سوريون محكومون بالإعدام في السعودية يطالبون حكومتهم عبر سيريانيوز بالتدخل

[ملاك السعودية]

ماجد يشطبوهم قبل يموتوا

بعد مايقتلوا يتم أتخاذ هذي الإجرائات

وتبلغ السفاره لتستلم الجثث هذا اذا تبي تستلمها

تحياتي

[maged-syrian]

كاتب النص الأصلي : المحارب العتيق

أي يقصو راسون . ولحنا معناها لازم نتشدد ضد يلي عم يعمل أرهاب . ويلي منمسكو بدو يروح على العراق نقص راسو
شو هالمنطق الحقير هاد . هنن المفروض بيمثلو وجه الاسلام . والأسلام ما أمر بهاد الشي فهو غلط . هاد ماعاد أسمو شريعة صار أسمو خرق لحقوق الأنسان لما كل جرم بتصير عقوبتو الأعدام . بعدين بالأول يعدمو السعوديين المتعاطين . هدول يلي خلو السوق مزدهر . مو بس يتقاوو على الغريب .
لو الي صار كان بالعكس كانو تاني يوم مولو حرب أمريكية على سورية
يحاكمو الواحد بالسجن ويرحلوه على بلدو ماحاد بيقول شي

احترم وجهة نظرك ... وحق سوريا الطبيعي انها تتشدد مع الارهابي اللي بيقوم بعمليات تخريبية متلو متل مهرب المخدرات كلاهما فاسدان في الارض وتقوم باعدامه كمان , بالنسبة لقانونهم هم بيستمدوا قانون القصاص من الآية التالية " 'انما جزاء الذين يحاربون الله ورسوله ويسعون في الارض فسادا ان يقتلوا، او يصلبوا، او تقطع ايديهم وأرجلهم من خلاف، او ينفوا من الارض. ذلك لهم خزي في الدنيا ولهم في الآخرة عذاب عظيم'"
هم الهم تفسير خاص انو هاي ارض الحرمين ,, واللي بيقوم بهاي الاعمال بارض الحرمين فجزاؤه القتل او القصاص مشان العبرة ومشان ماتصير فتنة كمان لأن لو العقوبة كانت السجن ,, كنت شفت السجون ممتلئة وماعم يلحقوا ويمكن يعمروا سجون تانية ... كل بلد الها طبيعتها
بالنسبة للمدمن فالمدمن عقابه اخف من عقاب المروج اللي هو القص ,,, المدمن بيعتبروه ضحية لهالسبب اقصى عقوبة يمكن تكون السجن ,,, اما المروج فعقوبتو هي القص لأنه خطر على مجتمع باكملو و باعتبار ان هو سبب بلاء المدمن وضياع مستقبله ,,,

عالهامش :- فوق كل هالعقوبات الرادعة والمرعبة ,,, بتلاقي المخدرات منتشرة والحصول عليها سهل ببعض الاماكن ,,,

[ملاك السعودية]

الموضوع سبق وقلت محرج أستغرب انكم تحاولون النقاش فيه

بالتأكيد راح تكون النهايه كنهاية نقاش ماجد

[maged-syrian]

كاتب النص الأصلي : ملاك السعودية

الموضوع سبق وقلت محرج أستغرب انكم تحاولون النقاش فيه

بالتأكيد راح تكون النهايه كنهاية نقاش ماجد

عفواً افهم من كلامك اني انهيت نقاشي بشكل محرج .. بعد اثبات وجودك بهذا الموضوع ؟!

بكل الاحوال انا لست مع السياسة السعودية بخصوص هذا الموضوع بشكل كامل
باعتبار ان في اناس بالسعودية لا تطبق عليهم الشريعة الاسلامية
اهلا وسهلا بتطبيق الشريعة شرط ان تطبق على الجميع دون استثناء
ولااريد الخوض بهذا الموضوع وفتح نقاشات عقيمة

بعد مايقتلوا يتم أتخاذ هذي الإجرائات

وتبلغ السفاره لتستلم الجثث هذا اذا تبي تستلمها

المهم بالنسبة الك ان يقتلوا بس ؟؟ وطز بالباقي
مو هيك بيعامل البشر باملاك .. هدول المجرمين عالجرائم اللي اقترفوها بيضل الهم كرامتهم الانسانية .. وبيضل الهم حكومة تسئل عنهم واهل يسئلوا عنهم
قص الرؤوس عقاب طبيعي بالسعودية لكنه ليس طبيعياً خارج السعودية ياريت تحطي هاد الشي ببالك

[Government]

اخي من الاخير .. مو الحق عليهن لا والله
الحق علينا .. ع كرامتنا اللي مارح قول وين صارت .. وع اللي خلاهن يصيروا ويتزعموا ع هالناس اللي بلدن بس ..


هه

[فاوست]

عقوبة الإعدام هي عقوبة غير إنسانية أكانت في السعودية ام في سوريا أم في الولايات المتحدة الأمريكية

وانا ضد هذه العقوبة بالمطلق
لكن السؤال منذ متى والمواطنين السوريين موضع إهتمام حكومتنا ونظامنا العتيد!!!؟
لماذا لاتقوم سوريا مثلاً بإبلاغ اهالي المعتقلين عن مكان إعتقالهم ولماذا لا تسلمهم جثث أولادهم لو توفي تحت التعذيب فيما لو كانوا معتقلي رأي مثلاً

بعدين من عدة أشهر اعدم في حلب مجموعة من الشباب من قبل محكمة عسكرية كانوا عاملين عصابة تشبيح
ووقف المتجمهرين امام الساحة العامة التي أعدِم فيها الشباب وهتفوا بأسم بشار الأسد أثناء تنفيذ الحكم
منذ بضعة أيام كان هناك إعتصام امام السفارة السعودية ضد تنفيذ حكم الإعدام الغريب أن المتجمهرين هتفوا بأسم بشار ايضاً!!
صدقوني لو كانت علاقة سوريا بالسعودية جيدة،لسمعنا من سوريا طلب بتشديد العقوبة (لا أعرف ماهي العقوبة الأشد من الإعدام)

[Government]

نحن ماعمنحكي ع الاعدام كــ عقوبة
نحن عمنحكي انو كيف منرضا ع شعبنا انو ينعدم ببلد غير بلدو وبعيد عن اهلو ..
وبالمقابل منسلم سعوديين اجرمو باراضينا وبكل رحابة صدر وبدون ماندقرن .. بس السوريين اللي بالسعودية بنعدمو وماحدا سال عنن

[sandra]

بعد تواصل محكومين سوريين مع سيريانيوز .. السعودية تشوش على الهواتف النقالة في السجون

علمت سيريانيوز أن السلطات السعودية ركبت أجهزة الكترونية للتشويش على الهواتف النقالة في السجون بعد أن تواصل سجناء سوريون محكومون بالإعدام مع سيريانيوز ومع ذويهم عبر هواتف نقالة مهربة.


وقال سجناء تمكنت سيريانيوز من التواصل معهم إن "السلطات السعودية ركبت أجهزة للتشويش في السجون قبل يومين بعد أن تم نشر الأنباء عن أوضاعهم في السجون واحتجاجهم على إعدام ثلاث سوريين قطعت رؤوسهم بالسيف".
واستطاع السجناء عبر هذه الهواتف المهربة من نقل صور لعمليات الإعدام التي تنفذها السلطات السعودية في ساحات السجون إلى ذويهم, كما استطاعوا إيصال مطالبتهم للحكومة السورية بالتدخل في قضيتهم.
وأشار سجناء إلى أن الحصول على أجهزة الهاتف النقال في السجن يكلف مبالغ كبيرة.
ونظم ذوو السجناء السوريين المحكومين بالإعدام في السعودية عدة اعتصامات في دمشق مطالبين بوقف هذه الأحكام, خاصة وأن هؤلاء محكومون بالتعامل بحبوب منشطة محظورة في السعودية وليس مخدرات.

يعقوب قدوري – سيريانيوز

[Government]

حبوب منشطة وعقوبة الاعدام !
عند شي بهين

[majestical]

يعني المغترب يضل عم يدفع طول حياتو ثمن غربتو!!!
وما حدا سائل عليون؟؟؟
هي ضربة كبيرة بحق كل واحد
معقول؟؟؟ وين السفير ... وين العالم؟؟؟ .... وين الدبلوملسيين؟؟؟
وبعدين من وين لوين لتصير السعودية تحكم عليهون؟؟ مو منطق ابدا
السعوديين بيفوتوا لسوريا وبيعملوا يلي بدون ياه
واذا السوري عمل شي قاموا عليه بالإعدام؟؟؟
وين العدل
وين؟
بالإسم السعودية عم تتعامل بحكم الشريعة!!!
شو هالضحك على اللحة؟؟؟
بس يا للأسف!!!

[ابو عمير السوري]

ليش بالشريعة في نص مكتوب بعقوبة الأعدام بمن يهرب حبوب منشطة؟؟؟؟؟؟؟؟؟؟؟
بالشريعة في كتير أمور غير مطبقة مثل الشورى .........بيت مال المسلمين وأمور أخرى ليش مالا مطبقة؟؟؟؟?

[majestical]

وين ردة الفعل ؟
شو عم يسنتوا لسا؟
رح نتحرك بعد استلام الجثث؟