شخصيات

[ASH]

بعيد عن الأنبياء و الصحابه ..

سمحلي اذكر قدوتي انا ، بس اكيد اكتر من خمسه ...


-علي بن ابي طالب " باب العلم ، الفتى الأول في الأسلام ، لم يسجد لصنم"

-حمزه بن عبد المطلب " اسد الأسلام ، سيد الشهداء ، اول من لطم احد من صنديد قريش ، صائد الوحوش"

-جيفار "جزوة الثوره في العصر الحديث "

- هتلر " استطاع احتلال اهم المدن في العالم في فتره بسيطه ، كريزما لم يستطع احد مقاومتها ، بدا حياته السياسيه في بار ، اوجد الحزب النازي ليكون اقوى حزب في العالم في وقته ، أسس افكار سياسيه عميقه "

-الاسكندر المقدوني " حتل العالم ، أسس مدن لم تزل قائمه لليوم ، صاحب واحد من عجائب الدنيه السبع مكتبة الاسكندريه ، لو لم يمت في عمر مبكر لاظنه غير الكثير من ملامح التاريخ"

طبعا في شخصيه لعبة بحياتي اكبر دور يلي هوه والدي ، لعدد الانجازات يلي عملها و يلي تأثرت فيها كتير ..

لو طلب اكتر من خمس شخصيات كنت ذكرت كمان عمر بن الخطاب ، خالد بن الوليد ، رتشرد قلب الاسد ، غسان كنفاني ، امل دنقل ، ناجي العلي .....

[باشق مجروح]

1- الامام علي بن أبي طالب (ع)
2- الحسين بن علي رمز الثورة والاستشهاد (ع)
3-السيد حسن نصر الله
4-البابا يوحنا التاني رمز المحبه والسلام (الله يرحمو)
5-نزار قباني شاعر القلب والعقل
وطبعا كنت كتير حابب حط السيده فيروز أو الأم تيريزا
ميرسي

[was616im]

ممكن مثلا يكتبلنا شي سطر سطرين عن هالشخصية و ليش اعجب بيها مثلا (حد أقصى خمس شخصيات)

كاتب النص الأصلي : was616im

مممم...اذا هيك على عيني ثم راسي
اذا بدك الصراحة بقلك خالي هو اكتر انسان اثر بحياتي
علي بن ابي طالب
الاسكندر المقدوني
حافظ الاسد
كاظم الساهر

عفوا معلم نسيت ما اكتب ليش انا بحب هالشخصيات
خالي....بعتبرو قدوتي و مثلي الاعل بالحياة بسبب الاشياء اللي عملها بحياتو و اللي عم يقدملي مساعدة كتير كبيرة الا وهي انو دراستي للطب بفضلو هو
علي بن ابي طالب...غني عن التعريف..
الاسكندر المقدوني...اكيد الكل بيعرفوه كمان...اسان في مقتبل العمر احتل المشرق و المغرب و اسس دولة عظيمة بزمانه في وقت قصير...محب للعلم و الفلسفة و عسكري و سياسي بارع
حافظ الاسد....انا بعتبرو من افضل السياسيين بالعصر الحديث بس للاسف مو كل افكارو حسن يطبقها
كاظم الساهر....بيكفي انو كل اغانيه من الحانو من اول يوم بلش يغني فيه لهلق و لبعدين

[Bekham.Lampard.Rooney]

جبران خليل جبران
مار كبرئيل
البابا يوحنا بولس الثاني
دايفد بيكهام
بروس لي
توماس الفا اديسون

[manalak]

من الشخصيات القوية يلي بجد بحترمها
الامام علي كرم الله وجهه
والقائد حافظ الاسد

[MadMax]

كاتب النص الأصلي : Bekham.Lampard.Rooney

جبران خليل جبران
مار كبرئيل
البابا يوحنا بولس الثاني
دايفد بيكهام
بروس لي
توماس الفا اديسون

يا ريت تكتبيلنا سطرين .... تحكيلنا فيهون ... كيف أثّر فيكي بروس لي






و شو القيم و الأفكار يللي استمديتيهون منو ..

[saman]

في كم خمسة تانيات ما نسيتهن بس لح حطهن هون كمان ....

الحمزة بن عبد المطلب (ع) (سيد الشهداء الأول)
الامام الحسين بن علي(ع) (سيد الشهداء الثاني)
غاندي (الله يرحمو)
نزار قباني (كمان الله يرحمو)
الاسكندر المقدوني (شخصية قوية حكم العالم حكم عادل مو متل الفيلم الأميركي السخيف يلي حطوه في انو واحد لوطي ومدري شو هي كلها خرافات )

[كهربجي]

صادق جلال العظم من أهم المفكرين المعاصرين بالعالم, بيكفي أنو بسنة 1972 كان واصل للطبعة الثالثة من كتاب اسمو :نقد الفكر الديني" اللي صار يدرّس هلق كمثال للفكر السابق لوقته, دافع عن أفكاره بطريقة ممتازة وكان يساري.

نزيه أبو عفش كان عندو الجرأة ليكتب مجموعة شعرية اسمها "الله قريب من قلبي" واللي بيعرف قصتها بيقدر هاد الزلمة مزبوط يعني

زياد الرحباني هو كموسيقي أكتر من مهم كدمج بين الجاز والشرقي بطريقة عزف أحياناً كلاسيكية، هاد شخص من أروع الناس اللي فكروا بالعالم, بالحب, بالحرب وبالرب.. وعرف شو يحكي وإيمتا، قد ما انعطى ما بيكفي رد للجميل تبعو علينا كلنا.

...

الباقي لسا بدهون صفنة..

[مسطول على طول]

مثلا يكتبلنا شي سطر سطرين عن هالشخصية و ليش اعجب بيها مثلا (حد أقصى خمس شخصيات)

تحية

فكره حلوه ياس ... بس لح احكي عن شخصين فقط باكتر من سطرين

نيلسون مانديلا

( حارب العنصريه والتميز ودافع عن حقوق شعبه وتعرض للضهاد والتعذيب والسجن لمده تقارب 25 سنه وعندما انتصر ووصل ليكون رئيس البلاد لم يفرض على خصومه واعدئه السابقين شيىء بل لم يرشح نفسه لولايه رئاسيه ثانيه وزهد بالحكم من اجل الديموقراطيه ،وفي محاكمته عام 1962، وهي التي كان يواجه فيها خطر الحكم عليه بالإعدام تحمّل مانديلا كافة مسؤوليات الاتهام ولم يتنصل من مواقفه أو يتخلى عن مبادئه كما لم يحاول البحث عن مخرج لتخفيف الحكم أو لعبة قانونية تتيح له البقاءحياً على العكس فما فعله زعماء آخرون في ظروف مشابهة أثناء محاكمته مثل عبدالله اوجلان .. واقام حكماً من قمة الديكتاتوريه الى الديموقراطيه )

عمر المختار

( يكفيه انه قاوم عشرين عام وعندما سقط بالاسر رفض كل العروض التي قدمت له معاش شهري الف لير ولكل مقاتل مئه على أن يوقع على اتفاقية سلام وبل قال كلمته المشهوره حياتي ستكون اطول من حياة شانقي وقال له لاتخرج للناس لتقول لهم انني استجديت منك حياتي )

احمد ياسين

هتلر

جورج واشنطن

[*Marwa*]

عمر بن الخطاب..فتح القدس بسلم وامان..عادل فاروق محب..انسااان

كونفشيوس حكيم الصين مبادئه كتير حلوة وافكاره عظيمة..بحب السلام والعدل ..كمان هو انساان

الام تيريزا..راهبة رائعة ..عملت كتير اشيا عظيمة للبشرية..ساعدت كتيير ناس ومبادئها حلوة..اكيد انسانة

الشاعر أحمد مطر..اشعارو بتهزني من جوا..وبحسها بتخاطب المواطن العربي ومرآة لحالته..انسان بجدارة

آلبرت اينشتاين..مع اني ما بحب الفيزيا والعلوم كتير..بس حياتو مشوقة وافكارو حلوة ويستحق الاحترام..بكفي انو تاريخ ميلادي متل تاريخ ميلادو ..اكيد انساااان

[Nabilove]

بعيدا عن الشخصيات الدينية

شارلي شابلن مبدع فوق العادة رغم ان افلامه مرت عليها السنون الا انها لازالت تحمل قيمة فنية و انسانية كبيرة خصوصا افلام : the kid; les temps moderne; le dictateur

عبد الكريم الخطابي المقاوم المغربي ضد الاحتلال الاسباني, ابدع في حرب العصابات حتى صارت خططه الهاما للزعيم الفيتنامي هوشي منه و الصيني ماو و الليبي عمر المختار و الارجنتيني تشي غيفارا , توج مسيرته بمعركة انوال سنة 1921 حيث كان عدد المقاومين 3 الاف و عدد الجنود الاسبان 23 الف ورغم الفارق تمكنت المقاومة من القضاء على الجيش الاسباني بشكل نهائي ( 15الف قتيل من بينهم الجنرال سلفيستري القائد العام للمنطقة و 1100 اسير) الا ان تحالف الاسبان و الفرنسيين و استعمالهم لاول مرة في تاريخ الحروب لاسلحة كيماوية في قصفهم للاسواق و القرى المغربية دفعه للاستسلام فعبر خطوط العدو فوق حصانه ليسلم نفسه حقنا لدماء الابرياء سنة 1926. و تعتبر معركة انوال اكبر هزيمة للجيش الاسباني في التاريخ المعاصر

صلاح الدين الايوبي الفارس بكل ما تحمل الكلمة من معنى, لم يعرف الخوف او الياس وواجه الصليبين بشجاعة و هزمهم في حطين لكن حسن معاملته للاسرى كانت مثالا للشهامة جعلت الصلبيين يحترمونه و يقدرونه.

طارق بن زياد القائد الفذ فمن لا يعرف مقولته الخالدة بعد حرقه لسفنه عند فتح الاندلس حتى لا يتراجع امام قوة العدو
( أيها الناس، أين المفر؟ البحر من ورائكم، والعدو أمامكم، وليس لكم والله إلا الصدق والصبر، واعلموا أنكم في هذه الجزيرة أضيع من الأيتام في مأدبة اللئام، وقد استقبلكم عدوكم بجيشه وأسلحته، وأقواته موفورة، وأنتم لا وزر لكم إلا سيوفكم، ولا أقوات إلا ما تستخلصونه من أيدي عدوكم، وإن امتدت بكم الأيام على افتقاركم، ولم تنجزوا لكم أمرًا ذهبت ريحكم، وتعوَّضت القلوب من رعبها منكم الجراءة عليكم، فادفعوا عن أنفسكم خذلان هذه العاقبة من أمركم بمناجزة هذا الطاغية فقد ألقت به إليكم مدينته الحصينة، وإن انتهاز الفرصة فيه لممكن، إن سمحتم لأنفسكم بالموت.
وإني لم أحذركم أمرًا أنا عنه بنجوة، ولا حَمَلْتُكُمْ على خطة أرخص متاع فيها النفوس إلا وأنا أبدأ بنفسي، واعلموا أنكم إن صبرتم على الأشقِّ قليلاً، استمتعتم بالأرفَهِ الألذِّ طويلاً، فلا ترغبوا بأنفسكم عن نفسي، فما حظكم فيه بأوفى من حظي....) طارق بن زياد علمنا انه اذا اردت ان تحقق هدفا احرق خطوط الرجعة حتى لا تفكر في الهرب مع اول عقبة تصادفك

موزارت عبقري لم ينصفه التاريخ الا بعد موته عاش و ذاق بشاعة الفقر لكن ذلك لم يمنعه من الابداع.

[Nirvana]

انو حاولت اعصر مخي كتييييييير لاقدر حدد شخصيات أثرت فيي .. في كتير شخصيات معجبة فيها ويمكن تعلمت منها .. لكن أثرت فيي هاي شوي صعبة .. مشان هيك حاولت ارجع للطفولة ما عدا الشخص الأخير .. وهالأشخاص حددو توجهات وميول عندي بالحياة .. مشان هيك اعتبرتهم الشخصيات اللي رح ازكرها ..
و توصلت إلى ما يلي :
- جبران خليل جبران : أثر فيي خصوصا في فترة الطفولة وأحببت من خلاله الكتابة واللغة .. وتعلمت العلاقة الروحية مع الأشياء ..
- جون لينون : أثر فيي بشكل كبير كمان في مرحلة الطفولة على وجه التحديد .. الروح الثورية اللي عندو وانسانيتو .. يكفي انو غنى Imagine، وهاي الغنية تحديداً أثرت بشخصيتي كتير ..
- محمود عبد العزيز: ممثل مصري غني عن التعريف حبيت من خلالو فن التمثيل .. حبيتو وانا كتييير صغيرة .. كمان من الاشخاص اللي أثرو بميولي من الصغر ..
- ماما : تعلمت منها الطيبة واني كون صاحبة مبدأ .. حببتني بالثقافة والقراءة ولو اني بالرغم من هذا مقصرة جدا بهالمجال ..
- شخص : الو فضل كتير علي يمكن هو ما بيعرفو .. هالشخص حببني بالوطن .. ايه لحد مرحلة متقدمة من عمري كان ارتباطي وانتمائي بالوطن شبه معدوم .. هالشخص حبيت من خلالو الوطن مع انو مو من بلدي وارتبطت بالوطن بعد صراع كبير كان في داخلي بخصوص هالموضوع يمكن مشان هيك ارتباطي بالوطن هلا وصل لحد التطرف .. يعني شي قصة طويلة .. بس بالمحصلة انو حبيت الوطن وما عاد يزحزحني عن حبو حدا أو شي ..


شكرا على الموضوع الحلو ..

انو هلا فهمت الموضوع .. تحشيش انا .. المهم تقريبا رح يكون ردي نفس الشي .. يعني معجبة فيها أو اثرت فيي .. فهو امر متعلق ببعضه ..

[إم العز]

كتير الشخصيات يلي بعجب فيها وبستمد منها افكار ( من بعد الرسول سيدنا محمد عليه الصلاة والسلام ) ...
يعني في عندكم ...

عمر المختار
حسن نصر الله
هتلر
صدام حسين
ابراهيم الفقي ( يلي بيعرفوا بيكون بيفهم )

[Moonlights]

ستالين : رغم العمى الذي أصيب به ولم يتحالف مع هتلر
هتلر : رغم الغباء الذي دفعه لمحاربة الروس وعدم التحالف مع ستالين
هولاكو : لمجهودته العظيمة رغم تقاعسه
شارون : رغم عدم إكمال مشروعه بسبب الغيبوبة التي أصابته
بوش : لصبره الكبير وعدم استخدامه السلاح النووي

[saman]

كاتب النص الأصلي : Moonlights

ستالين : رغم العمى الذي أصيب به ولم يتحالف مع هتلر
هتلر : رغم الغباء الذي دفعه لمحاربة الروس وعدم التحالف مع ستالين
هولاكو : لمجهودته العظيمة رغم تقاعسه
شارون : رغم عدم إكمال مشروعه بسبب الغيبوبة التي أصابته
بوش : لصبره الكبير وعدم استخدامه السلاح النووي

هلأ ستالين فهمناها ....
وهتلر ماشي الحال ....وهولاكو ظريف ...
وشارون الله لا يرحمو ....
بس بوش عم يصبر !!!!!!!!

[مايسترو]

ابي

نزار قباني

احمد زكي

فيروز

كولومبس لانو يفترض انو اللي جبلنا الدخان

واللي عمل النسكافيه

مايسترو

[romadiz]

ناتاشا ....
بس انتو ما بكون أسماء أنبياء ...

[MadMax]

كاتب النص الأصلي : مايسترو

ابي

نزار قباني

احمد زكي

فيروز

كولومبس لانو يفترض انو اللي جبلنا الدخان

واللي عمل النسكافيه

مايسترو

و مايسترو كمان شخصية من الشخصيات ..؟؟ !!