من هو الله؟؟

[التقرير الجوال]

كاتب النص الأصلي : VivaSyria

للتوضيح فقط.. أنا لا أنكر وجود إله لكن وللمرة الألفبختلف معكن بهام هاد الإله و طبيعتو.. أنا مابشوفو هاد الإله يلي مهمتو هي يحرق و يحاسب و يكافئ يوم القيامه.. الله هو مجموعة القيم و الاخلاق يلي بتحكم هاد المجتمع.. بمعنى انت ما بتسرق مو لانو السرقة حرام انت مابتسرق لانو هاد الشي بيخالف القيم الأخلاقية..
الله مو هو الصلاة و الحج... الله هو الأخلاق... صدقني الله ممكن تلاقيه بالتعامل بالحياة أكتر ما تلاقيه بالعبادات

تقريبا صار فينا نمشي على نهج و نحكي في .. الرادع غير موجود عند الأقوياء .. بعبارة تانية, فكرة الله يللي حاطين عليها مأخذ بأنها هوي الأكثر جبروت و سلطة و الذي سوف يبطش بك بيوم من الأيام .. " عم نحكي عن الخوف " .. معي انت؟
اي.. هي الفكرة غير موجوده بقواميس الأقوياء و بدك تعرف القوي لا يعبد الله بسبب الخوف او الوعيد .. و ما جاء به الرسل جميعا ما هو إلا عبارة عن ناموس من عند الله و تتمة لمكارم الأخلاق . يعني قيم اجتماعية راقية و تعاملات بشرية.. تعاملات الحياة من أصل العباده كما هي الصلاة و غيرها, بل من صلبها و ركائزها التي بُني عليها أي دين .........

[VivaSyria]

كاتب النص الأصلي : التقرير الجوال

تقريبا صار فينا نمشي على نهج و نحكي في .. الرادع غير موجود عند الأقوياء .. بعبارة تانية, فكرة الله يللي حاطين عليها مأخذ بأنها هوي الأكثر جبروت و سلطة و الذي سوف يبطش بك بيوم من الأيام .. " عم نحكي عن الخوف " .. معي انت؟
اي.. هي الفكرة غير موجوده بقواميس الأقوياء و بدك تعرف القوي لا يعبد الله بسبب الخوف او الوعيد .. و ما جاء به الرسل جميعا ما هو إلا عبارة عن ناموس من عند الله و تتمة لمكارم الأخلاق . يعني قيم اجتماعية راقية و تعاملات بشرية.. تعاملات الحياة من أصل العباده كما هي الصلاة و غيرها, بل من صلبها و ركائزها التي بُني عليها أي دين .........

منتظر منك توضيح من هو الله بوجهة نظرك.. يعني وجهة نظرك بخصوص الأديان و القيم الإجتماعية واضحة.. بس ما وضحت وجهة نظرك بخصوص وصف الذات الإلهية و مهمامها..

[أبو شريك]

فكره الموضوع جميلة جدا .. احييك فيفا سيريا

افضل طريقة لمعرفة الله هي التأمل في صفاته وأسمائه .. و افضل تنين تأملوا بصفات وأسماء الله هنه :

1- برنامج [ باسمك نحيا ] ، حكا عن حوالي 30 اسم من اسماء الله الحسنى ، وبعد مشاهدة شخصية من ابو شريك شخصيا ، حسيت بقرب ومعرفه وحب لله ... وعرفت شغلات عن الله بعمري ما كنت بعرفا .... الحلقات موجودين

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

..

2- برنامج [

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

] : بيحكي عن اسماء الله الحسنى وصفاتو ... حوالي 200 حلقة .. انعمل منهم 150 حلقه .... باسلوب هادي ورايق ..

القصه مو قصه درس ديني وروح اسمعو للشيخ .... بس فعلا انا كتير استفدت من حلقات باسمك نحيا وفرقت معي كتير ... وعشت شي اسمو حب الله ... كنت بالاول مفكرها شعارات وكلام وخطب ، وفعلا حب الله كان شعار وما كنت بحس فيه من خطب الجمعه والاشرطه اللي كلها بكاء! ..... ولكن سبحان الله ( باسمك نحيا ) فيو روحانيه وجود الله ... وانا بحب الروحانيه :]

[tamouz76]

كيفكون الحكي اللي نحكي و السرد التاريخي اكتر من رائع لكن انا بدي اسال التالي هل سيكون هناك فرق اذا وجد اله ام لم يوجد بمعنى هل اخلاقيات مجتمع ما ستتغير اذا وجد الاله ام لم يوجد ؟ هل سيتغير كم الممنوعات و المباحات ؟ هل اذا لم يوجد الاله ستكون السرقة مباحة مثلا؟ .
كل انسان يبحث عن مطلق ما يكون مخلصه وقت الازمات و مشجب يعلق عليه السقطات في حال الفشل على اساس أن الارادة العليا تصنع ما تريد ،و لكن الوعي الجمعي لجماعة ما هو من يفرز اله للجميع و هنا تحضرني جملة لجون تريدن يقول فيها (نحن نصنع عاداتنا ثم هي تصنعنا) و كون الله هو نتاج فكر جمعي اي منتج (بفتح التاء) غائي و وظيفي صرف لجماعة ما فانه سيتحول من منتج (بفتح التاء) الى منتج( بكسر التاء )بشرط وجود ظرف موضوعي و ذاتي يكرس الوهة هذا الاله

[Abu ToNi]

كاتب النص الأصلي : tamouz76

كيفكون الحكي اللي نحكي و السرد التاريخي اكتر من رائع لكن انا بدي اسال التالي هل سيكون هناك فرق اذا وجد اله ام لم يوجد بمعنى هل اخلاقيات مجتمع ما ستتغير اذا وجد الاله ام لم يوجد ؟ هل سيتغير كم الممنوعات و المباحات ؟ هل اذا لم يوجد الاله ستكون السرقة مباحة مثلا؟ .

سؤالك كتير حلو وبده موضوع لحاله وجانب كتير مهم لازم نحكي فيه هل غياب الله هل سيؤثر على شيء ؟!
اذا بدك تشوف فكرة الروح او الله حتشوف ان الروح العليا هي جميع القيم الايجابية في الحياة وكل الخصائل والقيم الحميدة بتتمتع فيها من الرحمة ومن العدل ومن المساواة " عبحكيك من ناحية الخواص النظرية وليس من اي وجهة نظر دينية "
وتقرب الانسان من هي الروح يكافئ تمتعه بالصفات السابقة فكلما زاد الانسان بالروحانية والتقرب من الروح ( وعلى فكرة التقرب للروح لا يتم عن طريق الصلاة ) يزيد الانسان من الحكمة والمحبة .
لكن بغياب الروح هل سيزول العدل من الحياة وهل ستزول الحكمة ؟!
انا بشوف لا العدل كان موجود قبل ما تنتج فكرة الروح المساواة والحكمة ايضا كانوا موجودين فالله هو نتاج العقل البشري اللي لخّص كافة الصفات بروح واحدة فغياب الروح ليس مرتبط بغياب الصفات هي لأن بالأصل كانت موجودة قبل ما تنبع فكرة الله .
الله فكرة انتجها الفكر البشري فانا اذا بدي احصل على الرقي لازم ابتع الفكر ابتع المجموعة الاشمل فاذا كان فيني ارجع للمجموعة الشاملة ليش حتى احصر حالي بمجموعة جزئية انتجها العقل احصر حالي بفكرة واحدة تدعى الله اذا كان بامكاني ارجع للفكر الأصلي اللي انتج الفكرة
فكرة الله كرادع اخلاقي كمان بتنطبق عليها نفس الافكار يعني لو مافي لاه كان القتل اصبح منتشر بكثرة وبشكل طبيعي انا ما بعتقد هاد الشي
لان انا مثلا لاديني ما بعيش بدون ضوابط اخلاقية ضوابطي انا واضعها بحيث تناسب المجتمع من جهة وتفكيري من جهة تانية وبالتالي في ضوابط وغياب الله لا يؤدي الى فقدان الضوابط
فكرة الله بحد ذاتها كفكرة جدا رائعة الشعور بان هناك من يهتم بك ويرعاك شعور رائع جدا
التقرب من الله فكرة رائعة كمان لأن بتساهم بزيادة رقي الانسان وترفعه عن الدنيا متل ما منشوف صاير بالمذهب الصوفي مثلا
وانا شخصيا مع اني غير مقتنع بفكرة وجود قوة عليا بدي اكون حريص جدا على تعريف اولادي بالله لأن مافي احلى من بناء العلاقة مع القوة الخالدة والمحبّة للبشر .
لأني مؤمن انه الله حيساهم بجزء كبير بتطور تفكيرهم وتعقلهم واستيعابهم للأمور وفي حال اختارو يمشوا على دربي ما حكون زعلان لكن بالاول بدي حطهم على درب الله لان درب فعلا من الجميل جدا السير فيه والاستمتاع بابعاده الراقية مع اني مقتنع انه عدم السلوك فيه ما حيضر لأن كل الدروب بدها توضي للطاحون يعني فيني انا رقّي ابني وعلمه اجمل المعاني بعيدا عن الله لكن اقصر الدروب لتمثيل الفضائل هو الله بغض النظر عن وجوده ام لا .

وردة لجميع اشهر السنة

[tamouz76]

كاتب النص الأصلي : gabriel

سؤالك كتير حلو وبده موضوع لحاله وجانب كتير مهم لازم نحكي فيه هل غياب الله هل سيؤثر على شيء ؟!
اذا بدك تشوف فكرة الروح او الله حتشوف ان الروح العليا هي جميع القيم الايجابية في الحياة وكل الخصائل والقيم الحميدة بتتمتع فيها من الرحمة ومن العدل ومن المساواة " عبحكيك من ناحية الخواص النظرية وليس من اي وجهة نظر دينية "
وتقرب الانسان من هي الروح يكافئ تمتعه بالصفات السابقة فكلما زاد الانسان بالروحانية والتقرب من الروح ( وعلى فكرة التقرب للروح لا يتم عن طريق الصلاة ) يزيد الانسان من الحكمة والمحبة .
لكن بغياب الروح هل سيزول العدل من الحياة وهل ستزول الحكمة ؟!
انا بشوف لا العدل كان موجود قبل ما تنتج فكرة الروح المساواة والحكمة ايضا كانوا موجودين فالله هو نتاج العقل البشري اللي لخّص كافة الصفات بروح واحدة فغياب الروح ليس مرتبط بغياب الصفات هي لأن بالأصل كانت موجودة قبل ما تنبع فكرة الله .
الله فكرة انتجها الفكر البشري فانا اذا بدي احصل على الرقي لازم ابتع الفكر ابتع المجموعة الاشمل فاذا كان فيني ارجع للمجموعة الشاملة ليش حتى احصر حالي بمجموعة جزئية انتجها العقل احصر حالي بفكرة واحدة تدعى الله اذا كان بامكاني ارجع للفكر الأصلي اللي انتج الفكرة
فكرة الله كرادع اخلاقي كمان بتنطبق عليها نفس الافكار يعني لو مافي لاه كان القتل اصبح منتشر بكثرة وبشكل طبيعي انا ما بعتقد هاد الشي
لان انا مثلا لاديني ما بعيش بدون ضوابط اخلاقية ضوابطي انا واضعها بحيث تناسب المجتمع من جهة وتفكيري من جهة تانية وبالتالي في ضوابط وغياب الله لا يؤدي الى فقدان الضوابط
فكرة الله بحد ذاتها كفكرة جدا رائعة الشعور بان هناك من يهتم بك ويرعاك شعور رائع جدا
التقرب من الله فكرة رائعة كمان لأن بتساهم بزيادة رقي الانسان وترفعه عن الدنيا متل ما منشوف صاير بالمذهب الصوفي مثلا
وانا شخصيا مع اني غير مقتنع بفكرة وجود قوة عليا بدي اكون حريص جدا على تعريف اولادي بالله لأن مافي احلى من بناء العلاقة مع القوة الخالدة والمحبّة للبشر .
لأني مؤمن انه الله حيساهم بجزء كبير بتطور تفكيرهم وتعقلهم واستيعابهم للأمور وفي حال اختارو يمشوا على دربي ما حكون زعلان لكن بالاول بدي حطهم على درب الله لان درب فعلا من الجميل جدا السير فيه والاستمتاع بابعاده الراقية مع اني مقتنع انه عدم السلوك فيه ما حيضر لأن كل الدروب بدها توضي للطاحون يعني فيني انا رقّي ابني وعلمه اجمل المعاني بعيدا عن الله لكن اقصر الدروب لتمثيل الفضائل هو الله بغض النظر عن وجوده ام لا .

وردة لجميع اشهر السنة

مرورك اكتر من رائع شكرا
ازا انت قدمت لكل فصول السنة هدية انا بدي قدملك ورود كل فصول السنة ( عالهامش تموز هو تعريب الاسم السومري ديموزي _ الاله المذكر_ )
حابب عقب على كلامك بخصوص التصوف انو مانوا محصور بالدين بس انا بشوف هو محاولة المشخص المحدود بالزمكان لمقاربة المطلق اللا متموضع و بهذا المنطق فينا ندرس المصلح الصوفي ( مثل وحدة الوجود و الحلولية ) من حيث المعنى و المبنى .

[..Jimy]

سبحانك يا ربي أنو ما بحب شارك قبل ميصير في 10 صفحات ردود

طيب انو مينو الله...

الله فكرة قديمة عمرها شي سني ضوئية ... لساها متترقع لحد اليوم...


وفيني قول أنو الله متل الشيطان .. بحيث أنو تنيناتهن شمّاعة...

يعني بس يكون في شي شغلي ما منعرف ليش أو كيف صارت منعلقها عشمّاعة الله..

بس شي حدا يغلط أو يفشل ويفوت بشي ستين ألف حيط بعلق فشلو أو غلطو عشمّاعة الشيطان...




وفي نقطة كتير مهمة انحكت ورح ارجع أكد عيها هي أنو الاخلاق مو مرتبطة بالدين...

يعني بعرف كتير من رفقاتي ملحدين بس أخلاقيين أكتر من الخوري والشيخ والحاخام..

و بس يعمل شي شغلي مليحة ما بعملها لأنو طمعان بمكافئة بالجنة..

بيعملها لأنو الاخلاق بالنسبي إلو هي قيم إنسانية بيحترما..

كاتب النص الأصلي : gabriel

وانا شخصيا مع اني غير مقتنع بفكرة وجود قوة عليا بدي اكون حريص جدا على تعريف اولادي بالله لأن مافي احلى من بناء العلاقة مع القوة الخالدة والمحبّة للبشر .
لأني مؤمن انه الله حيساهم بجزء كبير بتطور تفكيرهم وتعقلهم واستيعابهم للأمور وفي حال اختارو يمشوا على دربي ما حكون زعلان لكن بالاول بدي حطهم على درب الله لان درب فعلا من الجميل جدا السير فيه والاستمتاع بابعاده الراقية مع اني مقتنع انه عدم السلوك فيه ما حيضر لأن كل الدروب بدها توضي للطاحون

بس يعني هي الشغلي متل وقت نقول للطفل وهوي صغير أنو في بابا نويل ورح يجبلوا هديي... من هالمنطلق رح نقول للطفل أنو إذا اتصرف بطريقة مليحة الله رح ينبسط منو...وهكذا بس أنا مو مع انو يضل متمسك بالفكرة لوقت النضج...بفضل يتصرف بالطريقة الصح لأنو مقتنع بالقيم الإنسانية...مو ميشان يتجب عذاب الآخرة...

سلام

[ASH]

الله بالنسبه الي هوه الله الذي خلقني و مأمن فيه غير محسوس ولكن كل مافي هذا الكون يشي إلى وجوده ..

انا هاد معتقدي طبعا بس ممكن نقول انو في خليط بمخي بين الله و الالها يعني انا بعتقد بوجود الله واحد بس مع هيك بحب اني شوف العالم كلها شو بتفكر ولو اني وصل لدرجة اقتناع منهم بدون ما غير وحدنية الرب ...

[Abu ToNi]

بس يعني هي الشغلي متل وقت نقول للطفل وهوي صغير أنو في بابا نويل ورح يجبلوا هديي... من هالمنطلق رح نقول للطفل أنو إذا اتصرف بطريقة مليحة الله رح ينبسط منو...وهكذا بس أنا مو مع انو يضل متمسك بالفكرة لوقت النضج...بفضل يتصرف بالطريقة الصح لأنو مقتنع بالقيم الإنسانية...مو ميشان يتجب عذاب الآخرة...

سلام

بس ما فيك تنكر ان الولد حيفرح وقت بده يعرف انه بابانويل جاب له هدية هلق مع الايام حيحس بسخافة انه اهله اتضحكوا عليه بهدية خبوا له ياها تحت الدرج وقالوا له اجا واحد من المدفاة حط لك ياها

بس بنفس الوقت بيشعر بالسعادة منها فهي شي مانه غلط يتربى عليه

--------------------------------------------------------
على الهامش :

الله فكرة قديمة عمرها شي سني ضوئية ...

السنة الضوئية حدة قياس مسافة وليس وحدة قياس زمن

[أبو شريك]

السنة الضوئية وحدة قياس مسافة وليس وحدة قياس زمن

[..Jimy]

كاتب النص الأصلي : gabriel

السنة الضوئية حدة قياس مسافة وليس وحدة قياس زمن

بتعرف ما كنت متوقع حدا ينتبه

[..Jimy]

كاتب النص الأصلي : gabriel

بس بنفس الوقت بيشعر بالسعادة منها فهي شي مانه غلط يتربى عليه

وأنا ما قلت إنها غلط...بالعكس لازم يتربى عهيك فكرة..

قلت أنو ضد يضل متمسك بالفكرة بعد ما ينضج
يعني تصور واحد صار عمرو 16 سنة ولساه ناطر واحد يجي من المدفأة ليحطلو هدية

كاتب النص الأصلي : gabriel

بدي اكون حريص جدا على تعريف اولادي بالله لأن مافي احلى من بناء العلاقة مع القوة الخالدة والمحبّة للبشر .
لأني مؤمن انه الله حيساهم بجزء كبير بتطور تفكيرهم وتعقلهم واستيعابهم للأمور وفي حال اختارو يمشوا على دربي ما حكون زعلان لكن بالاول بدي حطهم على درب الله لان درب فعلا من الجميل جدا السير فيه

درب الله جميل المسير فيه صحيح.... بس القناعات يلي بتربى عليها الطفل إذا ما تغيرت بسن مبكر ..بعد سن 27 وسطيا بيصير مستحيل يقدر يغيرها....فإذا بدك ولادك يمشو عدرب الله لازم تعرف أنو اذا كملو مشي ما رح يقدرو يرجعو.. يعني باب بيفتح لجوا بس...

سلام

[Abu ToNi]

درب الله جميل المسير فيه صحيح.... بس القناعات يلي بتربى عليها الطفل إذا ما تغيرت بسن مبكر ..بعد سن 27 وسطيا بيصير مستحيل يقدر يغيرها....فإذا بدك ولادك يمشو عدرب الله لازم تعرف أنو اذا كملو مشي ما رح يقدرو يرجعو.. يعني باب بيفتح لجوا بس...

سلام

بترجع بمقدار الوعي ولمقدار الحرية اللي بدك تمنحه ياها اذا كنت بدك تهدد له حياته اذا حاول يعبر عنها اكيد ولا حتى بده يجبر يفكر فيها بس الحرية بتلعب دور اساسي يعني انا اكبر مثال والدي كتير تقبل فكرة اني لا ديني مع انه اعترض اول فترة بس قال لي ابني انا واجب قول لك انك غلطان لكن انت حر بخيارك عبتخيل حالي ابن لغير شخص كان ناولني اول كف ولحقني بالتاني

بتعرف ما كنت متوقع حدا ينتبه

متل ما قلت من قبل انا معي حساسية من تمرير الشغلات وما بحب يمرق شغلة بدون ما علق عليها

[جان بن جاك الروسوي]

أهمية الموضوع فرض علينا احتمال التطويل بموضوعي فعذرا سلفا
أول شي رح جاوب على كل الأسئلة
من هو الله؟؟ هو باني ما لا نعرفه
ماهي وظائفه؟؟ ان يجعلنا نكتشف فيه انه باني مالا نعرفه
و ماهو هدفه؟؟؟ غير محدد لحد هذه اللحظة
و ماهي حدود علمه و معرفته؟؟؟ انت اكتشف واعرف ان الله كان يخبيء ما اكتشفته عنكانهالشريك الدائم لما كان وسيصير
و ماهي حدود تدخلاته بحياتنا و متى يتدخلو كيف ؟؟؟ كثيرة فمثلا ان رأينا حرامي مثلا يعيشحياة نعيم وصفاء وروعة تامة نقول ان الله مخبالو للاخرة شغلات اما اذا الحرامي تعركم بحياتو نقول هي الله اخد حقوق العالم منو يعني النتيجة دائما لمصلحتة اللههل هو الإله العادل الذي خلق الدنيا على هذا الأساس لكن البشر خربوها؟؟ أين العدل بارسال البشرالى الارض هي على اعتبار القصة صحيحة من ورا تفاحة كان يدري ان آدم سيأكلها
هل هذا يعني أن الأمور خرجت عن سيطرته و توقعاته؟؟لا( لأن الله يمهل ولا يهمل) ما تنسى دائماتنخلق امامك المبررات لاي عمل يمكن ان تصفن لعمله
هل هو الإله الذي خلق الإنس و الجان فقطحتى يعبدوه؟؟ أوليس هذا قمة الغرور؟؟طيب شو رحيقنعك_ إذا كان الله هو اللي قائل هذاالكلام _ لكن المؤمن بالله جوابه الاخر هو ان الله له اسراره الاخرى بخلقنا ولا يمكن للبشر ان يعرفونها بيجوز عيب خلقي
هل هو الإله الذي يمكر لعباده و بمكرونله و هو خير الماكريين؟؟؟لا تفهمو غلط
هل هو الإله الذي ترك الناس على هواهم حتى يحاسبهم ويحاسب من يشاء و يحرق و يشوي من يشاء؟؟ لا عطاك عدة قوانين اخرها كان قبل 1429 سنة حديث كتير بصراحة هالالف واربعميةسنة ما تطور شي بالحياة لساتا هالقوانين نافذة وساري العمل بها وبشدة أما بالنسبة للشوي فإذاتفاحة أكلها انسان أول بدائي انكعر من البيت فكيف اذا طبقت وحدة شو متوقع تكون النتيجة خدها بالقياس
ماهذه الوظيفةالعجيبة؟؟لا..... لسا ما شفت شيبس للأسف ما عندك سر الحكمة ولا بتعرف كفرانيلهمشوش الملوك هونيك العظمة بالمعرفة
هل هو الإله المتكبر الرافع الخافض المذل الحارقالخارق؟؟قد يكونتابع الحلقة الاخيرة فيا نار وعسلوكتير شغلاتو ماهي وظائفه؟؟ انه كما اسلفت باني ما لا نعرفه وما ليس له جواب لحد الان في علومنا

هل إنتهى تدخله في هذه الأرض أم نساها أصلاً؟؟ هاد رأي فولتير بوجود الاله: الله خلقنا وعاشبعيدا عنا ويكمل فولتير: السؤال عن خلق الارض وهدفه :هو شي لا يقدم ولا يؤخر المهم ان نعمل لسعادة الجنس البشري
أمارتضى لنفسه موقف المتفرج على مايحصل؟؟لا بعيد طيب رح كمل مع فولتير اللي بيقول لو لم يكن هنالك اله فعلينا لحاجات عديدة خلقه (( قديكون القصد شماعة ومهرب لما لا نعرفه))

متى يدخل في هذه الدنيا؟؟ عندما يدخله المخ الى مركز الخوف فيه
أهو نفس الألهالذي خسف الأرض بأقوام لم يفعلو جزءً يسيراً مما يحصل اليوم؟؟ اين التأريخ لكل هذا يا صديقي التاريخ لا يكتب من طرف واحد لو كان في ذلك الوقت الحيادية في الكتابة لرأيناالأمور على حقيقتها مثال :: المسيح لا يوجد في أي كتاب تأريخ معاصر له لماذا؟؟ على الرغم منان التأريخ في ذلك الوقت كان عظيما جدا
أهو نفس الإله الذيأرسل طيوراً أبابيل لأسباب لاتقارن بما يحصل اليوم على هذه الأرض؟ التأريخ الحيادية النتيجة ..........
أين هذه الطيور؟؟ بتركز على كل شغلة
أين هذه القدرات بخسف الأراضي و الطوفانات؟؟يلعن ابو الأقمار الصناعية عم تكشف خرم الأبرة
و ماهدفه من خلق هذه البشرية؟؟ خلق احد الحشرات من اجل ان تتسلى بلقيس التي ملّت فيقصرها(( الذباب على ما اذكر )) المهم لا تستغرب نكون مخلوقين لشي سبب مشابه
هل هدفهإيجاد الملايين من العابديين له و إلا يعدهم بالويل؟؟ انت اخلق ناس واعمل اللي بدك ياهحقو يا عمي هيك قيم العصر السيادة للقوي
أوليس هذا قمةالغرور؟؟سادية
هل هو عالم بكل شيئ و بمن سيكافئ و من سيعاقب؟؟ أي لا تستغرب ممكن كتير بس انو اذاراحت الروح اللي هيي مانا مادة عالحرق اللي هو الم ناتج عن احتراق مادة شو رح يصير ولا شي لأنو الضجر والألم متل الروح ما ممكن يحترقو بالنار المادية شو هي فتينالك الحرق
أوليس في هذا إنتفاءلسبب وجود هذه الحياة التي لانعلم سببها أصلاً؟؟ طلع الله عم يطبق عليناعبثية البير كامو بيجوز عندو ياها حلقة بحث
أم هو تارك الحرية لكل شخص حتىيفعل مايشاء؟؟ حرية تامة انك تعيش بحيز محدد.. الكصفات وبنية وفطرة موروثةو...و...... وانت حر
ألا يكون حينها ناقص علم؟؟من وجهة نظر البشر بيجوز... بس بما ورائيات الله لا اكيد قصدو شي :بسالسؤال اذا عم يوجه كل هالشي للبشر ليش يعمل هالغموض كللو خلص في شي احكيه بالاديان اللي نزلت

أليس هو من بعث الأديان التي فرقت الناسو صنعت المشاكل؟؟ ما بتعرف أنو العبث وفهمهيؤدي الى الثورة كمان طلع ثوري
أوليس هو الذي قال لبعضهم أنه واحد أحد و قال للبعض الأخر أن لهولداً أو أنه تجسد عل الأرض؟؟ حابب يولعا بيناتون ما تفهموني غلط بس منشان يكتشف ويكشف للمشككين انو العقلالبشري زغير
أوليس هو من ال لليهود أنهم أحسن الخلق بالنسبة له وقال للمسيجين أنهم الدين الصحيح و ال للإسلام أنهم خير أمة؟؟ طيب دين وخلق والأمة شايف كل واحد عطاه شي مميز عنجد طلع عادل
و قال للجميع أن دينهمهو الدين الصحيح الوحيد؟؟بس نسيت التتابع الديني التسلسل كان لازم البشريتسلسلوا مع هالتتالي للاسف ما زبطت بس انو بجزر التونغا كان في هيك دعوات وانبياء؟؟ سؤال برسم التونغيينليش كل الاديان طلعت من الشرق الاوسط؟؟؟

ألم يكن من الأجدى له أن يرسل ديناً واحداً كاملاًلايحتاج أن يطوره و يجدده حسب المستجدات.. إلا إذا كان يتابع الأخبار ختى يعرف مايستجد و يعدل في الدين ؟ شو بدك يقلد الادب اليونانيويبعتلك الدورادو تانية وين الابداع

أين أنبيائه من هذا العصر؟؟المهدي المنتظر جاييك تابعونا كل اربعاء
أتستحق مشاكل العصور الغابرهألاف الأنبياء و لاتستحق هذه الدنيا التي امتلأت بالظلم و الحروب و الكوارث تدخلاًمنه؟؟ لماذا هل كاان موسم تخفيضات على الأنبياء حينها حتى كان يرسل لهم كل يومنبياً؟؟شو نسيت انو قال عن الرسول محمد انو خاتمة الانبياء شو بدك ياه يتراجع منشان كم مليون واحدماتو بالحرب العالمية ولا كم قنبلة ذرية عيب
و ماهي حدود تدخلاته بحياتنا؟؟كتير انا هالحكي اللي عم اكتبو هلق ما بقدر قولو كل يوم (تدخل)
تدخل الله غير محدود
الله الذي اعتدنا أن نقول في أمورناالكبيرة و الصغيرة ( إن شاء الله) هل له حقاً مشيئة في هذه الأمور؟؟ و من له مشيئةفي هذه أمورنا البسيطة أليس من الأولى له أن يتدخل في مصائب هذهالدنيا؟؟المشكلة انو مصائب قوم عند قوم فوائد فلما بيظلمك بيكون عم يكرم غيرك والعكس صحيح
حقي أن أفكر بموضوع بهذا الحجم في حياتنا.. كفانا أن نكون قطيع ماشيةلا نتأمل و لانفكر

سؤالي كان من هو الله.. أما الأن فأصبح ماهوالله؟؟!!!جواب ينفي نظرية الدجاجة والبيضة فلننسى ما هو ومن هو ولنفكر من نحن وماذا نريد بعيدا عن ذلك التفكير


بدي احكي شوي هون: التطور العقلي والفكري مر بعدة مراحل اولا البدائية اللي كان الانسان قريب فيها على كونه حيوان ينمو ويتطور رويدا رويد الي ان دخل بالمرحلة الثانية التي تسمي الطيولوجية او بالعربي التدينية وهي ان نطرح الاسئلة والجواب فيها يكون دوما هذا ما شاءه الله (مثال أي دين سماوي او غير سماوي) المرحلة الثالثة تسمى الميتافيزيقية التحليل هنا يرتكز على اشياء مجردة يبتعد عن كل ما هو روحاني ليصل الى ناتئج مجردة ( مثال طرحته فلسفة الانوار في اوروبا انا مثلا (جان جاك روسو ) فولتير.... كانديلا......الخ)
المرحلة الرابعة هي المرحلة البوزيتيفيزم (positivism)او الواقعية اسسها اوغست كونت وترتكز على التحليل والتفكير والتطبيق العملي والعلمي وترتكز على العلمية وتقول ان في العالم اسرار ووحده العلم قادر على شرحها وتحليلها (طبعا هالشي بدو وقت أي ليس نتيجة ليلة وضحاها)
الواقعية الفكرية مرتكزة على دراسات تعطي نتائج هذه النتائج ممكن استغلالها لاعطاء احكام وذلك على عكس المرحلتين السابقتين التين تعطيان الاحكام الجاهزة
تصورو بعد كل هذا اننا في العالم العربي لا زلنا نعيش في مرحلة التفكير الطيولوجي الديني وان رأينا احدنا يرفض ذاك المذهب الفكري فنراه يتجه الى الميتافيزيقيا التي هي المرحلة الثالثة من مراحل الفكر التاريخية فمتى يا اصدقاء سنصل الى المرحلة الحالية والتي ظهرت منذ القرن التاسع عشر ولا تزل مستمرة
سارعوا سارعوا...........

[Abu ToNi]

من هو الله؟؟ هو باني ما لا نعرفه
ماهي وظائفه؟؟ ان يجعلنا نكتشف فيه انه باني مالا نعرفه
و ماهو هدفه؟؟؟ غير محدد لحد هذه اللحظة

قبل ما ابدا بالتعليق على الشي اللي انت كاتبه راقب لي اوجبتك بالسابقة
الله شيء او روح او فكرة او ايا كان يكن لا نعرفه + لا نعرف وظائفه + لا نعرف اهدافه
برايك هل من المنطقي ان اقدم حياتي كلها في ارضاء شيء لا بعرفه ولا بعرف وظيفته بالجياة شو هية ولا بعرف شو هوي الهدف من وجوده ؟!؟!؟!!!!!!! بدها 100 اشارة تعجب من بعدها .

مندخل على الرد :

كثيرة فمثلا ان رأينا حرامي مثلا يعيش حياة نعيم وصفاء وروعة تامة نقول ان الله مخبالو للاخرة شغلات اما اذا الحرامي تعركم بحياتو نقول هي الله اخد حقوق العالم منو يعني النتيجة دائما لمصلحتة اللههل هو الإله العادل الذي خلق الدنيا على هذا الأساس لكن البشر خربوها؟؟

انا بشتغل حاليا مع الاطفال مادون الست سنوات
والغريب اني بستعمل معهم نفس الاسلوب اللي ذكرته مشان دائما يطلع معي حق وقدر اتحكم فيهم
يعني شو ما صار بالحرامي اللي عبتحكي عليه انت مقتنع انه في الله وفي عدل
انا اللي بعرفه من حياتي انه العدل مفهوم نسبي لكن في اله معايير انت بهي الحالة تركت النسبية انه لكل حالة في وضعية مختلفة وحذفت المعايير !!
فين المعايير اذا كان شو ما عمل الله بدي اقدم اعذار وبدي احط فرضيات لاظهار عدالته الغير منتهية ليش ما اقول الله مخبي للحرامي الفلاني ولكنه مانه عادل بخصوص الحرامي الفلاني
او اني قول الله عاقب الحرامي الفلاني بس ما كان عادل وقت ما عاقب الحرامي الفلاني
ليش مصرّ انك تقول الله عادل وقت خبى وكمان عادل وقت عاقب مع اني برفض فكرة العقاب لأن بتجر معها كتير صفات منها عدم المسامحة والحقد ووالله ككتله من الصفات الخالدة الحميدة ما بعتقد ممكن نسب إليه متل هي الصفات .

أين العدل بارسال البشرالى الارض هي على اعتبار القصة صحيحة من ورا تفاحة كان يدري ان آدم سيأكلها

انه بعدك مقتنع بوجود شجرة وبوجد تفاحة وبوجود السقوط الجسدي القعلي ؟!؟!! ما حلنا نقول عن الخرافات المتوارثة انها اساطير لازلنا نمشي على دروبها ونسحب منها الحقائق بالوقت اللي الاساطير بحد ذاتها قمة الرمزية ؟!؟!

لا( لأن الله يمهل ولا يهمل) ما تنسى دائماتنخلق امامك المبررات لاي عمل يمكن ان تصفن لعمله

يا صديقي انت عبتقدم المبررات يعني وقت واحد مثلا طالب بالجامعة وبقولوا لك تفضل قدم المادة وحد النجاح من 60 بالمية
هون بكون العدل صار واقعي لأن في مقياس ثابت ومنطقي بيخضع الكل اله بدون استثناء بس انك ما تحط لي مقاييس وتقعد تتفتق على بطري على فلان نجحناه لأن لون عيونه خضر وفلان رسبناه لأن قميصه موسخ هون منكون عمنضحك على بعض وعيب نسمي حالنا عادلين خلينا نكون شوي واقعيين الله انحفر بذهن البشر على انه +لانهاية واي تصرف حيكون مجرد جزء من عدالته يعني لو قتل انسان حتقولوا " يا سبحان الله لك من الحكمة ما لاندري " بالوقت اللي بكون فيه صفة " القاتل " ملتصقة فيه بكل جدارة لكن انتوا مش راضيين تشفوها لأن ما بدكم تشوفوها بالأصل .

هل هو الإله الذي يمكر لعباده و بمكرونله و هو خير الماكريين؟؟؟لا تفهمو غلط

ما بدي علق بس عبنتظر تفهمني الصح مع اني مقتنع انك بدك تقدم تبريرات واعذار لتبرئة الآلهة لكني عبنتظر تفهمني صح .

ماهذه الوظيفةالعجيبة؟؟لا..... لسا ما شفت شيبس للأسف ما عندك سر الحكمة ولا بتعرف كفرانيلهمشوش الملوك هونيك العظمة بالمعرفة

يا عقلي مسكّر اليوم يا اما نظري ضعيف يا اما انت ما عبتفّهم شو قصدك !!!
لان من بعد الرد هاد كنت ماشي معك ودغري شفتك كوعت وبدي تقول " سادية " ، " خلق البشر للتسلية " ، " السيادة للقوي " ، " عبطبق علينا عبثية "

فانوا شو مشان ......

[VivaSyria]

الحقيقه كنت بدي رد.. بس غابي ما ترك شي ينرد عليه..
وردة غابي

[جان بن جاك الروسوي]

قبل كل شي لازم تعرفوا انو لما بقول االله فهاد على شبيل الفرض وليس البرهان بوجودو
انت يا صديقي غابرييل عم تجاوب على اجوبتي كأنها عم تنقال على اساس صح
انا هون باجوبتي عم اتقمص شخصية المؤمن المخادع طبعا من باب الهزء بفكرة الاله وصفاتو وهالشي واضح كتير ما بعرف ليش مفكرني مقتنع بالله العادل المميت المحيي..... انا ما هيك اكيد قلت بنصي انو فولتير بيقول وانا هون مع هالقول ان لم يكن هنالك اله فعلينا خلقه(يعني ليس الله هو من خلقنا بل نحن من خلقناه ونخلقه) لضرورات عديدة منها اخلاقية مثلا مع انو الاخلاق شي متغير مع الزمن والمكان انا مبدئي بالدين صغير هو لا أؤمن قبل ان اعرف ولا أؤمن بمن لا أعرف أو بمن يجعلني أشك بما يفعل

انا مع ما طرحتو من افكار بالرد عليي بل يمكن يكون عندي افكار مماثلة كتير ومتشابهة
بس انت كتبتا بطريقة مباشرة
اما انا فكتبتا بطريقة المبالغة بطرح الفكرة والهزء بها اللي بتأدي للنفي يعني النتيجة رفض الفكرة

[Abu ToNi]

كاتب النص الأصلي : VivaSyria

الحقيقه كنت بدي رد.. بس غابي ما ترك شي ينرد عليه..
وردة غابي

قلت لك قبل هاي المرة
انا دائما سابقك بخطوة