شو الصح وشو الغلط...؟؟؟ ومين بيقدر يحكم عليه

[nen0us]

اذا بدكو رأيي بالقصة كولا.
بالنسبة الي بهمنيش الصح والغلط مدامو مش مأثر علي.
واذا بدي امشي ورا الصح بس عشان اكون مرغوب ببيئتي ومجتمعي ومحبوب ومش منبوذ.
فهيك انا بزين افكاري وتصرفاتي.
وبالنسبة لاعمال غيري بهتملهاش مدامها مش مأثرة علي. وكل الي كتبتوا فوق. فكر.

[مايا *]

اولا انا ما ئصدتك بالجملة ابدا ..
انا حكيت بشكل عام ..
هلى ...

كاتب النص الأصلي : nen0us

بس انا بقول مدام حتى بالدين الواحد في معتقدات كثيرة فالي اكون مؤمن باشياء واشياء اخرى لأ. حسب قناعتي.

ها ها شفت كيف حكمّت عقلك ..
والعقل الي قصدت فيه هو الي انفطرنا عليه .. الطيبة .
انا معك .. بس كمان ما ضروري الانسان يكون متطلع على الفلسفات .. او متدين او منتمي لمجموعة ما ليميز الصح من الخطأ ..

[nen0us]

لأ طبعا الانسان بحكم فكرو بحسب الي صار واصلو بحياتي ولي شربو من الدني.. علمها غموضها وعلومها وافكارها..
وطبعا سني عن سنة هاي المصادر بتزيد وبتكثر.

[COSTA]

كاتب النص الأصلي : achelious

سؤال جميل..أنا من زمان ماشفت حدا عم يسأل هيك أسئلة.. بهنيك..!
برأيي..في مقياسين.. خير والشر.. واحد.. والتاني.. هو المصلحة..
أما المقياس الأول.. فهو دليل وجود الله..
والتاني.. عبرت عنو بطريقة ما.. ري مي.. احترامي.. لمشاركتها..

اذا كان الخير والشر دليل على وجود الله كانو عرفوا وامنو فيه القدماء
وعن المصلحة في ناس بتقلك هاد صح مشان تمشي مصالحها او العكس

هاد موضوع تاني.. برأيي.. لازم ترتب افكارك..

افكاري مرتبة ومن صلب الموضوع

[COSTA]

كاتب النص الأصلي : خارج السرب

كوستا

على ما يبدو انني امام شخص لا يعترف بأي قانون

لكنه انسان والدليل انه يسأل نفسه هكذا سؤال

.
.
.

سأبتعد عن الدبلوماسية وسيكون ردي مختصر جدا ً

لا يملكـ ايا ً منا الحق في تقييم الغير لأننا اصلاً بشر

والبشر معرض للخطأ رضينا او لم نرضى

ولكن يبقى العامل الإنساني

هو من يقرر النظره التي نحملها بتقيمنا لأفعال الغير

وإن كانت تندرج تحت الصح او الخطـأ

فقط لا غير

اشكركـ سؤالكـ يحتاج لتفهم واتمنى ان اكون قد فعلت بردي

انا بعترف على قانون ضميري .........

عم تقول البشر معرض للخطأ ........
شو الخطأ ؟؟ وكيف قيمتو انو خطأ

والعامل الانساني يللي حكيت عنو
بيحملو كتير من البشر ............

[COSTA]

كاتب النص الأصلي : shosho cat

الحكم على الصح والغلط متل ما حكيو بكون من خلال قناعات الانسان , هاي القناعات ما اجت من فراغ لانو بكتسبها الانسان من التربيه ومن التجارب و البيئه اللي عاش فيها ومن نوع الثقافه اللي تلقاها والاهم من هيك بتكون نابعه من المعتقد اللي بامن فيه.....

ولانو البشر لايتشابهو بقناعاتهم بسب اختلاف التربيه والبيئه والمعتقد فبكون الحكم نسبي يعني الصح عندي ممكن يكون غلط عندك والعكس صحيح , وفي بعض الاحيان يتجاوز الامر ذالك ليصل الى شيئ اشبه باعلان حرب على الاخر لانو باعتبر انو قناعاتو ممكن تكون ضد او تهديد لكل شي تعلمو وامن فيه خلال سنواات طويله ....

هلا الحل انو نلاقي نقطة تلاقي بينا لحتى ننطلق منها لنحكم على الامور ....وبعتقد كلنا نلتقي بالانسانيه وكوننا بشر لذلك بمعزل عن كل قناعاتنا علينا ان نحكم على الامور هل هيه تضر فينا وبحياتنا كبشر او لا ....

مثلا الكذب والسرقه القتل امور تضر بكل انسان بغض النظر عن قناعاتو , لان عمليا على ارض الواقع نتائجها وخيمه لذلك هي شر يعني لسنا بحاجه لقناعات لنحكم عليها...

انا اعرف ان الامثله السابقه بسيطه والحكم على الامور ليس بهذه السهوله يعني هنالك امور فيها جدل , لكن المطلوب ان تثبتلي ببراهين وادله ان نتائجها وخيمه , او ان الضرر منها اكثر من المنفعه . يعني سلبياتها اكثر من ايجابياتها لكي اقتنع بانها شر مثلا .

كلام حلو .....
و حاسس من كلامك انو الصح نسبي والغلط نسبي

[COSTA]

كاتب النص الأصلي : محمد العماني

بسم الله الرحمن الرحيم

أقول أن الله لم يبعث أمة إلا و بعث فيها رسولا أو نبيا حتى يرشدوا الناس إلى الحق
وهؤلاء الأنبياء ما كانوا ينطقون عن الهوى بل كان يوحى إليهم من الله جل و علا
لذلك كان لكل أمة كتاب يرشدهم إلى أمور دينهم

ولما كان سيدنا محمد صلوات الله عليه ختاما لكل الأنبياء كان لا بد من كتاب يحفظ إلى يوم الدين يرجع إليه الناس
ليعلموا أمور دينهم . ومن القرآن سنته عليه أفضل الصلاة والتسليم .

ـ و الأمور التي لم يرد فيها نص في الكتاب أو السنه فإنها ترد إلى الإجتهاد من الفقهاء

ـ أما الأمور الحياتية المتكررة و المشكلات التي تواجهنا فتحل بالحكمة و هي لم تعطى لكل الناس لأن ثمنها هو التقوى و الالتزام بما أمر سبحانه .

وصدق الله لما قال ( و من يؤت الحكمة فقد أوتي خيرا كثيرا )


وصلى الله على سيدنا محمد
و الحمد لله الواحد الأحـــــــــــد




محمد العماني ـ عمان / الأردن

لا حول ولا قوة الا بسعدو تعالى

[COSTA]

كاتب النص الأصلي : ري مي

صرلي ساعة بكتب وبالاخر راحو
رح عيد

اي ومين قال انو المجتمع ما فيو نسبة معتبرة من التخلف
مثال صغير بهالخصوص في واحد انتحر لانو هوي دارس هندسة زراعية وصرلو من 1998 متخرج ولسا ما لقى شغل(بمصر) طيب وكل اخوتو مو متعلمين وعم يصرفو عليه
طيب هوي انتحر من البطالة بس برأيك انو ماكان بيقدر يلاقي شغل ولو مو بشهادتو كان فيه يشتغل باعمال البناء مثلا بس ما اشتغل لانو ما بيقبلا ع حالو وبيعتبرا غلط ليش؟ لانو المجتمع والناس كيف رح ينظرولو اذا اشتغل بالفاعل مثلا.. ويمكن مثلا اهل الصبية اللي بيحبا ما بيقبلو يعطوها لواحد شغلو مو مهم نسبيا بنظرهم وهيك..
هيدا الانسان متشرب عادات سيئة من المجتمع وما استطاع انو يتجاوزها وعم يدور بحلقة مفرغة اودت فيه لانو ينتحر
........ بس تعقيب للاخ محمد العماني
انو نحنا هون عم نناقش الموضوع من منطلق انساني بحت ف ما في داعي تحط الاسلام بالنص
مع احترامي

بتعرفي ري مي ...........
التخلف وصل لبيوتنا ....... لمطبخنا .... لمعلقتنا ..... لفراشنا ..... لتيابنا...........................
اما عن هاد الطالب .............. ما بعتقد انو انتحر لانو ما لقى شغل ........ او مشان صبية ....... لانو الانتحار الو اسبابو النفسية


وتعقيب على تعقيبك..........
انو اشتهيت اكتب موضوع ما يدحشو الدين بالنص

اوفففففففففففففففف

[mahmoom]

الشيء الوحيد الذي اعتقد انه الحقيقة المطلقة هو : كل شيء نسبي
الحقيقة تختلف من دين الى اخر و من مذهب فكري الى اخر
و تختلف في نفس الشخص من مرحلة الى اخرى
ولا تستغرب ان يكون ما هو حقيقة عند شخص هو ليس كذلك عند شخص اخر
هذا واقع .
السفسطائية هي اكثر المذاهب الفكرية قربا للواقع كونها لا تقر بوجود اي شيء مطلق
او اي فكرة مطلقة حتى الموت ليس حقيقة مطلقة , بعض الاديان تعتقد بالتقمص , واغلبها يؤمن بالبعث
بعد الموت, اما الملحدين و الماديين مثلا يعتقدون بالفناء.
كل شيء نسبي تنبع منها عقيدة احترام الآخر و احترام الذات .
لكن الاقرار و القناعة الذاتية بأننا نحن الصواب والغير على خطأ لا محالة , هو احد اهم اسباب الحروب في البشرية, وكثر اعداء الاسلام و اليهودية
" ومن يبتغ غير الإسلام ديناً فلن يقبل منه وهو في الآخرة من الخاسرين "
(سورة آل عمران 85)
واليهودية غنية عن الامثلة (شعب الله المختار)
حتى المحاكم البابوية او محاكم التفتيش اذا عدنا الى التاريخ المسيحي , كانت تقتل على الفكرة اذا تعارضت مع الكتاب المقدس ,والتي لدينا ما يوازيها في العالم الاسلامي من مصادرة الاراء و فتاوى التكفير.
لننسى خلافاتنا الدينية والطائفية و الفكرية فكل له دينه وافكاره الخاصة الذي يعتقد انها الحقبقة , و لنضع ايدينا بأيد بعضنا لنبن وطنا حضاريا يحترم انسانيتنا.
و ليعم السلام على الانسانية.

[كاسترو]

بعيدا عن الدين و تأثيرو بمفهوم الصح و الغلط بعتقد انو هل الموضوع نسبي ، لان كتير ممكن الشي يلا انا مفكرو صح و مقتنع انو صح يشوفو حدا تاني غلط و على هاد المقياس.بس الشي الاكيد هو انو المجتمع و التربية بيلعبو دور كبير بتكوين مفهوم الصح والغلط.

احترامي الك كوستا
و لكل الشباب يلي شاركو بالموضوع

[امرأة من ورق]

برأيي اساس المشكلة هوي عدم قدرتنا على تقبل الآخر والرأي المختلف...... يعني بشكل عام بس واحد مننا يشوف حدا عم يتصرف على اساس مختلف عنو فورا بيقول هاد تصرفو خطأ بدون حتى مانحاول نفكر فيه او نفهمو يعني حكمنا بالخطأ بشكل عام عم يكون على اساس شخص مختلف عننا وبس

واللي بيقوي المشكلة اكتر انو بمجتمعنا الشرقي بنشوف انو المجتمع ممثل اول شي بالعائلة وباهل الحارة والضيعة والمدينة كلون هدول الون الحق انو ينسقو حياتي بالشكل اللي بيرضيهون هني بغض النظر عن انو بيرضيني انا او لأ...... يعني مافي فردية ابدا

هلأ بالنسبة الي انا وكيف بشوف الوضع؟؟؟ بشوف انو انا بيحقلي احكم على شخص انو اخطأ وحتى بيحقلي اتدخل وحاول غير سلوكو او حتى عاقبو اذا طلع بايدي هوي بس لما بشوفو عم يأذي غيرو...... يعني شخص سرق او قتل او ضرب او حاول يفرض على حدا شي مابدو اياه هاد بيحقلنا نحكم عليه ونتدخل بحياتو اما غير هيك فما بيحقلنا انو نحكم على اي شخص بالدنيا

وشكرا كوستا

[خارج السرب]

كاتب النص الأصلي : كوستا

انا بعترف على قانون ضميري .........

عم تقول البشر معرض للخطأ ........
شو الخطأ ؟؟ وكيف قيمتو انو خطأ

والعامل الانساني يللي حكيت عنو
بيحملو كتير من البشر ............

اعلم انكـ تعترف على قانون ضميركـ

والدليل انني قلت لكـ / انسان /تحمل معنى الانسانية بمجرد تساؤلكـ

اتفقنا على هذه


الخطأ وكيف قيمتو انو خطأ

رح خبركـ

عندما تشعر بأي شيء يوجهه اي شخص لكـ وتشعر انه جرحكـ او اهانكـ او مس بكرامتكـ او خدش مشاعركـ او ..او

تقول انه قد اخطأ بحقكـ

اعتقد ان هذه النقطة (مفروغ منها )

فلنجعل هذا الأمر مقياس لتعاملنا مع الأخر وحينها نستطيع ان نعرف الخطأ اكثر من ان نقيّمه على انه خطأ

[ري مي]

سبقتيني ري مي .. عم نحكي من نفس المنطلق ..
ما انتبهت لردك ..

بسيطة مايا

انا قلت والدين. مش للدين.

اي وانا قلت وقصدت المفسرين للدين ( بقصد الدعاة وما الى هنالك)

كتبت كتير مخصوش بالموضوع بس ندفعت للكتابة اعذروني

اي لاء واضح

[ري مي]

اذا كان الخير والشر دليل على وجود الله كانو عرفوا وامنو فيه القدماء

اي ومين قال انن ما كان عندن اله يآمنو فيه كان عندن بس يمكن ما كان بمفهوم الله اللي البشر بهالايام بيآمنو فيه
بمعنى انو كان عندن الهة متعددة يعني فكرة الاله او الالوهة كانت موجودة بأذهانن بس مو بالشكل الموجود هلق

بتعرفي ري مي ...........
التخلف وصل لبيوتنا ....... لمطبخنا .... لمعلقتنا ..... لفراشنا ..... لتيابنا...........................
اما عن هاد الطالب .............. ما بعتقد انو انتحر لانو ما لقى شغل ........ او مشان صبية ....... لانو الانتحار الو اسبابو النفسية

كلامك مظبوط بخصوص التخلف
وانا معك انو الانتحار الو اسبابو النفسية 100%
بس برايك هالاسباب النفسية المجتمع ماالو دور بتكوينها عند الشخص نفسه

[ري مي]

اي يا عيني يا عين ياليل بدي شي سمايلي بيزلغط

" ومن يبتغ غير الإسلام ديناً فلن يقبل منه وهو في الآخرة من الخاسرين "

انو ليش رجعنا لشغلة الدين الله يرضى عليكون ويحميكون من كل شر خلص بقا
وكان عندي تعقيب لى شرح هالاية بس هيك مارح حطو

الشيء الوحيد الذي اعتقد انه الحقيقة المطلقة هو : كل شيء نسبي

وانا برايي كمان انو كل شي نسبي

[xena]

ممم من زمان عم قول إلي رجعة عالموضوع
المهم ما علينا
برأيي الشخصي هوي طبعا أنا نوعا ما مع الحكي اللي قالوا اللي ردوا قبلي أنو الصح و الغلط نسبي بس أنا بقول أنو في شغلات ما منقدر أنو نقول عنها صح أو خطأ أو نختلف فيا , يعني من أول ما وجدت البشرية في قوانين ثابتة ما منقدر نناقش و نحكم فيا متل مثلا القتل أو السرقة أو الاستغلال أو المحبة أو الرحمة هي شغلات ثابتة بكل مذهب سواء كان ديني أو فلسفي أو حر أو أي شي ... بس بعدين لما منتفرع للتفاصيل متل مثلا المواقف اللي منتعرضلا بالحياة بيصير أصعب علينا نفرق بين الصح و الخطأ أو نعتبرو صح مطلق أو خطأ مطلق , بس بتصير القصة أنو أي شي أقرب للصح مشان هيك منلاقي مثلا مذهب معين أو اتجاه معين بيكون فيه أغلبية من المؤيدين من كل الفئات فهادا يعني أنو هالشي أقرب شي للصح و العكس صحيح و هون كمان بتدخل الاجتهادات الشخصية مشان تساعدنا للوصول لأقرب شي للصح ...
مممم كأني تفلسفت و خبصت بالحكي لأني ...بس بتمنى تكون وصلت الفكرة

[امرأة من ورق]

كاتب النص الأصلي : xena

بتصير القصة أنو أي شي أقرب للصح مشان هيك منلاقي مثلا مذهب معين أو اتجاه معين بيكون فيه أغلبية من المؤيدين من كل الفئات فهادا يعني أنو هالشي أقرب شي للصح و العكس صحيح و هون كمان بتدخل الاجتهادات الشخصية مشان تساعدنا للوصول لأقرب شي للصح ...

بس عندي تعليق صغير لانو مابعرف اذا فهمت الفكرة صح او غلط
برأيك زينا انو عن طريق رأي الاغلبية فينا نعرف باغلب الاحوال الشي الصح او الاقرب للصح؟؟ مابعرف اذا هاد رأيك لاني بكون مختلفة معك فيه كتير..... يعني مثل صغير كتير وبسيط ويمكن بعدين شوي عن صلب الموضوع..... هلأ مثلا فن هيفا وهبة ونانسي عجرم وهدول الشلة بنشوف انو في الون مؤيدين من كل الفئات فهل هاد بيعني انو فنهم هوي الفن الاقرب للصح؟؟؟

مابعرف انا بحس انو الاغلبية كتير اوقات ممكن تكون مسيّرة وبكتير احوال مسيّرة بالاتجاه الغلط وبالتالي مافينا ابدا نعتمد على رأي الاغلبية لناخد فكرة عن الصح والغلط او ماشي بنضيع تماما

[xena]

كاتب النص الأصلي : امرأة من ورق

بس عندي تعليق صغير لانو مابعرف اذا فهمت الفكرة صح او غلط
برأيك زينا انو عن طريق رأي الاغلبية فينا نعرف باغلب الاحوال الشي الصح او الاقرب للصح؟؟ مابعرف اذا هاد رأيك لاني بكون مختلفة معك فيه كتير..... يعني مثل صغير كتير وبسيط ويمكن بعدين شوي عن صلب الموضوع..... هلأ مثلا فن هيفا وهبة ونانسي عجرم وهدول الشلة بنشوف انو في الون مؤيدين من كل الفئات فهل هاد بيعني انو فنهم هوي الفن الاقرب للصح؟؟؟

مابعرف انا بحس انو الاغلبية كتير اوقات ممكن تكون مسيّرة وبكتير احوال مسيّرة بالاتجاه الغلط وبالتالي مافينا ابدا نعتمد على رأي الاغلبية لناخد فكرة عن الصح والغلط او ماشي بنضيع تماما

ما بعرف إذا لاحظتي كلمة " من كل الفئات " انتي هون لما عم تحكي عنانسي و هيفا و غيرن حكيتي عن فئة وحدة بس اللي هيي الطبقة العامة من الشعب اللي ثقافتا محدودة مع احترامي لجميع الأذواق ... بس الوضع مؤسف
المهم ,بس لما منلاقي اتجاه معين قوي بتلاقي فيه أغلبية من الفئات المؤيدة(نوعاً ما كماً) و هادا ما عم قول أنو أكيد رح يكون هالاتجاه صح بس أنو هالإقبال من مختلف الفئات بيخلينا نوقف شوي و نفكر شوي بركي كان هادا أقرب للصح لأنو إلا ما يكون في سبب مقنع بيأدي لوجود هالمؤيدين
طبعا حاليا الناس صايرة مسيرة متل ما قلتي بكل شي تقريبا بس هادا ما يعني أنو نحنا نضيع و نشكك بالمفاهيم الأساسية للصح و الغلط اللي طول عمرنا منعرفا و طول عمرا البشرية بتعرفا ...