نحن و الآخر

[butterfly]

كاتب النص الأصلي : التقرير الجوال

كلنا مع احترام الرأي الآخر بس خلقه المراه و بنيتها و كمان تفكيرها ما بياهلوها غالباً لتولي امور يقوم بها الرجال.


موضوع كتير مهم و بيكون اهم اذا الاخوات هون بيحاولو يشاركو كمان.

الأخوات هون ..
كيف بدن يشاركوك بحوار ؟ إذا انت عندك حكم مسبق أنن " دون "
وأنن غير مؤهلات .. ؟؟
تتحاور الآخر .. بداية لازم تكون منفتح على انك تسقط الاحكام المسبقة .. عن الأخر وامكاناتو وقدراتو +
لازم تحاور لتشارك برأي وليس لتغير ! وتأقنع وتأفحم
يعني ما المفروض نخرج من الحوار .. واحدنا اخيرا صار متل التاني .. الحوار ما بيهدف أنو نحنا نلغي اختلافاتنا .. ونأقنع بعض .. ونعيش بسبات ونبات ..

بس تقتنع .. أني " كبنت والله العظيم بنت " على قدر من الندية .. لأفوت بحوار .. متكافئ ..
وبس يكون عندك الانفتاح الكامل .. لقبولي " كما أنا " .. وقتا أهلا وسهلا . .

غير هيك تسؤ

[التقرير الجوال]

أنا تعودت قبل مارد على الذي يناظرني تفسير كلامه بطريقه ايجابيه قبل الرد عليه منشان هيك اغلب الاحيان بلزم الصمت و بكتفي بالقراءه....المراه في عندها طبيعه لينه مرهفه الحساس ناعمه..لا تستطيع الثبات كما الرجل منشان هيك كان عند المراه progesterone و لعلمك الرجل في عندو هالهرمون.
هيك كان قصدي اما اذا كانت المراه مستعده للقيام باعمال مثلاً شاقه و لا تلائم طبيعتها كانثه...فرح نقول لها تفضلي جربي
You have me misunderstood
انا عن عبارتك "غير هيك تسؤ" انا تقريباً فهمتا بس لساتني شاكك بمعناها لني متل ما قلت أنا بعطي محاوري جانب رحب من تفسير كلامه بشكل ايجابي.
اذا كان قصدك "تسوق" او متل ما بيقولو Go away of my face فثقي تماماً أنا بامكاني احكي هيك و أكتر من هيك.
و اذا كانت على سبيل الدعابه فهي مرفوضه أبداً و بحياتي ما رح اتقبل هيك أمور deal from now on you need to watch your language with me

[butterfly]

بما أنو اللغة العربية عم تخونك أحيانا مما عم يضطرك .. استعمال لغات اخرى ...
ف
تسؤ = لأ = no= هزة الراس هيك يمين يسار ..

[dimozi]

الأخ التقرير الجوال بيذكرني بأخ عتيق كتير بالأخوية كان أسمو محمد الخالد

أخونا محمد كان نقاشو حلو كتير, ظريف, واثق, أحياناً مهضوم, بيدل على ثقافة

بس لما يحتدم النقاش, و كان رأيو اللي منحترمو دائماً " الإسلام هو الحل " كانت عبارتو الشهيرة بالدفاع ( أو الهجوم ) تنط بنص الرد:



مين ها الحمار؟؟ مين ها الحمارة؟؟؟ مين ها الحمير؟؟؟؟


بذكر وقتا شفت هيك مشاركة لألو و جنيت, عصبت و أعترضت دافعت عن الشخص المشتوم بما اوتيت من الحجج المنطقية و العقلية ....................... طبعاً وقتا ( بعكس المفروض ) أنحذف ردي ( كان أول رد بينحذف بالأخوية )
لهلاء ما فهمت شو كان ببال دكتر هس لما حذفو


على العموم الأخ التقرير الجوال كتير بيذكرني بحبيبي محمد الخالد


بيقربلك شي؟؟؟؟

يعني جد ردودك أخ تقرير, قص و تفصيل على الموضوع المكتوب هون.



ملاحظة جانبية: عندي عادة انو ما فوت بأي موضوع بدون تمهيد , شاهد تاريخي أو حدث معروف
عادة الشاهد بيكون عن فكرة الموضوع , بس الموضوع ما هو الشاهد أو التمهيد, يعني أنا بشاهدي عن الدكتورة نوال عم أحكي عن الآخر و تقبلو, ما عم أحكي ( إسلام مسيحية) أو حتى ( نفاق رياء) بس الفكرة كانت تمهيد مو أكتر.



صحي تعقيبا على باتر فلاي, ومتل ما بيقولو في الإعادة إفادة
تسوء أخ تقرير هي الصوت اللي بينتج عن ضغط اللسان بأعلى مقدمة سقف الحلق ( عند جذر القواطع العلوية تحديدا ) و من ثم إزالة ها الضغط بسرعة مع السماح للهواء بالمرور للأسفل , التي تفسيرها بالعربية لاء


شكرن لمرور الجميع و مشاركاتن الفعالة




مية خسة

[fady juventus]

يا زلمة من بعد محمد الخالد مر على أخوية أشكال ألوان , بس كانوا مخربين و أغلبن عاهات و خصوصي إذا بتتزكر بسنة 2006 شكيلات متل أبو أنمار و جبل قاسيون والمستعصي بالله و مساهم بالإقتصاد السوري (بتلاقين عندي بقائمة حبايب القلب ... أكيد بتعرف ليش ) هدول المخربين خلونا نترحم عالحمائم متل محمد الخالد

رفض الآخر هوي ناتج عن مشكلة بالتفكير
هاي المشكلة بتنتج إما عن سبب وراثي "العيلة كلها تفكيرها أعوج "
أو عن التربية ... و هاد السبب الأهم بكل شي بحياتنا.
الطفل بيخلق صفحة بيضا و الأهل هني بيكتبو عليه اللي بدن ياه
إذا علموه طائفية بيتعلم
علموه إلحاد بيتعلم
علموه أخلاق بيتعلم

هلأ منجي للمشكلة الأكبر بشعبنا ... ببساطة إنو ما بيربي بالبيت
يعني الأهل بس بيحرموا و بيعاقبوا و بيهددوا و بيضربوا ...و بيتركو التربية الحقيقية للمدرسة ، إما كسل أو عن سوء فهم للواقع
الواقع إنو الولد ما بيتعلم إلا بالبيت
بيشوف أبوه بيضرب أمو ... بيزعل عليها بس رح يجي يوم غالباً رح يضرب مرتو وولادو ... لأنو هيك أسلوب التربية الصحيح اللي تعلمو بالبيت ؟؟؟!!!!

بما إنو الولد بالبيت ما عم يتعلم كتير أمور فطبيعي إنو ما يتعلم قبول الآخر بفكر منفتح
ما حدا ينكر و يحكيلي مثاليات ... كلنا هيك , كلنا منرفض الآخر ... وعنجد مو ذنبنا .. الطبع يغلب التطبع ... و يكتر خيرنا شو ما قدرنا نخفف من هالإرث المتخلف اللي ورثناه عن آبائنا و أجدادنا لعن الله الثلاثة (هي من عبارات كريم)

صح كلنا عنا حالة الرفض "المسبق" للآخر بس لازم نفصل و نقول إنو بدرجات متفاوتة من الحالة البسيطة المقبولة لحالات شديدة متطرفة

بتمنى كون وصلت فكرتي

[التقرير الجوال]

[quote=dimozi;888487]

ملاحظة جانبية: عندي عادة انو ما فوت بأي موضوع بدون تمهيد , شاهد تاريخي أو حدث معروف
عادة الشاهد بيكون عن فكرة الموضوع , بس الموضوع ما هو الشاهد أو التمهيد, يعني أنا بشاهدي عن الدكتورة نوال عم أحكي عن الآخر و تقبلو, ما عم أحكي ( إسلام مسيحية) أو حتى ( نفاق رياء) بس الفكرة كانت تمهيد مو أكتر.

لكان قاتلي الشاهد عن فكره الموضوع ما.؟!
كيف صارت هي "بس الموضوع ماهوي الشاهد او التمهيد.!!!!
هون بدك عزيزي طبعاً مع احترامي لثقافتك...بدي تتعلم شو هوي التمهيد "لحدث أو قصه أو روايه او سرد تاريخي و ما هنالك".
و إلا قللك.!! تعا احكيلك شي شويه زغيره عن التمهيد..التمهيد تسهيل الشيئ..يعني لما تقول تمهيد للموضوع يعني شيئ متعلق بالموضوع بحيث القارئ بياخد لمحه عامه عن السرد شو ما كان يكون.
أما الشاهد فعلى أضرب...شاهد على قصه او فكره "يعني حجه دامغه مؤيده بثبوتيات للفكره.
علم لهون.!!!!!
و بما ان التمهيد و الشاهد ما إلهن أي تفسير تاني بقواميس البشر..هون أنا ناقشت طرحك او شاهدك..بعدين بدك تنبه الناس بانك عم تحكي عن شي و معتبرو مقدمه لفكره و بعدين لما بتدخل بالفكره الجوهر بتقول: آسف يا جماعه الشاهد و التمهيد ما بيمتو بصله لجوهر موضوعي.
أما اذا بدك نحكي منشان الحكي و بس و منشان تعمل جو فيا هلا... ففينا نحكي للصبح .

[ظل جيفارا]

كاتب النص الأصلي : التقرير الجوال

كلنا مع احترام الرأي الآخر بس خلقه المراه و بنيتها و كمان تفكيرها ما بياهلوها غالباً لتولي امور يقوم بها الرجال.
.

ما هيدا بحد ذاته إلغاء للرأي الأخر .............
كيف بدنا نناقش الطرف الأخر اذا كنا سلفا مؤمنين انه غير قابل للنقاش او خلينا نقتبس كلماتك غير مؤهل ..
المرأة كانت الثائرة التي تحمل السلاح سناء محيدلي وليلى خالد مثلا
كانت المثقفة التي تولي المجتمع كل اهتمامها نوال السعدواي
كانت السياسية التي يحسب لها حساب و رئيسة الوزراء في العالم الإسلامي بناظير بوتو
كانت المرشحة للرئاسة والتي تنافس الرجال بقوة هيلاري كلينتون
وكمان كانت رئيسة الدول متل فيجديس فينبوجادوتير رئيسة ايسلندا

يعني اذا كل هيدا والمرأة بتضل غير مؤهلة كيف بدنا نناقش الطرف الأخر بأحترام ؟
تحياتي الحارة
ظل جيفارا

[التقرير الجوال]

بدك تقرا كامل مشاركاتي مسيو "جيفارا" بعدين ابقى نظّر و استعرض مواهبك براحتك.

[yass]

كلنا مع احترام الرأي الآخر بس خلقه المراه و بنيتها و كمان تفكيرها ما بياهلوها غالباً لتولي امور يقوم بها الرجال.

أنا كمان مع انو هاي نظرة دونية كوننا ما تطرقنا للعمل الجسدي أبدا بل عم نحكي عن قبول الرأي و الفكر الآخر.

لا تستطيع الثبات كما الرجل منشان هيك كان عند المراه progesterone و لعلمك الرجل في عندو هالهرمون.

كمان ماني فهمان شو دخل البروجيسترون بالنشاط الفكري أو بالعواطف

[dimozi]

له له يا تقرير, والله مانك عم تركز معي يعني اذا انت مانك شايف انو الفكرة بالاول إلها علاقة بالموضوع, فأنا عيوني ماني مسؤول عن التفاوت الفكري بين أعضاء الأخوية, يعني أنت مستواك عالي كتير علينا و نحنا لسا يادوب ها عم نربط القصص على قدنا ......... بدك تضحي شوي.

لم تكن المرأه مهمشه في الماضي و خصوصاً عن العرب و التاريخ يزخر بمشاهد نسائيه رائعه..فمنهم التي لم تكن تنكح الرجال إلا في ديارها..و منهنّ من أنشان و صنعن رجالا أغنو التاريخ.

هاد هو الدليل الدامغ ؟؟
يعني بصراحة شواهد رائعة من رحم تاريخ ها الأمة المجيدة, المرأة هون طول عمرها عصاية قشاطة و أجر كرسي و ما عدا ذلك حالات فردية لا يمكن تعميم نمط عليها.

و كمان للحقيقه و بدي احكي عن سوريا تحديداً..بالستينات و السبعينات كانت المرأه تذهب للمدارس و دور النساء و حتى الدور السينما..و كانت كمان تلبس الـ Mini Jupe يعني مافي أحلى من هيك "ما هيك

آه يعني برأيك مقياس تحرر المرأة هو طول تنورتا؟؟؟؟

أما لما الدكتوره السعداوي تحاول تبني أسافين بين المسيحيه و المسلمين فبدي قللها انت كتيـــــــر غلطانه..

هلاء أنت كمان فهمت أنو هاد اسفين طائفي.................... من الواضح أنو الفكرة عندك عم توصل صح
هيي عم تحكي واقع, اذا الواقع اصلا مضروب شو ذنب اللي بيدل على الواقع ؟؟؟ و اذا اصلا مجتمعاتنا كلا نفاق شو ذنب نوال السعداوي, و اذا ها المثال بيطبق على عدم تقبل الآخر " موضوعنا " شو دخل موضوع الطائفية فيه, مع انو كل بيوصل على نفس الدرب, لانو الطائفي أكيد ما بيتقبل الآخر.

يعني انا بدي افهم يعني كيف الدكتوره السعداوي بدها مساواة....يعني مثلا بتصير الاخت المسيحيه "خوري".. والا المسلمه "إمام مسجد

انو اذا صار الموضوع عن حرية المرأة ........................ ليش لاء ما هيي متلا متل الرجال على أساس يعني وين المشكلة بالمبدأ و بالتطبيق؟؟

كلنا مع احترام الرأي الآخر بس خلقه المراه و بنيتها و كمان تفكيرها ما بياهلوها غالباً لتولي امور يقوم بها الرجال.

هو مع احترامي لرأيك و خلقتك و بنيتك و تفكيرك, ها الحكي غلط على القليلة من الواقع العملي للكرة الأرضية, حيث 70 % من القوة العاملة على الأرض نساء, إلا اذا حضرتك عم تحكي عن كوكب تاني ما عندي عنو معلومات إحصائية فوقتا بعتذر منك.
كمان شو هيي الأمور اللي ما بتقدر النسوان عليها؟؟ يعني بعرف وحدة بتسوق رافعة (سايدبووم) , المرأة صارت رائدة فضاء و طيارة و مقاتلة عاملة انشاءات و انتحارية كمان يا سيدي.............. يعني ما في حدا احسن من حدا

أنا تعودت قبل مارد على الذي يناظرني تفسير كلامه بطريقه ايجابيه

أي جد أنا معك ................ حاول تفسر كلامي بطريقة ايجابية ................ وعدني تحاول فلكل مجتهد نصيب

[ظل جيفارا]

كاتب النص الأصلي : التقرير الجوال

بدك تقرا كامل مشاركاتي مسيو "جيفارا" بعدين ابقى نظّر و استعرض مواهبك براحتك.

يا صديقي رجاء بدون هيك شكل من التعليقات ما بحبا انا ما عملت شي انا قدمت امثلة لحضرتك إنو النساء وصلو لكل اللي وصلو الرجل في العالم يعني لشو بدنا نضل نميزهن عن بعض .؟
بس اذا حضرتك بتستمد افكارك من جهات ما ورائية بيكون الموضوع مختلف تماما . ساعتها بتكون مجبور تتعامل مع النساء إنهن بنص عقل الحق مو عليك الحق برأيي على الأفكار الما ورائية اللي عندك
تحياتي الحارة
ظل جيفارا

[التقرير الجوال]

[quote=dimozi;888736]له له يا تقرير, والله مانك عم تركز معي يعني اذا انت مانك شايف انو الفكرة بالاول إلها علاقة بالموضوع, فأنا عيوني ماني مسؤول عن التفاوت الفكري بين أعضاء الأخوية, يعني أنت مستواك عالي كتير علينا و نحنا لسا يادوب ها عم نربط القصص على قدنا ......... بدك تضحي شوي.

هاد كلامك يعني معاليك بلّشت تعقيباً على كلامي بانك احيانا بتحط تمهيد ما بيخدّم الفكره




هاد هو الدليل الدامغ ؟؟
يعني بصراحة شواهد رائعة من رحم تاريخ ها الأمة المجيدة, المرأة هون طول عمرها عصاية قشاطة و أجر كرسي و ما عدا ذلك حالات فردية لا يمكن تعميم نمط عليها.

عزيزي المجتمعات بكل مكان هيك في المثقفات و في العاملات و في منّن يللي نسيهن الزمان







آه يعني برأيك مقياس تحرر المرأة هو طول تنورتا؟؟؟؟

لأ مو هيك بس قي شيئ من هالقبيل




هلاء أنت كمان فهمت أنو هاد اسفين طائفي.................... من الواضح أنو الفكرة عندك عم توصل صح
هيي عم تحكي واقع, اذا الواقع اصلا مضروب شو ذنب اللي بيدل على الواقع ؟؟؟ و اذا اصلا مجتمعاتنا كلا نفاق شو ذنب نوال السعداوي, و اذا ها المثال بيطبق على عدم تقبل الآخر " موضوعنا " شو دخل موضوع الطائفية فيه, مع انو كل بيوصل على نفس الدرب, لانو الطائفي أكيد ما بيتقبل الآخر.

يعني بصراحه انت بلّشت كلامك بالشقلوب و بما إنه كتير ناس هون بتنتهز فرص ليسى للنقاش بل دمغ رأي الآخر
فمشت هيك.يعني كلام د. السعداوي عن الخوري و الشيخ ما بيحمل غير معنى واحد..و بصراحه لو إنك آخد نفس عميق و قريت مشاركتي لآخرها كان شفت شو في مكتوب بآخر أسطر.
بس الظاهر تطفلت على طريقتك بإختيار مقدمه أو تمهيد ما بيخص فكره الموضوع "بناءاً على كلام معاليك"



انو اذا صار الموضوع عن حرية المرأة ........................ ليش لاء ما هيي متلا متل الرجال على أساس يعني وين المشكلة بالمبدأ و بالتطبيق؟؟

ما في مشكله و كمان صارت هون تقبل اشراك المرأه مشاركه مطلقه للرجل... رأي و رأى آخر.... و هون طابت من الصبايا المشاركه...بظن "سهله و سلسله".
انا أشدت بدور المرأه بمشاركتي بس كمان مافي مجتمع بتكون في المراه متحرره مطلقاً.

عُلم.!





هو مع احترامي لرأيك و خلقتك و بنيتك و تفكيرك, ها الحكي غلط على القليلة من الواقع العملي للكرة الأرضية, حيث 70 % من القوة العاملة على الأرض نساء, إلا اذا حضرتك عم تحكي عن كوكب تاني ما عندي عنو معلومات إحصائية فوقتا بعتذر منك.

ليك.. المراه بالغرب غير المراه بالشرق...في نسوان هون بيشتغلو اعمال ممكن تقول عنها شاقه.. أما غذا بدك تداخد المراه العربيه و تلحشها خبط لزق بأعمال مانها مؤهله و مدربه عليها فهيك بتكون تخينه.
يعني المالوف عن المراه الشرقيه نعومتها و حياها و خجلها و ما بظنها بدها تغير هالشي..
أخدناها كمربيه أجيال و لقاضيه و كـ و كـ..... هون صار في قبول من الطرف الآخر " ما هيك "


كمان شو هيي الأمور اللي ما بتقدر النسوان عليها؟؟ يعني بعرف وحدة بتسوق رافعة (سايدبووم) , المرأة صارت رائدة فضاء و طيارة و مقاتلة عاملة انشاءات و انتحارية كمان يا سيدي.............. يعني ما في حدا احسن من حدا

يا ريتك استشهدت بإمراه اشتغلت كمشرفه موقع بصحرا و حفريات باعتبارها مهندسه منشان نسألها اذا بتفضل الاعمال الاداريه.

أما الطياره فيا عمي هي تكنلوجيا مو للعرب أما هي يللي بتحكي عنها تبعيت الرافعه فهي رجال بكل الاحوال انا قلت بمشاركه اذا بدها تشتغل "تتفضل و خلينا نشوف" اما رياده الفضاء فهي علوم و ماتخلط الحابل بالنابل
بعلمي عم نحكي عن الاعمال الشاقه الغير مناسبه للنساء خصوصا النساء العرب لأنهن بإختصار أرهف حس من نساء الغرب..ما انعركو بالحياه و قسوتها...يا شيخ في هون نسوان بيخانقو متل الرجال...
كمان بدك المراه هيك.؟ بصراحه انا ما بدي



أي جد أنا معك ................ حاول تفسر كلامي بطريقة ايجابية ................ وعدني تحاول فلكل مجتهد

و ينا الايجابيه و السلبيه بالموضوع...عم نتحاور عن الراي و الرأي الآخير باسقاطهن على كافه مجالات المجتمه و دراسه أبهادهن من مجتمع لآخر.
انا كتير ايجابي بحديثي معك
و الا بفكرك غير شي

[التقرير الجوال]

كاتب النص الأصلي : ظل جيفارا

يا صديقي رجاء بدون هيك شكل من التعليقات ما بحبا انا ما عملت شي انا قدمت امثلة لحضرتك إنو النساء وصلو لكل اللي وصلو الرجل في العالم يعني لشو بدنا نضل نميزهن عن بعض .؟
بس اذا حضرتك بتستمد افكارك من جهات ما ورائية بيكون الموضوع مختلف تماما . ساعتها بتكون مجبور تتعامل مع النساء إنهن بنص عقل الحق مو عليك الحق برأيي على الأفكار الما ورائية اللي عندك
تحياتي الحارة
ظل جيفارا

ليك انا نشات ببيئه علمانيه....مفهوم... ما في عندي لا ورائيه و لا اماميه أنا باختصار انسان بيدور عالمناسب مؤمن بالرأي الآخر و كمان مؤمن بالمراه العامله..بس ما تقلي متل رفيقك تشتغل بالخفريات و الرافعات.
المراه مميزه لانها مخلوق مرهف
لك فهموووووووووووووووووووووو ووو
حساسيتها غير حساسيه الرجل
اما اذا بدك تمتهن المراه متل ما عمل الغرب فعملها و انت حر
اما عن وجهه نظري و وجهه نظر كتير من العرب و ما تقلي "ماورائيه_بزعل منك" فالمرأه علم نلجأ له هي أكبر و أرفع مستوى من الضحك عليها بشويه عبارات "قال انت متل الرجال" و فيكي تساوي متلو بشو ما بدك.
روح اسألك كم بنت و مدام و شوف شو النتيجه.

اهلا و سهلا معلم
بحييك.

[مـــــداد]

تحية طيبة للمتحاورين..
عذراً على تدخّلي في سير النقاش الحادّ فيما بينكم.. إذ يبدو أن الموضوع كان يناقش الرأي والرأي الآخر ثم انتقل إلى تحليل عضوي - كيميائي - فيزيائي - بنيوي لطبيعة المرأة.. وهو لا شك بعيد نوعاً ما عن عنوان الموضوع..
عوداً على بدء..
موضوع الآخر لا يتعلّق فقط بـ(الدِّين) فالآخر المختلف قد تجده في مجال العمل.. اللغة.. الثقافة.. الجنسية.. واشياء كثيرة.. النقطة التي أود أن أشير إليها في الآخر.. هي الآخر المختلف معنا في الرأي تجاه أمر محدّد..
قد يدّعي الكثير منا تقبله للرأي الآخر ويسير على مبدأ (لي رأيي وأدفع حياتي ثمناً لأسمع رأيك) لكن عندما ترتفع وتيرة النقاش يسقط الجميع في معمعة الخصومة.. باعتبار الطرف الآخر خصماً وجب تحطيمه بدلاً من السير معه للوصول إلى نتيجة منطقية تفرضها سياقات النص أو الموضوع قيد النقاش.. تفضي إلى تقاطع في بعض الآراء والتوافق على بعض الأمور بدلاً من التناحر المستمر..
للأسف المتشدقين بالرأي الآخر كُثر في جميع المجالات. وما يميز النقاش حول الدين هو وجود نوع من القدسية والمسلّمات التي لا يجوز النقاش فيها مع الآخر، كونها مقدّسات لا يتم المساس بها..رغم أن نقد الفكر الديني وارد عند الحداثويين لكنّ الدينيين والأصوليين عادة ما يرفضون الآخر بمجرد تماهي النقاش نحو هذه المقدسات..
بعيداً عن النقاش الديني.. لنحصر الخلاف حول الآخر المختلف في الرأي.. لنعتبره في البداية ليس عدوّاً.. وهدف النقاش هو الوصول إلى نقطة تلاق بديلاً عن الخلافات ومحاولة التحطيم.. فأنا لي رأيي تجاه الموضوع والشخص الذي يناقشني له رأيه الخاص، وكلانا نحترم رأي الآخر رغم أنني قد لا أتفق عليه.. من هذه النقطة قد نستطيع ان نبني أسس النقاش الجاد والبنّاء أما فكرة (أنا صح) والباقي (غلط) مع بداية النقاشات مع الآخر.. هي فكرة مغلوطة، قد يمارسها الكثير ممن يدّعون أنهم يحملون فكرة (الرأي والرأي الآخر)..
بالمناسبة.. فكرة الرأي والآخر.. فكرة أضحت هلامية وزئبقية جداً مؤخراً فالكل أصبح يؤطر المعنى ضمن الإطار الذي يناسبه.. حتى في المنتديات التي تدّعي أقصى درجات الحرية الفردية..

ودّي وتقديري
نايثن..

[التقرير الجوال]

اولاً حيّاك.

الحاصل هلأ بان الناس عم تتناظر بآراء متباينه و لكن بأساليب دبلماسية لا تثير العداء و تكشف الاستار.
بس هي لعبه بدها لعيبه.
أنا معك بان الفكره صارت هشه بين الاطراف الذين يبخثون عن التعريف بأفكارهم و ليسى الحديث لإفناع الطرف الآخر او تهميشه و تقويض أفكاره.
يعني انا هون بدي اخكي عن فكري...باخد منك و ممكن ناقشك بس ما بدي خوض معارك لاقناعك أو اسقاط أفكارك
ممكن حاول اضعاف افكارك بل اكيد و لكن الموضوع لايتعدى نشري لافكاري.

[ظل جيفارا]

كاتب النص الأصلي : التقرير الجوال

ليك انا نشات ببيئه علمانيه....مفهوم... ما في عندي لا ورائيه و لا اماميه أنا باختصار انسان بيدور عالمناسب مؤمن بالرأي الآخر و كمان مؤمن بالمراه العامله..بس ما تقلي متل رفيقك تشتغل بالخفريات و الرافعات.
المراه مميزه لانها مخلوق مرهف
لك فهموووووووووووووووووووووو ووو
حساسيتها غير حساسيه الرجل
اما اذا بدك تمتهن المراه متل ما عمل الغرب فعملها و انت حر
اما عن وجهه نظري و وجهه نظر كتير من العرب و ما تقلي "ماورائيه_بزعل منك" فالمرأه علم نلجأ له هي أكبر و أرفع مستوى من الضحك عليها بشويه عبارات "قال انت متل الرجال" و فيكي تساوي متلو بشو ما بدك.
روح اسألك كم بنت و مدام و شوف شو النتيجه.

اهلا و سهلا معلم
بحييك.

اهلا صديقي : صديقي كل اللي حكيت عنه حضرتك هو عبارة عن نتاج لضغوط اجتماعية تعرضتلها المراة في مجتمعنا ورغم ذلك شفنا كم إمرأة قدرت تحطم القيد وتكتب وتمارس عملها بحرية يمكن عنا بسوريا ابرزهن غادة السمان ....
يعني انا برفض بكلامك الشمولية والنظرة المسبقة عن المراة
يعني كإنو المرأة دائما قالب واحد
وتحياتي الحارة
ظل جيفارا

[ليلى]

كاتب النص الأصلي : dimozi

كنت تقريبا في التاسعة, عندما اكتشفت أن أفضل الكتب هي التي يبقيها أهلي مخبأة عننا, بحجة أنها لا تناسب عمرنا, أذكر كتابا كنت أتسلل لأسرقه من غرفة الأهل و أضعه كعادتي في إحدى قصص الأطفال لأقرأه بسلام في غرفتي,


كلنا اتفقنا على ان التربية الصحيحة للنشء الصحيح تبدأ من الاسرة , و لو ما كان محتوى الكتاب بيفوق ادراك طفل في التاسعة ما كانوا الاهل منعوه عن اطفالون ...


كان الكتاب للدكتورة نوال السعداوي لا أذكر اسم الكتاب الآن لكنني أذكر أنه يتحدث عن طفولتها و بدايات وعيها للظلم الاجتماعي الذي تتعرض له الأنثى في شرقنا العتيد, كمّ التناقضات الذي يحويه هذا المجتمع الفاسد الغارق في عفنه , أذكر بوضوح أنها تحدثت عن بعض مظاهر الكذب و الرياء في هذا المجتمع,
فبينما كانت ترى الشيخ إمام مسجد القرية يهتف بأقصى ما واتته حنجرته في المظاهرات التي تنادي بعروبة فلسطين شابكاً أصابعه بقوة بأصابع كاهن كنيسة القرية الذي ينتحب أيضاً صراخاً لا يقل حماساً عن الإمام صديقه , ثم ينتقل المشهد مباشرة إلى درس الدين في المسجد الذي يعطيه نفس الإمام صديق الكاهن العتيد , يقول في درسه موجها تلاميذه أصحاب العقول التي سوف تقفز قريبا إلى الحياة الواسعة " لا تصادقوا المسيحي و لا تأكلوا من زاده و لا تدخلوا داره لأنه من الكفار الذين سوف يرميهم الله في النار يوم الآخرة " و يقفز خيال الكاتبة إلى لذة الكعك الذي تعده أم جورج جارتهم و تقدمه لهم يوم الأحد.


مع احترامي للدكتورة نوال السعداوي , ما بتعتقدوا انو من الظلم و التهجم على الدين الاسلامي ذكر مساوئ بعض الشيوخ و تناسي مساوئ الكهنة المماثلة ..؟؟
كما ان مصادقة المسيحي و الأكل من زاده و دخول داره ليس من المحرمات في الدين الاسلامي , بل على العكس الدين الاسلامي بيحترم كل الديانات السماوية و بيحث على التآخي بين معتنقيه و معتنقي باقي الديانات ...


صدمت يومها بحقيقة مجتمعنا, لكنني حتى هذا العمر لم استطع أن أغير هذه الفكرة في رأسي, لا لأني أرفض تغيرها, بل لأن الواقع يمنعني من منح نفسي هذه الرفاهية الخيالية
ها هنا و في أي نقاش يعكس واقع المجتمع, في أي موضوع عن الحرية أو العلمانية أو حتى الوضع الاقتصادي نجد الذين يتشدقون بداية بأفكار ثورية في طرحها عادلة في مضامينها باعثة على الفرح و الحبور في هدوءها و اعتدالها حتى نظن واهمين أن الخير مازال في أهلنا, لكن المحك الأول سيعيدنا إلى المربع الأول و سيطل سيف الله المسلول من سباته ليعمل سيفه في الأفكار التي كان منذ قليل يدافع عنها , سيعمله في اعتداله الظاهر ليدعو إلى دين الحق و إلى العودة إلى صراط العلي المستقيم, الأدق من الشعرة و الأحد من السيف


الإنسان السوي المنفتح و المُتقبل للآخر ( بغض النظر عن دينه ) لا يمكن انو يقنع او يغير تفكير إنسان آخر ( بغض النظر عن هالفكرة ) لإنو كل إنسان إلو معتقداتو و قناعاتو و أفكارو اللي هو أولاً و اخيراً حر فيها و مسؤول عنها ...



كل هذا الذين تدعون إليه ترهات من زبل الغرب و نقائضه المستوردة, إن أردتم الحق فعليكم بالسيف و القوة و الغصب الجائر, هذا ما سوف يهرع إليه إن رأى أن استمرار النقاش سيؤدي إلى اعتراف بحق الآخرين في الوجود و الحرية و العيش الكريم.


البشرية من بدايتها تحتوي الكثير من التناقضات و السبب هو الاختلاف الفكري و البيئي و الديني و الثقافي ..إلخ


فإلى متى نظل هكذا , قولوا إلى متى


طول ما العقلية المتحجرة و الذهن المتصلب موجود ( في أي قضية او ديانة او حتى رأي ) رح يضل هالتناقض و التشاحن موجود بين البشر ..


مية خسة دبلانة

شكراً لطرحك الموضوع .. و مية وردة مو خسة

[ليلى]

كاتب النص الأصلي : التقرير الجوال

ليك انا نشات ببيئه علمانيه....مفهوم... ما في عندي لا ورائيه و لا اماميه أنا باختصار انسان بيدور عالمناسب مؤمن بالرأي الآخر و كمان مؤمن بالمراه العامله..بس ما تقلي متل رفيقك تشتغل بالخفريات و الرافعات.
المراه مميزه لانها مخلوق مرهف
لك فهموووووووووووووووووووووو ووو
حساسيتها غير حساسيه الرجل
اما اذا بدك تمتهن المراه متل ما عمل الغرب فعملها و انت حر
اما عن وجهه نظري و وجهه نظر كتير من العرب و ما تقلي "ماورائيه_بزعل منك" فالمرأه علم نلجأ له هي أكبر و أرفع مستوى من الضحك عليها بشويه عبارات "قال انت متل الرجال" و فيكي تساوي متلو بشو ما بدك.
روح اسألك كم بنت و مدام و شوف شو النتيجه.

اهلا و سهلا معلم
بحييك.

بحييك ...

انا معك بكلامك مليون % .. المرأة تختلف اختلاف جذري عن الرجل و لا يمكن التسوية المطلقة بيناتون ...
انا مع دخول المرأة في الكثير من المجالات اللي عمنشوفها هلأ بس ضد انها تاخود محل الرجل بكل شي ... و إلا ليش الله خلق ذكر و انثى بطبيعتين مختلفتين .. ؟؟؟

المرأة تملك قدرات هائلة و هي بالتأكيد قادرة انها تشتغل اي شغل و انا بشجع المرأة العاملة اللي بتعتمد على نفسها مادياً .. بس ضد انها تفقد انوثتها بهالعمل لإنو هي الفرق بين المرأة و الانثى ...
و هاد شي بيحسدونا عليه نساء الغرب لانو الوحدة منون مجبورة انها تعتمد على نفسها بينما في العرب و الاسلام خصوصاً فالمرأة نفقتها و تأمين حياتها الكريمة من واجبات الرجل ...