قصة كنيسة مار يوحنا التى حولها المسلمون جامعاً

[ASH]

حبيبنا ليش إذا المحتل ما أباد الكل ووطّن عالم من جديد بيصير اسمها فتوحات؟
معناتها ليش زعلانين من الغبي بوش؟ ما أباد الأفغان والعراقيين, هو بس عم يبيد يللي عم يقاوموا فتوحاته!!!! وليكه ما جاب أميركان وعمللهم مستوطنات بالعراق!!!!!
معقول كلامك هاد يا حبيب؟
الغزو لمّا ناس آمنين وعندهن نظام وكيان وبيجي حدا من غير بلد -مو شرط من غير قارّة- وإلاّ كانت الأمم المتحدة ذكرت هالشي بالمواد يللي بتشرح الإحتلال.
هلأ ممكن حدا يقول انه بلاد الشام كانت تحت حكم المحتلين الروم, وجاء الإسلام وحررهم!!!
مين طلب منهن هالشي؟ مثلا يعني
وليش استولى الغزاة عالأراضي وصار يوهبها ويهديها ويبيعها ويتصرّف فيها؟
و بالمناسبة كيف صاروا بيملكوا أراضِ؟
هاد احتلال يا غالي

هلأ اول شي يا غالي مين حكا بلاد الشام و سوريا كانت تحت الحكم الروماني من الأول؟؟؟ ليش الرومان نوجدو عنى بالأصل ، ولا هنه اجو حتلو بلاد الشام و نشرو الدين المسيحي فيها ؟؟

معناها بنجي لنقطة انو حتى بداية هل شي كان باحتلال من الروم لبلاد الشام لانو بلاد الشام بالاساس مو رومانيه و هل شي بتشهد عليه حضارتنا من البدايه الأولى للانسانيه فيها ..

معنها بنجي لنقطه ليش عتبرت الرومان متواجدين من الاساس عنى مع انهم حتلونا مين طلب منهم هل شي كان خليها يتركونا عم نعبد الطبيعه يا اخي .. صح حكي ولا لأ

معناها ممكن نتوصل لنتيجه حسب نظرتك انو الرومان اجو عملو احتلال و غزونا و الاسلام عمل نفس الشي ..

هلا على شغلة انهم باعو بالاراضي و ستولو عليها و هل حكي كلو ، ليش الرومان مثلا لما فاتو لعنى دفعو حق الاراضي ولا اخدوها اخد و شيدو عليها يلي بدهم ياه .. طيب اوكي يا اخي نفس العمله بس الوجهين مختلفين
وجه روماني
و وجه اسلامي

و لنقلب الايه شوي بالعكس الاسلام اجا ما هدم الكنائس ولا جبر حدا على اعتنقو ، بس الحروب الصليبيه حرقة المساجد و قتلة المسلمين

دخلك؟
شو هي الجزية؟
مو ضريبة إحتلال؟
طيب مو نفس هالشي عم يعمله الكيان الغاصب بالفلسطينيين؟
ليش هون مسموح وهونيك ممنوع؟
لمّا بتكون عايش ببلدك وإلك معتقدك, وبيجي إنسان من بلد تانية بيحتل أرضك وبيستلم القيادة على أرضك وبيخيّرك يا بتعتنق معتقدي يا إمّا بتدفع جزية ( يعني جزاء ما قررت أن تبقى عليه) بيكون هالقرار عادل؟
لما الأميركان بيحتلّوا العراق, بيدوّروا على ناس موالية إلهن تدير شؤون البلد, ويللي بيرفض.... شوف الأخبار بتعرف لحالك الجواب؟

أمّا بخصوص نسبة المسيحيّين واليهود الكبيرة بسوريا (ضل اليهود ساكنين بسوريا لنهاية القرن الماضي):
شو رأيك انه المحتلين ما شجّعوا أهل الأرض على الإسلام بالفترة الأولى للإحتلال؟
لا بل في عندي أدلّة على هالشي, باحتلال بلاد الشام
تقدّم أصحاب الأرض المستضعفين (لأنه احتُلّت أرضن) تقدّموا بعهد على نفسهن لعمر بن الخطّاب مشان ينولوا الأمان من القتل, وزاد عمر على هالعهد بنود إضافيّة لحتّى يوافق عليه, وهالعهد اسمه "العهدة العمريّة", وفي عندي نسخة منها.
أنا مو كتير ميّال انّي انشرها لأنها بتثير الضغائن, وبتدل على عنصريّة وقهر, إذا بتحب ببعتلك ياها عالخاص, والمثير إنه هالعهد ما أعطي لأي بلد احتلّته الجيوش الإسلامية بعد بلاد الشام, بتحب تعرف ليش من وجهة نظري؟
لمّا وصل الإحتلال لسوريا (الطبيعيّة) كان هالجيش متوسط القوّة والتجهيز وحالفه الحظ ببلاد الشام انه امبراطورية الروم كانت بحالة أُفول, وجيشها ضعيف ومشتّت,
وقضيّة الجزية أدخلت الأموال لبيت المال بغزارة (سوريا بلاد خير وتجارة وأموال), ولمّا استولى الغزاة على الأراضي والبساتين والإقطاعات (متل المنطقة الخضراء ببغداد) صاروا ينتفعوا بغلالها ويبيعوها لبلدهن الأم (شبه الجزيرة العربية أو بلاد الحجاز), بس لمّا قوي الجيش بسبب الأموال هي, صارت البلدان المحتلّة ما تنعطى عهد, أسلم وبتخدم بجيش المسلمين, وبيطلعلك حصّة من الغنائم والسبايا والغلمان أو إدفع الجزية ولمّا يخلص مالك بدك تأسلم مشان ما تنقتل.
يعني متل ما قال هارون الرشيد للغيمة : أمطري أنّى شئتِ فخراجكِ لي

أخيراً الأستاذ سهيل زكّار مو شيخ, هوّ باحث تاريخي, ومزوّر لتاريخ المسجد الأموي الكبير , طبعاً هاد رأيي الشخصي

وبخصوص "نحنا شعب واحد وبحياتنا ما اختلفنا على دين" فهاد هوّ عين ما أبحث عنّه
وانشالله لهون بدنا نوصل, وهالشي بدّه مقوّمات وحوارنا هاد هوّ واحد من أهم مقوّمات التعايش مشان كلّنا نتعلّم الدرس

رجعنا لموضوع الجزيه و لموضوع المحتلين
ياخي ما دام حكيك صح حكيلي كيف في مسيحيه لهلا مثلا ؟؟؟ يعني ما بعرف على حكيك لو المسيحيه كان معهم مال قارون كان المفروض خلص على قد ما المسلمين مصو دمهم ، فكيف سوريا لحد الان فيها هل نسبه الكبيره من المسيحين ؟؟؟

يعني لو كان الجزيه كبيره كان المفروض الكل اسلم او نتهى و نباد على قولتك ؟؟
صح حكي ولا انا غلطان فيها ؟

بالنسبه للوثيقه يا ريت تبعتلي ياها يا اخي ، وانا ممكن بلش دور بالكتب لي عندي لجبلك شو عمر الخليفه عمر بن الخطاب مع المسيحين و حطلك ياها ، لانو بختصار ما تحكيلي التاريخ كلو مشوه بهل موضوع هاد ...

بعدين من وين هي تبع دخول بجيش الاسلام و خود من الغنائم و من السبايه و كل هل شغلات ، يا اخي انت نسية انو الجيش الروماني العظيم كان لما يفوت كل شي بياخدو بياخدو الامبرطور مو الجيش ، علأقل نحنى كنى نعطي المحاربين يلي بالجيش

وجهتين نظر مختلفه بس لو بتقلب الوجه من طرفي لطرفك بتفهم شو قصدي يا اخي

على فكره انا عم ناقش مناقشه لا تفكرني انا بني ادم متعصب و ملتزم لاقصى الدرجات لا انا بس عم ناقش ، و للعلم نسبة صحابي المسيحيه اكتر من المسلمين

[ASH]

كاتب النص الأصلي : shasho

معلمنا, الكتاب اسمه نزهة الأنام في محاسن الشام, وموجود بالمكتبات بطباعة جديدة, ومؤلفه عالم مسلم عاصر الغزو الإسلامي وعاش ببلاد الشام ووصف دمشق وغوطتها وذكر تفاصيل عنها بهداك العصر.
وأنا ما طلبت مرجع محايد, أنا عم اعرض عليك مرجع إسلامي,
بالنسبة للخليفة وبالنسبة للنقوش, هي النقوش ضلّت على المآذن, رجاءً رجاع للنص أعلاه:
وقال ابن عساكر: لما صارت الخلافة إلى الوليد بن عبد الملك, عزم على أخذ بقية هذه الكنيسة وإضافتها إلى ما بأيدي المسلمين وجعل الجميع مسجداً واحداً
وهاد كمان مرجع اسلامي ابن عساكر
وكمان إذا بتراجع النص بتشوف انه هالخليفة بعت رسالة لملك الروم وطلب منّه مهندسين وبنّائين
ويتابع الكتاب قائلاً: "واستعمل الوليد في هذا المسجد خلقاً كثيراً من الصناع والمهندسين والمرخّمين. وكان المُسْتَحثّ على عمارته أخوه سليمان بن عبد الملك، ويقال أن الوليد بعث إلى ملك الروم يطلب منه صناعاً في الرخام والأحجار وغير ذلك ليعمروا هذا المسجد على ما يريد، وأرسل يتوعّده إن لم يفعل ليغزونَّ بلاده بالجيوش وليخربنَّ كل كنيسة في بلاده حتى القيامة التي بالقدس الشريف ويهدم كنيسة الرها وجميع آثار الروم
يعني طراز البناء ما تغيّر لأن المهندسين روم رغم تغيّر استخدام هالبناء

ومعك حق مشان موضوع عدم قراءتك لهيك قصص عن تاريخ دمشق, وأنا كمان ما كنت بعرف هالأحداث لكنّي اجتهدت وبحثت

كل الحب والإحترام

هون لح رد عليك بس بكلمه وحده

يعني بدك تقنعني انو النجمه السداسيه يلي على ماذنة العروس هي من الخلفيه الاسلامي و مشوها عادي ، و هل رسومات يلي جوا كمان هوه عملها بهل طريقه هي

[handsome]

كاتب النص الأصلي : ASH

هلأ اول شي يا غالي مين حكا بلاد الشام و سوريا كانت تحت الحكم الروماني من الأول؟؟؟ ليش الرومان نوجدو عنى بالأصل ، ولا هنه اجو حتلو بلاد الشام و نشرو الدين المسيحي فيها ؟؟

ما بعرف اذا فهمت عليك صح اما غلط,
بس انت عما تقول انو الرومان هني الي نشرو المسيحية ببلاد الشام؟
ليش المسيح منين جاي؟ ومين هني الي عزبو وصلبو؟

وباقي الحديث انتو مكفين وموفين بس هاي الجملة اعترضت طريقي شوي

وبنظري انو مافي فرق بين الفتوحات الاسلامية والحروب الصليبية, غير انو المسيحية بيعترفو بهاي الحروب والاسلام بيقولو انا فتحوت
بس بالحقيقة مافي غير معنى واحد للحرب بغض النظر عن الاسم تبعا, او الاهداف تبعيتا

بحيي نقاشكون الرايق

[shasho]

صديقي آش
أنا بعتّلك عالخاص: العهدة العمريّة ورد نصارى الشام عليها
وهيّ موجودة بكتاب لإبن القيّم الجوزية, وللتأكد من صحّة النص فيك تعمل بحث عن كتب هالشخص.
وتباعاً رح جاوب على ردودك
محبة

[ASH]

كاتب النص الأصلي : shasho

صديقي آش
أنا بعتّلك عالخاص: العهدة العمريّة ورد نصارى الشام عليها
وهيّ موجودة بكتاب لإبن القيّم الجوزية, وللتأكد من صحّة النص فيك تعمل بحث عن كتب هالشخص.
وتباعاً رح جاوب على ردودك
محبة

اخي لح شوفها و لنا نقاش مالح ننهي كل شي من هون مستني مشروعك لشوفو يا صاحبي
وحكتلك انا عم ناقش يا اخي و في بينا تتمه للحديث

[shasho]

كاتب النص الأصلي : ASH

هلأ اول شي يا غالي مين حكا بلاد الشام و سوريا كانت تحت الحكم الروماني من الأول؟؟؟ ليش الرومان نوجدو عنى بالأصل ، ولا هنه اجو حتلو بلاد الشام و نشرو الدين المسيحي فيها ؟؟

معناها بنجي لنقطة انو حتى بداية هل شي كان باحتلال من الروم لبلاد الشام لانو بلاد الشام بالاساس مو رومانيه و هل شي بتشهد عليه حضارتنا من البدايه الأولى للانسانيه فيها ..

معنها بنجي لنقطه ليش عتبرت الرومان متواجدين من الاساس عنى مع انهم حتلونا مين طلب منهم هل شي كان خليها يتركونا عم نعبد الطبيعه يا اخي .. صح حكي ولا لأ

معناها ممكن نتوصل لنتيجه حسب نظرتك انو الرومان اجو عملو احتلال و غزونا و الاسلام عمل نفس الشي ..

هلا على شغلة انهم باعو بالاراضي و ستولو عليها و هل حكي كلو ، ليش الرومان مثلا لما فاتو لعنى دفعو حق الاراضي ولا اخدوها اخد و شيدو عليها يلي بدهم ياه .. طيب اوكي يا اخي نفس العمله بس الوجهين مختلفين
وجه روماني
و وجه اسلامي

و لنقلب الايه شوي بالعكس الاسلام اجا ما هدم الكنائس ولا جبر حدا على اعتنقو ، بس الحروب الصليبيه حرقة المساجد و قتلة المسلمين






رجعنا لموضوع الجزيه و لموضوع المحتلين
ياخي ما دام حكيك صح حكيلي كيف في مسيحيه لهلا مثلا ؟؟؟ يعني ما بعرف على حكيك لو المسيحيه كان معهم مال قارون كان المفروض خلص على قد ما المسلمين مصو دمهم ، فكيف سوريا لحد الان فيها هل نسبه الكبيره من المسيحين ؟؟؟

يعني لو كان الجزيه كبيره كان المفروض الكل اسلم او نتهى و نباد على قولتك ؟؟
صح حكي ولا انا غلطان فيها ؟

بالنسبه للوثيقه يا ريت تبعتلي ياها يا اخي ، وانا ممكن بلش دور بالكتب لي عندي لجبلك شو عمر الخليفه عمر بن الخطاب مع المسيحين و حطلك ياها ، لانو بختصار ما تحكيلي التاريخ كلو مشوه بهل موضوع هاد ...

بعدين من وين هي تبع دخول بجيش الاسلام و خود من الغنائم و من السبايه و كل هل شغلات ، يا اخي انت نسية انو الجيش الروماني العظيم كان لما يفوت كل شي بياخدو بياخدو الامبرطور مو الجيش ، علأقل نحنى كنى نعطي المحاربين يلي بالجيش

وجهتين نظر مختلفه بس لو بتقلب الوجه من طرفي لطرفك بتفهم شو قصدي يا اخي

على فكره انا عم ناقش مناقشه لا تفكرني انا بني ادم متعصب و ملتزم لاقصى الدرجات لا انا بس عم ناقش ، و للعلم نسبة صحابي المسيحيه اكتر من المسلمين

معلم... مشان الله شعّلوا الضو....
الرومان محتلّين وغزاة لبلاد الشام, واضطهدوا المسيحيين وكانوا يعملوا احتفالات بالمدّرجات ويفلتوا على المسيحيين الوحوش الكاسرة, وتاريخ مدرّج بصرى وغيره, وتاريخ الروم بيشهد بهالشي, لكن لمّا ظهر السيّد المسيح لأم الإمبراطور الروماني الحاكم بوقتها -وكان اسمها هيلين-, وطلب منها ما تسمح بتعذيب "إخوتي وأبنائي" قالت لإبنها شو صار معها, وطبعاً الإعتراف باعتناق المسيحية دوناً عن آلهة الرومان كان عقابه التعذيب ثمّ القتل, لكن ما قدر الإمبراطور يعمل هيك بامه, فأرسل حملة للقدس, -وهون مضطرّين نفوت بغير قصّة, لكنها إلها دور بالموضوع الرئيسي-, وهالحملة كانت تترك مجموعات عسكريّة على رؤوس الجبال المتسلسلة من روما للقدس, وأمر قائد هالحملة الجنود انهن لمّا يشوفوا نار على رأس الجبل من جهة الجنوب يشعلوا كمان هنن نار ليشوفها الجنود يللي على رأس الجبل بشمال موقعهن, كانت هي طريقة لنقل الخبر, والخبر كان إذا ثبت أعجوبة من أي أثر من صليب السيّد المسيح كل الجبال بيظهر عليها نار وهيك بيوصل الخبر لروما بطريقة ذكيّة وسريعة.
ببقى بحكي عن التفاصيل التالية لهاللحظة بموضوع منفصل, لكن النتيجة كانت: تأكد ألوهيّة المسيح وحلوله بجسد بشر, واعتماد المسيحيّة كدين رسمي للدولة, وإيقاف حملات الإضطهاد ضد المسيحيين, واعتبرت هيلانة قدّيسة عند المسيحيين, وهون بدأ ما يسمّى العصر الهيليني, وهو عصر المسيحية.
آسف عالإطالة
بخصوص اقتراحك تساوي الإحتلالين الروماني والإسلامي وجهين لعملة واحدة, هاد مطلبي,
وبخصوص انه الإحتلال الإسلامي ما هدم الكنائس, اقرأ العهدة العمرية وبتلاقيها مذلّة ومهينة, وبتشبه الإحتلال الصهيوني لفلسطين بكتير نواحي.

بخصوص المال يللي ما خلص مع المسيحيين: لأ ما خلص لأنه دولة الإحتلال احتاجت لخدمات الشعب الأصلي, لكان فكرك كيف نشطت حركة الترجمة والعمارة وفنون الزراعة؟ والمحاسبة بشكل خاص -كان أغلب موظفي بيت المال مسيحيين سوريين- وبجبلك مرة تانية وثيقة اسلاميّة بتدل على هالشي, وهالوضع ما طوّل كتير لأنه الخلفاء الأمويين بعد الوليد أظهروا تعاطف شديد مع أهل الأرض الأصليين أو لامبالاة بسبب ميولهن للإبتعاد عن التديّن.

الجيش الروماني كان عنده بنية منظّمة بما يخص المال والغنائم, وكان الإمبراطور ياخد جزء من الغنائم والباقي بيتوزّع على الجيش بحسب الرتبة, وأنا متأكد من كلامي وطلع فيلم وثائقي من مدّة على الجزيرة الوثائقية بيحكي عن الإسكندر الأكبر وشرح هالموضوع بدقّة, وكيف قبلوا جنود الإسكندر يوصلوا معه لأقصى بلاد الشرق, وكيف كان يوزّع الغنائم.

ومن وين هي تبع دخول بدين الإسلام وخود من الغنائم......
حبيبي آش... بدأت شك بنواياك
منين كبر عدد الجيش؟ من الولادات؟ ولا من اعتناق البشر لدين الإسلام يللي فرض على الفقير مشان ما ينقتل؟

وأخيراً أنا ما عم حضّر لمحاسبة تاريخيّة, أنا قصدي صار معروف

[shasho]

كاتب النص الأصلي : ASH

هون لح رد عليك بس بكلمه وحده

يعني بدك تقنعني انو النجمه السداسيه يلي على ماذنة العروس هي من الخلفيه الاسلامي و مشوها عادي ، و هل رسومات يلي جوا كمان هوه عملها بهل طريقه هي

حبيب النجمة السداسيّة شكل هندسي سوري من قبل المسيحيّة, وموجود بكل الآثار يللي قبل الإسلام ببلادنا, واعتمدها المسلمين بصنع الزخارف وتزيين القصور, وبوقتها ما كان في دولة صهيونية, ولا كان تيودور هرتزل يللي سرق هالرمز من السوريين واعتمده شعار للوطن الموعود

[shasho]

كاتب النص الأصلي : handsome

ما بعرف اذا فهمت عليك صح اما غلط,
بس انت عما تقول انو الرومان هني الي نشرو المسيحية ببلاد الشام؟
ليش المسيح منين جاي؟ ومين هني الي عزبو وصلبو؟

وباقي الحديث انتو مكفين وموفين بس هاي الجملة اعترضت طريقي شوي

وبنظري انو مافي فرق بين الفتوحات الاسلامية والحروب الصليبية, غير انو المسيحية بيعترفو بهاي الحروب والاسلام بيقولو انا فتحوت
بس بالحقيقة مافي غير معنى واحد للحرب بغض النظر عن الاسم تبعا, او الاهداف تبعيتا

بحيي نقاشكون الرايق

شكراً أخي الوسيم
وكلامك صحيح, والله محيي أصلك

[sliman]

انا مالح علق يعني دون تعليق بس بقول الله يكون معك بمسيرتك مشروعك حلو بس إذا عم تدور على ايات مشتركة مشان صيغة يوافق عليها الجميع اول شي بنصحك تقرأ الديانة المانوية و تاني شي مفكر انو وانا اولن ممكن اترك ايماني و معتقداتي ؟؟؟؟؟؟؟؟؟؟

[shasho]

كاتب النص الأصلي : sliman

انا مالح علق يعني دون تعليق بس بقول الله يكون معك بمسيرتك مشروعك حلو بس إذا عم تدور على ايات مشتركة مشان صيغة يوافق عليها الجميع اول شي بنصحك تقرأ الديانة المانوية و تاني شي مفكر انو وانا اولن ممكن اترك ايماني و معتقداتي ؟؟؟؟؟؟؟؟؟؟

أهلا وسهلا بأخي سليمان, بتشرّف برأيك ومشاركتك

مشروعي ما بيطلب من حدا يغيّر ديانته أو إيمانه ومعتقده, وفكرتي وبشكل نهائي مارح تمتد لأبعد من بلاد الشام, وياريت تفيدني بمعلومات أو روابط عن الديانة المانويّة لأنه معلوماتي شوي محدودة عنها, وأنا بحب اتعلّم.
شكراً

[shasho]

يا أخي حاج تجرجروني بالحكي
كم يوم ومنتحدّث

[Barleb]

حيو رب صيدنايا .. معلم بدي وثقية تبع عمر بن الخطاب اذا ما فيها سئلة ..

[shasho]

كاتب النص الأصلي : Barleb

حيو رب صيدنايا .. معلم بدي وثقية تبع عمر بن الخطاب اذا ما فيها سئلة ..

بأمّورك أنا, بس صحتين.... صندوق البريد تبعك ملينن برايفتات.... امحيلك شي وحدة وخبّرني الرسالة جاهزة
أهلين مستشارنا اللهلوب

[handsome]

وانا بدي اياها كمان
خيو شو مشان يا تحطة هون يا اما تحطى بشي موضوع تاني,لانو في كتير عالم بيحبو يقرو هيك شغلات
وما انت الي كاتب الشغلة فما رح يصير مشاكل من وراها

واصلا ما على الرسول الا البلاغ

[Barleb]

ولله رأيي تنزلها هون .. هيي وصلتني .. بس فعلاً أنو فيها ذل و أهانة كبيرة للمسيحيين

[Willi]

اي وانا بدي ياها شو انتو احسن مني!!

بس انو خيو انا بعرف انو في وثيقة بعتها عمر بن الخطاب لمجموعة من الكنائس (موجودة بدير مار جرجس الحميراء) بتأمن المسيحيين على حالهونو. وانو ما حدا بيتعرضلون!
هل هاي غير وثيقة؟ ولا نفسا؟ (انا ما قريتها على فكرة)
واذا غيرها, طيب ليش برأيك هالاختلاف بين الوثيقتين؟؟


بالنهاي انو شباب يا ريت ما حدا يقلب الموضوع طائفي, الموضوع مانو ضد الدين الاسلامي. الموضوع عن الدولة الاسلامية.
يعني متل روما. صحيح كانت مسيحية. بس مو بالضرورة تمثل المسيحية. بالضبط هاد الشي كمان بالنسبة للدولة الاسلامية (الاموية, العباسية, ولا شو ما كانت)
بظن اذا هالشي منفهمو, منكون قطعنا شوط كبير بانو نتفاهم مع بعض.

مشكور هالموضوع حلو كتير.
انا متابع

[shasho]

تحياتي
أنا برأيي مافي داعي ننزلها هون, بكرا بيجي الظرف المناسب وبتنزل بالمنتدى, لأنه في ناس -مع احترامي للكل- بيدوروا على جنازة لما يشبعوا لطم.
المهم المعنى وصل

[karim94]

تسجيل متابعة.....
بس في عندي ملاحظة على صاحب الموضوع: من خلال ردودك على الأخ أش, يتهيألي أنو حضرتك عم تدافع عن المسيحية ??
مشان الوثيقة العمرية :رجاء تحطلنا ياها هون مع ذكر المصدر....لأنو بحبشت شوي فغووغل وطلعو معي وثيقتين??واحدة بموقع أقباط مصر وواحدة بموقع الجزيرة, مين بدنا نصدق??