عندما يقول الرجل للمرأة احبك هل يقصد ما يقول

[رضوان ابو فخر]

ان اسلوب الزميل تايغر جميل بفتح باب الحوار بسؤال مهم ودعوني استعير منه ذلك.ونطرح الأسئلة التالية:
- عندما يقول الرجل للمراة أحبك ,هل يقصد تماما ما يقول ام مجرد كلام؟
- هل يتجاوز الحب من حالة اللسان الى حالة الشعور والاحساس؟
- ولماذا يكرر الكلمة ويقسم على حبها ؟ ( بحبك بحبك والله بحبك ..صدقيني بحبك)
- هل لأنه يشك هو نفسه بما يقول؟
- وهل التعبير عن الحب هو بالكلام الشفهي فقط؟
- ماذا لو جربنا ان نحب بصمت ؟ هل ننجح؟
- أو نفشل لأن المرأة تحب من أذنها كما يقال؟

[SelavI]

أو نفشل لأن المرأة تحب من أذنها كما يقال؟

يقال الكثير يا صديق والمرأة روح لا لاقط صوت

[mhsen77]

ابا بعتقد انو المرآة تحب باذنها
ولازم الشب يسمعها هالكلمة وإلا.................
بظن انو مو كل الاحيان بتكون هالكلمة طالعة من قلبو ولكن احيانا اخرى يقولها بصدق

[homam85]

اي يقصد ليش مو يقصد يعني؟؟

[satoman]

بل ويقصد اكثر

[osian]

التعبير مو بس بالكلام مع أنو أكييييد كلمة بحبك كتير ضروري يحكيها
أما يقصد ولا ما يقصد فهادا الشي حسب الشب وصدقه
والبنت كمان بتحس ازا كان صادق ولا لأ

[توم و جيري]

كاتب النص الأصلي : satoman

بل ويقصد اكثر

متل شو اكثر حبيب

[عطر سوريا]

كاتب النص الأصلي : رضوان ابو فخر

- أو نفشل لأن المرأة تحب من أذنها كما يقال؟

المرأة تحب من أذنهاااااااااااااااااا

[حموده ابو حميد]

كاتب النص الأصلي : SelavI

أو نفشل لأن المرأة تحب من أذنها كما يقال؟

يقال الكثير يا صديق والمرأة روح لا لاقط صوت

يالطيف معقول

?

[mhsen77]

كاتب النص الأصلي : osian

التعبير مو بس بالكلام مع أنو أكييييد كلمة بحبك كتير ضروري يحكيها

كاتب النص الأصلي : osian

أما يقصد ولا ما يقصد فهادا الشي حسب الشب وصدقه
والبنت كمان بتحس ازا كان صادق ولا لأ

وحتى لو كانت البنت عارفة انو الكلمة كذب مع هيك تحب تسمعها

[osian]

كاتب النص الأصلي : mhsen77

وحتى لو كانت البنت عارفة انو الكلمة كذب مع هيك تحب تسمعها

لأ أنا مو معك بهالحكي ألا إزا البنت بتحبو للشب أما إزا ما بتحبه أي ما رح تطيق تشوف وشه خاصة بعد ما يكون اعترف بحبه
كل الاحصاءات تؤكد كلامي

[M@hmoud]

بهالمناسبة اتذكرت رائعة ميادة بسيليس .... كذبك حلووووو

[mhsen77]

كاتب النص الأصلي : osian

لأ أنا مو معك بهالحكي ألا إزا البنت بتحبو للشب أما إزا ما بتحبه أي ما رح تطيق تشوف وشه خاصة بعد ما يكون اعترف بحبه
كل الاحصاءات تؤكد كلامي

انا قلت تحب تسمع كلمة بحبك بغض النظر عن قائلها
يعني حتى لو كانت البنت تكره الشب مش رح تكره كلمة بحبك وحتى تتمنى تسمعها
و اذا انت مش هيك هيدا شي تاني
ممكن سؤال ؟
انت تكرهي تسمعي هالكلمة من شب انت ما تحبيه؟

[nour333]

كاتب النص الأصلي : mhsen77

انا قلت تحب تسمع كلمة بحبك بغض النظر عن قائلها
يعني حتى لو كانت البنت تكره الشب مش رح تكره كلمة بحبك وحتى تتمنى تسمعها
و اذا انت مش هيك هيدا شي تاني
ممكن سؤال ؟
انت تكرهي تسمعي هالكلمة من شب انت ما تحبيه؟

بصراحة هاي الكلمة بتحب البنت تسمعها حتى لو ما كان الشب بعنيلها شي بس لما حد ببدي اعجابو فيها بتزيد ثقتها بنفسها
بس المهم انها تسمعها من الشخص المطلوب او اللي ببالها وللأسف مو دايما بتزبط

[Reemi]

من الصالون

[boozy]

لا أستطيع أن اقول لك :
" أحبك "......
لكني أستطيع كتابة الكلمة بشفتي
فوق جبينك ،بصمت
و أنت نائم.....
لتلتقطها أصابع أحلامك!......

الرائعة غادة السمان

[mhsen77]

كاتب النص الأصلي : nour333

بصراحة هاي الكلمة بتحب البنت تسمعها حتى لو ما كان الشب بعنيلها شي بس لما حد ببدي اعجابو فيها بتزيد ثقتها بنفسها
بس المهم انها تسمعها من الشخص المطلوب او اللي ببالها وللأسف مو دايما بتزبط

تماما هي القصد
و يا ستي ان شا الله تزبط معك

[osian]

كاتب النص الأصلي : mhsen77

انا قلت تحب تسمع كلمة بحبك بغض النظر عن قائلها
يعني حتى لو كانت البنت تكره الشب مش رح تكره كلمة بحبك وحتى تتمنى تسمعها
و اذا انت مش هيك هيدا شي تاني
ممكن سؤال ؟
انت تكرهي تسمعي هالكلمة من شب انت ما تحبيه؟

إزا ما بحبه أكيد ما بحب أسمع منه كلمة (بحبك)
لو كنت بعزه كصديق بصير بدي أخسره للأبد لأن بعد ما يقلي مافيني كمل عادي وهيك بخسره
وأزا حدا ما بيعنيلي كمان ما بحب يقلي بحبك لأن ما بحب هالمواقف وما بحب أجرح حدا

بس أكيد إزا بحبه بيختلف الكلام كله