقلدناهون )اي فيكي تناديلي شوش كم سؤال خفاف نضاف عليهم شوش مين هيي باتوسة اسطر؟ شوش .. بنوته سوريـّة للعـظم 20 سنـه مع كمشـه مبادئ و قصص .. عم ادرس هندسه عماره حاليا ً .. بحب الفن بكل اشكاله ( رسم تصوير مسرح ميوزك آداب .. الخ )) و بهالمناسبه فخليني قول انو عم نجهـّز لمعرض بأيلول حاليا ً و الجميع معزومين .. بكره الكذب و الخيانه و ما بسامح عليهم بنوب بنوب بنوب بنوب كل شي تاني ممكن ينبلع معي الا هالشغلتين .. مزاجيه نوعا ً ما .. هيك فيكي تعتبري انو صار عندك خلفية عن اهم الأشيا بشوش .. خبرينا شو بيعنيك التصوير؟؟؟ وهوي هواية وبس ولا بتحبي تخليها مهنة ؟ التصوير شـــغلة كبيرة .. التصوير العادي اليومي يعني بدون ما يكون فني هو ايضا شغله كبيره ..هو تثبيت للزمن .. للذكرى .. للوقت .. هو الآله اللي بترجعنا بالزمن لورا .. لولا الصور ما كنا عرفنا كتير اشيا تاريخيه او سياسيه او كتير غيرها يعني بعتقد اله التصوير من أهم الاختراعات اللي حصلت بتاريخ البشريه .. قبل التصوير كانت الناس تدفع للرسامين مشان يرسموهم و يقدرو يحتفظو بصورهم و يمرقوها لاولادهم و احفادهم و هالشي كان ياخد اوقات كتيره كماكانو يستأجرو رسامين ليرسمو الأحداث المهمه ( انتخاب ملك مثلا ً أو انقلاب شعبي ) هيك أحداث هلأ بنوثقها بصوره و نرمزلها برسوم لكن بوقتها كانت الرسمه هيّ كل شي .. بعد اختراع اول اله تصوير بدأت كتير مقايس فنيه تختلف .. يمكن التصوير الفني من أجمل الفنون .. انك تقدري تلتقطي احساس تلقطي .. تلقطي جوع فقر .. فرح ابتسامه .. زاويه .. بالنسبه للشق التاني من السؤال فأنا كنت آخده هوايه و عالخفيف كمان و لكن حاليا ً بجامعتي صار في نوع من العصلجه ببعض الامور بالنسبه لبعض الموا د و توزيعها و بذلك قد يتأخر تخرجي فتره و اقدر ادرس شي تاني بنفس الوقت .. كنت سابقا ً بلشت اعمل مسرح و لكن قد ما يمشي الحال كتير بالمسرح كمـّل نظرا ً لجدول اوقاتي و المسرح يستهلك وقت كبير جدّا ً لذلك الخيار التالي هو رسم و تصوير كتخصص يعني كونك بالغربة .. شو قدمت هالتجربة الك ؟؟ سواء شخصية بحتة او بنطاق عام الغربة .. قدمتلي كتير .. يمكن صعب اقدر عد شو قدمتلي بواحد تنين تلاته هيك لكن يعني عالم مختلف عادات تقاليد مختلفه .. يعني جزء من تقبل الآخر و التعايش معه و اذا بدك الانصـهار فيه كمان مع المحافظه على الهويه الأصليه و المبادئ الاساسيه .. أنا طلعت من سوريا بمرحله عمريه حرجه ( متل ما بقولو ) يعني فتره مراهقه و تكوين شخصيه و تسالي .. فالغربه او خليني حدد أميركا تحديدا ً لعبت دور بتوجيه شخصيتي .. المبادئ و الجزور الفكريه ذاتها تقريبا ً لكن اكتملت بالغربه .. كتير اشيا .. متل ما قلت صعب عددهم و اذكرهم كلهم لانو ما بقدر افصلهم كتير عن شخصيتي قبل و بعد و هيك اكتر شغلة ايجابية بغربتك شو هيي فيكي تقولي انو متل ما ذكرت سابقا ً نمتلي و وجهتلي شخصيتي و مبادئي و علمتني اعتمد على حالي و حالي فقط فقط .. و انو الحقوق هو شي بتاخد ما بينعطى .. واكتر سلبية كمان ؟ سلبيات الغربه تقريبا ً معروفه لكن انا ما كتير بحب اطلع عالسلبيات بالأمور لانها ما رح تعمل شي غير انها تضارب عالايجابيات لذلك بلاها عندك احساس فعلا انو ممكن تكبري بالغربة ؟؟ ( اقتباس من موضوع الك على ما اظن )همممم .. حطيتي ايدك عالمنطقه الحساسه هلأ .. اي كنت من فتره عملت موضوع بهالخصوص .. أنا اليوم عمري 20 سنـه رايحه باتجاه الـ 21 .. طلعت من سوريا كان عمري حوالي 15 سنه او شي هيك .. برجع زياره شهر بالسنه او السنتين .. فمابعرف اذا فعلا ً فيّ ارجع بسهوله .. بدي لخلص جامعتي هون كمان شي سنتين تلاته يعني بوقتها بكون صرلي بين 8-10 سنين برا البلد .. أنا رغبتي الشخصيه اني ارجع لكن هالأمر بتعلق بأكتر من عامل : أولهم هو قدرتي على اعاده التأقلم .. 2. يعني هوّ عاده الناس بترتبط ببعضها و هيك و بيعملو عيله فقرار اني ارجع عسوريا او لاء او يعني اني اكبر بالغربه و عمـّر فيها او لاء هو قرار مافيّ قرره لحالي اذا كان في مشروع ارتباط رسمي من هون لوقت خلص درس ( حاليا ً مافي مشان الاشاعات يعني ) .. لكن وقتها بتكون صارت القرارات مشتركه و البقاء للخيار الافضل للمجموعه و ليس الفرد .. 3. بنتركها للظروف و ما تحمله من مفاجآت .. واخيرا شو درجة حرارة الزيت يلي عم تنقلي فيه ؟ هممم .. حاليا ً لسـّا عم يشعل .. فلساته عالخفيف .. وبتفضليه زيتون ولا مزولا؟ زيـــتوووون وسلامات سلامه |
||||||
|
17/07/2009
|
#296 | ||||||
|
عضو
-- قبضاي --
|
1-شو بتعنيلك شيكاغو؟ 2-شو موقفك من سياسة امريكا الخارجية؟ 3-قسم الرسم و التصوير شو بيعنيلك؟ 4-شو سبب اختيارك لاسم "The morning" ؟ 5-اول رئيس امريكي من اصل افريقي تم انتخابه هالسنة بامريكا, بالمشرمحي, هالشي يعني شغلة كبيرة؟ بونوس كويسشن*: امريكا شو عطتك وشو اخدت منك؟ *البونوس كويسشن: اذا في سؤال من الاسئلة الخمسة ما بدك تجاوب عليه فيكي تستبدليه بالبونوس كويسشن(شلوني معك  ). بس اذا بدك تجاوبي عالبونوس كويسشن بدون استبدال اي سؤال بيمشي الحال كمان.
Jesus have Merci
16-09-2005 بيكفيكون...حاجة زعبرة... |
||||||
|
17/07/2009
|
#297 | ||||||
|
عضو
  |
مورننج , أو شوش . . ! ! كيف الحال . . ! ! ما بدي طوّل عليكي . . شخصيّه : أسمك شوش بس أختصار لأيش ؟ بحسّك كتير هاديه وما الك بحدا , وهاي شغله كتير منيحه , هل هالحكي مزبوط ؟ أيش أكتر شي بعصبك ؟ شو أسم جامعتك ؟ تكنولوجيا : ايش رأيك بشركة كريكت باكتساحها لباقي الشركات ؟ ايش رأيك بمنتجات أبل , وهل عندك شي منها ؟ سياسيّه ؟ رأيك بأوباما ؟ السبب الرئيسي لهبوط الاقتصاد الامريكي ؟ صحّه : كم مرّه بتفرشي سنانك باليوم , أو بالسّنه ؟بتلعبي رياضه ؟ عالماشي : نوع موبايلك ؟ نوع سيارتك ؟ نوع اللابتوب؟ الطّبخه المفضّله (عربيه) , وأكله من هون ؟ عمرك جربتي تاكلي رجلين ضفادع  ؟شو اسم السيرز تاور حاليّاً بعد ما أنباع ؟ ماركة الاواعي المفضّله ؟ مكان الشوبينج المفضّل ؟ أنقليتي ولا لسّه ؟ بكفّو , نراكم بالحلقه القادمه ؟ الله معك |
||||||
|
18/07/2009
|
#298 | ||||||
|
مشرف متقاعد
|
-شو بتعنيلك شيكاغو؟
شيكاغو هي دمشقي الغريبه  2-شو موقفك من سياسة امريكا الخارجية؟ هممم .. أميركا خارجيا ً مخجله .. يعني بتخيل أكتر واحد اساء لصوره أميركا خارجيا ً هو جورج بوش ( جمهوري  ) .. و لكن صوره اميركا قبله ما كانت كتير ظريفه عاليما ً .. اميركا من الحرب العالميه التانيه و لليوم خارجيا ً سياستها مخجله و عنيفة .. و اعتقد خلال حكم بوش الأشخاص اللي كانو خلف السلطه هنن اللي شوهو الصوره العامه لأسوأ ما يمكن .. هلأ على أمل انو اوباما ( ديمقراطي  ) يحسن بعض مما كونه سياسي ناجح و يعرف من أين تأكل الكتف ..قسم الرسم و التصوير شو بيعنيلك؟ اووووووووه شغله كبيرة .. بيتي .. بحس المساحه اللي بقدر وصل من خلالها رساله فنيه بتمنى تكون حلوه .. خصا ً في ظل انو نحنا عنـّا ما زالت الفنون البصريه ( الرسم و التصوير ) عم يعانو من تهميشهم او خليني قول ما آخدين أصداء كبيره بسوريا و بالمجتمعات العربيه عامه ً فبحس انو مسؤوليتي هون بتصير احلى و اكبر .. أنا ما بدي اعمل الناس كلها فنانه بس بدي ورجيهم قديش الفن حلو .. 4-شو سبب اختيارك لاسم "The morning" ؟ صراحه ما بتذكر اخترت غير اسم و كان مستخدم و بعدين اخترت مورنينغ .. أنا اجمالا ً بحب الصبح كتير .. بحسه نقي و نضيف و حنون و حتى البرد اللي فيه دافي .. 5-اول رئيس امريكي من اصل افريقي تم انتخابه هالسنة بامريكا, بالمشرمحي, هالشي يعني شغلة كبيرة؟ هو اوباما شغله كبيره بغض النظر عن كونه اسود و حسب .. لكون صريحه أكتر فأنا من الناس اللي جدّا ً بيشدها تاريخ السود بأميركا .. الطريقه اللي اجو فيها عاميركا و الطريقه اللي تعذبو فيها و وقت تحررو و ما بعد هي اكتر مرحله بتشدني .. بدايه تحررهم و الاضطهاد الاجتماعي اللي صابهم و عدم السماح لهم بالسكن بمناطق معينه و الجلوس بآخر الباصات و المسارح و ما اليه و احيانا ً ممنوعين من دخول بعض الاماكن اذا فيها بيض  .. هاد التاريخ كلـّه بشدني بشكل كبير .. بحس انو ما هي عمليه سهله اللي صارت .. بتعبيلي راسي بحسها بطوله نوعا ً ما ( مش انتخاب اوباما انما تخطي فتره ما بعد تحرير العبيد بكم ميه سنه )) .. عوده ً لأوباما فأنا هو كشخص كفكر يعني بشدني .. اسلوبه طريقه طرحه للأمور الطريقه السياسي و المحامي الناجح اللي بيعرف يقلّك شو بدك تسمع و يخليك تقول شو بده يسمع .. يقنعك انو كل شي عم يعمله لمصلحتك .. و ايضا ً هوّ فخر للأميركان المتحررين ( مش المتعصبين الرجعين  ) .. انو شخص أسود من أصول مسلمه اسمه باراك حسين اوباما .. يوصل لرئاسه أميركا اللي تعتبر من أقوى دول العالم .. فقديش معناها الشعب الأميركي قطع شوط كبير باهمال بعض من العنصريه و التشدد اللي اشتهر فيها على مدى سنين ( بلد الرجل الأبيض ) ..أضف الى ذلك أنو اوباما كان بيدعم الشباب و عامه الشعب بالوقت اللي كان ماكين بيدعم الشركات و رجال الأعمال على حساب باقي الشعب .. انا بنبسط انـّي قدرت احضر لحظه انتخاب اوباما كرئيس للولايات المتحده الأميركيه .. يوم انتخابه كان عنـّا ( حد جامعتي ) و المسا وقت اعلان النتائج ما كان في حدا ببيته كل الناس بالشوارع و رايحه تحضره لايف و بكي و دموع و فخر و بسط و قصص.. كان يوم تاريخي بكل معنى الكلمه .. بونوس كويسشن*: امريكا شو عطتك وشو اخدت منك؟ جاوبت على سؤال بيشبهه سألته سونيا |
||||||
|
18/07/2009
|
#299 | |||||||
|
مشرف متقاعد
|
اقتباس:
شخصيّه : أسمك شوش بس أختصار لأيش ؟ بحبه أكتر لأنو .. بحسه بيشبهني اكتر من اسمي .. اسمي شيرين بس هون بأميركا بنادولي شيري و مامايتي بتناديلي شيري .. لكن أنا بحب شوش أكتر شي .. بحسّك كتير هاديه وما الك بحدا , وهاي شغله كتير منيحه , هل هالحكي مزبوط ؟ ههههههههه .. نوعا ً ما مظبوط .. انا هاديه عاده ً و بالي طويل .. بس وقت بحشش ببطل هاديه كتير و وقت بعصـّب بصير في قظائف عنقوديه و بارود هربو لذلك بفضل وقت كون معصبه اني بعد عن الناس .. هلأ شغله اني ما الي بحدا فهي اكتر شي مظبوطه (( عم تحللي نفسيتي؟ )) فعلا ً انا ما كتير بحب اختلط بالناس بصوره عامـّه .. من لما كنت صغيره - بالروضه تقريبا ً - كنت اهرب بالفرصه من العجقه و الولاد و اقعد تفرّج على ورق الشجر من شباك الصف و هو عم يهز  .. هلأ ليش هيك مابعرف و لكن الناس ما هالشي الكتير بشجـّع يعني و ما بتحس عم يروح عليك كتير اذا ما كتير خالطتهم على العكس تماما ً .. اضف لأنو هيك بتصير العلاقات محدده الهويه أكتر .. أحلى هيك عندك أصدقاء نخبه مقربين جدّا ً  و علاقه جيده مع باقي الناس .. أيش أكتر شي بعصبك ؟ فيك تضحك و فيك تضحك بصوت عالي لكن انا كتير بعصبني انو حدا يدللني ! بتتعب أعصابي رسمي .. أنا كتير بحب اعتمد على حالي كتير و ما بحب توصلني الأمور جاهزه .. بحب اتعب بالحصول على ابسط الامور (( ابتداء من كاسه المي )) حتـّى لاقدر استمتع بنتائجها .. أيضا ً بعصب اذا صار في ضجـّه كتير و اكتر من شخص عم يحكو بنفس الوقت .. و بعصب لم بحس الناس ما عم تفهم عليّ و ما عم اقدر فهمها اللي بدي فهمها ياه .. شو أسم جامعتك ؟ ليش بدك تجي تعملي زياره مثلا ً ؟؟ تكنولوجيا : ايش رأيك بشركة كريكت باكتساحها لباقي الشركات ؟ والله سمعت عنها كتير بالراديو لكن ما جربتها لذلك ما بقدر أعطي رأي فيها بس بعتقد احلى شي فيها انو مافي كونتراكتس بهالوقت خصـّا ً اللي الناس فيه ما عندها فكره عن مستقبلها الاقتصادي لذلك ما بدها ترتبط بكونتراكتس ايش رأيك بمنتجات أبل , وهل عندك شي منها ؟ آبل منيحه جيده يعني لكن بحس نظامها كتير معقد .. اضافه لانو شايفين حالهم كتير .. كنت بدي جيب الاي فون بس غيرت رأي و بذلك ما عندي اي منتج لآبل لكن حاليا ً بجوز اشتري لاب توب جديد و قد يكون آبل .. سياسيّه ؟ رأيك بأوباما ؟ ذكرته بالرد السابق السبب الرئيسي لهبوط الاقتصاد الامريكي ؟ همممم .. ما رح اتوسع كتير لكن في حدن مرّة قال شغله عالراديو او ببرنامج عالتلفزيون .. بما معناه انـّو اذا العالم كلـّه داخل بأزمه فوين راحت المصاري ؟ اكيد بجيبه شي حدا  ..واقتنعت بهي الفكره بشكل مبدئي صحّه : كم مرّه بتفرشي سنانك باليوم , أو بالسّنه ؟2 - 3 بتلعبي رياضه ؟ بروح عالجيم و بلعب تنس عالماشي : نوع موبايلك ؟ نوكيـا اكسبريس ميوزك نوع سيارتك ؟ فوكس فورد سودا بدنا نفيمها  نوع اللابتوب؟ اتش بي بدنا نكبـّه حاليا ً و نشتري واحد جديد امـّا آبل أو Dell الطّبخه المفضّله (عربيه) , وأكله من هون ؟ طبخه همممم .. مافي شي كتير مفضل عم يجي عبالي لكن بحب الفتات الصباحيه .. و بحب الشاورمااااا .. من هون بحب التشاينيز و الايطالي عمرك جربتي تاكلي رجلين ضفادع ؟لاء لكن ما عندي مشكله جرّب شو اسم السيرز تاور حاليّاً بعد ما أنباع ؟ ويليس تاور ماركة الاواعي المفضّله ؟ هممم .. في كتير و مافي شي مفضل أكتر من غيره متل كل شيي عني في شغلات بتعجبني و شغلات ما بتعجبني من كل ماركه .. بس هدول بتلاقيهم بخزانتي كتير .. JuicyHolister Abercrombie n Fitch مكان الشوبينج المفضّل ؟ Woodfield mall أو بال City ** هامش ليش حاسه بدك تخطفني انت مافيك غير بتسألني وين بروح و وين بجي أنقليتي ولا لسّه ؟ لسـّا بكفّو , نراكم بالحلقه القادمه ؟ بانتظار الحلقات القادمه |
|||||||
|
18/07/2009
|
#300 | ||||||||
|
عضو
-- قبضاي --
|
اقتباس:
- شو نوع الموسيقى اللي بتحبي تسمعيها, عربي و انكليزي؟ ومين مطربك/مطربتك المفضل/ة؟ وهيك يعني سؤال عالماشي هلا انتبهت انو غيرتي الصورة بالبروفايل, ليش؟ اي صحي بما انك عايشة بامريكا برايك هل كان خيار امريكا باسقاط قنبلة ذرية على هيروشيما وقنبلة ذرية على ناغاساكي لانهاء الحرب صحيح؟ اقتباس:
|
||||||||
|
18/07/2009
|
#301 | |||||||
|
مشرف متقاعد
|
معناها بيطلعلك عنا سؤال تاني
اي اسأل - شو نوع الموسيقى اللي بتحبي تسمعيها, عربي و انكليزي؟ كل شي رايق و ميوزك حلوه بسمعه .. بهمني الميوزك تكون حلوه أكتر من ما بهمني الكلمات او المعنى من الغنيه .. مافي تيب معيـّن كتير بيستهويني .. كل شي حلو بسمعه .. و بسمع فيروز جدّا ً جزيلا ً ومين مطربك/مطربتك المفضل/ة؟ كمان جاوبت عليه باسئله حسن وهيك يعني سؤال عالماشي هلا انتبهت انو غيرتي الصورة بالبروفايل, ليش؟ انت عم تراقبني كمان ؟للصراحه و اذا انتبهت فانا غيرتها 3 مرات على التوالي .. لقيت صوره و حسيت انو حلوه تكون صورتي الرمزيه بهي الفتره بعدين بعد ما استخدمتها اكتشفت انو مش مكانها الانسب الصوره الرمزيه الا انو صار عندر رغبه بتغير صورتي الرمزيه و صار .. شو رأيك الجديده أحلى أو القديمه ؟؟ اي صحي بما انك عايشة بامريكا برايك هل كان خيار امريكا باسقاط قنبلة ذرية على هيروشيما وقنبلة ذرية على ناغاساكي لانهاء الحرب صحيح؟ هممممممم هاد السؤال دسم فبرجعله لاحقا ً اقتباس:
لعمش صحي راح عن بالي .. بكرا اذا اختفيت اتصلو بالـ 911 خبروهم عنـّّه و ورجوهم الأدله  |
|||||||
|
18/07/2009
|
#302 | ||||||||
|
عضو
-- قبضاي --
|
اقتباس:
انو يعني رايي الصورة القديمة احلى شي كانت اقتباس:
|
||||||||
|
18/07/2009
|
#303 | ||||||
|
عضو
-- زعيـــــــم --
|
صباحو شوشي ...
.....لح منبلش شويه تقلايه مو كتير .... أخويه اجلتي جوابك ع سؤال شو رأيك بالاعضاء ؟؟؟ ليش ؟؟ هل التاجيل له علاقه بخلافات معينه باخويه او لا ... عجبني جواب الك هو انك لا تحكمي ع اي شخص او شي بدون أدله ..هل الشي هدا بينطبق باخويه .او لا .... في ناس ما هضمتيها باخويه وناس صار خلاف بينك وبينها ..هل ممكن هدا الشي يكون تسرع بالحكم وع اي اساس عم تاخدي هل الشي ... هل شوشي ..هي نفسها باخويه وبالواقع ..؟؟وشو الخلاف بينهما ... انا كعضوه بشوف انه الطاقم الاداري مقسوم قسمين ؟؟؟شو رأيك ؟؟ وهل الخلاف ممكن ينحل او لازم تغير الطاقم بالكامل ....؟؟؟ في ناس بالطاقم الاداري مزودينها بطريقه التصرفات والتعاطي والاسلوب الغير لبق مع الاعضاء بطريقه امتلاك اخويه لهم ..هل بتأيدي هل الشي ولا لأ ؟؟؟ ومنهم من هو قريب لكي ..هل بتنصحيون ولا بتمشي ع اعتبار كل واحد مسؤول عن تصرفاته ..؟ في أعضاء بأخويه عم يشتغلو اكتر من الطاقم الاداري وعندي اسماء كتير ؟؟؟ هل شي عادل باساسيات اخويه ؟؟؟ منوعات شو رأيك بأسماء الأسد ..كا مرأه اولا وسيده اولى بسوريه ..وهل استطاعت فعل تغيرات برأيك ولا لا .... كونك بالغربه متلك متلي بتحسي انه انت بتمثلي المراه السوريه ولا بتمثلي شوشي فقط ... سؤالي المعتاده للجميع ؟؟؟؟ ما رأيك بالمرأه السوريه وبماذا تتميز عن غيرها من نساء العربيات ..؟؟؟ المرأه المطلقه ؟؟؟ شو رأيك فيها ؟؟؟ وشو وضعها بمجتمعنا بمنظورك؟؟؟ زنوبيا شو بتعنيلك كونها من سوريه ؟؟ وهل غيرت مصير المرأه بمجتمعنا ؟؟؟وكيف ؟؟؟؟ شو بتتمني تكوني غير الي انت عليه الان وليش ؟؟؟؟ الحب وعلاقتك بالطرف الاخر كيف بتنظريلها ؟؟؟؟؟؟ انا مقتنعه انه لح تواجهي صعوبه بالعوده والتأقلم بسوريا ...هل بتايدي هل الشي ولا لأ ... لهون وقف التفكير بس الي رجعه ها صحي sun shine art ولا صوفي ويسعدلي صباحك
أس اخت فوتت الحيطان شو كتراني ...أس اخت كل شي
نسيان ( سنندم كثيرًا لأنّنا أخذنا الحبّ مأخذ الجدّ. فلا أحد قال لنا أنّه في الواقع أجمل أوهامنا و أكثرها وجعًا.) |
||||||
|
18/07/2009
|
#304 | ||||||
|
مشرف متقاعد
|
صوفي اسألتك خيله ( هلق بلش القلي المظبوط شكله
) .. لكن انا عندي سؤال كوني ما كنت كتير متابعه المقلايه ببداياتها .. قديش بقعد بالمقلايه ؟ كم سؤال معلش كل عضو يسألني ؟ قديش معي لجاوب ؟ |
||||||
|
18/07/2009
|
#305 | ||||||
|
عضو
-- مستشــــــــــار --
|
مرحبا شوش..
انا كعادتي اسئلتي خفاف ونظاف وهكزا... كيف شايفة هالمقلاية ؟.؟ وهل انتي حاسة حالك انقليتي منيح ولا لسى لازم نزيد الزيتات او نجيب شوية سمنة لحتى تستوي ؟؟ بس..
إذا كان حبي للاردن عنصرية... فليشهد العالم اني اكبر عنصري
------------------------------- N 1 H 1>>No One Have One ماحدا لحدا >>>يا حبيبي (: |
||||||
|
18/07/2009
|
#306 | ||||||
|
عضو
-- مستشــــــــــار --
|
شاورما ©
كمّون © Calculater © " لو .. رجعت الشام .. لـ حضن الشام .." 2011 |
||||||
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 22:29 (بحسب عمك غرينتش الكبير +3)