استهلاك قضية

[zen]

- شو يعني قضية ؟
القضية شي أساس بحياة شخص وكل شخص بيتبني قضية بيشتغل مشانا وعليها
في كتير ناس عايشين بدون ما يتبنو شي ؟
أسف بيكونو ناس بلا هدف بدون شي يعني هوااااااااااااا

3 ) - كيف برأيك فيها تحافظ قضية ما على حيويتا ؟ بعيدا عن الاستهلاك ؟؟ او الاستغلال او إساءة الاستخدام ؟
لما بتكون بعيدة عن السياسة وما تسالوني كيف بعرف انو قصة معقدة بس انا بحس انو ممكن نحل قضايا كتير بعيد عن السياسة ومنها قضية فلسطين مثلاً
السياسة عصب رئيسي بالحياة .. ما في شي بالدني عم يقدر يبعد عن السياسة
ممممممممممممممم قلتلك ممكن تعارضوني او تشوفوها شوية مثالية أو ملائكية القصة بس هيك فكر بسأكيد التنفيذ صعب كتيرررر

[BL@CK]

كاتب النص الأصلي : butterfly

هلق بدي بسرعة نتناقش حول هالأشياء
1 ) - شو يعني قضية ؟
2 ) - القضايا اللي بتمسك ، بتتأثر : بالبعد الإنساني - البعد الديني - البعد الإقليمي ( الجغرافي ) ؟
3 ) - كيف برأيك فيها تحافظ قضية ما على حيويتا ؟ بعيدا عن الاستهلاك ؟؟ او الاستغلال او إساءة الاستخدام ؟
4 ) شو القضايا اللي كنت تتبناها بحياتك ؟ بعدين حسيت انها ما عادت تعنيلك ... ؟ وليش صار هالتحول ؟
5) - شو القضايا اللي بتتبناها اليوم ؟ وليش !

1 - القضيّـة , هي حبيبة كل بني آدم فينا .. حلمنا لما كنا صغار فيا و تمنينا بيوم من الأيام نوقف جنبا ..

بس و للأسف و بفضل أشخاص تحوّلت و تبدلت من حبيبة شريفة , لـ عاهرة للإستخدام الشخصي و مص دماء شعوبنا

نعم عاهرة , بس اللي عم يـُغتصب مش هيه , الشعب عم يـُغتصب و عم يتنكح تحت مسمـّى " قضيّـة "

2 - من الصعب أحدد شو هيه القضايا اللي بتمسني , يعني قد أشوف إنسان فقير معدم , أعتبر سعادة هالبني آدم قضيتي

" طبعاً من سابع المستحيلات , ما وصلت لهالأفلاطونيات , بس عم نتضحك عا بعض "


3 - القضية أيا ً كانت لازم تصل بالنهاية لحل , مثلا ً قضيّة فلسطين لما بترجع فلسطين " حلم " رح تكون القضية ناجحة .. أما حاليا ً فـ القضية شبعانة فشل و ضحكت علينا الصديق قبل العدو

4 - كنت صغير , أتبنا عدة قضايا من بيناتا وحدة الأمة العربيـّة ..

حاليا ً برأيي ما في أي حدا فينا من الممكن يتبنا قضية مصيرية و يكون وفي إلها , ولو رح يمشي علينا صيت الإنهزامية , بس إنشغالنا بأمور الحياة و المعيشة بيمنعنا من تبني أي قضايا مصيرية ..

من الممكن نتبنا قضايا صغيرة متل مساعدة معوقين أو ما إلى ذلك ..

5 - قضيتي أنا , كيف ممكن أكون أنا على أفضل صورة بهالمجتمع ..

و بس هيك , شكرا ً ميمو ..

[ooopss]

كاتب النص الأصلي : butterfly

هلق بدي بسرعة نتناقش حول هالأشياء
1 ) - شو يعني قضية ؟
2 ) - القضايا اللي بتمسك ، بتتأثر : بالبعد الإنساني - البعد الديني - البعد الإقليمي ( الجغرافي ) ؟
3 ) - كيف برأيك فيها تحافظ قضية ما على حيويتا ؟ بعيدا عن الاستهلاك ؟؟ او الاستغلال او إساءة الاستخدام ؟
4 ) شو القضايا اللي كنت تتبناها بحياتك ؟ بعدين حسيت انها ما عادت تعنيلك ... ؟ وليش صار هالتحول ؟
5) - شو القضايا اللي بتتبناها اليوم ؟ وليش !

شكرا مرسيل عالموضوع..
كتير بفكر بهالقصة أحيانا لما بشوف صار عادي لما نسمع الأخبار مثلا
متل ماقلتي نسمع عدد الجرحى والقتلى يلي بفلسطين مثلا
. صار شي من روتيننا. صح بنزعل بس اعتدنا..
شويعني قضية؟
كل شي بحياتي بتنبناه ..بريد حققوا...بحارب مشانوا... عكل الأصعدة المختلفة..
القضايا يلي بتمسني ..بتتأثر
بتتأثر بكل الأبعاد...لأن برأيي نحنا مو مجزأين ..لنتأثر ببعد من دون التاني ...
والأبعاد كلها بحد ذاتها مرتبطة ببعضها..
بس يمكن الأبعاد الانسانيةوالدينية عندي بتأثر أكتر من غيرها فيي...
كيف برأيي ممكن نحافظ عقضية ما من الاستهلاك..
بصراحة هي صعبة نوعا ما...لان وسائل الاعلام منتشرة وبشكل واسع ومتطور كمان
اذا بنفكر يمكن استهلاك القضية الو بعض الجوانب يلي ما بنحسن نستغني عنها..
صح نحنا عم نستهلك القضية... وهاد غلط
بس بنفس الوقت لما نحنا عم نستهلكها عم نعلم الأجيال التانية عن قضايانا الأجيال يلي مابتعرف..أو نذكر يلي نسيو
أحيانا مابيكون ما عنا حل غير أنو نستهلك القضية..
بس أنو لما استهلاك القضية بيولد لدينا لا مبالاة بيكون الغلط منا نحنا..
ولازم يكون ضميرنا هو الصاحي..
الغلط باستهلاك القضية برأيي هو أكتر الشي هو استهلاكها بطريقة غلط من جهات غلط...
لتزرع قيم غلط أو تحرف شغلات وقيم...
والحل متل ماقلت يمكن بالضمير الحي ...النا الشعب و المسؤولين.
وانو يكون في عواقب للاستهلاك الغلط..
القضايا يلي كنت اتبناها وبطلت...
مافي...
لان قضاياي هي مبادئي...ومبادئي مارح تزول



شو القضايا يلي بتتبناها اليوم وليش
كتيييير
انو الناس تبقى مآمنة بالمحبة...لوتعرضت لصدمات من أصدقاء احباء الخ...ومايتعقدو
وانو يحبوني الناس ومايرفضوني
بحلم بمدينة فاضلة حط فيها كل قضايي وقضايا التربية والتعليم ..(هي قصة طويلة)
كمان قضايا الدين..والحفاظ على الايمان..
قضايا الطفل... المختلفة (الصحية الاجتماعيةالنفسية..... )
قضايا اني ما أضعف أمام الصعوبات واليأس
قضيايا الامة العربية متل أي مواطن عربي..
وكتييير قضايا هدول اهمهن..

وشكرا الك

[أسير التشرد]

) - شو يعني قضية ؟
2 ) - القضايا اللي بتمسك ، بتتأثر : بالبعد الإنساني - البعد الديني - البعد الإقليمي ( الجغرافي ) ؟
3 ) - كيف برأيك فيها تحافظ قضية ما على حيويتا ؟ بعيدا عن الاستهلاك ؟؟ او الاستغلال او إساءة الاستخدام ؟
4 ) شو القضايا اللي كنت تتبناها بحياتك ؟ بعدين حسيت انها ما عادت تعنيلك ... ؟ وليش صار هالتحول ؟
5) - شو القضايا اللي بتتبناها اليوم ؟ وليش !

مرحبا..
1- القضية مالها معنى..وخلاصة التعبير حكي فاضي..
2- ما دام عرفنا انو القضية مالها معنى وحكي فاضي...فاكتر شي بالقضية حكي فاضي هو البعد الديني..وطبعاً لا بعد انساني ولا بعد اقليمي الو تأثير ...
3- الاجابة ع هيك سؤال من اختصاص الحكومة والحزب شنو لانو الجماعة بيعرفوا من اين تربط القضية بشكل الصحيح..
4- بالقديم الجديد حاولت اني افهم قضية الشوارب بمسلسل باب الحارة..انو يا ترا ممكن نحرر الارض بفتلة شوراب..!!
5- ما عم اقدر اني لاقي قضية منشان اتبناها.. بس عم حاول اني دور ع حل لقضية الجاجة والبيضة..!!

وشكراً لطرحك المميز يا أنسة..

[butterfly]

............

كاتب النص الأصلي : Moonlights;940442
[SIZE=4

القضية التي تعنيني إلى أبعد الحدود والتي أراها جوهر لكل القضايا هي الإنسان .
عم تسرقلي جوابي ...
[/size]

المرأة على الصعيدين الخاص والعام قضية محورية في حياتي, فكلي قناعة بعدم إمكانية خلق إنسان حر واعي بنّاء إلا بالوجود الفاعل للمرأة الحرة الواعية غير المستلبة أو المختزلة والبنّاءة.
... شكرا ً .. أغناني ردك جدا ً جدا ً ..
شكراً على موضوعك الذي يحرك السؤال ولو تاه الجواب.
أسف لتأخري بالمشارة لدواعي مرضيّة.
سلامتك
تحياتي

كاتب النص الأصلي : طفوله

**مارسيل ...ما حسنت قاوم الموضوع...مع انو معاهدة نفسي ضلني مشاهده عن بعد**


أنو منور الموضوع .. بس شو مشان ..
أسمي بدون ألف ..
وبدون معاهدات ... ما حبيتن


القضيه..موضوع بيمس مجموعه كبيــره من الناس .../والكل بيأجمع/ انو هدف القضيه النهائي بيخدم جميع الاطراف وبيمتد اثرو للمجتمع بالايجاب...
ما فهمت كيف فينو يخدم جميع الأطراف ؟ ؟




بيع الكلام مرفوض ...بيع الشعارات مرفوض ....المزاد مرفوض
برأيي كتير من القضايا احترقت من الشعارات .. وبيع الشعارات

لازم نظهر نتايج العمل ...لانو العمل لفتره بدون نتيجه ممكن يجعل القضيه مفعمه برائحة الموت ...ئد ما كانت القضيه جوهريه وجماعيه...

برأيي كمان .. انو نتائج العمل مع احترام عامل الوقت ( بعض القضايا تحتاج الكثير من الوقت لتحقيقها )
لانو استباق النتائج او توقع نتائج بغير أوانا ممكن يكون محبط ...




((لو عرف الانســان ما بداخلــه لوقف ....خشية واحتــراما .....لكنه كســــول لدرجه مزعــــ ج ـــــه))

شكرا ً كتير لمرورك .. المميز ..

كاتب النص الأصلي : M i i i D O _ LiNkiN PaRk

ما بضيف شي على رد ياس ...

عجيبة هالناس ... لكان ليش رديت ؟


بتجي الاولوية عند قضية حرية الرأي والمعتقلين

[ارسلان]

1 ) - شو يعني قضية ؟

الحق المُضاع من اهله المسلوب

القضية هي طريقٌ ما
من حق المرور للنمل الى حق السماء بان تتنفس هواء نقي

2 ) - القضايا اللي بتمسك ، بتتأثر : بالبعد الإنساني - البعد الديني - البعد الإقليمي ( الجغرافي ) ؟

كل الابعاد بتمسني لحد الصعق

3 ) - كيف برأيك فيها تحافظ قضية ما على حيويتا ؟ او إساءة الاستخدام ؟
بعيدا عن الاستهلاك ؟؟

بالطرح الصادق العقلاني وألا يُتعسف باستخدامها "التعسف باستخدام الحق وذلك لوصول أسلم بالقضية لبر الامان

4 ) شو القضايا اللي كنت تتبناها بحياتك ؟ بعدين حسيت انها ما عادت تعنيلك ... ؟ وليش صار هالتحول ؟

كنت اعتقد ان هناك طريق واحدة وكل الطرق الاخرى تؤدي للمحرقة والضياع او ان الطرق الاخرى ستظل تمشي باتجاه عكيس للسائرين عليها الا الطريق التي اسلك
اكتشفت في اخر انفاسي اللاهثة انني كنت اسير على جادة الخطء

5) - شو القضايا اللي بتتبناها اليوم ؟ وليش !

بنتبنى اليوم يا ستي قضية التطوع في البلد
عاد هيك التطوع في غزة ترفع بمثدمته رايات حزبية يعني تطوع لأجل الحزب
فأنا ومجموعة من الشباب والرفاق والاخوة صبايا وشباب قلنا ياولاد نحنا احق بالتطوع "العمل لله"
وبلشنا

[زوربا]

قولكن هالقضية الفلسطينية..... وجودها هو استمرار للأنظمة العربية....؟؟؟؟
أنا بقول يمكن أي...
يمكن هالأنظمة متعاونة مع اسرائيل من أجل استمرار تخويف الشعب العربي..بشبح اسرائيل.....يمكن

[..AHMAD]

نظرا لأهمية الموضوع وبعد ما تمعنّا شوي ... واكتشفنا أنو الموضوع ما أخد حقو من النقاش.. فـ بالاتفاق مع مشرف المنبر .. تقرر ينرفع الموضوع .. ازا حدا ما انتبه للموضوع سابقاً وحابب يضيف شي فـ أهلا وسهلا فيه ... وانا رح كون أولكن برغم مشاركتي سابقاً ... بس حسيت انو في كتير حكي تغير .. وحكي ما انحكى

و.. ناطرينكن

[VivaSyria]

هلق في قضية تانية رح اطرحا ... وهي استهلاك القضية من الأطراف الغلط ..
يعني في موجة الاعتقالات بسوريا .. اللي هي كمان قضية إنسانية طبعا ً
صار جميع الاطراف المعارضة بدا تحكي بأسم المعتقلين ! ..
الاطراف الاميركية واللبنانية و السعودية و ... بدا تحكي عن المعتقلين !!!
لك حتى جية فيروز عسوريا إلها علاقة بالمعتقلين ، اختيار دمشق عاصمة للثقافة .. مرتبط بالمعتقلين ..
حقوق الانسان بسوريا كل يوم بتطالع مدري كام بيان بيخص المعتقلين ..

أول شي بهاد الجزء يبدو لازم يكون واضح انو القضية لاتفنى بحكم كثرة الاستخدام.. حتى لو استخدمت او سخرت لخدمة مصالح بعيدة عن مضمونها... لكن تبقى محتفظه بجهورها مع العلم أنها تترسخ أكثر بحكم كثرة التداول...

إذاً الاستنتاج أن استخدام أي قضية لأي هدف أو مصلحة لايبعدها عن جوهرها ولا يخدم مصالح أعدائها.. بكل الأحوال المتضرر الأكبرمن نشر القضية هو عدوها.

وعدت فترة بأخوية البعض .. إذا بتقلو شو جاي عبالك تاكل اليوم .. يقلك ما بيجي عبالي اكل وفي ناس معتقلين

هون عم نحكي بحالة شاذة من كل النواحي وبالحالت الشاذة لازم تنقبل ردود الفعل اللامنطقية:

حكومة اعتقلت شباب بعمر الورد بدون سبب مقنع إلا حبهن لوطنهن "من وجهة نظر السلطة هو سبب مقتع"
شباب ضمن هاد التجمع اتفاجئو بإنو رفقات لإلهون انسحبو من بيناتون وانرمو بالسجون كأنون مجرمين شو بدنا نتوقع منهن؟؟

تحليل منطقي لأسباب الاعتقال وعدم استهلاك هالقضية؟؟؟ أو المطلوب السكوت على القصة؟؟؟

لاء و100 لاء المغالاة باستغلال هيك قضية وتحويلها لقصة محورية ضمن أي نقاش بيضل أشرف 100 مرة من انو نسكت أو ننسى هيك موضوع... ةبصراحة ظلم بهالحجم وبهالوقاحة صعب انو نأطر ردود فعل البشر عليه

هلق هادا لا يعتبر من منظوري " ضغط " عالحكومة !! برأيي هاد استهلاك للقضية .. مما رح يخليها تفنى بسرعة !

هون في شي مهم بدنا نستوعبو... الحكومة السورية لاتتعامل مع المواطنين من مبدأ انو هي حكومة تسير لمصالح الشعب والشعب هو مصدر السلطات والتشريع... فبدنا ننسى قصة انو الحكومة ترضخ لضغوط حدا او ترد عل حدا... مه العلم أن حالة الدكتور عارف دليلة لاتزال غامضة بحكم توقيتها وظروفها ما عم اقدر افهم هل هالإفراج خاد اجا لصرف النظر عن جريمة اغتيال محمد سليمان... ام هو بخكم انقضاء فترة الحكم أم هو بحكم بيان الـ 36 هيئة حقوقية قبل بشهر من تاريخ اطلاق سراح الدكتور..

هلق بدي بسرعة نتناقش حول هالأشياء
1 ) - شو يعني قضية ؟
2 ) - القضايا اللي بتمسك ، بتتأثر : بالبعد الإنساني - البعد الديني - البعد الإقليمي ( الجغرافي ) ؟
3 ) - كيف برأيك فيها تحافظ قضية ما على حيويتا ؟ بعيدا عن الاستهلاك ؟؟ او الاستغلال او إساءة الاستخدام ؟
4 ) شو القضايا اللي كنت تتبناها بحياتك ؟ بعدين حسيت انها ما عادت تعنيلك ... ؟ وليش صار هالتحول ؟
5) - شو القضايا اللي بتتبناها اليوم ؟ وليش !

الإجابة على كل هالأسئلة هي واحدة:

القضايا لا تستهلك... هي ليست سلعة أو مادة قابلة للاستهلاك ومن الاجحاف بالقضية الفلسطينية أو قضية المعتقلين بسجون السلطه أن نصفهم بأنهم سلع قابلة للاستهلاك..

يمكن أن تستغل القضايا.. لكن جوهرها يبقى... قبل ما نقول مدري مين استغل قضية المعتقلين لازم نسأل ميت يلي اعتقلهن... مافينا نلوم يلي سخر القضية لهدف معين... اللوم وكل اللوم على يلي خلق هالقضية.. بمعنى يجب تشخيص القصية الاساسية قبل الغوص بتبعاتها والأطراف التي استغلتها ولم وكيف واين و و و...

قضية المعتقلين : إحرام من السلطه.
قضية فلسطين : اجرام من اسرائيل وبريطانيا واليوم اميركا.
قضية الجولان: اجرام من اسرائيل وسكوت من حكومتنا.
قضية دارفور: اجرام من أمراء الحرب ومن البشير.
........
.......

مابيهم مين استغل ومين "استهلك"