لعشاق البارفان

[marochka]

البارفان على حد علمي غير قابل للتخزين، وبتنتهي فعاليتو بعد فترة مو كتير طويلة.

[كذبك حلو]

احلى وارقى واجمل بارفنات شميتهم واستعملتهم هني:
و النبي عليه الصلاة والسلام

[كذبك حلو]

[rama1985]

كاتب النص الأصلي : whiterose

كيفكون يا صبايا

لأنني من عشاق البارفان بكل انواعه الرجالي والنسائي

كان عندي جولة مبارح ..

وشميت بارفان عمري ماشميته ريحته رائعة رائعة خيال الخيال

بنصح كل صبية تشتري منها

هي منإسكادا واسمها إن كردبل مي

جد من زمان ما طلعت ريحة مميزة متلها

وكانت النصيحة بجمل ويلي جرب يخبرني

[/quote]

انا اشتريتو وماكنت حابه رد الا بعد ماجربو

وعنجد كتير روعه ومزوءة يسلمو

وبنصح كل الصبايا يجربوه بس مايتعلقو فيو كتير

لانو لح يقطعو بعد فترة متل العادة

وفي كمان بارفان بجنن بستعملو اسمو فانتازي تبع

بريتني سبيرز " Britney Spears "
Fantasy Eau de Parfume

كتير ناعم وبجنن خرج صبايا

وفي منو البنفسجي كمان بجنن

اما الديودورون فبظن افضل شي

ليدي سبيد ستيك يلي على فريز

مابعرف لح يبينو الصور او لأ بس ازا بينو بكون الفضل لأم الجود

ويسلمون ع الموضوع كتير حلو ومفيد

[butterfly]

لك أنا الديودوران اللي ريحتا متل الصابون بتزعجني .. ما بحبا ، بحس أنو مدري كيف
هلق أنا نفسيا ً ومعنويا ً ( منحازة شوي لريكسونا .. مو لأنو بحبها بس دعاياتها كيوت .. )

بس انو اللي عم استعملها ريكسونا شوي ما خرج عمري

[rama1985]

كاتب النص الأصلي : butterfly

لك أنا الديودوران اللي ريحتا متل الصابون بتزعجني .. ما بحبا ، بحس أنو مدري كيف

هلق أنا نفسيا ً ومعنويا ً ( منحازة شوي لريكسونا .. مو لأنو بحبها بس دعاياتها كيوت .. )

بس انو اللي عم استعملها ريكسونا شوي ما خرج عمري

طيب جربي الديودوران تبعون نكتار او بودي شوب

هدول مو على صابون بكونو على فواكه

[جلنارالغالية]

هدا برفاني اللي بستعملو حاليا
وهو من نوع LANCOME TRESOR

أما برفاني وهو متل ما بيؤولو حبي الأول



من ديور

[zizo313]

كاتب النص الأصلي : butterfly

يعني جد .. هية هيك الحياة
فااااااااانية
بتتعلقي ببارفان
بتحفظ تيابك وحدة وحدة ، وحتى اكثرها خصوصية
بيصير بيناتكن عشرة واخد ورد .. وشكلسة وحركات
ذكريات وآخر شب .. تحممتي بالبارفان لأنك رايحة تشوفيه
والمحرمة اللي بخيتي عليها بختين وخبيتيها بدفتر مذكراتك أبو القفل والمفتاح .. اللي مخبيتيه تحت مخدتك
و البخات السرية .. وقصص
وبعدين .. بعد ما تعتقدي أنك أخيرا ً خلص لاقيتيها
البارفان تبع حياتك .. وبتعتقدي أنها رح تكمل معك طول العمر

بيجي شي جديد وما عاد بتلاقيها
وكأن ما كانت يوم من الأيام شي جوهري بحياتك ... بتحاولي تجيبي هيك نسخ تقليد ، أرخص .. بتشبهها
بس ما حدا بيعبي مطرحك بقلبي .. وبتمضي الإيام وشوي شوي .. بتحسي ريحتها عم تطلع من انفك
عم تنسي شو كنتي تحسي وقت تحطيها .. وبتروح معها كتير شغلات مهمة

وشوي شوي .. أنفك بيتعود ع ريحة قويق و الكولونيا اللي من عالبسطة .. وريحة العرق بباصات النقل الداخلي
وخلص بيموت فيك الإحساس الشمي

وسمعوني(

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

)

I am so touched. Aldam3a faret men 3ainy

[يمان Rooooonaldo]

اما كل وحدة عم تحكي عن بارفانا .. اعز من ولاد ولادا ..

عنجد .. ربي يعنن"زواجكن-اصدقائكن" عليكن .. شو متحملييييييين من هيك حكي ليل نهار ولي ..

[أم الجود]

كاتب النص الأصلي : يمان Rooooonaldo

اما كل وحدة عم تحكي عن بارفانا .. اعز من ولاد ولادا ..

عنجد .. ربي يعنن"زواجكن-اصدقائكن" عليكن .. شو متحملييييييين من هيك حكي ليل نهار ولي ..

مو عاجبك ما !!؟

اي اسع من هون أحسن ما تاكلك شي كعب عالي بنافوخك

[يمان Rooooonaldo]

لك اي ما اختلفنا .. بس وشرفي لو منتركم قاعدين مع بعض .. 4 سنين متواصلة لتضلو تناقشو عن هي .. وهي وهي ولا هي احلا وهي احلا .. وشوفي هديك شو لابسة وشوفي هداك شو عامل ..