اللجنة السورية لحقوق الإنسان-سبعة شهور على اعتقال كريم عربجي

[abosleman]

كاتب النص الأصلي : phoenixbird

مش كلكون سوريين؟

يا سيدي هدا هو السؤال تماما .....

نحن سوريين او لاء..؟

[Willi]

يعني بموضوع الشباب بإستثناء كريم ما بقول لازم يطلعوا هيك ولا لازم ينحبسوا متل الوضع الحالي اللي هنن فيه
يمكن يكون للشباب علاقات وانا ما بعرفهن كلهن لأحكم بس لو في محكمة عادلة بتضمن حقوقهن اكتر من لجان السخافة والإرتباطات الغريبة .بس هيدا اللي ما عنا إياه بنظام الحكم

بدك تسمحلي, وتعزرني.
معناه ما الو طعمة اقتباسك اللي اقتبستو.
لانك متل اللي عم يبرر للنظام اللي عملو. واستخدمت الحكي اللي كتبو كريم, بغير ما كان مقصود فيه.


اكتر شغلة بتلفتني بالموضوع.
انو طارق اللي رفض يتصل بالغادري. انحبس 7 سنين
واللي "اتصلو" انحبسو 5 سنين.
وكريم اللي ما اتصل بحدا, لهلق ما اتحاكم ولا حدا بيعرف اراضيه!!

مو شي غريب؟؟
شو يعني الشباب كان بدهون ياهون يتصلو بالغادري؟؟

[brave heart2]

كاتب النص الأصلي : Willi

بدك تسمحلي, وتعزرني.
معناه ما الو طعمة اقتباسك اللي اقتبستو.
لانك متل اللي عم يبرر للنظام اللي عملو. واستخدمت الحكي اللي كتبو كريم, بغير ما كان مقصود فيه.


اكتر شغلة بتلفتني بالموضوع.
انو طارق اللي رفض يتصل بالغادري. انحبس 7 سنين
واللي "اتصلو" انحبسو 5 سنين.
وكريم اللي ما اتصل بحدا, لهلق ما اتحاكم ولا حدا بيعرف اراضيه!!

مو شي غريب؟؟
شو يعني الشباب كان بدهون ياهون يتصلو بالغادري؟؟

يا شباب في حملة اعتقالات واستدعائات جديدة رح تصير يعني عباية ويلي مغمق يغمق

[phoenixbird]

كاتب النص الأصلي : brave heart2

يا شباب في حملة اعتقالات واستدعائات جديدة رح تصير يعني عباية ويلي مغمق يغمق

بق البحصة واحكي شو القصة
ومن وين الك هالحكي؟

[ظل جيفارا]

كاتب النص الأصلي : Willi

بدك تسمحلي, وتعزرني.
معناه ما الو طعمة اقتباسك اللي اقتبستو.
لانك متل اللي عم يبرر للنظام اللي عملو. واستخدمت الحكي اللي كتبو كريم, بغير ما كان مقصود فيه.


اكتر شغلة بتلفتني بالموضوع.
انو طارق اللي رفض يتصل بالغادري. انحبس 7 سنين
واللي "اتصلو" انحبسو 5 سنين.
وكريم اللي ما اتصل بحدا, لهلق ما اتحاكم ولا حدا بيعرف اراضيه!!

مو شي غريب؟؟
شو يعني الشباب كان بدهون ياهون يتصلو بالغادري؟؟

صديقي انا اللي اقتبسته عم ذكر فيه انو كريم حكى انو كان في قصة عند الشباب ومشروع اتصال مع الغادري .لهيك عم قول شوية رواق مشان نعرف شو القصة
وبدي ذكر انو الشباب كلهن كما قال كريم كانوا شاكين من نوايا ماهر . وكانوا بدهن يطلعوا على بروكسل.
يعني من الطبيعي انو يصير في تحقيق بالموضوع مشان ينعرف الصح من الغلط
بس اللي بنتقده انو المحكمة ما كانت عادلة ابدا ولازم تكون عادلة وحتى تكون عادلة لازم تكون مستقلة .
اما بخصوص كريم طبعا .... يا بيفرج عنه يا بيتعرض لمحاكمة عادلة اذا كان في شي عليه وهيدا اللي عم يصير اعتقال اشخاص بدون محاكمة هيدي مسخرة لازم تلتغى .
بس كمان اللي عم يصير بالجهة المقابلة نازلين الناس سب وشتم يمكن حتى بدون ما يعرفوا القصة
يا اخي انا ضد السب والشتم لإنو ابدا ما بيجيب نتيجة
تحياتي الحارة
ظل جيفارا

[فاوست]

وكانوا بدهن يطلعوا على بروكسل.
يعني من الطبيعي انو يصير في تحقيق بالموضوع مشان ينعرف الصح من الغلط

أيه كانو بدن يطلعوا على بروكسل قاموا غيروا وجهة نظرن وطلعوا على أفغانستان جابوا شوية أحزمة ناسفة وصواريخ وفجروها بالعالم لهيك بدن محاكمة
شو هالمنطق هاد
الشباب من الغلط أن ينعرضوا على محاكمة اكانت عادلة ام غير عادلة لك على شو بدن يتحاكموا مازال كل شي عملوا كان بإطار القول فقط شو هالتخريف هاد

[Barleb]

كاتب النص الأصلي : brave heart2

يا شباب في حملة اعتقالات واستدعائات جديدة رح تصير يعني عباية ويلي مغمق يغمق

شو مبين في شاغر بـ السجون ؟

ولا بدون يخففو زحمة بالبلد ؟

ما يكون في زنزانات جديدة ؟

بس شو بدكون بالحكي .. دخلة الفرع .. و بس القي نظرة و حدي من باب القبو لتحت .. و طاولة االتحقيق .. رعب حقيقي .. و العدرا شوي تانية كانت رح يصير البنطرون مي سخنة .. مع انو رحت بس زيارة صغيرة ..

ولك .. و العدرا الداخل مفقود و الخارج مولود

[ظل جيفارا]

كاتب النص الأصلي : فاوست

أيه كانو بدن يطلعوا على بروكسل قاموا غيروا وجهة نظرن وطلعوا على أفغانستان جابوا شوية أحزمة ناسفة وصواريخ وفجروها بالعالم لهيك بدن محاكمة
شو هالمنطق هاد
الشباب من الغلط أن ينعرضوا على محاكمة اكانت عادلة ام غير عادلة لك على شو بدن يتحاكموا مازال كل شي عملوا كان بإطار القول فقط شو هالتخريف هاد

رجاء بلا غوغائية لإني قرفان لهنا هون بكل لحظة مهددين نعتقل ... وانضربنا على قلبنا وزرنا الشباب مية مرة وما فكرنا نهرب لبرات البلد لهيك رجاء بلا مزوادة وكلام لا يليق بمنبر اخوية الراقي قبل ان يكون حرا ...
يعني انا والله خايف بعد شوي تطرقني وحدة من هيدول تبعوت " عميل للنظام " ولا " ضلع بالمخابرات "
يا صاحبي .... شفت فريد الغادري شو عمل إذا كان هالحكي بيمثل المعارضة فيا سيدي انا بعطيك مقعدي ببلاش .وبعطيك فوقه مصاري ..منيح هيك
الشباب كانوا بدهن ينسقوا مع الغادري يا اخي ما يمكن يكونوا بدهن ينسقوا معه مشان ضرب البلد ... ؟
من يومين بأميركا عم يطالب ديك تشيني بإعطاء ترخيص للمخابرات انها تتصنت على الأجهزة النقالة وعلى الإيميلات مشان معرفة إي ارتباط بالقاعدة او بالجماعات الإرهابية .... فيني قلك ما حقهن الجماعة لأ اكيد حقهن عندهن دولة تعرضت وممكن تتعرض بأي لحظة لهجمة ارهابية لهيك الجماعة بدهن يعملوا اللي عليهن
وهيك عنا يا اخي بركي طلعوا الشباب عملاء للموساد ؟ فيك تقرر ؟
لهيك المحكمة هي الحل الأفضل وليش هالتعنت ضد المحكمة يا اخي ...؟
اذا كانت محكمة وطنية عادلة اكيد رح تعطي الشباب حقوقهن اكتر من المحل اللي هنن فيه هلأ واكتر من " بعبعات " الناس اللي بيسموا حالهن " معارضة"
معلش خيو ما بدنا تبيعونا وطنيات من برات البلاد وتخريف وما تخريف ومدري شو هيدا الحكي ما بيليق بالمحل اللي لحنا فيه .
تحياتي الحارة
ظل جيفارا

[fady juventus]

كاتب النص الأصلي : ظل جيفارا

رجاء بلا غوغائية لإني قرفان لهنا هون بكل لحظة مهددين نعتقل ... وانضربنا على قلبنا وزرنا الشباب مية مرة وما فكرنا نهرب لبرات البلد لهيك رجاء بلا مزوادة وكلام لا يليق بمنبر اخوية الراقي قبل ان يكون حرا ...
يعني انا والله خايف بعد شوي تطرقني وحدة من هيدول تبعوت " عميل للنظام " ولا " ضلع بالمخابرات "
يا صاحبي .... شفت فريد الغادري شو عمل إذا كان هالحكي بيمثل المعارضة فيا سيدي انا بعطيك مقعدي ببلاش .وبعطيك فوقه مصاري ..منيح هيك
الشباب كانوا بدهن ينسقوا مع الغادري يا اخي ما يمكن يكونوا بدهن ينسقوا معه مشان ضرب البلد ... ؟
من يومين بأميركا عم يطالب ديك تشيني بإعطاء ترخيص للمخابرات انها تتصنت على الأجهزة النقالة وعلى الإيميلات مشان معرفة إي ارتباط بالقاعدة او بالجماعات الإرهابية .... فيني قلك ما حقهن الجماعة لأ اكيد حقهن عندهن دولة تعرضت وممكن تتعرض بأي لحظة لهجمة ارهابية لهيك الجماعة بدهن يعملوا اللي عليهن
وهيك عنا يا اخي بركي طلعوا الشباب عملاء للموساد ؟ فيك تقرر ؟
لهيك المحكمة هي الحل الأفضل وليش هالتعنت ضد المحكمة يا اخي ...؟
اذا كانت محكمة وطنية عادلة اكيد رح تعطي الشباب حقوقهن اكتر من المحل اللي هنن فيه هلأ واكتر من " بعبعات " الناس اللي بيسموا حالهن " معارضة"
معلش خيو ما بدنا تبيعونا وطنيات من برات البلاد وتخريف وما تخريف ومدري شو هيدا الحكي ما بيليق بالمحل اللي لحنا فيه .
تحياتي الحارة
ظل جيفارا

كلامك سليم بس خليني إنصحك نصيحة
في ناس ما بيفهموا بالنقاش
لا تلعي قلبك معن و تحاول تحكي حكي منطق و ما بعرف شو
هلأ بيطلع شي واحد بيقول إنك عم تتهم الشباب بالعمالة للموساد!!!
رجاع سحاب حكيك أو وضحو (لحد التشريب بالملعقة)
لأنو مو الكل مخهن شغال و بيقدروا يفهموا إنو لدرجة متدنية جداً جداً جداً أمن البلد إلو حق علينا ...

الشباب المعتقلين ورود و أحلى من الورود و في متلن آلاف مؤلفة ...
و الشباب قضاياهن عادلة و إلن حق إنن يعبروا عن رأين... بس لهون بيخلص الحكي اللي منعرفو و أكيد فهمتو قصدي .

عنجد ... كلمة للمعارضين (بس للناس اللي بتفهم)
ما تتاجروا بقضية الشباب متل ما تاجرو جماعة أربطعش حمار بلبنان
هدوليك حثالة ... و إنتو مثقفين
هدوليك كتير صغار ... و إنتو كبار و البلد بيكبر فيكن
هدوليك بدن دمار سوريا ... و إنتو بدكن نهضة سوريا
هدوليك أعداءنا .... و إنتو أهلنا
يعني في ناس عم تتبع نفس الأسلوب التجاري المقرف علماً إنن ما عاصروا الشباب بالأساس ؟؟؟؟!!!!! وما منعرف نكذب ولا نصدق حدا لو قال إنو أخ أو قريب أو صديق أو ...
خلينا نكون شوي منفتحين عالرأي الآخر وما ناخد الأمور متل "هوشة العرب"
شوية هدوء و ضبط للنفس كتير مهمين بهالإيام
و انشالله الفرج قريب لكل المظلومين

[ظل جيفارا]

كاتب النص الأصلي : fady juventus

كلامك سليم بس خليني إنصحك نصيحة
في ناس ما بيفهموا بالنقاش
لا تلعي قلبك معن و تحاول تحكي حكي منطق و ما بعرف شو
هلأ بيطلع شي واحد بيقول إنك عم تتهم الشباب بالعمالة للموساد!!!
رجاع سحاب حكيك أو وضحو (لحد التشريب بالملعقة)
لأنو مو الكل مخهن شغال و بيقدروا يفهموا إنو لدرجة متدنية جداً جداً جداً أمن البلد إلو حق علينا ...

الشباب المعتقلين ورود و أحلى من الورود و في متلن آلاف مؤلفة ...
و الشباب قضاياهن عادلة و إلن حق إنن يعبروا عن رأين... بس لهون بيخلص الحكي اللي منعرفو و أكيد فهمتو قصدي .

عنجد ... كلمة للمعارضين (بس للناس اللي بتفهم)
ما تتاجروا بقضية الشباب متل ما تاجرو جماعة أربطعش حمار بلبنان
هدوليك حثالة ... و إنتو مثقفين
هدوليك كتير صغار ... و إنتو كبار و البلد بيكبر فيكن
هدوليك بدن دمار سوريا ... و إنتو بدكن نهضة سوريا
هدوليك أعداءنا .... و إنتو أهلنا
يعني في ناس عم تتبع نفس الأسلوب التجاري المقرف علماً إنن ما عاصروا الشباب بالأساس ؟؟؟؟!!!!! وما منعرف نكذب ولا نصدق حدا لو قال إنو أخ أو قريب أو صديق أو ...
خلينا نكون شوي منفتحين عالرأي الآخر وما ناخد الأمور متل "هوشة العرب"
شوية هدوء و ضبط للنفس كتير مهمين بهالإيام
و انشالله الفرج قريب لكل المظلومين

ع راسي والله منيح اللي لقيت حدا يفهم اللي عم احكيه
يا اخي بدي وضح متل ما قال اخي فادي فوق انو يا اخي الشباب لحنا عشنا فترة مرتبة معهن وعاشرناهن طيبين كتير وما في متلهن بس يا اخي الدولة لا عاشرتهن ولا بتعرف مين هنن كلشي وصلها انو في بينهن وبين الغادري اتصالات لهيك الدولة لازم تتأكد
هلأ هون بقى بتبدأ مشكلتي انا انو طريقة الدولة مشان تتاكد لازم تكون محكمة واضحة وعلنية واهم شي وطنية وعادلة وساعتها اكيد الشباب رح ياخدوا حقوقهن اكتر بكتير من اللي قاعد يتاجر بإسمهن وانا واثق انو ما كان بيعرفهن .
تحياتي الحارة
ظل جيفارا

[yass]

ملاحظة أولى : ما بحب حدا يستغبيني و لا يستغبي الناس قدامي

ملاحظة ثانية: محكمة أمن الدولة محكمة غير دستورية لأنها غير تابعة لوزارة العدل.. و أول شرط لمحاكمة عادلة هي انو تكون المحكمة على الاقل دستورية... عدا تجاوزات أخرى

ملاحظة ثالثة: فاقد الشيء لا يعطيه و العاهرة لا توزّع شهادات شرف

ملاحظة رابعة: عم نحكي عن قضية انسانية على ما اعتقد... و ما كان من الضروري كتير نقاط تنظيرية وردت بالسجال

ملاحظة خامسة: لي عودة تفصيلية

[فاوست]

رجاء بلا غوغائية لإني قرفان لهنا هون بكل لحظة مهددين نعتقل ... وانضربنا على قلبنا وزرنا الشباب مية مرة وما فكرنا نهرب لبرات البلد لهيك رجاء بلا مزوادة وكلام لا يليق بمنبر اخوية الراقي قبل ان يكون حرا ...

عفكرة مبين أنك بكداشي "شيوعي" من ألفاظك،بالنسبة لموضوع أنك مهدد ورح تعتقل وانك زرت الشباب مية مرة بس ما فكرت تهرب من البلد يا قبضاي ويا أيها الرجل الحامل الأفكار الثورية بفهم انك عم تعيرني لأني تركت البلد
أنا بقلك ياها وما بستحي منها انا تركت البلد لانو صرت أمام خيارين يا أما بدي أعتقل يا اما بدي كون متعاون مع قوات الإحتلال الأسدي،بالطبع أنا فضلت السفر لأني مابيع كرامتي لحدا ولابتخلى عن مبادئي أبداً وبشوف حالي أني يوم كون برا السجن أفضل من جواتو بس يا أخي أنت قبضاي وفايت شي مية مرة على حسب قولك على السجن فتعودت على السجون بس نحن مو خرج سجون طنطات أنت كبير

يعني انا والله خايف بعد شوي تطرقني وحدة من هيدول تبعوت " عميل للنظام " ولا " ضلع بالمخابرات "

لا لسا بدك بعد شوي لتصير عميل أو مخابرات

يا صاحبي .... شفت فريد الغادري شو عمل إذا كان هالحكي بيمثل المعارضة فيا سيدي انا بعطيك مقعدي ببلاش .وبعطيك فوقه مصاري ..منيح هيك

مقعدك بالمعارضة الهيئة مو خشب زان، لهيك بتعطيني ياه ببلاش مو!!!؟
على كل أنا ما بحب كرر حالي،انا خبرتك أنو فريد الغادري يوم صار تواصل بينو وبين ماهر على النت(طبعاً وفقاً لكريم)فريد ما كان ظاهر لإلنا بهالدرجة من السوء يعني لاكان طالب تغير النظام بقوة عسكرية ولاكان زاير إسرائيل
وخبرتك انو في عالم صرحوا انن بحزب الغادري وهنن بسوريا وماصار عليهن شي أبداً
هي إذا أفترضنا جدلاً أنو في تواصل بين الشباب والغادري مع اني ما بعتقد هيك بكوني على معرفة بحسام
بعدين يا صديقي هي بشار كان صديق جنبلاط الشخصي شو رأيك نحاسب بشار بسبب ما يفعله جنبلاط حالياً بكونه ليس على معرفة بجنبلاط وحسب لا بل كان صديق له.
فإذن برجع بقول في حال كانوا الشباب على تواصل مع الغادري عنجد فما فينا نحاسبهن على مواقف الغادري الحالية،بعدين أنت ليش عم تلف وتدور ما لشباب "تحاكموا" ومشي الحال وهلق بصيدنايا.فحكيك هادا سمحلي قلك حكي فاضي جداً

وهيك عنا يا اخي بركي طلعوا الشباب عملاء للموساد ؟ فيك تقرر ؟

صدقني لو كانوا الشباب عملاء للموساد لما كان حدا أعتقلن لأنو وبكل بساطة عميل الموساد هو عميل لأجهزة أمن الإحتلال الأسدي لحالك فهمها يعني

لهيك المحكمة هي الحل الأفضل وليش هالتعنت ضد المحكمة يا اخي ...؟
اذا كانت محكمة وطنية عادلة اكيد رح تعطي الشباب حقوقهن اكتر من المحل اللي هنن فيه هلأ واكتر من " بعبعات " الناس اللي بيسموا حالهن " معارضة"
معلش خيو ما بدنا تبيعونا وطنيات من برات البلاد وتخريف وما تخريف ومدري شو هيدا الحكي ما بيليق بالمحل اللي لحنا فيه .
تحياتي الحارة

يعني رح أفرض أنو الشباب لازم يتحاكموا بتصدق أنت أنو الإحتلال الأسدي بيسمح بمحاكمة عادلة أو مستقلة لك بتعرف أنو الشباب ضلوا 6 أشهر بالفروعة ا وعلى تعذيب وأنو ضلوا سنة لشافو أهلن وكانوا ممنوعين من التواصل مع محامينن
بالنسبة لبرات البلد رح خبرك شغلة انا سافرت كتير كتير من قبل بس بحياتي ما فكرت أني أبقى بأي بلد من البلدان يلي سافرت عليها بس لما طفح الكيل متل ما خبرتك فضلت البقاء في الخارج لأنو فيني قدم شي وأنا برا بالخارج أحسن ما كون جوا وبالسجن
بس أنت أنا أكيد انك تتمنى ان تأخذ فيزا ولو حتى على سيرلنكا فحاج تزاود أنت يا صاحبي


أخيراً يا ريت لا تخرجنا على الموضع بحكيك النظري البكداشي،نحن بموضوع وجود كريم في المعتقل من سبعة أشهر ومن دون السماح له باي أتصال مع العالم الخارجي لا مع الأهل ولا مع المحاميين

[butterfly]

بكل موضوع بيحكي عن كريم .. بينحى البعض بالردود بهالطريقة ..
بديت شك و اعتقد انو الموضوع مقصود ...

شو بدنا هلق ؟
يا جماعة اللي بيعرف معلومات ومتأكد منها .. يحكي وبالدلائل
غير هيك .. فليسكت ويسكت كتير ...

التهم اللي عم تمرقوها .. من تحت الطاولة او فوق الطاولة .. مانا تهم صغيرة ... مانو حديث بصباحية نسوان ..
الصفة والتشكيك والطعن بوطنية الشباب دون دلائل .. وهني بموقف ما بيسمحلن يشرحو وجهة نظرن ..
هو محاولة لإعطاء عذر .. من حيث ما في عذر
محاولة لتبييض صورة .. اصحابا ما حابينا تتبيض ...

من سنتين كانو الشباب معنا هلق صرنا عم نشكك بوطنيتن ...

انشالله ما ضل بأخوية لليوم اللي ينسى البعض هون .. قدي كريم كان بيحب سوريا
وتبدا كمان تطالو ... عشوائية وفوضى التهم

[فاوست]

في عالم بأخوية أتضحلني مؤخرا وللأسف أنها متعاملة وكانوا وللأسف من أصدقاء كريم عم يروجوا أنو كريم معتقل بسبب أرتباطوا بالخارج وعمليات تمويل للمعارضة(طبعاً هم يروجون بانو المعارضة تتمول من الخارج هذا كذب ودعاية مخابراتية هم يعرفون كذبها)
طبعاً متل ما الكل بيعرف كريم معروف بحبو لسوريا بشكل كبير جداً،وحتى بالفترة الأخيرة أتناقشت انا وياه على الماسنجر وصار النقاش حاد بسبب إصرار كريم على أنو بهي الفترة لازم نحن نصف مع النظام بسبب وجود تطرف ووجود قوة خارجية طبعاً انا بختلف معو وماني بصدد مناقشة هادا حالياً

بس حبيت أذكر هادا الشي رداً على بعض الأعضاء يلي عم ينشروا هيك خبريات على الماسنجر عن كريم وبيرجعوا بيبعتولي صور على الماسنجر بيتضحلي أنها ملفات سبام يعني تجسسية فأتضحت لي الصورة عنهن حالياً أكثر وأكثر وما في داعي أذكر أسمو للشخص حالياً مع انو في كتير مخدوعين فيه بس رح يجي يوم الكل رح يحاسبو على الشي يلي أقترفوا

[ظل جيفارا]

كاتب النص الأصلي : فاوست

شفت انو غوغائية انا ابعد واحد عن بكداش وعن نهج الجبهة الوطنية اللي هو فيها ...

انا ما عم احكي رجولة او زلومية او عم اعرض عضلات بالنهاية عم قلو شغلة انو ما كان بدي حضرتك تطرقني وحدة من هيدول اللي حفظناهن تبعوت عميل للنظام لإنو مشان الله طالما لساتنا عم نتهم اي شخص بيوقف مع النظام بالعميل رح يضل يتهمنا بالخونة . معادلة مو صعبة بالمرة
" عجبتني هيدي قوات الإحتلال الأسدي توضح عن وسع افق...

شفت لسا ما حكينا شي ضربتني وحدة من هيدول تبعوت العمالة

سيدي لاحظ اني قلتلك انو اذا كان ف... ولساتني عند كلمتي بس لا تجتزا ... بتعرف شو قصدي .

اوووووووووووووووووووف قوي هالتصريح من جنابك ....

هلأ ما رح نبطل هالشغلة الدفاع عن طرف بكون بنقض الطرف الاخر ليش حدا قلك انو انا من جماعة بالروح بالدم ؟

شكرا كتير إلك

مشان الله يا صاحبي زهقت تخوين ..

يا عيني عليك هون وصلنا لمربط الفرس افرض معي انو لازم ينعرضوا على محاكمة وبدل ما نضل نطالب بغوغائيات خلينا نطالب بمحاكمة عادلة وبالمجمل بنزاهة القانون السوري

انا ما قصدت التجريح لما حكيت عن اللي سافر برات البلد بس قلت انو ما عايش وضعنا . هون وفهمك كفاية
بس أنت أنا أكيد انك تتمنى ان تأخذ فيزا ولو حتى على سيرلنكا فحاج تزاود أنت يا صاحبي
يا صاحبي انا اذا بدي ما باخد فيزا لإنو بكل بساطة انا معي جنسية غير سورية وفيني طلع وحدة تانية بأي لحظة يعني مو قصة عندي السفر . بس مشكلتي برات طرطوس ما فيني اطلع . بكل بساطة

وبموضوع وجود كريم بالمعتقل هيدا حكينا اذا عندهن شي عليه خليهن يعرضوه على محكمة عادلة بالضرورة .
وبرجع بقلك انا مو مع بكداش ولا انا مع اي فصيل تاني .
انا زلمة ع قد الحال مملكتي اوف وموال
وتحياتي الحارة
ظل جيفارا

[yass]

ملاحظة سادسة: بطلت ارجع


يا شباب قضية انسانيييييييييييييييييييي يييية!!!!!

الله يفك أسرك يا كريم و يفك أسر كل مظلوم بسجون القهر و يجازي الظالم


من ناحيتي الموضوع انتهى.... شكر كبير للناس اللي شاركت و شكر أكبر للناس اللي ما شاركت

[خيالات واوهام]

إلى الرفاق المخبرين في اخوية ممكن تفهمونا شو تهمتو ؟؟ وليش لهلق محبوس ؟؟ بعدين مو عاساس بتحولو المعتقلين خلال 48 للقاضي الزلمة رح يصرلو سنة.

[Barleb]

كاتب النص الأصلي : فاوست

بس أنت أنا أكيد انك تتمنى ان تأخذ فيزا ولو حتى على سيرلنكا فحاج تزاود أنت يا صاحبي

هلا نقاشكون صار شخصي ( عم حسّ ) و مالي حق أتدخل فيه ..

بس على هل جملة ..

استنتجت كام شغلة ..

الكل بيخون الكل بهل وطن .. ولما حضرتك بتضايق لما واجد بيقلك عميل ضد الدولة .. و طابور خامس .. و من هل حكي .. كمان في عالم بتضايق لما بتقلا أنت مخابرات و مانك وطني و مستعد تبيع الوطن كرمال فيزا ..

بـ الكيل الذي تكِيلون به .. تُكالون