أحـمـر...بـيـع الـأطـفـال

[sweetbaby]

أحـمـر...بـالـخـط الـعـريـض

برنامج اجتماعي يعرض على قناةLBC
يمس قضايا المجتمع
وأخر حلقة كانت تناقش الأطفال
زواج الاطفال, بيع الاطفال، عمالة الأطفال، العنف ضد الأطفال، أطفال الشهداء، نماذج وحالات يستضيفها البرنامج لتروي بنفسها معاناتها، لتنقل للرأي العام صورة واقعية يطالبون من خلالها حمايتهم.
ماشدني في هذه الحلقة كان بيع الأطفال. لقد قام البرنامج بعرض حالة محي الدين، وهو أب أردني لخمسة أطفال، أكبرهم لم يتجاوز الثالثة عشرة من عمره. فقد عرض أولاده للبيع بأسعار مختلفة كل من على هوى عمره. وذلك خشية الدخول إلى السجن. وذلك لأن ابنه ضرب ابنة الجيران بعينها وهي بحاجة لعملية وعلى محي الدين دفع تكاليفها الذي لا يملك منها شيء. فبدأ عرض أولاده للبيع وهو مقتنع تماما بأنه حله الوحيد. وعندما تم سؤاله عن إن كانت نيته عن بيع اطفاله فعلية ام انها كانت بسبب الحاجة فكان جوابه بأنها فعلية. الحلقة تخللت اتصالات وتم عرض المساعدة المالية لمحي الدين ليدفع تكاليف العملية. وفي نهاية الحلقة اتصل رجل من كندا وعرض 50 الف دولار مقابل الأطفال الخمسة وسببه كان بأن هذا الرجل لايملك الابوة الكافية ليكون أب لهؤلاء الأطفال. وبعد هذه المكالمة قام صحفي كان موجود هناك بمداخلة حيث انه كان جاهزاً لشراء طفل من أولاد محي الدين بـ 20 الف دولار وإهدائه لصديقه المتزوج من 12 سنة وليس لديه أطفال.
بغض النظر عن عدم إنسانية محي الدين بنظري ولكن هناك بعض الاسئلة التي تجول في خاطري...


من أكثر إنسانية؟ أهو الأب الذي يبيع أولاده أم هم هؤلاء الذين يريدون أن يخلصو هؤلاء الأطفال من هذا الأب وذلك بشرائهم؟
إن واجهتك هذه المشكلة ماهو موقفك؟
ماهو شعورك إن كنت مكان ذلك الطفل المعرض للبيع؟
ماهي نظرتك للمجتمع الذي لم يحرك ساكناَ لأجلك؟ لوالدك الذي عرضك للبيع؟ للدولة التي لاتوفر أقل حقوقك؟
أتستطيع مسامحة والدك؟

[flower bomb]

كاتب النص الأصلي : sweetbaby

أحـمـر...بـالـخـط الـعـريـض

من أكثر إنسانية؟ أهو الأب الذي يبيع أولاده أم هم هؤلاء الذين يريدون أن يخلصو هؤلاء الأطفال من هذا الأب وذلك بشرائهم؟
إن واجهتك هذه المشكلة ماهو موقفك؟
ماهو شعورك إن كنت مكان ذلك الطفل المعرض للبيع؟
ماهي نظرتك للمجتمع الذي لم يحرك ساكناَ لأجلك؟ لوالدك الذي عرضك للبيع؟ للدولة التي لاتوفر أقل حقوقك؟
أتستطيع مسامحة والدك؟

كلا الامرين ..بلا انسانية لكن شراء أو تبني الاطفال بالطبع أكثر انســــــــانية ..
لو كنت مكانه سأشعر بالحقد والكره تجاه والدي لتخليه عني وسوف اسأل نفسي (لم اتى بي الى الدنيا ادا كان ينوي بيعي كأي شيء ؟؟؟)سأخاف من المجتمع وبالتالي سأنشأ انسانا ضعيفا خائفا حاقدا =نصف انســــــــــان.

[رجل من ورق]

رتروت انو الحلقة اللي طلعت مبارح ؟
ايه شفتا بس انو في عيلة بالامارات تلفنت وتبرعت بقيمة العملية
بس بكل الاحوال
رح جرب حط حالي محل الاولاد
ابوهون عم يبيعون ومو عارف بس المهم ينباعوا
طيب بيجوز هالولد ياخدوه يشغلوه او بشي ميلشيا او يشغلوه بالدعارة او ..................................
وهون الاب بيتحمل المسؤولية
وبيجوز ياخدوا الولد ويربوه ويعيشوه عيشة الكريمة وكمان هون لما يدرى انو هني مو اهله رح يحتقر الولد اهله

يعني بالحالتين الغلط من الوالد
واللي بيجوز بناته بعمر صغير مو احسن

بس تعي من الباب الثاني وكوني مكان الاب او الام
وما عندك فلوس وانحطيتي تحت هالامر شو بتعملي وبحالة هالشخصية اللي قال دقيت بواب كتير وما ساعدوني وحاولت اتدين وما مشي الحال
مبارح بالحلقة الزلمي كان عم يقول شي انو يا اخي كل هالحكي اوكي بس بدي فلوس لاقدر ادفع للرزلمي
يعني هالحكي كلو ولا شي الزلمة بدو يامن فلوس وباي شكل كان
ما عم دافع عنه بس هيدا الواقع
بالبلد عشرات البنات بيشتغلوا بالدعارة ومين اللي مشغلون؟ امون وليش .؟ بدون يعيشوا

[مجنون يحكي وعاقل يسمع]

كاتب النص الأصلي : flower bomb

كلا الامرين ..بلا انسانية لكن شراء أو تبني الاطفال بالطبع أقل لا إنسانية أو أقل وحشية ..
لو كنت مكانه سأشعر بالحقد والكره تجاه والدي لتخليه عني وسوف اسأل نفسي (لم اتى بي الى الدنيا ادا كان ينوي بيعي كأي شيء ؟؟؟)سأخاف من المجتمع وبالتالي سأنشأ انسانا ضعيفا خائفا حاقدا =نصف انســــــــــان.

أظن هذا المقصود من كلامك

[مجنون يحكي وعاقل يسمع]

يا شياي الموضوع كتير مهم بس ما عاد نتحمل الضغط عم يضل مرتفع كل شي بهاوطن بيرفع الضط , يعني مو مأسات على حجم مأساة غزة أنو أب يبيع ولادو , بتصور لو حسنان يبيع عيونو وقلبو وكليتي ما كان لجأ لبيع ولادو يا شباب , أنا مو حزنان وزعلان على الولاد أنا زعلان عليه , وين الوطن وين الدولة وين النشامى
الله يا هالوطن شو مسوي فينا الله
لهون وصلنت معنا
وآسف إذا هالحكي بيزعج حدا وتحملونا شوي

[stormsmaker]

العالم يحتاج ......................................... عقلا

[Marooshe]

كاتب النص الأصلي : sweetbaby

من أكثر إنسانية؟ أهو الأب الذي يبيع أولاده أم هم هؤلاء الذين يريدون أن يخلصو هؤلاء الأطفال من هذا الأب وذلك بشرائهم؟
إن واجهتك هذه المشكلة ماهو موقفك؟
ماهو شعورك إن كنت مكان ذلك الطفل المعرض للبيع؟
ماهي نظرتك للمجتمع الذي لم يحرك ساكناَ لأجلك؟ لوالدك الذي عرضك للبيع؟ للدولة التي لاتوفر أقل حقوقك؟
أتستطيع مسامحة والدك؟

تنيناتون بلا ذرة انسانية،
يعني يلي عم يعرضو انهن يشترو الأطفال.. عم يستخدمو نفس المبدأ يلي أساساً عم يعترضو علية.. !!


انو لو كنت مطرح هـ الطفل،
رح اعتب ع المجتمع يلي اختار انو يعالج مشكلتي بأسرع وأسهل الحلول
رح ابغض الدولة يلي مش قادرة توفرلي أبسط حقوقي الأنسانية وهيي العيش بكرامة
ورح احقد ع أبي يلي قرر يتخلى عني كرمال ما يوجع راسو

وما رح سامح حدا فيهن .. !!

المبالغ يلي عرضتها العالم كانت كفيلة وكافية بأنو تنعمل العملية لهلبنت، وانو لولاد يبقو تحت جناح عيلتهن، وانو هلعيلة يتم الشغل معها وعليها لمعالجة الخلل فيها وفي روابطها الأسرية...

بس هيك كان ممكن القضية تتعالج بأقل خسائر ممكنة...

[flower bomb]

كاتب النص الأصلي : مجنون يحكي وعاقل يسمع

أظن هذا المقصود من كلامك

صحيح ..انت عبرت عما قصدته بشكل أوضح

[sona78]

الاهل بالتاكيد بيتحملو مسؤولية كبيرة جدا لانو الشخص ما في داعي يبلش يجيب ولاد من دون ما يتحمل تربيتهون
بس كمان المجتمع بيتحمل المسؤولية بنفس الدرجة ..... لانو لولا الفقر ما حدا ببيع ضناه ( الا بحالات كتير كتير استثنائية )
بس ع الاقل هيدا الاب بدل ما يبعت ولادو للشغل بادرك واسفل انواع الشغل دور ع حدا قادر يربيهون
احسن بكتير من انو يبعتون ع السرقة او الدعارة
بس عاطفيا لو كنت محل حدا من الاطفال ما رح سامح اهلي ,, لانو باللاخير الطفل ما رح يفكر بمنطق وانما بعاطفة بس

[sweetbaby]

كاتب النص الأصلي : flower bomb

كلا الامرين ..بلا انسانية لكن شراء أو تبني الاطفال بالطبع أكثر انســــــــانية ..
لو كنت مكانه سأشعر بالحقد والكره تجاه والدي لتخليه عني وسوف اسأل نفسي (لم اتى بي الى الدنيا ادا كان ينوي بيعي كأي شيء ؟؟؟)سأخاف من المجتمع وبالتالي سأنشأ انسانا ضعيفا خائفا حاقدا =نصف انســــــــــان.

الخوف من المجتمع برايك بيجي من عدم المساعدة اللي انمدتلو؟؟ ولا برايك حيصير عندو حقد تجاه هالمجتمع؟؟
الطفل حيكون نصف انسان؟؟
بدي خالفك الرأي لانو اللي تعرض لهيك موقف حيعرف معنى الانسانية...بنظري الاب اللي بلا انسانية مو بس نصف انسان

كاتب النص الأصلي : رجل من ورق

رتروت انو الحلقة اللي طلعت مبارح ؟
ايه شفتا بس انو في عيلة بالامارات تلفنت وتبرعت بقيمة العملية
بس بكل الاحوال
رح جرب حط حالي محل الاولاد
ابوهون عم يبيعون ومو عارف بس المهم ينباعوا
طيب بيجوز هالولد ياخدوه يشغلوه او بشي ميلشيا او يشغلوه بالدعارة او ..................................
وهون الاب بيتحمل المسؤولية
وبيجوز ياخدوا الولد ويربوه ويعيشوه عيشة الكريمة وكمان هون لما يدرى انو هني مو اهله رح يحتقر الولد اهله

يعني بالحالتين الغلط من الوالد
واللي بيجوز بناته بعمر صغير مو احسن

بس تعي من الباب الثاني وكوني مكان الاب او الام
وما عندك فلوس وانحطيتي تحت هالامر شو بتعملي وبحالة هالشخصية اللي قال دقيت بواب كتير وما ساعدوني وحاولت اتدين وما مشي الحال
مبارح بالحلقة الزلمي كان عم يقول شي انو يا اخي كل هالحكي اوكي بس بدي فلوس لاقدر ادفع للرزلمي
يعني هالحكي كلو ولا شي الزلمة بدو يامن فلوس وباي شكل كان
ما عم دافع عنه بس هيدا الواقع
بالبلد عشرات البنات بيشتغلوا بالدعارة ومين اللي مشغلون؟ امون وليش .؟ بدون يعيشوا

اي طارق الحلقة اللي انحطت مبارح...انا قلت انو انعرض دفع تكاليف العملية..
هلا انت بماانك شفت الحلقة المعنى اكيد شفت انو عم يكي وهوي مقتنع اقتناع تام انو هالشي الصح...انو كل شي ولافوت السجن..وهيدا شي جدا غلط برايي هلا
طارق؟؟ لو كنت محل هالاب؟؟؟ بفوت عالسجن وماببيع ابني...لك هيدا ابنك...
شو موقف هالولد حيكون؟؟

كاتب النص الأصلي : مجنون يحكي وعاقل يسمع

يا شياي الموضوع كتير مهم بس ما عاد نتحمل الضغط عم يضل مرتفع كل شي بهاوطن بيرفع الضط , يعني مو مأسات على حجم مأساة غزة أنو أب يبيع ولادو , بتصور لو حسنان يبيع عيونو وقلبو وكليتي ما كان لجأ لبيع ولادو يا شباب , أنا مو حزنان وزعلان على الولاد أنا زعلان عليه , وين الوطن وين الدولة وين النشامى
الله يا هالوطن شو مسوي فينا الله
لهون وصلنت معنا
وآسف إذا هالحكي بيزعج حدا وتحملونا شوي

يااخي الاب مقتنع انو هيدا الشي الصح جدا لينعمل.انو هوي ملاقي هيدا الحل الوحيد...بينما انا برايي انو في مليون طريقة تانية...

كاتب النص الأصلي : stormsmaker

العالم يحتاج ......................................... عقلا

انسانية ياصديقي مو عقل

كاتب النص الأصلي : Marooshe

تنيناتون بلا ذرة انسانية،
يعني يلي عم يعرضو انهن يشترو الأطفال.. عم يستخدمو نفس المبدأ يلي أساساً عم يعترضو علية.. !!

انو لو كنت مطرح هـ الطفل،
رح اعتب ع المجتمع يلي اختار انو يعالج مشكلتي بأسرع وأسهل الحلول
رح ابغض الدولة يلي مش قادرة توفرلي أبسط حقوقي الأنسانية وهيي العيش بكرامة
ورح احقد ع أبي يلي قرر يتخلى عني كرمال ما يوجع راسو

وما رح سامح حدا فيهن .. !!

المبالغ يلي عرضتها العالم كانت كفيلة وكافية بأنو تنعمل العملية لهلبنت، وانو لولاد يبقو تحت جناح عيلتهن، وانو هلعيلة يتم الشغل معها وعليها لمعالجة الخلل فيها وفي روابطها الأسرية...

بس هيك كان ممكن القضية تتعالج بأقل خسائر ممكنة...

انا هون نقطتي انو اللي عرض يشتري الاطفال لانو هالاب مانو انساني ومابيستاهل وكل هالامور..انت عم تحارب النار بالنار

انعرض مبلغ لدفع تكاليف العملية من عيلة اماراتية..بس المبالغ التانية اللي اندفعت من عالم بدي قول معتبرا انها مثقفة..اول واحد عايش بكندا قرر يشتري الاولاد الخمسة..وبينما الصحفي الموجود بالاستوديو اللي بدو يشتري ولد من الولاد ويهديه لرفيقو

كاتب النص الأصلي : sona78

الاهل بالتاكيد بيتحملو مسؤولية كبيرة جدا لانو الشخص ما في داعي يبلش يجيب ولاد من دون ما يتحمل تربيتهون
بس كمان المجتمع بيتحمل المسؤولية بنفس الدرجة ..... لانو لولا الفقر ما حدا ببيع ضناه ( الا بحالات كتير كتير استثنائية )
بس ع الاقل هيدا الاب بدل ما يبعت ولادو للشغل بادرك واسفل انواع الشغل دور ع حدا قادر يربيهون
احسن بكتير من انو يبعتون ع السرقة او الدعارة
بس عاطفيا لو كنت محل حدا من الاطفال ما رح سامح اهلي ,, لانو باللاخير الطفل ما رح يفكر بمنطق وانما بعاطفة بس

انا بحترم رايك جدا..ولكني ضدو
مع اني ضد عمالة الاطفال كمان.. ولكن لما ظروفي كتير قاسية؟ فيني علم ابني صنعة ماضروري يروح يسرق او دعارة انو ليش هدول الحلول الوحيدين اللي صفيو؟

لو انا كنت محل هالطفل...عدى عن شعور تجاه اهلي..لومي الاول ع الدولة اللي ماعندا المؤسسات الاجتماعية اللي ممكن تساعد هيك حالات


شكرا كتير عالمرور

[stormsmaker]

الانسانية هي استخدام العقل في محاكمة الأمور و اذا غاب العقل غابت الانسانية
دمتي

[ADAMjurY]

لك ولاه ولاه لك صدقت اني عم بيعون منشان بسكليت ولا قطعة جاتو عليها كريمة ولا نونية
لك هدول ولادي مجبور فيهون انا على راسي من فوق بيعملوها
مالي خايف عليهون يموتو من الجوع
بس خايف عليهون في يوم من الايام يموتو من القهر ادام عيني
لك آمنا وصدقنا بس انت شفت اب في دنيا باعو ولادو
لك اوطان عم تنباع حتوقف الشغلة ع كم ضلع

لك بكفينا ذل لك طقينا

[sona78]

مع اني ضد عمالة الاطفال كمان.. ولكن لما ظروفي كتير قاسية؟ فيني علم ابني صنعة ماضروري يروح يسرق او دعارة انو ليش هدول الحلول الوحيدين اللي صفيو؟

لو بتعرفي الاذلال والاستغلال يلي بيتمارس على الاطقال خلال العمل كنت بتغيري رايك لانو غالبا ظروف العمل للاطفال بتودي لنهاية وخيمة .. سرقة ....دعارة .. اعتداء جسدي .. اعتداء جنسي .. ارهاق بالعمل وغيره .. يمكن في استثناءات من هيك نهايات بس بنصحك ما اتعولي عليها كتير ... والا كيف عمالة الاطفال تعتبر جريمة بكتير من الدول ؟؟؟ هي مو بس جريمة .. هي من اسوا انواع الجرائم يلي لازم الاهل ورب العمل يتعاقبو عليها عقوبات كبيرة
شو الصنعة يلي بدك تعلمي ابنك ياها ؟؟ ماسح احذية ؟ اجير عند حداد ؟ ولا بياع علكة ع الطرقات ؟
وانت هيك ما قضيت على فرصتو انو يدرس ويدخل المجتمع بطريقة؟ جديدة لانو ما فغي شي اسمو قانون عمل او تنظيم عمل للاطفال وعمل الاطفال غالبا بيتجاوز 10 ساعات باليوم .

لا ...يمكن اذا اتوفر حدا تاني يقدر يعيشون ويعطيون اكتر من الاهل .. يمكن يكون احسن
واكيد كلامي كلو ناتج عن غياب دور الدولة برعاية هيك اطفال وناتج عن عدم مسؤولية الاهل يلي بيعتقدرو انو الولد بتجي رزقتو معو وما بيسعو لتخفيف الانجاب بظل زضع اقتصادي او اجتماعي غير ملائم
برجع باكد انو حكيي ناتج عن تفكير مجرد بس .. اكيد الطفل ما رح يكون هيك تفكيرو لانو اولا واخيرا طفل

[zen]

كاتب النص الأصلي : sweetbaby

أحـمـر...بـالـخـط الـعـريـض




من أكثر إنسانية؟ أهو الأب الذي يبيع أولاده أم هم هؤلاء الذين يريدون أن يخلصو هؤلاء الأطفال من هذا الأب وذلك بشرائهم؟
إن واجهتك هذه المشكلة ماهو موقفك؟
ماهو شعورك إن كنت مكان ذلك الطفل المعرض للبيع؟
ماهي نظرتك للمجتمع الذي لم يحرك ساكناَ لأجلك؟ لوالدك الذي عرضك للبيع؟ للدولة التي لاتوفر أقل حقوقك؟
أتستطيع مسامحة والدك؟

انو البرنامج كتير جريء وكتير حلو وشكرا رتروت على الموضوع
ومنشان الاسئلة
بالنسبة للسؤال الأول انا بظن انو التنين ماعندون أنسانية كافية لأنو هني التنين تعاملوا مع الأطفال كسلعة بيع وشري البايع والشاري ولو كان هدف الشاري نبيل بس هاد مانو أبدا مبرر حتى يقبل بهالشي يعني كان من الممكن يعرضوا هالمصاري على الزجال بدون ما ياخدو ولادو ؟مساعدة يعني واذا الرجال رفض بيكون بيعاني من حالة نفسية مزرية وماعاد بدو يتحمل مسؤولية ولاد هو جابون ع الحياة وهيك بيكون مكانو هوي المصح النفسي والولاد مع أمهون اللي نسيو يحكو عنها شو موقفها انو ام عم ينباعو ولادها شو راح تقول !!!!!
واذا صارت هالمشكلة قدامي أكيد لارح كون بين الشاري ولا البايع راح وقف ضد التنين وطبيعي انو بيجوز لو كنت بمجتمع مدني اشتكيت عليهون بكل بساطة
ولو كنت مكان هالطفل هلق هون حسب العمر لو كان عمري بين 13 و17 بيجوز كنت اهرب لانو فكرة الهرب بتكون واردة عن هالاطفال بهالمرحلة العمرية اما قبل هالمرحلة فبيكون عندون عقدة خوف من هالتصرف ما بعرف بس بهرب وبس انا ما راح اقدر سامح أبي أصلاً انو فكرة يبيعني صارت موجودة بعقلوا ماعاد اقدر كون موجود بقلبوا ولا هوي بقلبي بالمرة هلق اذا كان سؤالك موجه لكل شخص حسب دولتوا وحكومتو فأنا ما بعول كتير على حكومتنا العتيدة وما بنطر منها شي بالمرة فلهيك ما كتير بفكرة بموقف حكومة بلدي ما بيهم
بدنا كتيرررررررررر لنصير مجمتمع مدني بيتعول على حكومتوا بدنا كتير هاد اذا من هلق بلشنا فكيف انو نحنا لهلاء ما بلشنا

ميرسي ريتا