ياحرام.... صارت بالتلاتين

[امرأة من ورق]

كاتب النص الأصلي : ابومزيد

اول شي بالنسبة للبنات اللي بعدون قطط مغمضة ولا دارسين ولا مشتغلين ليش ما اتزوجوا لسن التلاتين؟
معناها على الاغلب (مو الكل)عندون مشكلة بشكل او بآخر
بالنسبة اللي حكيت انا عنهون يا ريت تقرأي شو كتبت منيح لانو حاسس انو التبس عليكي كلامي

لأ مابظن التبس عليي كلامك
انت حكيت انو انت ماعندك مشكلة ترتبط ببنت بالتلاتين...... بس بشكل عام البنت اللي بتعمل لحالها شخصية من خلال دراسة وعمل عم يصير عندها مشكلة لانو المجتمع من حماة لشب (غيرك انت يعني لاني مافهمت انو قاصد حالك بالكلام بس انو بشكل عام الشباب عم يفضلو البنت اللي شخصيتها ضعيفة نسبيا) او انو اصلا ماعم تلاقي شب مناسب لانو الشب اللي بناسبها من ناحية العمر والتعليم والشغل عم يدور على اصغر وبيضل اللي بيطلب الارتباط ببنت متل هي هوي اللي عند وضع متل انو مطلق ارمل او.... او.... وبالتالي فعلا ماعم تلاقي هيك بنت شخص بيناسبها
هلأ انا هيك فهمت من كلامك واللي هوي كلام منطقي وشائع كتير بمجتمعاتنا..... بس فعلا مشكلة
بكل الاحوال اذا كنت فهمت كلامك غلط بتمنى توضح

[ابومزيد]

فدهش محمد من نباهة امراة من ورق
لا مزبوط اي انا هيك بالضبط قصدت
سوري

[امرأة من ورق]

كاتب النص الأصلي : ابومزيد

فدهش محمد من نباهة امراة من ورق
لا مزبوط اي انا هيك بالضبط قصدت
سوري

ولايهمك

[hanny_vip]

انا بالنسبة الي عمري 28 مابيهم انه الامراءة الي اتزوجه تكون باي عمر كانت حتى لو كانت بالخمسين وانا احكي هذا الحكي من داخلي وبقناعة تامة . لاني عندما اتزوج بامرءة فانني ابحث عن نصفي الاخر انسانة بتفهمني واحس معاها بالقوة اكثر حتى اكافح للنجاح بالحياة الصعبة , انسانة احس معاه بالسعادة بكل لحضة انسانة احس انه فاهمتني . مابيهمني المجتمع ونضرتوا فان عدو للمجتمع واذا اعترض المجتمع فمشكلتوا وخليه يصحح حالوا بالاول . اهم شي انه انا معاي نصفي الاخر

[امرأة من ورق]

كاتب النص الأصلي : hanny_vip

انا بالنسبة الي عمري 28 مابيهم انه الامراءة الي اتزوجه تكون باي عمر كانت حتى لو كانت بالخمسين وانا احكي هذا الحكي من داخلي وبقناعة تامة . لاني عندما اتزوج بامرءة فانني ابحث عن نصفي الاخر انسانة بتفهمني واحس معاها بالقوة اكثر حتى اكافح للنجاح بالحياة الصعبة , انسانة احس معاه بالسعادة بكل لحضة انسانة احس انه فاهمتني . مابيهمني المجتمع ونضرتوا فان عدو للمجتمع واذا اعترض المجتمع فمشكلتوا وخليه يصحح حالوا بالاول . اهم شي انه انا معاي نصفي الاخر

[ابومزيد]

كاتب النص الأصلي : hanny_vip

انا بالنسبة الي عمري 28 مابيهم انه الامراءة الي اتزوجه تكون باي عمر كانت حتى لو كانت بالخمسين وانا احكي هذا الحكي من داخلي وبقناعة تامة . لاني عندما اتزوج بامرءة فانني ابحث عن نصفي الاخر انسانة بتفهمني واحس معاها بالقوة اكثر حتى اكافح للنجاح بالحياة الصعبة , انسانة احس معاه بالسعادة بكل لحضة انسانة احس انه فاهمتني . مابيهمني المجتمع ونضرتوا فان عدو للمجتمع واذا اعترض المجتمع فمشكلتوا وخليه يصحح حالوا بالاول . اهم شي انه انا معاي نصفي الاخر

بحييك على صراحتك مدري على مثاليتك الزايدة بس 50 سنة يعني مو كتير
على كللا جارتنا عمرها 48 سنة عم ادور على عريس
بس حاطة شرط انو يكون فيرجن متلها

[سرسورة]

مرحبا امرأة الورق العزيزة....
انا معك..انو الانثى بالتلاتين بتكون بقمة العطاء...و بتكون بقمة الخصوبة ايضا....و بتقدر تعطي و تعطي و تعطي...و اكيد فكرة انا عنست بالتلاتين هي فكرة مغلوطة تماما....بس في شغلة.....
انو كانوا عم يقولوا انو المرأة بتضل قادرة على الانجاب حتى سن الاربعين او 42 ...بيجوز هالحكي صح...و بيصير بس....بتبلش بتزداد نسبة التشوهات عند الجنبن و يزداد الخطر عليه كلما اتجهت المرأة بالتلاتينات....و بيقولو الاطباء انو السن الافضل للانجاب هو بين 25-32
وحتى افضل اذا كان بين 25-30 افضل للام و للجنين طبعا....يعني لما بتصير الام بسن الاربعين..يزداد خطر انجابها لولد مصاب بتناذر داون (اللي هو المنغولية) 40 ضعف....فتخيلي..؟؟؟؟
فضلا انو الام اللي عمرا 40 مثلاو بتجيب ولد لما بيصير عمر ابنا 20 هي بتكون صارت 60؟؟يعني كيف بدا تقدر تفهموا و صاروا من جيلين متباعدبن جدا.....
انا مع الانجاب المبكر(يعني بين 25-30) لهي النقاط بس....بس اكيد انا مع انو البنت بتكون بعز انوثتا بسن التلاتين....
تحياتي امرأة الورق المميزة دايما

[nana1982]

كاتب النص الأصلي : امرأة من ورق

مشكور كتيرر

المرأة في الثلاثين برأي هو سن النضج الكامل وهو السن الذي يسمح لها بالخيارات الاكثر دقة في حياتها ....
بغض النظر كيف ينظر المجتمع لدينا للمرأة ... إلا أن المرأة وبرأي الشخصي في سن الثلاثين قد إكتسبت الخبرة اللازمة للحياة كي تنتطلق إليها وهذا يعني بدايه العد التصاعدي وليس التنانزلي...
هادا فعلا متل ما قلتي رأي ..
حتى الرجل بيكون ناضج بعمر 30 أو 32 تقريبا .

[ابومزيد]

كاتب النص الأصلي : nana1982

المرأة في الثلاثين برأي هو سن النضج الكامل وهو السن الذي يسمح لها بالخيارات الاكثر دقة في حياتها ....
بغض النظر كيف ينظر المجتمع لدينا للمرأة ... إلا أن المرأة وبرأي الشخصي في سن الثلاثين قد إكتسبت الخبرة اللازمة للحياة كي تنتطلق إليها وهذا يعني بدايه العد التصاعدي وليس التنانزلي...
هادا فعلا متل ما قلتي رأي ..
حتى الرجل بيكون ناضج بعمر 30 أو 32 تقريبا .

كللك زوق شكرا الك

[امرأة من ورق]

كاتب النص الأصلي : سرسورة

مرحبا امرأة الورق العزيزة....
انا معك..انو الانثى بالتلاتين بتكون بقمة العطاء...و بتكون بقمة الخصوبة ايضا....و بتقدر تعطي و تعطي و تعطي...و اكيد فكرة انا عنست بالتلاتين هي فكرة مغلوطة تماما....بس في شغلة.....
انو كانوا عم يقولوا انو المرأة بتضل قادرة على الانجاب حتى سن الاربعين او 42 ...بيجوز هالحكي صح...و بيصير بس....بتبلش بتزداد نسبة التشوهات عند الجنبن و يزداد الخطر عليه كلما اتجهت المرأة بالتلاتينات....و بيقولو الاطباء انو السن الافضل للانجاب هو بين 25-32
وحتى افضل اذا كان بين 25-30 افضل للام و للجنين طبعا....يعني لما بتصير الام بسن الاربعين..يزداد خطر انجابها لولد مصاب بتناذر داون (اللي هو المنغولية) 40 ضعف....فتخيلي..؟؟؟؟
فضلا انو الام اللي عمرا 40 مثلاو بتجيب ولد لما بيصير عمر ابنا 20 هي بتكون صارت 60؟؟يعني كيف بدا تقدر تفهموا و صاروا من جيلين متباعدبن جدا.....
انا مع الانجاب المبكر(يعني بين 25-30) لهي النقاط بس....بس اكيد انا مع انو البنت بتكون بعز انوثتا بسن التلاتين....
تحياتي امرأة الورق المميزة دايما

شكرا كتير سرسورة على رأيك
بس منشان فرق العمر بين الولد واهله انا فعلا مابشوفها مشكلة اذا كانو الاهل متفهمين وعرفو يتعاملو مع الولد على انو صديق اما اذا ماكانو متفهمين برأيي انو بعمرون مارح يعرفو يوصلو لهي العلاقة الحلوة حتى لو كان الفرق مابيتعدى العشرين سنة...... يعني اللي بحدد هي العلاقة هوي الوعي عند الاهل وبرأيي هاد بيزيد مع زيادة فرق العمر ومابينقص..... واحكي عن تجربتي انا.... احسن صديق الي بالدنيا كلها هوي البابا مع العلم انو بيني وبينو حوالي 38 سنة واللي ممكن اعتبارو فرق كبير نسبيا
اما منشان التشوهات ومشاكل الحمل المتأخر الصحية..... هي ممكن تكون مشكلة الى حد ما بس كمان بتفوت بالاحتمالات...... ومو عدل نظلم انسان (هون الانثى)كرمال احتمال انو يكون في وضع مو طبيعي بالولد

[امرأة من ورق]

كاتب النص الأصلي : nana1982

المرأة في الثلاثين برأي هو سن النضج الكامل وهو السن الذي يسمح لها بالخيارات الاكثر دقة في حياتها ....
بغض النظر كيف ينظر المجتمع لدينا للمرأة ... إلا أن المرأة وبرأي الشخصي في سن الثلاثين قد إكتسبت الخبرة اللازمة للحياة كي تنتطلق إليها وهذا يعني بدايه العد التصاعدي وليس التنانزلي...
هادا فعلا متل ما قلتي رأي ..
حتى الرجل بيكون ناضج بعمر 30 أو 32 تقريبا .

شكرا نانا على رأيك

[ري مي]

هلا ب امرأة من ورق
قررت بلش انبحات بس مخفف
ليكي في مشكلة انا مع ابو مزيد فيها وهيي انو ما بيصير نقارن حالنا بالغرب لانو فعلا المرأة عندن بتملك حرية جنسية بقا مو فارقة معها شغلة الزواج المبكر ... لاء وأكتر من هيك فيه منهم بيفضلو عدم الزواج بالمرة والاحصائيات بتدل على هالشي
ولكن بما انو الزواج مو بس علاقة جنسية وانما علاقة انسانية متكاملة فهوي أمر ضروري
يعني مو حلوة الوحدة او بالاحرى مزعجة للشخص نفسه
فما بالك اذا البنت وصلت للتلاتين يعني ما بيكفيها اللي عم تعانيه من الوحدة بيجي المجتمع بيقيدها وبيضيق عليها اكتر واكتر
انو ليش ما تزوجتي وعم تكبري و عانس ..........ومن هالحكي اللي بيمرض
وصحيح انو بتصير متطلباتها مختلفة وحذرة اكتر بانتقاء شريكها ولكن للاسف انو بيحصل احيانا استسلام
انو البعض من البنات بهالوضع بيتزوجو احيانا لمجرد التخلص من هالحالة حتى لو الطرف التاني مو كل هلقد يعني
وهيك بتصير مشاكل كتير بعد الزواج
بس فيه مشكلة ما بعرف اذا حدا تطرقلها
انو وين الحب؟؟؟؟ يعني معظم الزيجات عنا هي زيجات تقليدية يعني
فلان بدو يتزوج بيدلوه على بنات مناسبين واللي بيمشي حالها بيتزوجها
او مثلا فلانة تزوجت ابن عمها او .........
يعني انا قليل كتير ما سمعت عن شخصين حبو بعض وتزوجو عن حب
مو لمجرد انو هلق اجا الوقت المناسب للزواج وخلص

[امرأة من ورق]

شكرا ري مي للانبحات
اي هه من زمان انبحتي هيك وعطينا افكار حلوة
وانا معك بكلشي قلتيه واهم شي شغلة الزواج المدبر وعدم الاهتمام بالحب..... وبظن هاد عامل مهم بحوضوعنا لانو لما بدو شب يتزوج بنت بدون معرفة كاملة رح يحس حالو عم يشتري شي بضاعة (عذرا عالتعبير يمكن قاسي بس هاد انسب شي شفتو) وبدو يكسب اكتر مايمكن من مواصفات بيشوفها حلوة من عمر صغير لجمال لالف شغلة وبدون مايعطي الامور الاهم من حب وانسجام الاهمية الكافية

[نيرفانا]

كاتب النص الأصلي : ري مي

هلا ب امرأة من ورق
قررت بلش انبحات بس مخفف
ليكي في مشكلة انا مع ابو مزيد فيها وهيي انو ما بيصير نقارن حالنا بالغرب لانو فعلا المرأة عندن بتملك حرية جنسية بقا مو فارقة معها شغلة الزواج المبكر ... لاء وأكتر من هيك فيه منهم بيفضلو عدم الزواج بالمرة والاحصائيات بتدل على هالشي
ولكن بما انو الزواج مو بس علاقة جنسية وانما علاقة انسانية متكاملة فهوي أمر ضروري
يعني مو حلوة الوحدة او بالاحرى مزعجة للشخص نفسه
فما بالك اذا البنت وصلت للتلاتين يعني ما بيكفيها اللي عم تعانيه من الوحدة بيجي المجتمع بيقيدها وبيضيق عليها اكتر واكتر
انو ليش ما تزوجتي وعم تكبري و عانس ..........ومن هالحكي اللي بيمرض
وصحيح انو بتصير متطلباتها مختلفة وحذرة اكتر بانتقاء شريكها ولكن للاسف انو بيحصل احيانا استسلام
انو البعض من البنات بهالوضع بيتزوجو احيانا لمجرد التخلص من هالحالة حتى لو الطرف التاني مو كل هلقد يعني
وهيك بتصير مشاكل كتير بعد الزواج
بس فيه مشكلة ما بعرف اذا حدا تطرقلها
انو وين الحب؟؟؟؟ يعني معظم الزيجات عنا هي زيجات تقليدية يعني
فلان بدو يتزوج بيدلوه على بنات مناسبين واللي بيمشي حالها بيتزوجها
او مثلا فلانة تزوجت ابن عمها او .........
يعني انا قليل كتير ما سمعت عن شخصين حبو بعض وتزوجو عن حب
مو لمجرد انو هلق اجا الوقت المناسب للزواج وخلص

سلام ريمي

سؤالك جدير بالاهتمام بس أنا حابة إلّك إنو أنا شفت ناس كتير تزوجو بعد قصة حب وبعد ملحمة كمان لأنو غالباً ما بتظبط وبتزوجو تنين عن حب إلا وبكون في صراع مع الأهل وهيك شغلات بعكس ما بكون الأمر لما بيتزوجو زواج تقليدي لأنو بهالحالة بكونو خضعو لرغبة الأهل بانتقاء الشريك بس أنا بدي إسأل سؤال تاني وين الحب يللي كان قبل الزواج ؟ يعني بنشوف الناس بمجتمعنا حتى لو تزوجو عن حب بيفقدو هي الميزة أو ما بيعرفو يحافظو عليها بعد الزواج وسمحولي قول بعد إنجاب الأطفال كمان. شو سبب الفتور يللي بيطغي على حياة الزوجين؟؟؟

إمرأة من ورق فيكي تعتبري هاد انبحات على الأهل يللي بيتسببو بفشل حياة أبنائهم حفاظاً على التقاليد والعادات البالية

[Danito]

مرحبا شباب و صبايا

من ناحية الزوارج و تكاملا مع اللي قالتو ري مي ، الزواج بالفهم الاجتماعي العام عنا بمجتمعاتنا بينبع من كونه مرحلة من مراحل الحياة "الطبيعية" و تعليق أبو مزيد على جارتهم العذراء بسن الخمسين (بعرف أنو فكاهي و ضحكني كتير) بس هوي في مسخرة على إنسانه من وضع ربما يكون بسببلها معاناة شديدة (بعرف أنو ممكن مزحة و الإنسانة ما ألها وجود و أنو أنت بجوز ما بترضى بالسخرية من هيك حالة) بس يعني هي المزحة بحد ذاتها انعكاس لمفهوم اجتماعي سائد ضمنيا هوي : للذكور: ولادة مدرسة شغل خدمة عسكرية زواج موت، للأنثى : ولادة مدرسة زواج موت

و ضمن نفس الفهم الاجتماعي عنا: النظرة السائدة أنو الرجال لو كبر لازم يتجوز وحدة بعمر العشرين للـ 26 كحد أقصى لأسباب مختلفة:
* لازم تكون غضة و طرية و شهية
* لازم ما تخلص صلاحيتها بسرعة أنو الفهم العام الزلمة بيضل شغال (ناشط جنسيا) لعمر متقدم (80- 90 نفسه خضرة ماشالله) بينما المرأة بتنتهي صلاحيتها كحد أقصى بحدود منتصفات الأربعين، و من هون سن الثلاثين يعني بيكون فوت العشر سنوات الأهم من "الطبق الشهي"

من البداية هي النظرة هي نتيجة رواسب بعمر الآلاف من السنين من قمع المرأة و تحويلها إلى سعلة متعة يبتاعه الرجل بجاهه و ماله أو غيره لفترة مؤقته (أقل من ساعة) أو أطول تصل إلى (العمر كله) و ساعتها يطلب منها مهام إضافية ، تنشأة الذرية الصالحة بعني بيكون مطلوب منها مهام خاصة (السرير) حتى عمر معني بعدين بتتفرغ لأعمال المنزلة و بناء الأجيال و بتجي زميلة أصغر و تازا (طازجة) بتشيل عنها عبء المهام الخاصة

هلق وين المغالطة؟ أو بالأحرى وين المغالطات؟ الأنثى بالنهاية إنسان و عندها مشاعرها كمان هي أولا
بعدين الأنثى عادة ما بتخمل جنسيا بسن الأربعين و ما بعده و إنما تصبح أقل جاذبية للذكور اللي اعتادو أنو ينظروا للمرأة كسلعة متاحة بطرق مشروعة (زواج) أو غير مشروعة (مصاحبة و اللذي منو) حتى لو كانت بعمر أولادهن
بجميع الأحوال كل هي مغالطات و مفاهم شائعة لو ضمنية لكنها غير واقعية ، و غالبا بتكون مصدر المعارضة الشديدة و التهجم على أي إنسان يتطرق لقضية حرية المرأة و حقوق المرأة ، يعني كتير ناس بيدافعو عن السلطة الذكورية حتى لو ما كانو مستفيدين من مزاياها أو متضطرين للاستفادة ، بس هني ضد زعزعة هذا الاستقرار و انتزاع المزايا شبه الأزلية و بيلبسو معارضتهن لباس التدين و الأخلاق و بالحقيقة هني عم يحاولو ا يحفزوا موضع الأعراف

هلق المشكلة أنو مجتمعنا للأسف و لأسباب سياسية (بشكل أساسي) و اجتماعية و نفسية صار خارج إطار الزمن ، لأنو بالعالم الآن الحديث عن أنو الحياة بتبدأ بعد التقاعد (سن الخمسين أو الستين) طبعا الحديث بيشمل الجنسين لأنو الناس الفهمانة صارت تفهم المساوة قولا و فعلا، معدل الأعمار صار أطول و الناس صار عندها وقت اطول تستخدمو بالإنتاج الفكري و المادي و ما عاد تقبل تتنحى "بديهيا" بناءً على عمرها أو جنسها (هون منتذكر موضوع مهم لامرأتنا عن التقاعد)

هلق قد يقول القائل أنو هاد الكلام نظري و عند الواقع كل هالتنظير بيروح بشدة سيفون بالبلوعة.. ممكن يكون معو حق أنو الواحد بيجوز ما ينجذب لبنت بسهولة مقارنة ببنت أقل جمالا بس، كمان ممكن لا شعوريا يلغي الخيارات الأكثر تقدم بالعمر لما بيكون بحالة عزوبية و عم يدور على شريك حياة أو حبيبة
ما فينا نقرر هالشي لأنو بالنهاية القلب و مايريد و يعني لو أنو المبدأ هاد بينطبق على الواقع بشكل تام و نهائي ما كان طلعلنا مين يقول "خودو عيني شوفو بيها" يعني الجمال نسبي و الجاذبية نسبية و لما الواحد بيكون من حيث المبدأ قبلان أنو الأنثى إنسانة بعواطفها و بنيتها النفسية ما بتخضع لقواعد ملكية الأشياء و انخفاض قيمتها بالتقادم بل العكس متل العود كل ما عاتق صوتو بيحلى و بيحن ، يعني هيك الإنسان بيطلع من الكليشة تبع التلاتين أو الأربعين و أقدر أنو يشوف الجوهر

بالنهاية و بعد كل هاللت و العجن وجب التنويه أنو: الحب ما بيعرف عمر يعني الفرق بالعمر قد لايكون حاجز أبدا في كثير من الحالات بالاتجاهين (يعني مرأة أكبر أو رجل أكبر) هاد خيار العشاق طبعا ما بيشمل لما بيكون أحد الطرفين أصغر بكتير و تحت الـ18 (غالبا بيكون انتهاز و استغلال)

[امرأة من ورق]

كاتب النص الأصلي : نيرفانا

سلام ريمي

سؤالك جدير بالاهتمام بس أنا حابة إلّك إنو أنا شفت ناس كتير تزوجو بعد قصة حب وبعد ملحمة كمان لأنو غالباً ما بتظبط وبتزوجو تنين عن حب إلا وبكون في صراع مع الأهل وهيك شغلات بعكس ما بكون الأمر لما بيتزوجو زواج تقليدي لأنو بهالحالة بكونو خضعو لرغبة الأهل بانتقاء الشريك بس أنا بدي إسأل سؤال تاني وين الحب يللي كان قبل الزواج ؟ يعني بنشوف الناس بمجتمعنا حتى لو تزوجو عن حب بيفقدو هي الميزة أو ما بيعرفو يحافظو عليها بعد الزواج وسمحولي قول بعد إنجاب الأطفال كمان. شو سبب الفتور يللي بيطغي على حياة الزوجين؟؟؟

إمرأة من ورق فيكي تعتبري هاد انبحات على الأهل يللي بيتسببو بفشل حياة أبنائهم حفاظاً على التقاليد والعادات البالية

رح جاوبك مع انو الجواب موجه لري مي بعد اذنك واذن ري مي
عموما بيصير في فتور باي علاقة زوجية بعد كم سنة من الزواج سواء كان زواج تقليدي او زواج ناتج عن قصة حب وهالشي الو عدة اسباب اهمها ضغوطات الحياة اللي بتزيد من تأمين متطلبات المنزل المادية للاهتمام بالاطفال وتربيتون ودراستون الخ الخ وكمان غالبا بتصير حالة من الروتين يعني كل يوم تقريبا عم يعيشو نفس الحالة ونفس العواطف ونفس طريقة التعبير عن العواطف...... هالشي ممكن يوصل ببعض الحالات لانهيار العلاقة بشكل كامل واحيانا بس بيصير في فتور بالتعبير عن العاطفة بس بيضل الحب موجود
انا لسه ماتزوجت وماصابتني هي الحالة ولذلك حكيي بس من ملاحظاتي لمعارفي المتزوجين واللي ممكن تكون خاطئة يعني هيك فيكي تقولي كلام نظري شوي....... انو هيك تصوري للوضع

[امرأة من ورق]

دانيتو نور موضوعي
ياعمي حكياتك بمخمخوني
مية وردة

[Danito]

كاتب النص الأصلي : امرأة من ورق

عموما بيصير في فتور باي علاقة زوجية بعد كم سنة من الزواج سواء كان زواج تقليدي او زواج ناتج عن قصة حب

امرأة من ورق الورد الموضوع منور و معطر بصاحبتو و المشاركات الحلوين و المشاركين
نيرفانا يحرق حريشك شلون نكشتيها عن جد معك حق بهي القضية أنا عطول بفكر فيها و بما أني على أعتاب الثلاثين كتير بيخطرلي أنو المشاعر قبل الزواج (من النظر إلى التجارب المحيطة بنا) ماعاد ضمانة لاستمراريته بس أنا بدي ضيف على كلام امرأة مع العلم اني ما متزوج كمان
انو يمكن تطور الحياة و تعقيداتها الحالية عم يشمل حتى الزواج و عم نتخلى عن مبادئ الزواجة النصرانية الأبدية (الاستخدام لتعبير زواجة نصرانية هون مجازي و ليس ديني) يعني مفاهيم الطلاق و الانفصال صارت أكثر قبولا من جهة و المشاكل المالية و الاجتماعية و النفسية صارت اعقد لذلك يمكن صار الحفاظ على الزواج بدو أكثر من نية الاستمرار بالبداية ، صار بدو شغل على مشاكل الأولاد و التربية الحديثة و حل المشاكل و حتى المقاربات الرومنسية يعني هلق الرومنسية يمكن صارت كتير مهمة و غالبا بتأدي لخيبة أمل خاصة لما بيكون احد الأطراف عندو توقعات عالية .. بشكل عام بعتقد انو هاد موضوع بيتعلق تماما بما بعد الزواج و ربما كمان بيتعلق بمدى المصارحة والواقعية بالاختيار قبل الزواج