اخي السوري : هل تعتبر نفسك (سوري) ام( عربي سوري)

[التقرير الجوال]

كاتب النص الأصلي : gabriel

ويظهر في عندك مشكلة غريبة من النوع بالتفريق بين المعتقد والعرق

هيك صار المسار صح.. هاد يللي بدي منك تفهمو .. يعني انت شو بتعتبر عِرقك؟

[Abu ToNi]

انا شخصيا يعني ؟!؟!

انا بعتبر عرقي سرياني بحت والشي ما من عندي سجلات العائلة وشجرة العائلة بترجع لأكتر من 500 سنة ( اذا ما كانت اكتر ) وكلها بتأكد هاد الشي .

اي سؤال او خدمة ؟!

[التقرير الجوال]

بس السريانية مانها عرق بشري .. السريانيه لقب أطلق على سكان المنطقة بمافيهن سكان فلسطين و الاردن و كمان كل عراقي بيحكي السريانيه .. هاد كان على دور السلوقيين .. يعني الكلمه سوريا " اسم مكان " .. أطلق على سكانه اسم سوريين .. كمان في عندك باحثين اشتغلو على مصدر الاسم " سوريا " .. و لقوه بمعجم سنسكريتي و بيقللك بأنو أقوام هندو أوربيين أطلقو على هالمكان اسم سوريا ..

( درج المؤرخون أمثال فيليب حتي وغيره على القول بأن اسم سوريا مشتق من صور وقد يكون من آشور . أما دراستنا الحديثة فقد أوقعتنا على مقطع في كتاب للعالم كونشينو عنوانه تاريخ الحثيين والماتينين يقول فيه أنه منذ الألف الرابع قبل الميلاد بدأت تتسلل إلى سوريا عبر جبال زغروس أقوام من الهندوأوروبيين استيقظتهم خصوبة الأرض السورية وشمسها المشعة الدافئة . وكانت لفظة سوريا تسبق أسماء ملوكهم . وبعد التفتيش الدقيق تم العثور على قاموس عربي سنسكريتي وإذ بلفظة سوريا موجودة فيه باللغة السنسكريتية ومعناها ( الشمس ) ومن هنا اتضح اشتقاق لفظة سوريا أي أنها من اللغة السنسكريتية وتكتب بالألف الطويلة . وبعد هذا الكشف إن اسم سوريا ومعناه الشمس فإن أول من أطلق هذا الاسم على منطقة الشرق الأوسط أي سوريا الطبيعية هم الهندوأوروبيين أثناء لجوئهم إلى منطقة الشرق الأوسط هرباً من الصقيع والجليد ولجوءاً إلى الدفء وخصوبة التربة وبموجب هذا المنطق تسقط تسمية سوريا عن صور وآشور لتثبت أنها سنسكريتية .)

هاد الاقتباس مأخود من صفحه اذا بدك تقرأها

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

..
إذاً سوريا أو سرياني مش عرق و لا اسم بشر .. انما اسم مكان و طبعاً كل انسان سكن المكان قديماً أو حديثاً أكيد بدو يطلق عليه سوري أو سرياني .. فمن باب الحقيقة في ناس ساكنة بسوريا و بتشكل الأغلبيه عم تقول نحن عرب سوريين .. بس في ناس ما بعرف شو بدها و بيني و بينك هي أصلاً ما بتعرف شو بدها .

[Abu ToNi]

انا هاد الجدال السفسطائي اللي حضرتك هوايتك على ما يبدوا ما كتير بحب ادخل فيه قول لي ليش

لأنه سفسطائي ببساطة

السريانيه لقب أطلق على سكان المنطقة بمافيهن سكان فلسطين و الاردن و كمان كل عراقي بيحكي السريانيه

ما بعرف مفهومك على المنطقة شو هوي لكن بقول لك معلومة انه ما في شي اسمه تقسيم جغرافي من قبل فالمنطقة قبل غير المنطقة هلق وبحب اسئلك
انت بتنتبه شو بتكتب ؟!

لقب أطلق على سكان المنطقة

وانا من سكان المنطقة وقلت لك اللقب بعبر عني متل ما العرب لقب اطلق على القوم اللي سكتوا شرق البحر الأحمر السريانية لقب اطلقت على ..... بتعرف التتمة فشو اللي مستغربه حضرتك ؟!؟

كاتب النص الأصلي : التقرير الجوال

هاد الاقتباس مأخود من صفحه اذا بدك تقرأها

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

..
إذاً سوريا أو سرياني مش عرق و لا اسم بشر .. انما اسم مكان و طبعاً كل انسان سكن المكان قديماً أو حديثاً أكيد بدو يطلق عليه سوري أو سرياني .. فمن باب الحقيقة في ناس ساكنة بسوريا و بتشكل الأغلبيه عم تقول نحن عرب سوريين .. بس في ناس ما بعرف شو بدها و بيني و بينك هي أصلاً ما بتعرف شو بدها .

وبيني وبينك وقدام الكل انت شو بدك ولوين بدك توصل ؟!

يا اخي حاول كيف ما بدك بالأخير في منطق بالأمور
سوريا من فين ما كان جاي اسمها واللقب سوري كيف ما كان شكله ومن فين ما كان وعلى شو ما كان بدل ( مع انه متعارف دوليا على انه مشتق من السيريا السيريانية ) فاذا بدك تعتبره اسم مكان وانه ليس سوى مكان وما كان في شي ربي عليه وما كان في حضارات قائمة عليه واجا العرب من شبه الجزيرة شافوه مكان خالي استوطنوا فيه وهلق نحن من نتائج استيطانهم . اعتبره ما عندي مشكلة بس لا تحاول متل العادة ( تلوي ) معاني الكلمات بهدف تسخير الفكرة فكلمة سوريا كانت باجماع علمي لغوي انها مشتقة السريانية .

بالأخير فعلا بدي افهم منك لفين بدك تصل ولا بتحب تناقش فقط بهدف المناقشة ؟!؟

[sandra]

الموضوع هو رأي شخصي
وليس إن كان أهل سورية ككل عرب أم لا
ويا هلا

[Abu ToNi]

فمن باب الحقيقة في ناس ساكنة بسوريا و بتشكل الأغلبيه عم تقول نحن عرب سوريين .. بس في ناس ما بعرف شو بدها و بيني وبينك هي أصلاً ما بتعرف شو بدها .

حبيب بس بحب اقول لك الاغلبية هي ما بتعرف الله فين حاطتها وهيك قالوا لها انها عرب فمشيت على اساس انها عرب مع العلم انه ما في شي علمي بقول نفس الشي بالوقت اللي فيه كتير شغلات بتقول عكس هاد الشي .

بس الأغلبية اللي عبتحكي عنها من فين عرفت انها هيك بتقول ؟!
على فكرة طلعت بالأنترنت مافي اي حصائية من اي نوع كان بتحكي عن العشب السوري والنسب المئوية اللي فيه فانت كيف عرفت انتماء الاغلبية اذا الدولة ما عندا ارقام بتقول هاد الشي ؟!

انا من جهتي اذا اعتبرت الأخوية عينة عشوائية بحتة ( وهاد هوي الواقع ) بالأرقام بيطلع معك انه تقرييا 20 من 60 بيعتبر ( وركز لي على بيعتبر ) حاله عربي يعني 35% بتقول انها عرب سوريين فكيف زبطت معك ( أغلبية ) الشعب بيعتبر حاله عربي !!!!

ما قلت لي انت شو بدك ؟!؟

[التقرير الجوال]

بالبداية بدي منّك تتعرف شوي على معنى كلمة سفسطة .. لأنها بالمعنى الحرفي رح تكون كلمة بتخدّم مصالحي حاليا .. و مش معنى للكلام الغير موجّه .. بس اسم الله هي شايفك هل عم تعرف تختار بعض الكلمات ..
من باب الدفع و التشجيع رح نتركها هيك و قللك مرحى .


بدي منّك تقرأ مقالة حررت بأنامل مثقف عربي لبناني مسيحي .. من بعدها .. انتقل لمرحلة التأمل و الاستنتاج
هي اذا رح يكون فيك تستنتج .

باعتباري عربياً مسيحياً، سأستخدم بعضاً من آراء د. فارس كمدخل لإلقاء الضوء على المغالطات التي ينشرها مع قلة من الآخرين تحت ستار البحث العلمي. ويؤسفني القول بأن العديد من هؤلاء النشطاء المناوئين للعرب أكثر ما يناسبهم هو وصفهم بأنهم "عرب كارهون لذاتهم."
كان للمسيحيين العرب وجود لم ينقطع حتى الآن في الشرق الأوسط ومنذ وقت طويل قبل انتشار الإسلام فيه. وهم يعدون في لبنان اليوم حوالي 1.3 مليون نسمة (حوالي ثلث تعداد السكان) معظمهم من الطائفة المارونية. أما في سوريا فإن تعدادهم يبلغ مليونا نسمة (حوالي 10% من السكان) وبينهم نسبة لا بأس بها من الموارنة. أما في مصر فيبلغ تعداد المسيحيين، ومعظمهم من الأقباط، 4.5 مليون أي حوالي 6.5% من المصريين. وهناك مليون في العراق من مختلف الطوائف وهو ما يعادل 4% من السكان. وربما يبلغ عدد المسيحيين في فلسطين والأردن 600 ألف، غير أن التغيرات السكانية التي حدثت في البلدين تجعل من الصعب إعطاء تقديرات دقيقة.
وقد لعب مسيحيو لبنان وسوريا وفلسطين دوراً رائداً في إحياء الثقافة العربية من حالة السبات التي كانت تعانيها في عهد العثمانيين. وتدين نهضة الثقافة العربية بالكثير للعديد من المفكرين المسيحيين العرب الذين كانوا رواد تشكيل الهوية القومية العربية.وكان للدور الماروني على وجه الخصوص أهمية كبيرة على الصعيد الثقافي. وهم في لبنان يشكلون عماد تنوعه الثقافي. وقد قال لي صديق سعودي ذات مرة، لو لم يكن الموارنة موجودين لكان علينا اختراعهم!
وقد ظهرت مزاعم بين الحين والآخر بأن الموارنة يعود أصلهم للفينيقيين. وهذه ليست سوى خرافة الهدف منها النأي بالموارنة عن أصولهم العربية. لقد كان الموارنة يسكنون وادي نهر العاصي في سوريا. وهم يتحدرون على الأغلب من بعض القبائل العربية التي لم تعتنق الإسلام أبداً. يقول المؤرخ اللبناني البارز كمال صليبي (وهو مسيحي بالمناسبة) في كتابه "بيت من قصور عديدة" (198، الباب السادس: "من المحتمل جداً أن الموارنة، وهم مجموعة من أصل عربي، كانوا بين أواخر القبائل العربية المسيحية التي وصلت سوريا قبل الإسلام... والمؤكد هو أن لغتهم ومنذ القرن التاسع للميلاد كانت العربية وهو ما يشير إلى أنهم كانوا بالتأكيد مجتمعاً قبلياً عربياً. أما حقيقة أن السريانية لا تزال اللغة المستخدمة في صلاتهم، فهي أمر ليس بذي صلة بالموضوع. فالسريانية، وهي الشق النسخة الدينية المسيحية من اللغة الآرامية، كانت لغة الصلاة والشعائر الدينية لكل الطوائف المسيحية العربية الآرامية سواء في الجزيرة العربية أو سوريا أو العراق."
ويشير صليبي أيضاً (في الباب الرابع) إلى أن البطرك إستيفان دويهي، وهو مؤرخ ماروني من القرن السابع عشر، قال إن الموارنة "اضطروا إلى الرحيل عن وادي العاصي والانتقال إلى جبل لبنان نتيجة اضطهاد بيزنطة لهم وليس المسلمين." ويقول صليبي عن ذلك: "بين 969 و1071... كان البيزنطيون يسيطرون على وادي العاصي. ولابد أنهم مارسوا من الاضطهاد على الموارنة ما يكفي لإجبارهم على الرحيل من المكان والالتحاق بالمسيحيين الموجودين في جبل لبنان. أما في مدينة حلب المسلمة، فلا تزال الجالية المارونية موجودة حتى هذا اليوم."

بدّي منّك هلأ تستجمع قواك الفكرية و تركز مظبوط لأنو الكلام هاد سفسطائي جدلي بحت موثّق بأدلّه و براهين و محرر بواسطة كتّاب يعرفون التاريخ .. يعني مش كلام بالهوا أو كلام عدواني بيدل على جهل و تخلّف و زرع لنعرات .. مستحيل بتشوف ضو الشمس بيوم من الايام .. فــــ نسوها و توكلو عا الله

لقد كانت الجزيرة العربية والأراضي التي من حولها أصل عدد من القبائل والحضارات مثل الفينيقيين والآشوريين والكلدانيين والآراميين والعبرانيين والكنعانيين والنبطيين وغيرهم. وكانت هذه القبائل تهاجر من الصحاري العربية إلى الأراضي الخصيبة في شرق المتوسط ووادي النيل. وكانت لغاتهم متشابهة جداً بحيث يمكن للمرء أن يسميها لهجات للغة واحدة. وحتى اللغة العبرية المعاصرة تشترك مع العربية بأوجه شبه ملحوظة. كانت لهذه القبائل ديانات مختلفة. في مرحلة معينة، كانت في معظمها وثنية، وأخرى يهودية. ومع ظهور المسيحية تحولت بعضها إليها. وبالتالي فإن المسيحية لم تكن أبداً مكوناً عرقياً وإنما دين اعتنقته العديد من القبائل. والكثير من أعلام الشعراء العرب في الجاهلية كانوا مسيحيين مثل امرؤ القيس وطرفة بن العبد.
اللغة السائدة في البلدان العربية اليوم هي اللغة العربية، غير أنها في الحقيقة ليست سوى لهجة قبيلة عربية كبرى هي قريش، والتي أصبحت لغة القرآن أيضاً. وهذه اللغة انتشرت انتشار النار في الهشيم في سوريا ولبنان والعراق وفلسطين وشمال مصر لأن الناس فيها كانت تتحدث مسبقاً لهجات للغة نفسها.
إن بلاد الشام (أو سوريا الكبرى إن شئتم) قد استعربت قبل وقت طويل من دخول الإسلام لها. وأعود إلى كمال صليبي والباب الخامس من كتابه حيث يقول: "كانت قبائل عربية كثيرة تسكن جبل لبنان قبل ظهور الإسلام..." ويقول في الباب السابع: "إن الزعم بأن سكان سوريا قد استعربوا بعد فتح العرب المسلمين لبلادهم هو زعم خاطئ تماماً، لأن سوريا في معظمها كانت مسكونة بالعرب مسبقاً- وبالأصح المسيحيين العرب- قبل وقت طويل من ظهور الإسلام."

طبعاً هاد كاتب لبناني مسيحي عم يحكي عن عروبتة و افتخارو فيها .. نحن منرحب في .. نعم للمثقف الايجابي .. نعم لاصحاب العقول النيّره و لكن ما بدنا شي من البعض غير بأنهن لما بدهن يعقبوا او يحكوا عن أفكارهن .. بدها تكون أفكار عالقليل منطقيّه يعني مش كلام هيك .
منطق و فكر و براهين .. الناس ما بيميزهن عرق و إلا دين .. الناس تميّزوا بالفكر و الحضاره .. يعني شغلة بالدماغ
فمن منطلق الفكر ... فبظن الاهتمام بالناس لازم بيكون على قدر مستواهن الفكري و ما يتبنونه من أفكار واقعيه علمية متحضرة بتساهم بالتطور .. يعني ما بتساهم بالتخلف .

باقي السكان كلهم هم عرب ثقافياً. والثقافة هي اللغة التي يتحدثونها والشعر الذي يقرؤونه والأغاني التي يغنوها والأطعمة التي يأكلونها والموسيقى التي يرقصون على إيقاعاتها والتاريخ الذي يشتركون به.
إن العرب- مسلمين ومسيحيين- غارقون حتى آذانهم اليوم في محاولة دحر هجمة الدعاية المغرضة من جاني الصهاينة والمحافظين الجدد التي تأتيهم من الغرب، ولا تنقصهم كتيبة عرب كارهين لذاتهم بين ظهرانيهم. في هذا الجو السياسي الموبوء بالعداء للعرب والمسلمين، نحن بحاجة لاستعادة دورنا باعتبارنا مدافعين عن وطننا وعمقنا العربي ومفسرين وسفراء له وناطقين باسمه. لقد ساهمنا في مساعدة الدولة العربية الناشئة في سنوات تشكلها على التعرف على أمهات الكتب الإغريقية مثلما ساهمنا في إعادة تشكيل الهوية العربية وانعتاقها من تخلف الدولة العثمانية. وعلينا ألا نسمح للأصوليين من الغربيين أو الإسرائيليين في إلقاء الغشاوة عليها من جديد.
حين دخل الصليبيون القدس عام 1099، تعرضنا نحن المسيحين العرب للمذابح مثل المسلمين. والفظائع التي نراها في فلسطين والعراق وأفغانستان توضح لنا بجلاء أن أخلاقيات الصليبيين الجدد ليست بأفضل من أخلاقيات أولئك اللذين أتوا إلى هذه البلاد قبل قرون مضت.
رجا مطر مدير إقليمي سابق فيالشرق الأوسط لشركة متعددة الجنسيات وهو حالياً مستشار تجاري يعيش

هي كانت كلمة بريشة مبدع عربي مسيحي .. كاتب متمرّس له قرّاء و مدوّنات ..
سهل كتير بيصير عندي انترنت و خربش بصفحاتو .. بس الصعب بأني حاول حط راسي براس مسلّمات و حاول غيرها بأسلوب .... ما بدي اوصفو لهالاسلوب .. ممكن غير يحكي عنّو .

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[Abu ToNi]

قبل ما اقرا ردودك وقبل ما رد عليك بدي خبرك شغلة انك كتير بتحب الجدل العقيم والي رجعة للموضوع " مشان ما تحسبني هربان " بس اعطني فائدة واحدة فقط ممكن اني استفيد منها او افيدك منها من كل الجدال اللي بدنا ندخل منه .

وعلى سيرة السفسطائي يا افلطون زمانه رجاع للأخوية ياس اذا ماني غلطان كاتب موضوغ عنها .

[التقرير الجوال]

الجدل بيفيد ناس متلك يللي عم تحاول تغير التاريخ بكلام ... ما بعرف كيف بدي اوصفو .. يعني ما بينوصف عرفت كيف .. عم حاول بسّط الصوره ليكون فينا نلتقي بنقطه مشتركة .. متل كينونه انتماء السوريين للعروبة بغض النظر عنالتعصب لدين أو طائفه أو ماشابه .
بعدين أنا متعلّم قبل ما شرّفكن على أخويه و بعرف شو هي السفسطائية .

[Abu ToNi]

صار وعبتسلى بمطالعة مقالك

طالع انت كمان المقال هاد


ولو كان بيفتح عندي بالبيت الأنترنت متل عالم وخلق وما في حجب كالعادة كنت امطرت عليك بشوية مواقع للمطالعة بس تسلى لك بهال كام موقع السوري .

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

حدسي بقول لي بدك توصلني لهون فقلت لحالي احط لك النقطة اللي بدك توصلني الها مشان افهمك اني فهمان عليك .

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

بس ما قلت لي بشو بده ينفعني الحوار معك ذكرني بشغلة واحدة فقط ممكن استفيد منها من حوارك ويستاهل اني اقعد احكي معك فيها .

[Abu ToNi]

كاتب النص الأصلي : التقرير الجوال

الجدل بيفيد ناس متلك يللي عم تحاول تغير التاريخ بكلام ... ما بعرف كيف بدي اوصفو .. يعني ما بينوصف عرفت كيف .. عم حاول بسّط الصوره ليكون فينا نلتقي بنقطه مشتركة .. متل كينونه انتماء السوريين للعروبة بغض النظر عنالتعصب لدين أو طائفه أو ماشابه .
بعدين أنا متعلّم قبل ما شرّفكن على أخويه و بعرف شو هي السفسطائية .

مو بس بتعرف وهئيتك مأتقنها تمام

والحوارات الجدلية متفوق فيها ايضا بشهادة تاريخك بالأخوية

[التقرير الجوال]

.
















_______________________________________

بالمناسبة الجدل بنمي ملكات الفكر و بفتّح الأفكار
و بمل على استكشاف الأصح .
المشكلة هون .. يعني أخوية!
الناس او البعض ما بتعرف تكفي الحوار فكيف رح تكون مع أصعب أنواع الحوارات و هوي الجدلي؟
يعني البعض ما بيناسبها غير أفكار و لنقل أفكاري
بتدخل و تعمللها شوية حركات على شويه فابريكا
و تنسحب
زعلت!
بطلت بدي احكي!
الموضوع رح يكون عقيم!
انت متزمّتَ
هي الامور مش ذبني
و اذا كان في ذنب
فهوي .. الشخصيات
أو طرق التفكير
فجلّس
و خليك وحده مستقلة بذاتها
و خليك عالخط
اذا جد بدك تستفيد .

[Abu ToNi]

يمكن ما بتعرفني مني انا بشتغل بحياتي على مبدا الساعات انا بشوف ان القدر عطاني عدد معين من الساعات جتى اعيشهم بهال الدنيا

ماني شايف الحديث معك بيستاهل اني اخسر عدد معين من ساعات حياتي كونك مصرّ انك تدخل متل ما طلعت
لو كنت ما بعرفك كنت حكيت معك وكملت للنهاية على امل اني حاول وصل لك فكرة لكن شفناك وقت قعدت تحكي مع سيريويو وصلتوا للصفحة 15 وبعدك متشبث بفكرتك وهوي كمان متشبث بفكرته .

فكل اللي بدي افهمه منه انك مستعد تغير افكارك ولا معتبر افكارك مقدسة وعبتأعلن حرب على كل واحد بده يحكي عكسها ؟!

هاد اولا

تانيا

بتمنى تحترم حالك نحن ماننا ولاد حتى تجي تحكي كلمة وبتمشي في عالم محترمة وبتعرف شو عبتجكي ماننا عبيد عندك حتى تتفزلك على ربنا وتقعد تقيمنا فاذا ما بدك وما جاي على بالك تحترم حالك فانت مجبر انك تحترم غيرك هي دائما حطها حلقة بدانك وتذكرني فيها .

احسن ما تقعد تحاول تستفزني وتحاول تدخلني بمناطقك " مناطق الجدل العقيم " جيب لي احصائية سورية معتمدة بتاثبت حكيك اللي بقول اغلبية الشعب السوري " يعتبر " حاله عربي وانه على دراية بهاد " الاعتبار " والأحلى من هيك جيب لي شو هوي الرابط العربي الوثيق الي بيجمعني مع اخوي الصومالي مثلا حتى نكمل بالقصة .

مع اني مقتنع تماما انه جدال عقيم جدا معك وحرام اضيع وقتي بالحكي معك لكن جيب لي هاد الشي وبعدين منتفضل منحكي .

بعتقد بتكون عبتفيدني اكتر من كل هال لعي الفاضي .

[التقرير الجوال]

________________________________________________

لساتك عم تستخدم كلام غيرك و خصوصا لما بيصير الحكل عني أو عن أفكاري
بالمناسبه هاد الكلام يللي أثار حفيظتك .. ما كان موجّه إلك .. يعني أنا كتبتو ليقرأه غيرك .. فجلّس و ما تحكي عن احترام النفس أو القلم .. بظن صعبة شوي عليك .
انت أمرك أبسط من غيرك .. هي للصراحة .. لأنك مع احترامي .. كلامك لا في حجة و لا برهان و رح يتم هيك
إلا اللهم تفكر جديّاً بأنك تقرأ و تطالع .

وقّف لهون و خليك بصلب الموضوع .. أنا ما عم طالبك برابط مع الصومالي .. أنا عم طالبك برابط حقيقي بينك و بين كل السوريين .

[Abu ToNi]

اول شي تفضل قدم لي الشي اللي بدك تقوله شو هي العروبة ؟!
مين هنن العرب ؟!
بالاصل شو هية كلمة عربي ؟!
على اي اساس عبتعتبر سكان سوريا الحاليين بيرجع نسبهم إلى شبه الجزيرة العربية وقررت انه " اغلبيتهم " عرب وسكان الاصليين ابيدوا بشكل او بآخر يا امى متل عوايدك بدك تنط لي على سكان المنطقة هن عرب الاصل !!
شو هي القومية العربية اللي بتجمع الاقطار " العربية " مع تحفظات كونا مافي شي بيجمعها .
من امتى صار شي اسمه " تاريخ عربي " وهل هو اقدم التواريخ في منطقة بلاد الشام وهوي اصل الحضارة بالمنطقة ؟!

احسن لك من كل هال الحكي اللي ما بيجي منه بالفحص .

مع اني صدقا قرفان الحوار بالنقاط اللي ذكرتها قرفان وقرفان بشكل كبير كمان كون بتزبط عليها شارة يوميات مدير عام " تيتي تيتي رحتي متل ما جيتي عوجا " يعني انا مقتنع 100% انه حضرتك عامل هالة مقدسة حول آرائك ومستعد تحارب مشان تحافظ عليها وبتمنع اي واحد يفكر يمس فيها وبالتالي كل حواراتك هدفها انه تغير آراء العالم وتحقيق النصر لأفكارك ليس الا وبالتالي هاد ما صار اسمه حوار .... لهيك عبقول لك مالي خلقك وخلق مجادلاتك السفسطائية الهزلية اللي بدها تمتد لصفحات وصفحات من دون اي فائدة تذكر بالنهاية بدها تتحول لمين بفوت مواقع انترنت اكتر ومين بجيب حكي عالم اكتر كون للطرفين في مؤيدين ومعارضين .....

بس لا تطلعي هلق بنظرية تبع " تعودنا على الهروب " باتعبار انا ما نمت اليل وما جاي على بالي اهز بدني من الصبح واحس حالي عبغني بالطاحون .

[التقرير الجوال]

انتهى الحوار معك لهون
إلا إذا قرأت المقال يللي حطيتو انا .. مقال المفروض يدوعوك للتأمل بأفكارك .. مراجعه حساباتك
يعني بيني و بينك اقرأ مقالات ناس في عندها خبرة .. برأيك الكاتب المسيحي ليش قال انا عربي .
فتحلي مخك شوي .. يعني كم كتاب قريت لهلأ لحتى تجزم بأفكارك انت؟ و شوف هالكاتب كم كتاب قرأ لهلأ و لوقت ما كتب المقال تبعو .. بظن فيها نظر ما هيك؟
المره الجاية بدك تعرف تختار كلماتك .. اي حبيبي؟

[Abu ToNi]

بالاخير الموضوع شو بتعتبر حالك وانا بعتبر حالي سوري ونقطة على السطر .

اذا بدك ترجع لكتب الدولة وابسط شي كتاب التاريخ اللي بدرس بالمدارس بيقسموا العالم لقسمين

اقليات غير عربية ( وما بعرف اذا بيتكرموا عليها وبسموها سورية )
واغلبية عربية سوريا

بالاخير كل التاريخ العربي بيشبه بعضه كله معاد سياغتصه بما يخدم فكرة العروبة والروابط الوثيقة اللي بترجع لمدري كام الف سنة .بدون اي دليل او برهان مع العلم انه تاريخيا الحضارة العربية جاءت مع المد الاسلامي لبلاد الشام وبالتالي قبلها ما كان المواطن السوري بيعرف او يمكن ما كان حتى سمعان بشي اسمه عرب او شي اسمه لغة عربية تماما متل المصريين اللي ما كانوا سمعانين بشي من هاد الشي .

اما المحاولات الفاشلة طبعا اللي بتقول لك الفراعنى عرب والساميين بكافة اشكالهم عرب " بساتثناء العبرانينن ولاد كلب هدول لأنهم " صار معي قرف منها وقرفت اكتر منها من التاريخ المكتوب باللعة العربية كونه كله مزيق ومقرف بالأدلة الغبية اللي بقدمها واللي عقل ولد صغير بيفرض انه يتقبلها .

فالله يخليك ارحم لي ادني من سماع اسطوانة سوريا عربية والحضارة العربية والتاريخ العربي المشترك . كون التاريخ قالب لعبة بايدين اللي جاي على باله يغيره لخدمة مصالحة .

وكيف بدك اعتبر

اعتبرني طلعت وما جاي على بالي احكي معك
اعتبرني امّي ما بعر اقرا واكتب وماني قريان شي على النت
اعتبرني سمعان لي كلمتين من جارنا السمان

مانها فارقة معي كوني بدي اقطع الحديث من عندي باتعبار اني انسان عملي بحب وقت يمشي بطريق يكون متاكد انه الطريق بوصل لنتيجة والطريق اللي عبتدعيني ادخل فيه دخلته قبل هال مرة معك وقرفت عمري من غبائي اني ما حسيت عليك من اول رد انه مثبت حالك ومانك مستعد تغير شي من افكارك المؤلهة واللي شبعنا منها من وقت ما كنا صف اول بأول سطرين بكتاب التاريخ .

على امل انه الشعب يفيق بيوم من الايام خليك نايم انت . وانا متل ما قلت لك اعتبرني اللي بدك ياه انهزمت هربت واعتبر حالك متل ما بدك انتضرت حققت فتوحات جديدة للعرب واثبتت قدراتك الخارقة في الاقناع مانها فارقة معي لا رايك ولا آراء العالم المتبعين نفس منهجية تفكيرك .


ودمتم

وانا سوري آه يا نيالي .

[التقرير الجوال]

بالمناسبه قبل ما تفل
انا ما قلت السكان الأصليين أبيدو .. بعدين هيك صرنا برات الموضوع .. مع هيك رح قللك بأنو العرب الساميين هاجرو لسوريا من أكتر من 5 ألف سنة .. فباعتبارك واعي شو عم تقول .. من شي 7 او 8 ألف سنة شو صار بسكان سوريا الاصليين؟ و ينهن و وين الدليل على وجودهن ..
ما بدي ترد على هالتساؤل .. و خليك ببحر الموضوع.
انت مسيحي اعتبرت حالك سرياني
السريانيه مش عرق
أنا نقلت مقال لكاتب مسيحي بيقول " أنا عربي "
هون الموضوع .. و حاجة نطوطه
بالمناسبه أنا فيني احكي كلام بدك تحتاج لمراجع لتفسرو ..مرّه تانيه لما تحكي معي بدك تنتبه على كلامك .