ظاهرة غريبة!!.....هل تحدث معك؟؟

[اية الرحمان]

يعني كلنا مجانين

[شوط ياقمر]

كاتب النص الأصلي : zorba3

السلام عليكم
صديقتي الظاهرة يلي عم تحكي عليها بتصير معي كتير لدرجة انو آخر الشي من كثر ما اثارتلي فضولي واهتميت فيها صرت ادرب على اني كون جاهز لما تصير معي وببعض الاحيان صرت اثناء الموقف او الحديث يلي بحس انو صاير قبل هالمرة صرت كمل الاحداث بسرعة قبل ما تصير بثواني واما بالنسبة للتفسير فانا كمسلم برايي ويمكن التفسير ما يكون منطقي لكن متل ما حكيت هو تفسير بخصنا كمسلمين لانو احنا بنعرف انو ارواحنا كانت موجودة قبل ان يخلق الله الجسد بزمن طويل طيب هي الارواح شو كانت عم تساوي قبل ان يخلق الجسد ممكن تكون عم تحيا حياة طبيعية ولما هالاراوح دخلت على اجسادنا صار في نسيان للحياة السابقة يلي عاشتها الروح وذلك بسبب شهوات النفس ووضيق الجسد بالنسبة للروح وصرنا لما يصير قدامنا حادثة ما نشعر باننا نعرفها لانها قد تكون حادثة عاشتها الروح في ذلك العالم السابق وبعتقد الانسان لما يتجرد بشكل كامل عن شهوات النفس ممكن انو يعرف اشياء لا تخطر على بال بشر وبالنهاية هذه رايي الذي يحتمل الخطأ كما قد يحتمل الصواب وشكرا لسؤالك

انو كنت بدي احكي نفس هلحكي .

[نعمة]

[quote=اية الرحمان;601055]

يعني كلنا مجانين

[ام الشوش]

هيك يعني ما سدقو في الماتريكس لما قالو انو التكرار بيصير ليعطي نذير شؤم
عشان نتعلم ما ناخد المعلومات من الافلام ههههههه
شكرا كتير على هالمعلومه

[3Bo0oD]

هالشغلة بتصير مع الكل

[زهور المحبه]

مرحبا يا جماعه
كيفكم
هالموضوع عجبني كتير
لانه جد بتسير معي هالشغله
ولما تسير معي بحكي شايفته هالمنظر قبل بــــــــــس ويـــــــــــــــن
وعن هالحكي

ثبت علمياً .. أن الجنين في فترة نومه في بطن أمه ..


يرى دورة حياته منذ الولاده وحتى مماته ..

لذلك في أثناء ممارسة الحياة الطبيعية .. ..

فأنا اسمعت فيه واقتنعت فيه
وشكرا الكم

[Lindsay]

عااادي بتكوني شايفتيها بنومك

[الزهراء]

نعم والله بتصير معي كتير وممكن يصير معي أني أحيانا بقول بدي حاكي رفيقتي على التلفون وما بشوف ألا هي عم تتصل فيني
وهي كمان شو تفسيرها

[abowsalah]

كاتب النص الأصلي : LaDyInReD

يا جماعة انا في احيان بصير شي قدامي او نقاش او حتى اي حدث تاني وبشعر اني صادفت من قبل نفس هاد الحدث(بجميع تفاصيله) ومرق عني شي مرة وشفته مع انه هاد الشي غلط!!
بصير معكو هيك اشي؟؟
والا بطلع انا مجنونة؟؟!!

صدقوني يا جماعة ريحتوني لأني كنت مفكر حالي عبيط وبس انا هيك بيصير معي يعني اتخيلو ممكن اني اتخيل شو بدو يصير لمدة نص ساعة طبعا ولله علم الغيب بس هي فعلا شغلة غريبة ولله في خلقه شؤون

[shafeek]

يعني القصة ببساطة، مخ الإنسان من التعقيد لدرجة أنو ممكن يخدع صاحبه. أحيانا يقوم السيد العقل الباطن بجمع معلومات مختلفة من المحيط الذي تجلس به و يقوم بعمليات توقع و تنبأ بسيطة عن ما سيحصل في الثواني الخمس القادمة و لكن بصورة مشوشة و حالما تحدث الأحداث يقوم الدماغ بتركيب الصور و يحدث لنا هذا الشعور بالضياع بين الحاضر و الماضي.

[whitewolftrack]

في عالم مليء بالغرائب : قد يفسر البعض هذه الحالة على انها اصطدام الروح بالقدر, لأن الشخص اثناء نومه تغادر روحه من جسده الى الأعلى و قد تطلع على القدر اثناء عودتها. و الله أعلم.

[baby soso]

هاااااااااي
انا كمان كتير بيصير معي هيك...حتى احيانا صرت استبق الاحداث بلحظات...بس انا كنت فكر حالي اني حلمت فيها من قبل و نسيت المنام (متل العادة) لما فقت....بس ما بعرفلها تفسير صحيح 100%
بس هي شغلة عاااادية ما تاكلي هم و إلا كانو كل هالعالم مجانين!!!!

[krakish]

لا لا بتصير كتتتير

ما تختفي وما تحسي حالك لحالك مجنونة

كلنا مجانين

[hulagu]

[u]الظاهرة لحكيتوا عنها هي ظاهرة :déja vu
و تفسيرها العلمي هو كالتالي:
عندما يمر أمامك شخصا أو يمر بك موقف وتعتقد أن هذا الوجه تعرفه من قبل رغم أن كل معلوماتك تقول انك لم تراه من قبل أو انك مررت مسبقا بهذا الموقف.. هذه ظاهرة تحتاج إلى تفسير, وها نحن نعطيكم بعض التفاسير العلمية..

/واليكم بعض التفاسير العلمية لها\
المعلومات لا تمشي في الشرايين, فقط الدم يفعل ذلك,أما المعلومات فتسير في الأعصاب على هيئة إشارات كهربائيةيترجمها المخ إلى الصورة التي تراها أو تسمعها أو تعيها
أما النظرية العلمية المفترضة لتفسير هذا الأمر فهي كالتالي: أن المخ عبارة عن مناطق وكل منطقة مسؤولة عن وظيفة مثال : الرؤية تكون في مؤخرة الرأس, السمع على الجوانب وهكذا .
وما يحدث أنك عندما ترى شيئا يترجمه الجزء الخاص بالرؤية visual center وهذه هي وظيفته ترجمة الإشارات إلى صورة فقط أما فهم هذه الصورة استيعابها أو تذكرها إذا كانت مألوفة يكون في جزء أخر يسمى cognitive center ..
في هذه الظاهرة يحدث أن هناك في بعض الأحيان تأخر بين العمليتين وتمر برهة من الوقت تدخل فيها الصورة إلى مركز الذاكرة قبل الـ cognitive center ..ثم تذهب الصورة إليه لاحقا فيظن المخ أنه راها من قبل.

[*Marwa*]

لك اه والله بتصير معي كتييييير
والله كنت مفكرة انا لحالي اللي بصير معي هيك
طمنتيني طلعت انا مش لحالي المجنونة
شكرا عالموضوع

[NERVANO]

حتى انا صايرة معي مرارا وتكرارا... يا شباب... بكون بارنة بحس حالي مارق منها ابن بمرة وبكون بحياتي ماني رايح عليها او. في مرة شخص حلمت في شفتو بعد فترة مع اني مابعرفووو

[ASH]

انا بتصير معي كتير
لدرجة انو صرت لما يصير موقف و كون شايفو من قبل وقفهم و احكي لكل واحد شو لح يحكي او كان بدو يعمل كحركه تانيه بعد يلي وقفتهم عندم ، و الكل بينصدم انو كيف عرفة ...

تحليلي انا بالنسبة ألي لهل شي ، انو انا من النوع يلي بفكر كتير يعني مخي ما بيوقف شغل وهل شي بيظل حتى وانا نايم وهل شي بيحرمني من اني شوف حلم ، معظم هل شغلات بتصير وانا نايم لهيك خلص تعودت عليها ..

[كل شى اوهام]

والله هيدى الموضوع عجبنى كتير
الانو دايما بتصير معى وايام لما يصير هيدى الموئف بسكت وبنصدم على ئولت اختى ببين علامه استفهام بوجهى هههههههه

وبئول يؤيؤ هيدى الموئف صاير معى ..وبئول يمكن جنيت عادى ههههه