ADI- نتائج استفتاء شهر نيسان 2008: الثقافة و المستوى الثقافي

[phoenixbird]

كاتب النص الأصلي : yass

غالي بس... نار مشلوطة... يعني كمثال عندك كتاب سأخون وطني لمحمد الماغوط (كاتب سوري.. لمن لا يعلم) وصيت أبوي عليه من سنة و شوي و حقو 550 ليرة (هاد كاتب سوري ها, مو بيست سيللير عالمي انما كتاب لكاتب سوري وحتى كتاب قديم فيك تقول) و كتب أمين معلوف ما اشتريت ولا واحد منهون بأرخص من 300 ليرة.. ليون الأفريقي اشتريتو بـ360 بالزمانات.. و من فترة كم شهر اشتريت النسخة الاسبانية مشان اهديها لصديق و اشتريتو بـ 7 يورو (حط ببالك انو مستوى الدخل باسبانيا حوالي الـ 2100 يورو بالشهر بينما بسوريا قديه؟ 150-200 يورو بالكتير..

متاكد ياس؟
انا الكتاب ساخون وطني جبته منن سنة بالضبط من مكتبة جنب فندق الشام ب250 ليرة
وجبت سمرقند كمان ب300
وكذا رواية جبت كان سعرون كلون 1000 كانوا شي 5 روايات

بس انا بقلك وين تشتغل الكوارث؟
اذا بدي جيب كتاب باللغة الانكليزية ولسا الفرنسي اضرب وطبيعي اللغات التانية
اما اذا بدنا نجيب كتاب اختصاصي فهون زاد السعر اعلى واعلى
فتخيل مثلا انو بالشام في 5 مكتبات طبية فقط كل منها اسعارها العن من الثانية

[yass]

طبعا متأكد جدا و لسى السعر عليه... يجوز لأنو كان صرلو ميت كم شهر و في طلب ع كتبو ما بعرف

و حتى لو بالأسعار اللي عم تحكي عنها (سمرقند بتلاتمية.. متل ما قلت أنا.. كتب أمين معلوف تحت التلاتمية ما لقيت ولا واحد, و الحكي من زمان يعني خمس ست سنين لما كنت لساتني بالبلد .. يمكن بس حدائق النور اشتريتو بميتين و خمسين) حتى لو بهالاسعار كون ما راح نفتح بورصة كتب هلأ هون.. غالي جدا.. شو كتاب بخمسة دولار عنا بالبلد... و كتب قديمة يعني معليه ليون الافريقي و للا سمرقند و للا كل هالشلة هاي كتب قديمة تلاقيها بمكتبات بلاد برا بالتصفية يجوز تاخد المجموعة كلها بخمسة دولار..