الاحترام واجب أم ماذا ؟

[ياسمين_الشآم]

كاتب النص الأصلي : MadMax

يللي بمثل دريد لحام أفضل تمثيل ... هو المسرح برأيي

و أهم مسرحياتو

غربة

كاسك يا وطن

ضيعة تشرين

يللي هني برأيي من أهم ما قُدم بالمسرح العربي ... و بيتفوقو على ما قدمو الاخوين رحباني مثلاً


و أهم أعمالو بالسينما ..
الحدود

التقرير

و بالتلفزيون قدم كمان كتير أعمال
الأفضل برأيي أنا


وين الغلط

وادي المسك

الدغري



مع أنو صح النوم هو الأكتر شعبية

رغم انك أكيد لم تعي تلك الفترة لكن لك ذاكرة مكتسبة الذي يبحث ويحب الفن يجد أمامه كل شيء

وأشكرك جدا لأنك هنا

[ياسمين_الشآم]

كاتب النص الأصلي : sandra

يعني إذا منرجع لنص الموضوع
أنتي بتشوفي انو مافيها شي يقعد دريد لحام بالصف السابع بافتتاح مهرجان سينمائي ببلده وبالتالي كلام غسان مسعود خاطئ ؟

وين الخطأ بكلامو

اذا كان غسان مسعود موضح السبب في قوله هذا الشغلة مو بروظة

انتي بنظرك هل من المعقول أن يجلس مثلا باسم ياخور بالمقعد الأول ودريد لحام بالسابع وين المنطق بس
كمان الاحترام فيه وجهة نظر
/

[ياسمين_الشآم]

كاتب النص الأصلي : mhsen77

الاحترام واجب يمليه الشخص المحترم على نفسه قبل ان يقدم احترامه للاخرين


و فهمكن كافي

مقولة : اللي بيحترم حالو بيحترمو الاخرين

[ياسمين_الشآم]

كاتب النص الأصلي : achelious

حيث يجلس نابليون يكون الصدر .........

كل واحد فينا ........ نابليون

[ياسمين_الشآم]

كاتب النص الأصلي : W.E.G.A

الاحترام للي بيستاهل الاحترام واجب

يعني بحالة متل هي انا من راي غسان مسعود

لان بمجال التمثيل السوري دوريد لحام اسم عريق وقدم كتير

وهو بهاد المجال يستحق الاحترام والتقدير

وكل شخص عمل بجهد في اي مجال لحتى يكون بيستحق الاحترام لازم يحترم

يعني الاحترام ليش واجب وكمان ( ماذا )

لان احيانا انتي مضطرة تحترمي مديرك بالشغل مع انه ما بيستاهل اي ذرة احترام

هاد الشخص بيفكر حالو محترم مع انه انتي جواكي نازلة فيه بس قدامو محترمتيه

فالاحترام الحقيقي للاشخاص الي بيستاهلوه

وانا بحترم عامل النظافة بالشارع لأنو جهدوا بعرق جبينو وبيستاهل احترام الكل

وكل انسان بذل جهد في سبيل لقمة العيش الكريم أو اعلاء كلمة الحق أو تمثيل وطن أو أي من الاشياء
وبأي جهد كان يستحق الاحترام


بشكرك

[ياسمين_الشآم]

كاتب النص الأصلي : marochka

مع أني مع المبدأ اللي بيمثل موضوع النقاش وهو ضرورة احترام الكبار وأصحاب التاريخ المشرف، بس اللي بعرفو من لقاءات مع كتير من هالناس أنو هني أصلاً ما بيحبو يقعدو بالصفوف الأولى (إلا البعض منهن طبعاً) وبيفضلو يكونو بالظل والابداع بالنسبة إلهن مانو بغرض الظهور أو التكريم وإنما هو من ضروريات الحياة.
بالنسبة لدريد لحام، فهو أكيد إلو تاريخ كبير ومهم وعندو موهبة كبيرة، بس المشكلة أنو هو اللي أساء لنفسو بسبب بعض الغرور اللي موجود عندو برأيي، يعني هو فشل لما فكر أنو موهبتو بتتجاوز التمثيل، يعني هو ممثل ممتاز بس الإبداع شي مختلف، مشان هيك أعمالو الناجحة هي اللي كان في وراها مبدعين متل نهاد قلعي ومحمد الماغوط وعمر حجو وغيرهن، وبرأيي هو كمان ما احترم هالمبدعين اللي ساعدوه لما حاول يقلل من دورهن وينسب جزء كبير من الفضل لنفسو.

وماااا أدرنا نحن بالحقيقة ؟؟
نحن نتحدث عنه كشخص له موهبة وقدمها للناس بغض النظر عن الذين أوصلوه لما هو فيه رغم اننا لاا يجب نكرانهم نحن وهو ..
الغرور واشياء اخرى معرض للاصابة فيها أي شخص ويعود ويتنازل عنها
لكن ومع كل هذا وذاك لا ننكر أنه مبدع ولو كان غير ذلك لما ارتبط معه الماغوط ولا نهاد قلعي ولاغيرهم
فقد كانوا مكملين لبعضهم البعض وهذا طبيعي بالفن وحتى خارجه .

[آيام]

مع اني ما بحبو ا بس كان لازم يحترمو شوي يعني ازا مش في الاول في التاني
الصراحه انه تقدير الفنان في بلده اهم بكتير من تقديره بالخارج
وهلأ استنو شوي بكره لما بيموت بيصير
اسطوره وبتطلع الاغاني والأشعار لتكريمه

[mhsen77]

كاتب النص الأصلي : ياسمين_الشآم

مقولة : اللي بيحترم حالو بيحترمو الاخرين

فهمتيني بالمقلوب ياسمين


قصدي انو منظمين المهرجان مو محترمين حالون لحتى نحترمون و ما كتير بينعتب على هالشخصيات

[أم الجود]

كاتب النص الأصلي : mhsen77

قصدي انو منظمين المهرجان مو محترمين حالون لحتى نحترمون و ما كتير بينعتب على هالشخصيات

اي هلأ ما بيكرموه و بيشلفوه بالمقعد السابع

و بكرا بس يموت خود بقا على تكريمات و خطب و مزايدات و تبييض وش بلا طعمة

هيك نحنا دايماً .. كأنو منستكتر عالفنان يفرح بحالو و إنجازاتو على حياة عينو ..!

[مشلف من المدرسة]

شوفي يا أختي أنا أولا بشكرك على الموضوع واسمحيلي بهامرور المتواضع,,,,,,,,
أنا برأيي إنو الاحترام بتم على مرحلتين:
الأولى هي احترام الشخص لنفسه يلي بيجي من التصرفات الذاتية ...
والثانية يلي بتنتج عن الأولى وهي الأهم ،،، احترام الناس للشخص
وطبعا هالاحترام متل ما حكت ساندرا انو مو بكلمة أنا بحترمك وانما بالتصرفات يلي بيعملوها الناس معو
وبالتالي الاحترام واجب لمن يحترم نفسه فقط.....
تحياتي

[ياسمين_الشآم]

كاتب النص الأصلي : آيام

مع اني ما بحبو ا بس كان لازم يحترمو شوي يعني ازا مش في الاول في التاني
الصراحه انه تقدير الفنان في بلده اهم بكتير من تقديره بالخارج
وهلأ استنو شوي بكره لما بيموت بيصير
اسطوره وبتطلع الاغاني والأشعار لتكريمه

اي ساعتها بيعرفوا بقيمتو وبيشعروا بخسارتو وبتكتر الخطب وبتعلى التهاليل

نحنا العرب مامنكون عرب اذا ماكنا هيك بعد فوت الفوت والآوان

[ياسمين_الشآم]

كاتب النص الأصلي : mhsen77

فهمتيني بالمقلوب ياسمين


قصدي انو منظمين المهرجان مو محترمين حالون لحتى نحترمون و ما كتير بينعتب على هالشخصيات

اي انطسيت يامحسن .. الا انت ما افهمك بالمقلوب بعد التسئ حرمت

هالشخصيات بعدين مبهورين بالجديد عالساحة ازيك ياصعيدي والنهاردة حرمت احبك وغيروووووووو

وماعاد بيحبوا فطوم فطوم فطومة يخبوني ببيت المونة ...

[ياسمين_الشآم]

كاتب النص الأصلي : مشلف من المدرسة

شوفي يا أختي أنا أولا بشكرك على الموضوع واسمحيلي بهامرور المتواضع,,,,,,,,
أنا برأيي إنو الاحترام بتم على مرحلتين:
الأولى هي احترام الشخص لنفسه يلي بيجي من التصرفات الذاتية ...
والثانية يلي بتنتج عن الأولى وهي الأهم ،،، احترام الناس للشخص
وطبعا هالاحترام متل ما حكت ساندرا انو مو بكلمة أنا بحترمك وانما بالتصرفات يلي بيعملوها الناس معو
وبالتالي الاحترام واجب لمن يحترم نفسه فقط.....
تحياتي

شكراً لمرورك أخي مشلف