ما هو تعريف النقطة؟؟ و كم نقطة تانية لحرقصة المخ

[amir 2006]

حلوة بس بعدين بقراها

[زوربا]

النقطة....................
النقطة هي كل شي........وهي الصفر كمان.....وهي فضاء عدد أبعاده يسعى إلى اللانهاية.....

من النقطة....بيتشكل المستقيم..."بعد واحد"..(من خلال الانسحاب)........ودوران المستقيم حول نقطة بيعطي المستوي..."بعدين"...........ودوران المستوي حول مستقيم منو بيعطي الفراغ....."تلت أبعاد"......++++هادا الحكي للحلاج+++++ بس قتلوه قبل ما يخلص أبحاثو

موضوع شيق جداً......لأنو البحث عن النقطة متل البحث عن اللانهاية....وهونيك بتلاقي الله....

[sealily13]

مرحبا
على فكرة جو .. عجبني جدا الطريقة المنطقية واللاعقلية في التفكير يعني عنجد حلو كتييير مزبوط هالحكي من زمان بس أنا عضو جديد وعم بقرأ في الموقع لفت نظري هالموضوع الحلو وطريقة النقاش المبدعةز

تحياتي

[طفوله]

الف مره فتت ع الموضوع وما حسنت كملو ..بيلزمو وقفات كتير


بس مبدئيا


ما في شي بالأصل اسمو أصغر شيء في شي اسمو أصغر شيء توصلو العلم



ومنرجع اكيد

[Nasserm]

حلو هالموضوع.. قريتو وطلع براسي قول شي..

كاتب النص الأصلي : Joe

طيب شو لكن النقطة؟

(...)

النقطة يلي بدي قولا... انو النقطة هي فقط موجودة بالتعريف... يعني انا كشخص بعرّف النقطة على إنها التقاء خطين مستقيمين... اكيد لو جبت مكبر و نظرت على نقطة الالتقاء المزعومة... رح تكون شكل غريب و غير منتظم... بس حسب تعريفي هاي نقطة و انتهى الموضوع

هلق رياضياً.. النقطة بالتعريف "كائن هندسي لا أبعاد له"..

بس المصيبة، متل ما قلت حضرتك، المستقيم بيتكوّن من "مجموعة نقط"

إي طز يا حمد..

كيف شغلة "ما إلها أبعاد" بس تجمّعلك كومة منها.. بتعطيك شغلة إلها أبعاد؟!!

هون الـ..

أنا كل ما فكـّر بالنقطة.. بتذكّر مولانا ابن عربي.. خوش هو كمان قعد يفكّر بالنقطة.. يجيبها يمين.. ياخدها شمال.. ما كانت تزبط.. بس بالآخر.. قدحت معو.. قام شو قال؟

بَيْنَ التذلّلِ والتدلّلِ نقطةٌ.............فيها يتيهُ العالـِـمُ النحريرُ

هيَ نقطةُ الأكوانِ، إن جاوزتها............كنتَ الحكيمَ وعِـلمُكَ الإكسيرُ

كاتب النص الأصلي : Joe

يعني الالكترون رح يكون اصغر بكتير من البروتون و بالتالي هوي النقطة

بس المشكلة انو هاي النقطة... غير معروف شكلها او حجمها. كل يلي معروف انو قطرها اصغر من واحد ضرب عشر أس ناقص 18 متر... بس اديش بالضبط غير معروف... و لا حتى معروف كيف شكل الالكترون. و مع هيك منعرف كيف بيتحرك و بيلف و بيدور

و طبعا ما معروف على الضبط شو يعني شحنة سالبة؟؟ يعني بيقولوا عنها انها جسم... يعني matter
بس كيف بيكون الشي سالب و موجب؟؟
يعني مثلا هل يوجد فراغ محل ما الالكترون موجود و بالتالي بيعطي انطباع عن وجوده؟ و العكس مع البروتون انه في زيادة بشيء معين بحيث بيكون عكس الالكترون بالضبط؟
بس بهل حالة يعني ما عاد الالكترون شيء ملموس... بس هوي طبعا ملموس و له خواص فيزيائية

يا شباب بدي اعرف من شو مصنوع الالكترون رح جن

آخر تحشيشات علماء الفيزيا نظرية اسمها "الأوتار الفائقة" أو "Supper String Theory"
قال شو بتقول هالنظرية؟

كل مادة الكون الصِغـَـريّة (يعني كل شي في جسيمات particles) هي بالأصل مكوّنة من وتر String

وهالوتر متل أي وتر تاني (وتر الكمان مثلاً).. بيهتز..

وإلو "أنساق اهتزازية".. يعني.. كيف وتر الكمان بين اهتزاز واهتزاز تاني بيعطي نغم مختلف عن التاني؟

هيك تمام

فـ هالسترنغ هاد.. كل ما اهتز بطريقة.. بيعطيك جسيم إلو كتلة وشحنة وحجم وسبن ومدري شو

هلق هالنظرية مبشّرة كتير.. وإلها أنصار بين العلماء شي بالهَبَل.. بس مشكلتها إنو "رياضياتها" صعبة جداً.. وبدها تقنيات رياضية جديدة..

هلق الفكرة شو؟

بدّك ترجع تسألني: "وهالسترنغ هاد من شو مصنوع؟"

هممممممممممممم


ما رح يعجبك الجواب..

هالسترنغ هاد "كائن رياضي".. ما إلو وجود "حقيقي"


الله وكيلك