السوريون والكفــر بالعروبة ..

[maged-syrian]

مااجانا من الفكر القومي العروبي غير وجع الراس والبهدلة .... وتفضيل المصالح القومية على المصالح الوطنية
والجامعة العربية لعنة من لعنات هذا الزمان ..... لك وصلت الدرجة أن المواطن العربي بتطلع عيونو ليزور دولة عربية تانية ... بينما من السهل انه يزور دولة غير عربية بدون اي تعقيدات ...
مثال : أنا كمواطن سوري استطيع زيارة ايران وتركيا أو حتى ماليزيا بكل سهولة وبدون تعقيدات وبدون اي معاملة عنصرية وأحس ان تلك الدول اقرب الي من الدول العربية بسبب حسن المعاملة التي القاها ... بينما بتطلع عيوني وبيشيب شعر راسي لبين ماطلع فيزة حج او عمرة عالسعودية او حتى فيزا الزيارة أو العمل ... وين اصلاحات الجامعة العربية بهيك مواضيع اساسية!!

انا سوري وبسسسسسسسسس اتكلم اللغة العربية ... لكن تلك اللغة لاتعتبر رابط قومي وتاريخي ....
اعترف بالعربية كرابط ديني فقط يربطني بالمسلمين حول العالم ويربطني بديني ......

الفكر البعثي العروبي القومي كان موجود بالعراق وسوريا .... الآن بس بسوريا من اصل 24 دولة عربية
نحن بس الله غضبان علينا وشايلين الهم القومي العروبي على اكتافنا


أمة عربية راقصة .... ذات رسالة ناقصة

[حلبي]

أمة عربية راقصة .... ذات رسالة ناقصة
حلوه هي العباره الأصح وأزيد عوجة وجئمه وماهي ظبطة

[maged-syrian]

مرة كنت اتناقش مع شخص منتسب لحزب البعث .... وهاد الشخص متعصب ومتحمس جداً .... أنا خفت عليه يطقلوا شي عرق ونخسروا من كتر مو متحمس .....
المهم انا كنت اقول له الله يكون بعون الناس عالضرايب اللي كترت وزادت ,,, هو رد علي : معلش مشان الدولة تجيها موارد ...
انا قلت له طيب ضروري تجي هالموارد من هالمواطن البسيط ! ...
سألته : ليش ماتفرض الدولة تاشيرات فيز على الاخوة العرب برسوم معقولة ... متل ماكل الدول بتساوي ... ومنو مورد للدولة ...
رد عليي بعصبية شديدة : نحن لأن أولاد أصول ... نحن قلب العروبة ... نحن مابعرف شو ... نحنا بلاد الشرف والإباء مابنساوي هيك مع الاشقاء .. وبلش يسمعني خطب رنانة
المهم رديت عليه مين معترف فيك اساسا انت كنت قلب العروبة ولاصقر العروبة ولازفت العروبة ... قلتلوا واضحة متل عين الشمس المستعربين خصوصاً اهل الخليج اغلبهم مابيجوا على سوريا الا مشان السياحة الجنسية والتفنيك وتضييع الوقت ... قلتلوا عمرك شفت سعودي جاي عسوريا مشان يتفرج عالاثار بتدمر! ... وهاي حقيقة مو كذب ...
الاخوة العرب مابيعترفوا فيك الا اذا كان الهم معك مصلحة وهذه حقيقة ....
يبدوا ان ماعجبه النقاش فحمل حاله وراح ... قبل مايبتلش فيني وابتلش فيه

بعض الاشخاص يقولون ان العراقيين يعتبرون اشقاء بالعروبة لهذا السبب قامت سوريا قلب العروبة النابض باستقبالهم وخدمتهم ...(شو يعني لو كانوا غير عرب شو كان مصيرهم !)

انا برأيي الخاص انا استقبال اللاجئيين العراقيين هو خدمة للانسانية وليس خدمة للقومية العربية هذا رأيي الخاص
واسف علاطالة

[حلبي]

أصلا أستقبال العراقيين ليسى أكثر من تجارة أعلامية و سياسية و الباقي لا يحتاج للشرح

[طفوله]

تعى احكيلك عن العروبه ع ارض الواقع شوي...يا سيدي اللبنانيه بعد الي عملوه فينا بـــ اغتيال الحريري..وفتلو كــ عادتون...وئت اجتون الغاره الاسرائيليه ..اجو ع بلادنا وفتحنالون البلد والمدارس وغيرو وغيراتو ..بيرجعو اذا ماتت شي وحده من عنودن من تعب الرقص والفن بيقولو سوريا السبب


العراقيه اول كلمه بيقولوها...(احنا عنا بالعراق تطور اكثر من عندكم ..وعنا وعنا وخرط وتئسيم للصبح ) طيب يا اخي احترم انو ئاعد بحضننا وعم تنتف بدئنا



ال سعود ما رح نحكي عنون لانو يا حرام مستعمره اميريكيه بشكل متطور شوي


عمتك مصر بتقولك انو السلام مع اسرائيل هوه تحدي نحو التطور لازم نعملو ما نخشاه ..وطبعا دايما العجز بميزانيتها كان يسوى عن طريق الاشقاء الغرب


و هلم جر...


وبالسفاره لما بدك تسافر لعندون شعار العروبه/ شد الخيط ومطو والي بيطلع عليك حطو/

يا سيدي الي بيضحك اكتر ...انو العرب للاسف حاولو عبر الزمن انو يعملو تكتلات اقتصاديه عربيه..وكانت كلها فاشه

والمفارقه الاكبر انو كانت التكتلات اذا ممكن تنجح فــعبر تكتلات خارجيه

[sweetyjojo]

كاتب النص الأصلي : maged-syrian

نحن لأن أولاد أصول ... نحن قلب العروبة ... نحن مابعرف شو ... نحنا بلاد الشرف والإباء مابنساوي هيك مع الاشقاء ..
واسف علاطالة

يعني مع الاشقاء ما بيعملوا هيك


ومع الابناء بيعملوا اكتر


ايه مبين شو اولاد اصول و بلاد الشرف

[sweetyjojo]

كاتب النص الأصلي : طفوله

تعى احكيلك عن العروبه ع ارض الواقع شوي...يا سيدي اللبنانيه بعد الي عملوه فينا بـــ اغتيال الحريري..وفتلو كــ عادتون...وئت اجتون الغاره الاسرائيليه ..اجو ع بلادنا وفتحنالون البلد والمدارس وغيرو وغيراتو ..بيرجعو اذا ماتت شي وحده من عنودن من تعب الرقص والفن بيقولو سوريا السبب


العراقيه اول كلمه بيقولوها...(احنا عنا بالعراق تطور اكثر من عندكم ..وعنا وعنا وخرط وتئسيم للصبح ) طيب يا اخي احترم انو ئاعد بحضننا وعم تنتف بدئنا



ال سعود ما رح نحكي عنون لانو يا حرام مستعمره اميريكيه بشكل متطور شوي


عمتك مصر بتقولك انو السلام مع اسرائيل هوه تحدي نحو التطور لازم نعملو ما نخشاه ..وطبعا دايما العجز بميزانيتها كان يسوى عن طريق الاشقاء الغرب


و هلم جر...


وبالسفاره لما بدك تسافر لعندون شعار العروبه/ شد الخيط ومطو والي بيطلع عليك حطو/

يا سيدي الي بيضحك اكتر ...انو العرب للاسف حاولو عبر الزمن انو يعملو تكتلات اقتصاديه عربيه..وكانت كلها فاشه

والمفارقه الاكبر انو كانت التكتلات اذا ممكن تنجح فــعبر تكتلات خارجيه

والله ما على كلامك ذرة غبار

[sezar]

لن أتحدث عن تاريخ ولن أضرب الأمثلة ..
لكن سوريا قادرة على الاكتفاء ذاتيا من الناحية القومية و الوطنية
لسنا بحاجة الى " وطن عربي " أو حتى " عالم عربي "
نحن بحاجة علاقات سياسية جيدة مع بعض الدول " عربية كانت أو غير عربية " ...
دفعت سوريا كثيرا ثمن العروبة و دفع الشعب للحكومات باسم العروبة .. و باسم الحرية .. و باسم الاشتراكية
و لم تكن هذه الأشياء إلا أحلاما أفلاطونية و حجج استراتيجية و غراء أحمر للعروش

[maged-syrian]

كاتب النص الأصلي : الحر الباكي

على فكرة هاد هو الفكر الرجعي اذا ما بتعرفو

عفواً !
فكر رجعي لأني ربطت الدين بموضوع اللغة!
ان كان فكر ربط الدين بالمواضيع التي تخص أمور الحياة اليومية هو فكر رجعي ... فأنا اقبل بهذا الفكر الرجعي واتشرف به
وان كان قصدك شيء آخر فأرجوا ان توضح لي !

وبالنهاية كل انسان له ارائه الخاصة ورأيي الخاص لاافرضه على احد . لكنني مقتنع به وسأظل مقتنع به طول ماانا ثابت بمبادئي
انا عندي مبدأ ينادي بوحدة الأمة الاسلامية لا العربية

[pleasurable]

كاتب النص الأصلي : maged-syrian

عفواً !
فكر رجعي لأني ربطت الدين بموضوع اللغة!
ان كان فكر ربط الدين بالمواضيع التي تخص أمور الحياة اليومية هو فكر رجعي ... فأنا اقبل بهذا الفكر الرجعي واتشرف به
وان كان قصدك شيء آخر فأرجوا ان توضح لي !

وبالنهاية كل انسان له ارائه الخاصة ورأيي الخاص لاافرضه على احد . لكنني مقتنع به وسأظل مقتنع به طول ماانا ثابت بمبادئي
انا عندي مبدأ ينادي بوحدة الأمة الاسلامية لا العربية

بالنسبة لموضوعنا انا معك انو ما جبلنا الفكر القومي غير وجع الراس بس يا صديقي المشكلة مو من عنا من الفكر القومي المشكلة من الفكر الرجعي الي بالدول العربية التانية . ويلي انت عبرت عنو بكلامك بخصوصالوحدة الاسلامية. يا حبيبي الحالة الطبيعية انو يكون في وحدة عربية , نحن هيك حالة غير طبيعية .
بس لاتخاف طول ما في ناس بتفكر متلك ما رح يصير في وحدة عربية.

[azezeus]

السلام عليكم جميعا
الحقيقة لو رجعنا الى تاريخ الامم كلها لوجدنا ان المصالح هي التي تحكم انتمائتهم حتى العرب سابقا كان بعضهم يقتل بعض و.. بسبب المصالح اضافة الى بعض العادات التي املتها عليهم العصبية للقبيلة
فلا ينبغي بنا ان ننزلق الى هذا المنزلق اليوم فالعروبة شيء يدعو للفخر و الاعتزاز رغم انف الصهاينة و الامريكان و رغم انف كل من يسيء الى وجه العروبة من العرب المتخاذلين فلا ينبغي ان نتهم العروبة لفساد بعض المنتمين اليها فهذا و الله لا يسيء الا اليهم انفسهم
فانا عربي سوري و افتخر بذلك و يكفي العروبة فخراً ان اخر شريعة و اخر نبي ارسل بلغتها و من جلدتها
و القران انزل بلسان عربي مبين

[maged-syrian]

كاتب النص الأصلي : الحر الباكي

بس لاتخاف طول ما في ناس بتفكر متلك ما رح يصير في وحدة عربية.

الوحدة العربية ... فكر ناصري بعثي رجعي عنصري بالنسبة الي وانا ضد تلك الفكرة ... ومااقتنعت فيها ومارح اقتنع فيها ....
زرت دول خليجية وعربية ... لم ارى هذا الفكر الرجعي الا بسوريا !!!
شو يعني نحنا الصح وهم الغلط !
واذا نحنا الصح ... ضروري نمشي عكس التيار!

[ظل جيفارا]

كاتب النص الأصلي : الحر الباكي

, نحن هيك حالة غير طبيعية .
.

هات خيي حر باكي اشرحلي هيدي القصة كيف بقى
ليش ايمت كنا متحدين ك إمة عربية ؟
اشرحلي يا إبن العم ؟
تفضل
تحياتي الحارة
ظل جيفارا

[pleasurable]

كاتب النص الأصلي : ظل جيفارا

هات خيي حر باكي اشرحلي هيدي القصة كيف بقى
ليش ايمت كنا متحدين ك إمة عربية ؟
اشرحلي يا إبن العم ؟
تفضل
تحياتي الحارة
ظل جيفارا

والله يا ابن العم انا ما قلتلك كان في وحدة عربية كاملة قلتلك الحالة الطبيعية انو يكون في .
انت بدك تقلي ايمت كان في 24 دولة وزعيم ايمت وصلنا لهالوضع التعيس بالتاريخ الحديث او القديم
اذا قبل اتفاقية سايكس بيكو كان سوريا ولبنان والاردن وفلسطين وأجزاء من العراق دولة وحدة تعرف بسوريا الكبرى ,بعد الاتفاقيةصارو يا سيدنا 4 دول شي جمهوري شي ملكي شي عم يخبط ما بيعرف الله وين حاطو , وبعد ما جانا الاحتلال الفرنسي قسم سوريا الى عدة دويلات على أسس طائفية لساتها اثارها واضحة لحد اليوم ,
اذا ضيعتنا على ايام الاحتلال الفرنسي قسموها ل 3 ضيع .

[yass]

اذا قبل اتفاقية سايكس بيكو كان سوريا ولبنان والاردن وفلسطين وأجزاء من العراق دولة وحدة تعرف بسوريا الكبرى

لأ حجي الله يخليك

كانت ولاية عثمانية و بعدين لما الشريف حسين (الله يرحمو... شنّو ما يجوز عالغبي الا الرحمة) دبّرها بمعية الانكليز و الفرنسيين عطاها لأبنو فيصل.. و قعد سنة و 8 شهور.. ما كانت دولة يعني . لأنو مملكة فيصل هاي ام سنة و 8 شهور ما فينا نحسبها لأنو ما أخدت فرصتها

[pleasurable]

كاتب النص الأصلي : yass

لأ حجي الله يخليك

كانت ولاية عثمانية و بعدين لما الشريف حسين (الله يرحمو... شنّو ما يجوز عالغبي الا الرحمة) دبّرها بمعية الانكليز و الفرنسيين عطاها لأبنو فيصل.. و قعد سنة و 8 شهور.. ما كانت دولة يعني . لأنو مملكة فيصل هاي ام سنة و 8 شهور ما فينا نحسبها لأنو ما أخدت فرصتها

اي برجع بقلك انو بلاد الشام كانت تابعة للدولة الايوبية لسا قبل العثمانيين والمماليك يعني بالنهاية عربية .

[yass]

صديقي... الأيوبيين أول شي كراد مو عرب... هاي على اعتبار حكيت حضرتك عن الأيوبيين

بحياتو (خطين تحت حياتو) ما كان في دولة اسمها عربية.. كان في دولة اسلامية بالخلافة الراشدية . بعدين صارت قبلية بالأموية و العباسية الأولى... و بعد المأمون الخلافة العباسية صارت سلعة.. البلطجي الكبير حسب قدرتو يجيب الخليفة و يقعدو عندو و يسمّي حالو سلطان... و بعدين بلشت دويلات العشاير يعني من الحمدانية للفاطمية.... و بعدو المماليك و بعدو العثمانيين... ما كان في دولة عربية و ما كان في قومية عربية

القومية العربية اختراع لبناني... أي أي لبناني

بالنصف الثاني من القرن 19 في عدة مفكرين (أغلبهون مارونيين) كانو متأثرين بموضة جديدة طلعت بأوربا اسمها "الفكر القومي" ... و عجبتهون و قالو تعو نعمل قومية عربية و نقول انو نحنا عرب.... و ما حدا رد عليهون و لا عبّرهون و ظلو منسيين حتى بداية القرن العشرين لما الشريف حسين و عجيانو (كمان مرة الله يرحمهون... لأنو ما يجوز على المهابيل الا الرحمة) كانو قاعدين بالحجاز يفكرو بحجة منشان يقدرو يتحالفو مع الانكليز (اللي كان الحج مكماهون من طرفهون مدبّر الشريف حسين بكم رسالة ) ضد العثمانيين اللي هنن دولة الخلافة و الاسلام من دون ما يكون الأمر اعلاميا انو تحالف مع الكفار ضد الأخوة في الدين... فطلع معهون خيو هدول اللبنانيين شو حكو بزماناتهون؟؟ قال نحنا عرب .... أي عليهون يا عرب... أخترعولنا علم و خلي كم شاعر ينغملنا و نصير قومية ...

مين العرب؟ ما حدا بيعرف


هاي ببساطة قصة العروبة العتيدة

[maged-syrian]

كاتب النص الأصلي : yass

صديقي... الأيوبيين أول شي كراد مو عرب... هاي على اعتبار حكيت حضرتك عن الأيوبيين

بحياتو (خطين تحت حياتو) ما كان في دولة اسمها عربية.. كان في دولة اسلامية بالخلافة الراشدية . بعدين صارت قبلية بالأموية و العباسية الأولى... و بعد المأمون الخلافة العباسية صارت سلعة.. البلطجي الكبير حسب قدرتو يجيب الخليفة و يقعدو عندو و يسمّي حالو سلطان... و بعدين بلشت دويلات العشاير يعني من الحمدانية للفاطمية.... و بعدو المماليك و بعدو العثمانيين... ما كان في دولة عربية و ما كان في قومية عربية

القومية العربية اختراع لبناني... أي أي لبناني

بالنصف الثاني من القرن 19 في عدة مفكرين (أغلبهون مارونيين) كانو متأثرين بموضة جديدة طلعت بأوربا اسمها "الفكر القومي" ... و عجبتهون و قالو تعو نعمل قومية عربية و نقول انو نحنا عرب.... و ما حدا رد عليهون و لا عبّرهون و ظلو منسيين حتى بداية القرن العشرين لما الشريف حسين و عجيانو (كمان مرة الله يرحمهون... لأنو ما يجوز على المهابيل الا الرحمة) كانو قاعدين بالحجاز يفكرو بحجة منشان يقدرو يتحالفو مع الانكليز (اللي كان الحج مكماهون من طرفهون مدبّر الشريف حسين بكم رسالة ) ضد العثمانيين اللي هنن دولة الخلافة و الاسلام من دون ما يكون الأمر اعلاميا انو تحالف مع الكفار ضد الأخوة في الدين... فطلع معهون خيو هدول اللبنانيين شو حكو بزماناتهون؟؟ قال نحنا عرب .... أي عليهون يا عرب... أخترعولنا علم و خلي كم شاعر ينغملنا و نصير قومية ...

مين العرب؟ ما حدا بيعرف


هاي ببساطة قصة العروبة العتيدة

كفيت ووفيت