عطري يطالب بالتقيد بالتقنين

[رجل من ورق]

الحكومة تقرر إعادة مشروع القانون المتعلق بتنظيم القطاع الصناعي إلى اللجنة الاقتصادية لاستكمال دراسته دعا رئيس الحكومة محمد ناجي عطري وزارة الكهرباء إلى ضرورة التقيد بإعلان مسبق عن الانقطاعات الكهربائية.

وطالب عطري في الاجتماع الأسبوعي للحكومة الثلاثاء وزارة الكهرباء بـ "موافاة الحكومة بمذكرة عن إنتاج الطاقة الكهربائية واستهلاكها وأسباب الانقطاعات التي تحصل, بالإضافة إلى خطة الوزارة ومقترحات معالجتها ومساءلة العاملين المقصرين في معالجة أسباب هذه الانقطاعات".
وبدأت وزارة الكهرباء تقنين الكهرباء منذ كانون أول الماضي لمدة ساعتين يوميا بالتناوب بين مناطق المحافظات, ثم عاودت التقنين في أوائل تموز الجاري, بعد توقفه خلال شهر حزيران الماضي لتوفير الأجواء المناسبة للطلاب فترة الامتحانات.

وشهدت المحافظات السورية فترات انقطاع عشوائية للتيار الكهربائي في الايام الاخيرة اثارت تذمر المواطنين ، بعدما كانت العملية منظمة قبل فترة الامتحانات بحيث كانت تصدر جداول دورية تحدد مناطق الانقطاعات وعدد الساعات لكل منطقة.

وفي سياق متصل, قررت الحكومة توجيه جميع الجهات العامة بتسديد ما يترتب عليها من التزامات مالية لوزارة الكهرباء خلال عام 2009.
وكانت الحكومة بحثت في جلستها مذكرة وزارة الكهرباء حول مديونية جهات القطاع العام تجاه شركات الكهرباء في المحافظات.

من جانب اخر, بحثت الحكومة مشروع القانون المتعلق بتنظيم القطاع الصناعي الوطني بهدف تطويره وتبسيط إجراءات ترخيص المنشآت الصناعية.
وقررت الحكومة إعادة مشروع القانون إلى اللجنة الاقتصادية لاستكمال دراسته وإعادة صياغته, وفقا للتعديلات والمقترحات التي قدمها الوزراء وعرضها على الحكومة في جلسة قادمة.

وكانت الحكومة بحثت قانون إصلاح قطاع العام الصناعي آخر مرة في الاتحاد العام لنقابات العمال في نيسان 2008, حيث تبين عند المناقشة أن هناك ضرورة لإجراء تعديلات كثيرة, الأمر الذي يتطلب إعادة صياغته.

[jovia]

طيب كل مرة منسمع بقرار قانون اصلاح ومن هالحكي اللي ذات صلة يعني ليش هالتخلف معقولة لسا لهلا عم يقطعو الكهربا بسوريا العالم عم تتقدم ونحنا كلمالنا عم نرجع لورا ... وسرقة المال العام عم تكبر وتزداد من اصحاب رؤوس الاموال والسادة الكبار

[Abu ToNi]

بعد سنتين من انقطاع الكهرباء خطرلن يتحركوا !!
شو المانع ما تكون مطالب الاستاذ ناجي عطري جاية من قبل سنتين من اول ما بلشت سياسة التقنين بالانتشار ؟

المقرف بالموضوع انه حتى التوعية على التقنين عم تنزل بطريقة تهديد
نازل اعلان بالشوارع لونه أسود بمعظمه مكتوب الجزء العلوي "بما معناه " ( عدم الالتزام بالتقنين )
ومحطوط مجموعة من اللمبات المكسورة فوق بعضا

وتحت مشعولة شمعة ومكتوب جنبها " النتيجة "
لك حتى التوعية بالترهيب والتخويف !!

وكانت الحكومة بحثت قانون إصلاح قطاع العام الصناعي آخر مرة في الاتحاد العام لنقابات العمال في نيسان 2008, حيث تبين عند المناقشة أن هناك ضرورة لإجراء تعديلات كثيرة, الأمر الذي يتطلب إعادة صياغته.

يعني من سنة و4 اشهر تقريبا
لا يكون خطة خمسية وعم يفكروا المباشرة بـ " التعديلات الكثيرة " عالـ 2013 مثلا ؟
مسخرة بمسخرة

[العيثوب]

كاتب النص الأصلي : jovia

طيب كل مرة منسمع بقرار قانون اصلاح ومن هالحكي اللي ذات صلة يعني ليش هالتخلف معقولة لسا لهلا عم يقطعو الكهربا بسوريا العالم عم تتقدم ونحنا كلمالنا عم نرجع لورا ... وسرقة المال العام عم تكبر وتزداد من اصحاب رؤوس الاموال والسادة الكبار

تحياتى الكهربائيه لجميع المقطوعه عنن الكهرباء (فى مثل يقول الرجل المناسب با المكان المناسب ) شباب روحو على جوجل وأكتب أو إبحث عن إسم محمود الأيوبى و سوف ترى أن المذكور كان رئيس مجلس الوزراء عنا و بهديك الفتره المذكور أرسل رساله فصل من العمل لبلديه حلب على ما أعتقد مالى متذكر التاريخ بالضبط لأنو تاريخنا من سنه ال70و طالع الأفضل ماحدا يتذكره المهم الأيوبى يطلب فصل المهندس العطرى من وظيفته لأنه كثير الهروب من العمل و كسول فى منصبه (هاد الحكى لما كان العطرى بياع دره و بليله) المهم منذ35 سنه ومعروف عنه فاشل هل تعتقدون أننا سنرى النور على يديه و تحت إدارته للحكومه الحاليه لك حتى إذا بدنا نرجع ونكهرب على المازوت و الشمع يوم مابتلاقى مازوت و يوم ما بتلاقى شمع وأصحاب المعامل عم يستخدموا بدل الكهرباء (الطاقه الذريه) لكان شو مفكرين التطور عنا مقتل بعضو بس نحنا ما عاد سمعنا ولا شفنا أخبار لأنو تلفزيوناتنا و راديوراتنا على الكهرباء البدائيه ولك ومافى كهرباء بس فى بدائيه وسامحونا (أبوحاتم )

[رجل من ورق]

كهرباء دمشق وحلب تصدر برنامجا أسبوعيا لتقنين الكهرباء لمدة 4 ساعات يوميا

الاخبار المحلية

مواطنون يشتكون من انقطاع التيار الكهربائي بشكل عشوائي, والمؤسسة تعزي ذلك للعمل ببرنامج يومي لعملية التقنين
اشتكى العديد من المواطنين في معظم المحافظات السورية من انقطاع التيار الكهربائي بشكل عشوائي ولساعات طويلة, فيما عزا مصدر في مؤسسة كهرباء دمشق ذلك إلى وجود جداول يومية لعملية التقنين تتغير بموجبها الفترات المحددة للتقنين وساعاته بحسب كميات الاستهلاك يوميا, لافتا إلى أن المؤسسة أصدرت اليوم الأربعاء برنامجا أسبوعيا للتقنين.


وقالت نبيلة تسكن في منطقة ركن الدين لسيريانيوز إن "انقطاع التيار الكهربائي بموجب عملية التقنين يتم بطريقة عشوائية وبدون أوقات محددة".
في حين قال المهندس عدنان أبو شملة من مؤسسة كهرباء دمشق لسيريانيوز إن "المؤسسة كانت تعمل وفق برنامج يومي لعملية تقنين الكهرباء في دمشق مؤخرا", لافتا إلى أن "الانقطاع غير المنتظم في التيار الكهربائي في الفترة السابقة يعود إلى التطور بالحمل المفاجئ الذي يتم بشكل سريع ويومي نتيجة ازدياد كميات الاستهلاك وارتفاع درجات الحرارة".
وبدأت وزارة الكهرباء تقنين الكهرباء منذ كانون أول الماضي لمدة ساعتين يوميا بالتناوب بين مناطق المحافظات, ثم عاودت التقنين في أوائل تموز الجاري, بعد توقفه خلال شهر حزيران الماضي لتوفير الأجواء المناسبة للطلاب فترة الامتحانات.
من جهته, قال وليد يقطن في حي الزاهرة الجديدة إن "انقطاع التيار الكهربائي يتم بشكل عشوائي, فأحيانا ينقطع صباحا وأحيانا مساء", لافتا إلى أن "ساعات التقنين طويلة وتقارب الأربع ساعات أحيانا".
إلا أن أبو شملة أوضح أن "ازدياد الاستهلاك وارتفاع درجات الحرارة يؤدي إلى وجود نقص في عمليات التوليد الأمر الذي يؤدي بدوره إلى ارتفاع ساعات التقنين", لافتا إلى أن "ارتفاع درجات الحرارة يؤثر على كفاءة عمليات التوليد, ويؤدي إلى انخفاض كميتها, خاصة مع وجود طلب متزايد على الطاقة الكهربائية".
وفي نفس السياق, قال ابوشملة إن "المؤسسة أصدرت اليوم الأربعاء برنامجا لمدة أسبوع يحدد مواعيد انقطاع التيار الكهربائي, وساعات الانقطاع", لافتا إلى أن "مدة التقنين هي 4 ساعات على فترتين متساويتين صباحا ومساء".
ونفت مؤسسة كهرباء دمشق الأسبوع الماضي رفع فترات التقنين من ساعتين إلى أربع ساعات, بحسب ما ورد في موقع الوزارة وصفحات الصحف الرسمية, واصفة ذلك الأمر بـ "خطأ مطبعي".
ولفت ابوشملة إلى أن "التقنين سيستمر بحسب تطور الاستهلاك وارتفاع درجات الحرارة".

وكانت مؤسسة كهرباء حلب أصدرت أمس الثلاثاء برنامجا أسبوعيا حددت بموجبه فترات التقنين للأحياء والقرى والمناطق التابعة لها, لافتة إلى أن التقنين سيتم بمعدل 4 ساعات يوميا.
يشار إلى أن مجلس الوزراء دعا في جلسته أمس الثلاثاء وزارة الكهرباء إلى ضرورة التقيد بإعلان مسبق عن الانقطاعات الكهربائية, وموافاة الحكومة بمذكرة عن إنتاج الطاقة الكهربائية واستهلاكها وأسباب الانقطاعات التي تحصل, بالإضافة إلى خطة الوزارة ومقترحات معالجتها ومساءلة العاملين المقصرين في معالجة أسباب هذه الانقطاعات

[المحارب العتيق]

اليوم بأحد مناطق دمشق انقطعت الكهرباء أكتر من 7 ساعات على 3 فترات .

معقول هاد بسوريا الحديثة 2009

[saman]

الله لا يوفقهن ... اليوم هلكونا بقطع الكهربا .. بتنقطع ساعتين بتشتغل ساعتين !
وهي شو ! .. انا ساكن بمنطقة سياحية بدمشق القديمة كلها فنادق ومطاعم ....

[mhsen77]

الله لا يوفق هالتقنين و المقنين و الوزير الجديد على راسون

يخرب بيتو رح يشحدنا

[THE_unforgiven]

بزمانو ,,, من شي شهر .. حضرت محاضرة لبني آدم من شركة الكهربا ... وببساطة استنتجت ... انو في عنا عجز بالكهربا بنسبة 25% بالقليلة ... والأرقام اللي انحكت بصراحة بتوجع الراس .. كلا بالمليارت ...
المشكلة عنا بسورية انو المحطات مربوطة ببعضها .. ف وقت اللي عم يصير ضعف بمحطة ... عم تجيب كهربا من محطة تانية .. هذا يؤدي .. إلى حصول ضعف بالمحطة التانية .. وهكذا .. وبيدل يتزايد الضغط .. لحتى يلتعن رب البندورة تبع المحطة ... ف بتفصل .. وبدا شي عشر ساعات لتقلع مجددا بين ماانعاد شحنها .. وتزبيط الضرر (وسمعت انو ممكن تنفجر .. إذا كان في حمل زايد ..) ..
ف .. شافو الشبيبة انو يفصلوا قبل مايصير ضغط .. واللي سموه (تقنين .. )
مابعرف شو أصل الكلمة .. قنّن .. مم .. وإذا فكينا التضعيف .. بتصير قننن .. يمكن اصلا قنينة (عأساس انو تحديد كمية الإستهلاك بالقنينة لكل مواطن ) .. قام قننوا الكلمة.. (بمعنى صغروا .. ) وصارت قنين .. وبعدا تقنين ..
صار معي تقنين بدماغي .. عم قنن كمية الطاقة اللي عم اصرفا عالمسبات والتنرفز .. كل ما انذكرت كلمة تقنين .. حتى قنينة صرت بتدايق منا ..
ف المهم .. الوضع الكهربائي عنا مذري ... مارح تنحل لتنحل قضية الطاقة بإيران .. لان عالبركة شعبنا مابقا فيه يبرد بي***و .. إلا عالمكيف .. ومتل مابتعرفو .. المكيف .. (متل سيارة الهمر .. مابدا كازية ع ضهرا وين مامشت ..) كمان بدو محطة حرارية ع ضهرو لحتى يشتغل .. والمشكلة انو ماعنا شي كم مليون محطة تكفي كال هالكوندشنات ..
انو .. سيرة وانفتحت .. مع زافين ..

[Government]

عادي اليوم انقطعت عنا 5 ساعات ع تلت فترات .. وابشع وفت هو وقت الضهر والشوب والخلق بدا تنام


فعادي جلدنا تمسح ع هالقصة المقرفة

[jovia]

وحياة حيات اتدايقت عالناس للي بسوريا اجمالا يعني والله مو حالة .... يعني يوقفو سرقة المال العام بس ليومين تلاتة فداء الوطن يصحو ضميرون ....
لك بسمع سمعات عن مصفاة حمص انو انتاجها وحجمها بيضاهي انتاج شركات ابو ظبي الاماراتية اضعاف مضاعفة ... وين ع بيروح النفط والبترول ؟؟ اكيد ما حيتغرقو بالثروة النفطية بقبرون انشالله بس الله عالظالم

[مجنون يحكي وعاقل يسمع]

كاتب النص الأصلي : jovia

طيب كل مرة منسمع بقرار قانون اصلاح ومن هالحكي اللي ذات صلة يعني ليش هالتخلف معقولة لسا لهلا عم يقطعو الكهربا بسوريا العالم عم تتقدم ونحنا كلمالنا عم نرجع لورا ... وسرقة المال العام عم تكبر وتزداد من اصحاب رؤوس الاموال والسادة الكبار

صحي عمبيطالعو قوانين إصلاح بس حضرتك فهمانتيها غلط ، حدا بيطالع قوانين إصلاح لغيرو ، الجماعة عم يعملو إصلاح وما عم يقصرو بتنفيذها ليل نهار ومنشان هيك كلهم عم تنصلح أحوالون الإقتصادية وعم يصيرو فوق الريح , شو مفتكرا يعملو إصلاح لأوضاعك وأوضاعي المادية والمعنوية
ضحكتيني مع أنو الخبر بيبكي

[jovia]

كاتب النص الأصلي : مجنون يحكي وعاقل يسمع

ضحكتيني مع أنو الخبر بيبكي

يمكن كلامك فتحلي جروحاتي وجروحات غيري بس بالفعل مابيعرف بالواحد بدو يبكي على واقعو الظالم ولا بدو يضحك على سخرية القدر ... بعدين وين هالغيبة مجنون شتقنا لابداعك يا زلمة

احلا تحية

[مجنون يحكي وعاقل يسمع]

كاتب النص الأصلي : jovia

يمكن كلامك فتحلي جروحاتي وجروحات غيري بس بالفعل مابيعرف بالواحد بدو يبكي على واقعو الظالم ولا بدو يضحك على سخرية القدر ... بعدين وين هالغيبة مجنون شتقنا لابداعك يا زلمة

احلا تحية

هون ومنيش هون جايي ومنيش جايي
اشتقتلك يا سيتي علي صوتك صوتك بعيد
صوتك ياستي صار أبعد بكتير
شفت صورة المذكور أعلاه فصار معي إسهال مزمن وبالمشفى قالولي أنو الإسهال ما بيوقف لحتى يلتغى تقنين الكهربا وتقنين السلب والنهب , الظاهر راحت معي مؤبد وعلى إيقاع هالأزمة بتطلع القصص .......... !!!؟؟؟؟؟؟