اسف على الازعاج

[inodessa]

كاتب النص الأصلي : محمد 13

بس انا حاسس ان الموضوع ده مش مسببلى مشكلة ده بالعكس انا بحس انا بطلع طاقتى المكبوته فيه

واحب اضيف انى حزين وعندى اكتئاب ومبنزلش من البيت غير لما احب اصلى فى الجامع حتى الكلية مش بروحها
ولو حبيت اخرج من البيت مش بلاقى حد اخرج معاه بس انا حاسس ان ده شىء طبيعى لانى ماليش اصحاب غير واحد وهو معظم الوقت مش فاضى والباقى مجرد زملاء لكن طبعا اسباب حزنى ده شىء يطول شرحه ومنها اسباب عائلية.

اخ محمد مرحبا بك اولا...
انا بعيد كل البعد عن علم النفس... بس انا (ع قدر ما منطقي بساعدني) رح رد عليك لاني تأثرت بموضوعك كتير و لآني على خلاف الكثير من الردود السابقة
برأيي حالتك مو هالحالة المرضية... لأن الانسان (الطبيعي) بيقعد مع حالو و بناقش حالو (بصوت او بغير صوت) و براجع افكارو القديمة او بفكر بأمور جديدة... و ممكن يناقش (بينو وبين حالو) قصة بتخصّو أو يناقش مع شخص اخر (مو موجود) قضية ما...
كيف يعني مع شخص اخر مو موجود؟؟؟
رح اعطيك مثال... انا شخصيا مبارح بالليل كنت عم فكر (متأثرا) بقضيتك لدرجة اني بلشت اشرحلك وجهة نظري... او بالاحرى بلشت متل مناقشة معك متوقعا ردودك بناءً ع موضوعك... مع اني بعرف انك مو موجود!
بس انت بالنسبة الي موجود من خلال طرحك لمشكلتك... يعني انا ما بهمني شكلك او وجودك الجسدي... وانما بهمني الشي يلي لازمني منك يكون موجود ... ألا وهو حديثك أو موضوعك أو وجهة نظرك (متل ما انا فهمتها من خلال طرحك!) يعني انا كونت صورة جزئية عنك (أخذت الجزء يلي بهمني).

والناس دول موجودين فى الواقع مش شخصيات انا بخترعها ولكن الناس دول ما بسمعش ليهم صوت او بشوفهم دى حاجة فى خيالى وساعات بكلمهم فى خيالى وساعات بكلمهم بصوت مسموع وعالى

لاحظ انو الناس موجودين وعندك خلفية ما عن شخصيتهم.....! و انت (برأيك) بتعرف كيف هني رح يردو عليك... وكأنهم موجودين...


اخي الكريم..... حالتك هاي موجودة بكل البشر.... والدليل انو كتير بيقعدو بيحكو مع الله مثلا.. مع انهم لا شايفينو ولا منتظرين منو جواب!!! وبيحكو معو بصوت عال احيانا.... وخصوصا بحالات التعمق بمشكلة كبيرة عم تصير... و احيانا بشكل لا شعوري...

لا تبعد كتير.... انا هلق انا و عم اكتبلك هالكلام.... متل كأني عم احكي معك!!!! يعني شو فرقت!!! معلومات عقلي عم يصيغها بس بدال ما لساني يحكيها أصابعي عم تطبعها ع الكي بورد!.... يمكن تقول انو الفرق انك انت رح تقراها.... اما اذا حكيتها حكي ما رح توصلك... كلام سليم.... بس مو دائما الشخص بفكر مشان الاخرين... احيانا بفكر مشانو... و بحاجة لحدا (متلك) يناقشو..! و حتى اذا انت ما رديت انا بخليك ترد متل ما انا مفترضك ترد (اذا كنت متخيل وجودك).

طيب اذا كنت بالجامعة و اجاك دكتور (ذو ذنب) حكي معك حكي جارح او ظلمك.... بتقدر تسبو ابو يلي خلّفو قدامو شي؟؟ بس بتلاقي حالك ما خليت مسبي عليه بينك وبين حالك.... مع انو ما عم يسمعك!!!! (مع اني مو من هالنوع)


بالخلاصة: في ناس بتحب تناقش قضايا مع الاخرين... ولسبب ما هالنقاش بكون صعب او مستحيل, فبتضطر تتخيلهم وتناقشهم.

بس دائما خليك واعي, فاهم شو عم يصير حولك, وبكلمة أفضل "مسيطر على نفسك"... ولا تدخل عالم اخر وتنسى العالم يلي انت فيه..... هالشي بدو تدريب...
الحلو انو الموضوع (كما ذكرت انت) مو مسببلك مشكة!! بس اذا تجاوز حد معين يمكن يسببلك مشكلة..




اوف تعبت.... بيمنالك الخير..

[inodessa]

ملاحظة: كتبت ردي السابق قبل قراءة جوابك الاخير

[متمردة]

بصراحة لأن تفاجأت من العبارة يلي كنت مقتبستا حول تشخيصك بأن الوضع هو انفصام
ما خطرلي أبداً يكون يعني هيك الوضع لما قريت مشاركة محمد
التشخيص النفسي ليس بالأمر السهل أبداً
وحتى لو خطرلي احتمالات..... بعتقد غلط كتير كبير قولو ولسا ما عندي معلومات كافية وماني واثقة
ويا هلا فيكي دايماً

صديقتي المُتمردة

لا نستطيع تقييم الآخر من خلال معلوماتنا الضيئلة المُكتسبة من الحياة

أرجو الحذر من إصدار أي حُكم على الآخر في المرة المُقبلة

كوني بخير ,.

مو مشكلة ، بس أنا لما كتبت هيك أول شي كتبتلو اني ما بعرف ، حتى يكون بالصورة ، تاني شي أنا بعرف اني ما عم احكي مع ولد صغير وهو أكيد بيعرف شو معوا تماماً ، عم بحكي من تجربة شخصية إذا بدكن

حابة حط مقطع من الويكيبيديا بيحكي عن تأثير الفصام عالإدراك :

"الإدراك: حيث يبدأ المريض بسماع أصوات أو رؤية أشياء غير موجودة على أرض الواقع. وهي ليست أفكار في البال وإنما سماع حقيقي, كأن يسمع من يتحدث إليه معلقاً على أفكاره وأفعاله أو متهجماً عليه أو موجهاً له الأوامر أو غير ذلك. وقد يكون المتحدث شخصاً واحداً أو مجموعة من الأشخاص يتحدثون فيما بينهم عن المريض. وهذا ما يفسر ملاحظة الآخرين لحديث المريض وحده إذ هو -في الواقع- يتحدث إلى هذه الأصوات. كما يمكن أن يرى أشياء مختلفة وغير حقيقية."


لذلك سألت محمد إذا كان بيتحدث بإرادته أو لأ

محمد ، حاول تكون متأكد مية بالمية انو بإرادتك هاد الشي عم يصير ، إذا عندك شك ، لازم تشوف مختص مو لأنك مريض ، لأ ، بس لأن ممكن للوضع يتفاقم

ولكن ذكائى بدا يقل بالتدريج وانا اعترف ايضا انهم اذكى منى ولكن ليس معنى ذلك انى غبى وصراحة انى لا استطيع ان اقول ان قدراتى الطبيعية تؤهلنى من تحقيق احلامى ولا لا فأنا كنت من هواتة التميز فى الصغر ولكن الان لا اجد فى نفسى اى موهبة او تميز وخاصة انى استبعدت التميز فى الدراسة

محمد
انت هون تحديداً لازم تنتبه ، أوعك تفقد ثقتك بنفسك وبعقلك ، هي كلها أوهام عم تجيك لأنك حابب تتخلص من هي العادة (هيه فعلاً عادة) وما عم تقدر ، فبسببك عدم قدرتك على التخلص من عادة سيئة ، أسبابها نفسية ، بتصير بتفكر انو انت ما فيك تعمل شي وبدي عقلك يضعف وما بعرف شو ، أصلاً العقل ما بيضعف ، والإنسان لما بيخلق بيخلق كامل ..هلأ الخبر الحلو ، انو انت لهلأ كامل بس مسيطرة عليك أفكار لازم تقتلعها من راسك ..محمد انت ما فيك شي ، عقلك سليم ، ولو ما كان سليم وعم يفكر بطريقة سليمة ما كنت كتبت هون ..صح؟؟

انت لسا محمد الذكي ، بس مع شوية أفكار اجتو بسبب ظروف الحياة وسيطرت عليه ، هلأ لازم تتخلص منها .

سبب هي الأفكار هو هي العادة السيئة ، لا تستغرب اني عم سميها عادة ، هيه بجد عادة .مو أكتر .
ولحتى تتخلص من هي الأفكار لازم تتخلص من هي العادة (للمرة المليون) ، وبالتالي رح تسترجع ثقتك بنفسك وبعقلك ، وانت لسا صغير محمد ، فيك تعمل شو ما بدك هلأ ، بس خود القرار المناسب .

لازم تندمج بالعالم ثم تندمج بالعالم ثم تندمج بالعالم
العلاقات الاجتماعية هيه اللي رح تقويك وتنسيك وترجعك طبيعي ، صدقني .
جيب ورقة وقلم ، وحط 1-2-3-4-.... كل الأشياء اللي نصحناك فيها وفيك تعملها
1-قوي علاقات اجتماعية : اكتب كيف فيك تقوي علاقاتك بشكل عملي
2-أمشي كل يوم نص ساعة
3-جيب أفلام بتسلي
4-آكل كل يوم تلات أو أربع أنواع فواكة
.
.
الخ ..كل الشغلات

هلأ في شغلة أخيرة بنصحك فيها ، باللحظة اللي بتقرر انك تقعد وتتخيل ، اعمل شغلة تانية ، حط شغلة تانية تعملها بدل هي وبنفس الوقت اللي بتقرر فيه انك تتخيل .
رح أعطيك أمثلة ، مو لحتى تعملها ، لكن لحتى تستوحي منها أشياء مماثلة بتفضا انت انك تعملها
1-بدل ما تقعد لحالك ، قوم اعمل شاي واقعد مع أخوك ، أو أمك أو أي حدا واحكي معو بشي موضوع ، حتى اذا فيك تحكي بنفس الموضوع اللي ببالك بكون كتير منيح .
2-اعمل وقت المشي ، هو وقت اللي بيخطرلك تتخيل ، وبدل ما تتخيل انزل امشي .
3-إذا عندك هواية : رسم ، كتابة ، الخ فيك تمارسها بهاد الوقت كمان .
.
.
يعني الفكرة صارت واضحة ، فيك تعمل أي شيء بدل انك تتخيل ، ومع الوقت ، رح تشوف كتير تحسن بشرط انك تعمل وتواظب عهالشي ..

بتمنالك التوفيق

[متمردة]

في فكرة أفضل خطرتلي من إنك تحكي مع أي شخص
ممكن تتصل تلفون أو تروح لعند الشخص اللي قررت انك تتخيلو
هاد الشي بخليك واقعي أكتر ، طبعاً إذا فيك .
بتكون كتير شغلة منيحة

[sandra]

الأدرينالين طلع عندي لأعلى درجاتو من ورا الكمبيوتر
أنو بعد ما كتبت رد طويل عريض مدري شو الحشيشة يلي خلتو يعمل ريستارت وطار الرد
رح ارجع للموضوع بعد ما انسى مصيبتي وأهدى

[متمردة]

كاتب النص الأصلي : sandra

الأدرينالين طلع عندي لأعلى درجاتو من ورا الكمبيوتر
أنو بعد ما كتبت رد طويل عريض مدري شو الحشيشة يلي خلتو يعمل ريستارت وطار الرد
رح ارجع للموضوع بعد ما انسى مصيبتي وأهدى

فهمانة شعورك هلأ !!
وأنا أشد على يديك و أشجعك للكتابة مرة تانية لأنو هاد الحل الوحيد حتى تروقي .
صارت معي كتيييير ، وأخدت درس اني اعمل كوبي دايماً قبل الارسال

[saman]

كما ارى أن حالتك تشبه الى حد قريب فيلم سينمائي مصري كنت قد رأيته وهو يحمل نفس العنوان !
هل هناك تشابه بين رؤياك والفيلم ؟؟

[محمد 13]

اولا هو فعلا فى فيلم مصرى يحمل نفس الاسم
ولكن قصة الفيلم تخلتف كثيرا عن حالتى وسوف تعرف ذلك لو قرأت كلامى كاملا
ولكن عند وضعى لذلك العنوان لم يكن قصدى ان اشير الى الفيلم
ولكن كان قصدى ان الموضوع قد يكون مزعج للبعض وخاصة انى لم اكن اعرف المكان الصحيح لوضع مثل ذلك الموضوع فانا ترددت كثيرا قبل وضعه .
ثانيا انا بشكر جميع اصدقائى اللى اهتموا بالرد وانا عارف انى تعبتكوا معايا .

[متمردة]

اولا هو فعلا فى فيلم مصرى يحمل نفس الاسم
ولكن قصة الفيلم تخلتف كثيرا عن حالتى وسوف تعرف ذلك لو قرأت كلامى كاملا
ولكن عند وضعى لذلك العنوان لم يكن قصدى ان اشير الى الفيلم
ولكن كان قصدى ان الموضوع قد يكون مزعج للبعض وخاصة انى لم اكن اعرف المكان الصحيح لوضع مثل ذلك الموضوع فانا ترددت كثيرا قبل وضعه .
ثانيا انا بشكر جميع اصدقائى اللى اهتموا بالرد وانا عارف انى تعبتكوا معايا .

..

[noor al houda]

تعبك راحة يا اخ محمد
واتمنى انك تخرج نهائيا من العزلة لي حطيت حالك فيها وما تخلي احالك فرصة لتتخيل وادا كانت بتجيك حالحالة باوقات المزاكرة لازم تزاكر بجماعة من زملاءك
واتمنى انك طمنا عحالتك وتخبرنا اذا شفت طبيب نفسي ولا لا
مع تحياتي
معافى ان شاء الله

[محمد 13]

متشكر جدا لذوق حضرتك يا اخت noor al houda

[firdaous]

السلام نصيحتي لك أخي هي
" اندمج أكثر في واقعك. حاول أن تحتك مع الناس أكثر لان العزلة لن تنفعك أبدا. روح الكلية اجتهد في الدراسة فكر في المستقبل. احتك مع الناس و لو صدوك او نبذوك حاول ان تقترب منهم و لا تهتم و الاهم من هذا يجب ان تزور اخصائي نفسي"
ملاحظة لا تكرر ابدا قولك أن لا أصدقاء لك. و الا فلماذا نحن هنا
* أتمنى لك الشفاء العاجل

[noor al houda]

مرحبا...
شو انت ما طمنتنا على حالك انت شفت طبيب نفسي ولا لسه

[محمد 13]

السلام عليكم
لا للاسف لسه ما شوفت طبيب نفسى لانى مشغول اليومين دول بالمذاكرة لان الامتحانات قربت فى الكلية
لكن بأذن الله هروح لطبيب نفسى قريب
وشكرا على سؤالك

[firdaous]

سلام طيب شو الاخبار ؟؟؟ كيفك ؟؟؟
رحت على طبيب ولا لسة ؟؟؟ كيف ماشية الامور في الكلية ؟؟ شد حيلك ..زي ما بتقولو:ya hoo:

[قمح]

أنتَ يا صديقي بمجرد طرحك للموضوع .... هي أول خطوة للتحسن
وكل انسان بهالعالم بسعى لتحسين نفسه ولازم يطور وينمي ذاته من فترة لفترة ...

هلأ بالنسبة لموضوع التخيل هو اشي كتير كتير منيح ... يعني انك تتخيل الحلم صار حقيقة اول تتخيل حوار قبل ما يصير .... بس لازم تكمل يعني تخيل تحقق الحلم واشتغل عليه
تخيل انك بتحاور ... بعدين روح حاور فعلياً ... هاي طريقة ممتازة لتفادي الغلط ....

ويمكن انتَ ما عندك مشكلة أساساً بس أنتَ مبالغ فيها شوي ....
يعني أنا كمان كتير بغرق بخيالي وبطير بهالدنيا .... بالعكس هاد يعد ذكاء بس اهم شي انك ما تهرب من العالم الحقيقي الى الخيال ... العالم الحقيقي في الحلو والمر .... بس وحياتك ألأغلب حلو اذا انتَ شفتو حلو .....

هلأ نصيحتي الك يا صديقي .... هو أنو تعمل تغيير جذري بحياتك ... نقلة نوعية
مثلاً غير طبيعة الملابس اللي بترتديها ....
غير تسريحة شعرك ...
واندمج مع العالم واعمل اصدقاء واختلف معهم وتصالح معهم ...
وزيد ثقتك بنفسك ..... أهم شي
عارف أنو في ناس فعلاً موهوبين بس ما عندهم ثقة ف ضاعت عليهم
وفي ناس مش موهوبين بس واثقين بنفسهم لحد الغرور والعالم والناس بشوفوهم رائعين !!!

يعني كل انسان عندو اشي مميز ... دور عليه بتلاقي أكيد
وحاول أنك تنسى المشكلة اللي طرحتها يعني لا عاد تخليها تشغل بالك لأنك كل ما تفكر فيها أكتر بتزيد .... فكر بالاشي اللي بتحبو والاشي الايجابي ....

وبالنهاية زور طبيب نفسي خلي يساعدك باسرع وقت ممكن ....
والطبيب النفسي مو عيب زي ما بعتقد البعض اي انسان ممكن ينضر جسدياً ويزور الطبيب ممكن كمان ينضر نفسياً ولازم يزور الطبيب .... متل الجسد ... يعني الموضوع عادي

وبالنسبة لموضوع الأهل والأخوة .... لا تفكر بالماضي أبداً .... وبتقدر تبدع بدراستك الحالية
واذا اهلك لاحظوا التغير اللي عندك أكيد رح يساعدوك ....
وانتَ لازم تكون قوي وجريء .... وتحكي اجا وقت التغيير

ويمكن بالبداية تواجه صعوبة .... بس لازم تتجرأ وتندمج ... ومرة ع مرة
ان شا الله بصير وضعك تماااااام ....

[firdaous]

يعني يلا طمنا شو الاخبار?????????????

[noor al houda]

شو اخبارك الك مدة طويلة ما طليييييت