بخصوص موضوع .. الجار قبل النار ..

[يمان Rooooonaldo]

مرحبا جميعا ..

من فترة معينة مرّت .. حطيت موضوع .. عن حرية الرأي .. وين راح ما عرفت .. شكلو مع التنضيفة الجديدة اللي صارت هون .. طار الموضوع .. على كلّن .. كانت مزكورة فيّو .. قصّة الموضوع السابق مع عدد من المواضيع التانية .. بس ما كان في رد شافي ووافي .. وبانتظار الحكيم كنّا ..

هلا .. حاليا رجع الموضوع يطلع لفوق .. انا عندي .. اعتراض على وجود الموضوع .. لاني بعتت تقرير عاطل عن الموضوع " ما بتزكر ايمتى .. ولا ازا كانو تقريرين .. بس انو بعتت عليه " وما اجا رد .. او ما صار شي بالأحرى ..

هلا عندي هيك .. كم شغلة بدي قولا عن الموضوع تحديدا ..

شو هوة هدف الموضوع الرئيسي .. ؟

وبدي احكي كم نقطة ..

" الجنّة والنار " .. اللي حسب ما انا شفتو .. هوة صلب الموضوع الرئيسي الموجود .. عبارة عن انك تختار شريكك .. او الرفقة اللي حابب انك تاخدن معك على النار .. وانت طالع لهنيك ..

عفواً بس عندي سؤال .. الجنّة والنار .. عبارة عن معتقدات .. لأحد الاديان .. السماوية .. اللي بتقر انو .. الجنة والنار عبارة عن الجزاء .. اللي لح ياخدو ... الانسان .. ترتيبا على الاعمال اللي ..عملها ... بحياتو ..

ما بهم عن درجة .. صدق هي المعتقدات او لا .. بنظر كاتب الموضوع .. " مع احترامي لابو جوزيف " او بنظر .. باقي الشبيبة اللي كانت عم ترد .. بس المهم انها عبارة عم معتقدات .. دينية عم يتم المساس بها .. ولو بشكل غير مباشر ..

وقت بكون .. الدين وحسب .. تعليماته .. والشرائع اللي نزل فيا .. بيمثلوه هدول الاشخاص .. بنظرهم .. وحسب الشريعة تبعهم .. انو الجنة والنار عبارة عن الجزاء الموجود .. لاعمالي واعمالك ... وقت بتجي انت .. وبتعد بتتمسخر على .. قصّة .. النار .. وانو يلا مين بدك تاخد معك ومين بدي اخد معي .. ونطلع لهنيك ونعقد نلعب شدّة .. ونعقد .. نتسلى وتسالي .. بتكون عملية مسخرة .. للشي اللي انا بشوفو .. والدين بيحكي عنّو ..

الحكي المكتوب بالموضوع .. وطريق الموضوع .. عبارة عن انو كل واحد على بالو .. ياخد شريكو ويطلع لهنيك يعملو شي قعدة تسالي ورواق وبسط .. وبهيك بتكون عم تتمسخر على .. الشريعة والمعتقد .. اللي بينص أنو النار والجنّة .. انوجدو .. لجزاء .. الانسان على شو بيعمل .. بحياتو ..



** الموضوع مانو شخصي ابدا .. ولا في شي بيني وبين ابو جوزيف او اي .. حدا .. بس اللي صار انو الموضوع رجع طلع وانتكش .. واضطريت ارجع .. افتح الموضوع ..لشوف اراء .. الشبيبة المسؤولة عن الموضوع ..