ماذا تفعل عندما تقف وجها لوجه امام شخص دمر حياتك ؟؟؟

[wite rose]

السلام عليكم

للأسف ,نحن لسنا ملائكة, ولسنا نعيش في الجنة , ولذلك فقط يوجد في حياة بعض منا أعداء ويوجد الحقود ويوجد الحسود , وكما قيل (يوجد اشخاص هدفهمـْ الوحيد هو تدمير أهداف الآخرين )
للأسف أحيانًا يكون من الأقارب قد يكون أخ أو أُخْت أو حتَّى أبْ أو أُمـْ يتعمد تدمير حياتكَ أو إهانتكَ أو إذلالكَ حتَّى كما قال الله تعالى : ( يا أَيُّهَا الَّذِيْنَ آمَنُوْا إِنَّ مِنْ أَوْلاَدِكُمـْ و أَزْوَاجِكُمـْ وآبَائِكُمـْ عَدُوًّا لَكُمـْ فـ احْذَرُوهُمـْ )

فإذا كُنْتَ أو كُنْتِ مِمَّنْ حالفهمـْ الحظ السيِّء وأُبتليتَ بعدوٍّ الذي قد يكون أحيانًا صاحب نفوذ ..فماذا تفعل عندما تجمعكمـْ الدنيا في نفس الغرفة وتُضْطَر أن تنظر إلى عينيه بل وتتكلم معه أيضًا لانه بكل سعة وجه إبتسمـَ لك ؟؟

هل تلزمـْ الصَّمت وتتظاهر باللامبالاة فبالتاكيد إظهارك لكرهك سيكون دليل نصره ؟
أمـْ
تظهر له نظرات الحقد والكره وتتلفظ بالفاظ سيئة في وجهه ؟
أمـْ
تتحاشاه وتتحاشى تماما النظر في وجهه ؟
أمـْ
تحتسب الله على مافعله بكَ ؟

بـِ انتظار آراءكُم

[W.E.G.A]

كاتب النص الأصلي : wite rose

هل تلزمـْ الصَّمت وتتظاهر باللامبالاة فبالتاكيد إظهارك لكرهك سيكون دليل نصره ؟

لان ما في كلام او فعل ممكن يعبر عن شعورك
فشو ما عملت ما حيكون الا
تحقير لمشاعرك
وتعظيم لامره
دمت

[Odell]

دمر حياتي.. يعني لولا الحرام كنت دمرت خياتو كمان

وازا هو قادر يدمرني بدهائه ,, فانا بدمره بايدي وبخليه يعيش بعاهة مستديمة طول عمره




بس وقت الجد رح اصبر بركي الله بوقفني ع قبرو شي يوم .. ومابسامحه


شكرا ع الطرح الرائع

[fofo besset syria]

الي خلاني فوت عالموضوع واقرأه هوة اني مريت بالشعور هاد....شخص كان كتير ئريب مني وكنت مئتمنتو على شغلة مهمة بحياتي..وكان بايدا الخيار انو تخرب الموضوع الي ائتمنتا عليه او تنجحو..بس هية فضلت انها تخربو مع انها عارفة انو راح يخليني ازعل وانزعج كتير...

هلأ انا بكرها كتير وبحقد عليها ومستحيل سامحا ابدا..بس بتوقع ازا شفتا ادامي ما راح ساوي شي..بس راح اسألا ليش؟...لأنه شو ما ئلتلا ما راح يداوي شي من الجروخ الي عملتا جواتي....لأنه اصعب شي بالدنيي انو حدا يخونك وخاصة ازا كان كتير عزيز عليك...

بتركا للزمن وكل واحد الو يوم...عئولة مدري مين : يوم لك ويوم عليك مش كل يوم معاك

[حلبي]

بنسبة لأهل بلادي مين ماكان يكون الله يسامحو وهلكلام عبحكي عن تجربة صعبة مررت بها
أما الصهاينة فلا وألف مليار لا حتى يعود الحق لن أسكت والله أعلم ماذا سيحصل

[XerostomiA]

لا أعطي الصلاحية على قلبي إلا لمن لا يمتلك إلا القدرة على إسعاده ..
و من يمتلك جرأة تدميري ..
أمتلك جرأة التمرّد أمام التدمّر ..
حتى و إن كانت العواقب تجرّ لي من الألم طائلا لا حدّ له ..

لا أذكر أني مررت بهذا الصنف من الألم ..

[اللقاء دون نبض] ..

و حتما .. الهروب من الألم يومها ثلثي مرجلة ..

[Damask Rose]

بعتقد انو لو مريت بهيك موقف مابضغط عحالي وبتعب نفسيتي بالكلام معو او مناقشته بكل بساطة رح اعاملو ولاكنو في شي لانو لو حكيت معو بعصبية حيس متل ماقال غيري انو انتصر علي وهاد الشي الي مابدنا اياه يصير......
والله لايحطني بهيك موقف..............

[كذبك حلو]

شخصيا بحقد عليه وبنظر اللو بنظرات استصغار واحتقار وقرف واذا حاول يحكي معي يا ويللو وسواد ليل امو والله لبهدلو واشرشحو وامسح بيه البلاط

[souriana]

هههه ذكرتوني بنكتة
بزت البارودة بوجهو و بقلو انا بكرهك

[نغم النجار]

لو وجدت نفسي في هيك موقف بتصرف عادي ولا كأنوا موجود
واذا حاول يناقشني او يتكلم معي بتجاهلوا ....... وبتصرف على طبيعتى حتى لايفكر ان استطاع يدمر
حياتى او انتصر علي

[كريستينا كريستين]

مابعرف شو بساوي

[amjad3000]

أنا لو صار معي هالشي رح أظهر اني قوي ومتماسك وأعمل نفسي مو مهتم حتى لو كانت جرحي عميق

[ماغنوم56]

هو .......... انا



النتيجة

[sozan1989]

انا بطنشها و ما بشيلا من ارضها لانه هي حشرة و مابتستاهل بقى فكر فيها انا يلي اذتني هي صديقة و ما بتتسمى صديقة هي وحدة غبية و ما بتهمني

[fernanda bachchan kfoury]

يعني تخيلي بوقف بوجه حدا دمرلي حياتي شو بدك ياني اضحكلو بوجو؟؟ اي ما رح يحزر
بطعميه كفين بتركو ينسا الدني ومافيا
وبعدين بشحطو لعندي من شعراتو وبعضووو لك كل اللي عملو فيي بطلعو
بتحوّل شنو انا وقت بيطلع معي الادرينالين بصير متل هولك هاهاهاهاهاهاهاه

[كوكو شبوكو]

قال احد الحكماء :
forgiveness is the greatest revenge

[المحارب العتيق]

هاد يلي على طول بفكر فيه وما بلاقيلو جواب
كتير من الاحيان بدعي الله اني ماالتئي فيه بالاماكن يلي ممكن نلتقي فيها . حتى ماانحط بهاد الموقف

[hurt]

انا ما بسامح لانو ( إذا أخطئ احدهم بحقك مرة فالذنب ذنبه!!
و إذا أخطئ مرتين فالذنب ذنبك ) لانو ببساطة انت سمحتلو
وعلى قولة مابعرف مين ( من يخطي بوحدة أردى بمليون ...)
هلا إذا شفتو قدامي : ببساطة بنزل على اول صفحة بجرايد بلعريض
فتاة تقتل .........لأسباب مجهولة