موضوع نقاش/ مسابقة التصوير /

[suryoyo]

كاتب النص الأصلي : leonardo_dicabreo

أيه , ممكن كتير , لأنّه اللّجنه منزّله من عند الله , وأحنا حمير بعيد عنّك , ما فينا نعرف وما فينا نميّز .

الشّخص العادي ؟ ؟ يعني احنا عادييّن واللّجنه مو عاديّين , يعني همّه جايّين من الفضاء الخارجي ؟ ؟

هلأ بفهم منّك أنّه اللّجنه , مكوّنه من أناس فنيّه أباً عن جد .

حكيتلي مسابقه جديده , ما هيك ؟ ؟ ! !

ايه كتير ناجحه , والدّليل انّه في ناس انسحبت وناس زعلت وناس صارت تخبّط ببعض . . ! !

فشو بتقصد بانها ناجحه بالضّبط , ممكن يكون قصدك بالبدايه ؟ ؟

أهلين ابو ساره , نوّرت الصّفحه

بالعادة انا انجر لهيك نقاش ... بالحقيقة استمتع فوق العادة بهيك نقاشات


بس من اعرف الهدف هو لو العب .... لو اخرب الملعب ...

ما ادخل حتى ما كون ضمن المخطط

هلأ بفهم منّك أنّه اللّجنه , مكوّنه من أناس فنيّه أباً عن جد .

باعتبااك ظليت تطالب جيمي يشرح ... ما تشرح لنا عن صورتك و ليش لازم تدخل المسابقة ؟؟

[HashtNasht]

طيب , شكرا للشباب و خصوصي لفيفا سيريا ع سعة الصدر , و تزبيط الكرافات يعني ..و مال الى هنالك , باتأمل انو ملاحظاتكن رح تكون بعني الاعتبار ( و عين الحسود تبلى بالعمى ) بالمستقبل .

بخصوص محمد ابراهيم : يا اخي انا بصراحة فهمت من كلامك انك فقدت الثقة أو شي ترتب ع شي يعني , اي يعني انا مافيني حددلك وين و ايمت تحط ثقتك , هاد الشي بيرجع الك , بس كمان ترى يعني بالنسبة الي شخصياً ماعندي ثقة بالناس اللي ما بيوثقو فيني , بقى الموضوع كمان محلول .

بالنسبة لليوناردو بعتذر مار ح رد عليك منوب ....عدم المؤاخذة يعني ..و بدون زعل ...ما عم لاقي شي بحكيك ينرد عليه . بقى لا تاخذنا يعني اذا ما حدا رد عليك .

بالنسبة لابو طوني : انت حر بتشارك او ما بتشارك , بتنسحب او لاء , بس يعني كمان نحنا احرار نقلك انو ما بهون علينا تنسحب .

و على عيني الشباب

[Sarita]

هوي بدي قول رايي
بصراحة وقت استبعدت صورتي زعلت بالاول
بس بعدين ما نسيت انو اللي بقو مشتركين بعرفون ومتل اخوتي وبالفعل بيستاهلو يكونو متأهلين
لانو صورون لا تخلو من الابداع
بعدين حاولت شوف وين الغلط الل ارتكبتو وفعلا لقيت العيب بصورتي هوي نقص الاضاءة
غير عن هالشي
الله يعطيكون العافية

[باشق مجروح]

بتمنى يكون كل واحد من المعترضين وصلو جواب واضح .
انو يا اخي نحنا هادا الي عنا و هادا الي قدرنا عليه . فاشلين و ماننا قد المهمة الي اوكلت النا . شو منقدر نعمل مثلاً ! . مع العلم اننا استخدمنا اقصى طاقاتنا بهالمسابقة . وتناقشنا مطولاً وكل صورة كانت محور لاهتمامنا .
ازا شايف حالك انسان مبدع ونحنا جميعاً دون مستوى تقييم ابداعك فـ والله ما منقدر نعملك شي غير نقلك الله يوفقك و يعطوك جائزة عالمية و تصير اشهر مصور بالعالم .
كلمة اخيرة :
نحنا حاولنا قدر الامكان نكون منصفين و ملتزمين بالشروط الموضوعة بس شو بدكون تعملو نحنا شعب نفسو ضعيفة و ذمتو واسعة . بكم عزيمة غدا و شرب و نسوان و شوية مصاري ركبا ع ضهر قوانين المسابقة و بلعنا القانون كلو .

[leonardo_dicabreo]

كاتب النص الأصلي : suryoyo

باعتبااك ظليت تطالب جيمي يشرح ... ما تشرح لنا عن صورتك و ليش لازم تدخل المسابقة ؟؟

صديقي أبو ساره :

يعني اقل ما فيها صورتي مطابقه للمواصفات والمقاييس (شروط المسابقه) بس غيري لأ , فمين أحق؟

[I_Love_Syria]

كاتب النص الأصلي : leonardo_dicabreo

صديقي أبو ساره :

يعني اقل ما فيها صورتي مطابقه للمواصفات والمقاييس (شروط المسابقه) بس غيري لأ , فمين أحق؟

وصورتي مطابقة للمواصفات والمقاييس والإيزو كمان بس هيك المسابقة 1000 صورة بيترشح منهون 10 إذا كل واحد بدو يقول ليش صورتي ما طلعت على هالحالة مارح نخلص ورح يكون عنا كل الصور مشاركة بالتصويت وبرأيي المتواضع ساعتها مالنا بحاجة لمسابقة كل واحد بيفتح موضوع بصورتو وآخر شي بنشوف مين أكتر شي موضوعو عليه ردود وزيارات وبنطبق نظرية فيثاغورث عليهن وبيطلع معنا الفائز

يعني الحلو بهالمسابقة إنها لفتة كتير حلوة من الإدارة واللجنة إلي أعطت من وقتها لهالمسابقة وتعبت ومانون مجبورين أبداً يصرفو كل هالوقت على شي مالون فيه لا ناقة ولا جمل و بعدين حرّكت المنتدى شوي ومو كلشي من أول مرة بيكون زابط عالآخر....

[سوا ربينا]

كاتب النص الأصلي : I_Love_Syria

وصورتي مطابقة للمواصفات والمقاييس والإيزو كمان بس هيك المسابقة 1000 صورة بيترشح منهون 10 إذا كل واحد بدو يقول ليش صورتي ما طلعت على هالحالة مارح نخلص ورح يكون عنا كل الصور مشاركة بالتصويت وبرأيي المتواضع ساعتها مالنا بحاجة لمسابقة كل واحد بيفتح موضوع بصورتو وآخر شي بنشوف مين أكتر شي موضوعو عليه ردود وزيارات وبنطبق نظرية فيثاغورث عليهن وبيطلع معنا الفائز

يعني الحلو بهالمسابقة إنها لفتة كتير حلوة من الإدارة واللجنة إلي أعطت من وقتها لهالمسابقة وتعبت ومانون مجبورين أبداً يصرفو كل هالوقت على شي مالون فيه لا ناقة ولا جمل و بعدين حرّكت المنتدى شوي ومو كلشي من أول مرة بيكون زابط عالآخر....

هاد الكلام عين العقل ... انو ازا وهي مسابقة هيك ما حدا رح يربح فيها شي .. وهيك عم تعملو كيف لو فيها ربح او شي ...

مية وردة

[Abu ToNi]

كاتب النص الأصلي : HashtNasht

بالنسبة لابو طوني : انت حر بتشارك او ما بتشارك , بتنسحب او لاء , بس يعني كمان نحنا احرار نقلك انو ما بهون علينا تنسحب .

بس توضيح صغير

بس حابب وضح شغلة بسيطة
كنت سعيد بمشاركتي وفخور فيها حتى اني فرحت بترشيح صورتي
الانسحاب مانه قرار مزاجي او هيك طن على بالي او هيك وأنا عم أتحمم كتبلي سعدو بسطل المي اللي جنبي .
حتى اني ما بحب استعمل كلمة " انسحبت " من المسابقة .. ابو طوني ما بيحمل قاموسه هيك مفردات
القصة اني شاركت بمسابقة بقوانين شي ومشيت المسابقة على غير قوانين
بتقدر تقول متل اللي اشترى كنزة وكانت اضاءة المحل صفرا ومركزة عليها ووقت رجع على بيته اكتشف انه الكنزة اللي اشتراها ما بتطابق مع زوقه ورغبته ولو بيعرف انه هيك رح يكون لونا ما كان فكر يطلع فيها بالاساس شو بيعمل ؟ يا بقول خيو معلش خازوق واكلناه وما عدنا نعيدا
يا اما بروح بيتخانق مع صاحب المحل وبيطلب منه يرجعله المصاري اللي دفعها وكل مين يروح بطريقه .

وانا هيك صار فيني بالضبط ، بالبداية قلت لحالي طنش يا ابو طونياه فخار يطبش بعضه شو ما بده يصير يصير انت مالك علاقة بشي .. بالمختصر ما عادت تعنيلي المسابقة شي
بس بعد ما سمعت شوية آراء مو بس ما عادت تعنيلي .. صارت تشكل اهانة إلي اني انبقى فيها


يعطيكن العافية بكل الأحوال

[leonardo_dicabreo]

كاتب النص الأصلي : باشق مجروح

بتمنى يكون كل واحد من المعترضين وصلو جواب واضح .
انو يا اخي نحنا هادا الي عنا و هادا الي قدرنا عليه . فاشلين و ماننا قد المهمة الي اوكلت النا . شو منقدر نعمل مثلاً ! . مع العلم اننا استخدمنا اقصى طاقاتنا بهالمسابقة . وتناقشنا مطولاً وكل صورة كانت محور لاهتمامنا .
ازا شايف حالك انسان مبدع ونحنا جميعاً دون مستوى تقييم ابداعك فـ والله ما منقدر نعملك شي غير نقلك الله يوفقك و يعطوك جائزة عالمية و تصير اشهر مصور بالعالم .
كلمة اخيرة :
نحنا حاولنا قدر الامكان نكون منصفين و ملتزمين بالشروط الموضوعة بس شو بدكون تعملو نحنا شعب نفسو ضعيفة و ذمتو واسعة . بكم عزيمة غدا و شرب و نسوان و شوية مصاري ركبا ع ضهر قوانين المسابقة و بلعنا القانون كلو .

عكل حال , يعطيكم العافيه ! !

[Dndoshy]

أنا عندي اقتراح(رأيي)..اذا بتسمحولي
بعد اعلان أبو طوني عن قرار انسحاب لوحتو من المسابقة ويلي هوي برأيي قرار متسرع ومتوقع وموحلو بحقو لأنو في كتير أعضاء انعجبو بصورتو وصوتولو ميشان يربح(وجهة نظر شخصية بحتة منزّهة عن كل الضغوط ذات الارتباطات الخارجية(هاي أوس مليون))
الاقتراح هوي..
انو يتم اعادة فرز الأصوات بالمشاركات يلي تم التصويت فيها لأبو طوني.....مثلا.. بالحالة الاولى

أنا صوتت لـ أبو طوني بـ 3 نقاط
ولـ x بـ 2 نقاط
ولـ y بـ 1 نقاط
فبيصير للمتسابق x 3 نقاط
وللمتيابق y 2 نقاط


الحالة التانيةxبـ 3 نقاط
أبو طوني بـ 2 نقاط
y بـ 1 نقاط
بضل المتسابق X عندو 3 نقاط وبيصير المتسابق Y عندو 2 نقاطوهكزا....


سبب الضلوع بهذاالاقتراح(يلي هوي رأيي)..لأنو برأيي العضو المصوت لأبو بطوني بـ 3 نقاط هوي برأيو أنو لوحة أبو طوني هي أفضل لوحة..وبعد انسحابها صارت اللّوحة يلي برأيو تاني أفضل لوحة ومصوتلها بـ2 نقاط هي أفضل لوحة....

قرشوها عكل الحالات وشفوفو شو بيطلع معكن

[The morning]

كاتب النص الأصلي : Dndoshy

أنا عندي اقتراح(رأيي)..اذا بتسمحولي
بعد اعلان أبو طوني عن قرار انسحاب لوحتو من المسابقة ويلي هوي برأيي قرار متسرع ومتوقع وموحلو بحقو لأنو في كتير أعضاء انعجبو بصورتو وصوتولو ميشان يربح(وجهة نظر شخصية بحتة منزّهة عن كل الضغوط ذات الارتباطات الخارجية(هاي أوس مليون))
الاقتراح هوي..
انو يتم اعادة فرز الأصوات بالمشاركات يلي تم التصويت فيها لأبو طوني.....مثلا.. بالحالة الاولى

أنا صوتت لـ أبو طوني بـ 3 نقاط
ولـ x بـ 2 نقاط
ولـ y بـ 1 نقاط
فبيصير للمتسابق x 3 نقاط
وللمتيابق y 2 نقاط


الحالة التانيةxبـ 3 نقاط
أبو طوني بـ 2 نقاط
y بـ 1 نقاط
بضل المتسابق X عندو 3 نقاط وبيصير المتسابق Y عندو 2 نقاطوهكزا....


سبب الضلوع بهذاالاقتراح(يلي هوي رأيي)..لأنو برأيي العضو المصوت لأبو بطوني بـ 3 نقاط هوي برأيو أنو لوحة أبو طوني هي أفضل لوحة..وبعد انسحابها صارت اللّوحة يلي برأيو تاني أفضل لوحة ومصوتلها بـ2 نقاط هي أفضل لوحة....

قرشوها عكل الحالات وشفوفو شو بيطلع معكن

اي هو رح يصير شي من هيك تقريبا ً ( بنحطكم بالصوره بعد تسكير التصويت )

[Sun Shine Art]

انا بعترض انه ابو طوني انسحب ..وخاصه انه لوحته اخدت صدى كبير ومابعرف شو راي اللجنه بالموضوع وهل يحق للمشترك بالانسحاب ؟؟؟ ...فا التصويت الي صار عليها لازم يضل وهدا راي شخصي

[HashtNasht]

كاتب النص الأصلي : Sun Shine Art

انا بعترض انه ابو طوني انسحب ..وخاصه انه لوحته اخدت صدى كبير ومابعرف شو راي اللجنه بالموضوع وهل يحق للمشترك بالانسحاب ؟؟؟ ...فا التصويت الي صار عليها لازم يضل وهدا راي شخصي

ما هو و نحنا معترضين انو انسحب , بس يعني اذا ما هو سحب انسحابو ودياً ف نحنا ما منقدر نضغط عليه , بحكم الاجواء بشكل عام يعني , و انو صار خدني جيتك بالموضوع و هيك ...انو ما راكبة نجي كمان نقلو لاء خيو مافب تنسحب و روح بلط البحر ...مناكل مسبات بعدين
بقى اذا بتحكولنا معو و هيك بتشجعوه انو يلفلنا قصة الانسحاب منكون ممنونيكن يعني

[محمد ابراهيم]

كاتب النص الأصلي : HashtNasht

ما هو و نحنا معترضين انو انسحب , بس يعني اذا ما هو سحب انسحابو ودياً ف نحنا ما منقدر نضغط عليه , بحكم الاجواء بشكل عام يعني , و انو صار خدني جيتك بالموضوع و هيك ...انو ما راكبة نجي كمان نقلو لاء خيو مافب تنسحب و روح بلط البحر ...مناكل مسبات بعدين
بقى اذا بتحكولنا معو و هيك بتشجعوه انو يلفلنا قصة الانسحاب منكون ممنونيكن يعني

عندك حق وانا متفق معك تماما لنفس الاسباب اللي ذكرتها

* بس يعني خلينا نقول ان في جانب من الحقوق للاعضاء اللي قامو بالتصويت لابو طوني وعددهم كبير جدا ، اغلب الاصوات جاية الو ، وفي عضوين صوتو الو حتى بعد حذف صورتو من المسابقة بناءا على طلبه .

- خلينا نتم المسابقة للاخر على خير وتحفظاتنا او وجهة نظرنا عبرنا عنها وهاي نقطة ايجابية وانتهت .
فيعني مشان حقوق الاعضاء اللي صوتت ومنعا لاي حالة سلبية او عدم راحة من النتيجة ، اذا كان ممكن يكون في حل وسط ، يعني اذا ممكن يكون الانسحاب ادبي ، بحيث اذا في ترتيبات على كون هاللوحة صارت الاولى من اهداء او جائزة او اي شيئ يتم ترحيلها للمتسابق الثاني نظرا لانسحاب ابو طوني ادبيا وهاد دون التغيير في نتائج التصويت او اي شيئ ، وبنفس الوقت بيتم تحقيق رغبة المصوتين بحصولها على اصواتهم ، ورغبة ابو طوني في الانسحاب ورغبة اللجنة في تحقيق الاستقرار . انا حاولت مع ابو طوني من يومين لاقناعة بالاستمرار بشتى الطرق ولكنه صمم ، فيعني اذا ممكن حل وسط يكون افضل للجميع واذا ما مشي الحال عالاقل كانت محاولة ايجابية .

هامش شخصي الك : لو في شيئ بردي السابق اخدتو على محمل شخصي فهو غير ذلك تماما وما عنيت من موضوع الثقة الا فيما يتعلق بأحد الجوانب المتعلقة بالمسابقة في شروطها تحديدا فقط وليس القائمين عليها ،
وعلى ذلك اكرر التحية على المجهود والوقت اللي بذلته اللجنة كاملة في انهاء هذه المسابقة على خير وجه ، ولما كنا بنتوقع منكم بالفعل ادارة ناجحة بكل نواحي المسابقة ولقينا على سبيل المثال من وجهة نظرنا احد العناصر من بين 20 عنصر تم حل نحو خاطئي او غير سليم و19 تم بنجاح ، كنا من باب العشم والحرص على كون المسابقة تنجح انو نشير الى هذا العنصر الخاطئ وكنا نأمل تصحيح الخطأ من باب الحرص على المسابقة في المقام الاول وليس أظهار الخطأ من باب حب الظهور والا كنا ظهرنا من البداية ،
واخيرا شكرا لكل من ساهم في انجاح هذه المسابقة ولو حتى بصوت او راي قاله او امتنع عن قوله وكان هدفه الانجاح .

[The morning]

كاتب النص الأصلي : The morning

خليني قول شي .. و مش دفاعا ً عن جيمي فحسب ..

في فن يا جماعه اسمه فن تصوير الكلمات و في فنانين مشهورين بهالمجال بس .. انون بصورو كلمات فقط .. من على تي شيرت او من على علبه كرتون او سيريل .. ( رح قوم بادراج موضوع عن وحده منهم أنا كتير بحبها بهالاسبوع )

بالصدفه اليوم وقع تحت ايدي مصوّر مبتدأ لكنه فنان حقيقي بيعتمد بأسلوبه على تصوير الكلمات :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -