وانتصر الفساد في بلدي

[yass]

كاتب النص الأصلي : phoenixbird

اقتنعت خلصنا بقا
شكرا عابد شرحك وافي
بس ما انتصر الفساد لسا؟

و الله انتصر بشكل صار اسلوب حياة... يا راشي يا مرتشي لحتى تمشي امورك.... و كاسك يا وطن

[phoenixbird]

لا سيدي ما انتصر ولسا في فسحة امل وكاسك يا وطن مع اني ما بشرب

[Government]

ومصلحة الوطن, تكون عندما يتم ايقاف عرض من شركة تقدم مبلغ يفوق ال 150 مليون ليرة سورية مع تأمين كافة المسلتزمات, لدعم منتخب سوريا لكرة القدم وجميع الفئات العمرية. بسبب بسيط وهو ان الراعي لم "يبخشش" الاتحاد الرياضي العام!!

اما التطور, فيكون عندما تنقطع الكهرباء والماء, وبعدها يقوم رئيس مجلس الوزراء, بال "لعي" وتبرير الموقف بانه بسبب الضغوط الخارجية. هاهاها, (اضحكو اضحكو عمرو ما حدا يرت)

عنجد هدول القضيتين اكتر الشي عانينا منن ورح نعاني ..
الكهربا والرياضة ..
يعني في بلاد بالعالم اخر مرة انقطعت الكهربا عندن من 30 سنة ونحن لحدا اليوم الكهربا شغلة عادية ازا انطفت
صلي بقطر 9 سنين الكهربا مانطفت غير مرتين (ومرة منن عطل بالبناي)
وهالسنة التعن سما سمانا بطفية الكهربا اليومية بعز دين الشوب ..

منخبنا صار ورا المنتخبات منتخب لبنان والسودان صارو قدامنا ع الترتيب تبع الفيفا
وصفينا مع منتخب الصومال ..
وكل مالنا لورا ولورا
باختصار بدال مانتقدم عمنشد لورا ..

هلأ مارح قول بكلشي ..
في شغلات تقدمت وتحضرت وتقدمت لقدام شوي ولمسناها بايدينا واكيد شقد ماكان الوضع احسن من قبل ببعض الشغلات مو بكلا طبعا ..
بس اكيد الشغلات اللي عبترجع لورا اكتر من الشغلات اللي عبتتقدم لقدام بكتير
بس لام نفرح ع حالنا انو في شي عبيتقدم

بس بدي ضيف شغلة بالنسبة للخارجية السفارة السورية بقطر شي بخجل الموظفين

نعم وللأسف ..
وبصراحة اكتر السفارة مابتقدم شي زيادة للمغترب السوري اللي برات بلدو (غير وظائفا الروتينية من معاملات جواز وهالشغلات ) حتى انو في شغلات مهمة مو من صلاحياتن يعملوا ولازم تنزل ع سوريا لتعملا ..
يعني باغلب السفارات بكون المغترب الو نوع من الحصانة من سفارت بلدو او يعني شوية تسهيلات ودعمات من سفارة بلدو ..
بس السفارة السورية اللهم صلي ع النبي ماخرج واحد يستفيد منا لاحق ولا باطل ..
متل قلتا بصراحة والمغترب السوري بدو ينسى انو عندو سفارة وماكتير يشد ضهرو فيا بصراحة مشان ماينصدم بالاخير فيا

ومع زلك منقول انو في شي عبتقدم مشان مانطالع الصورة سوداوية بالمرة ..

[yass]

يعني باغلب السفارات بكون المغترب الو نوع من الحصانة من سفارت بلدو او يعني شوية تسهيلات ودعمات من سفارة بلدو ..
بس السفارة السورية اللهم صلي ع النبي ماخرج واحد يستفيد منا لاحق ولا باطل ..

الله وكيلك هون ادارة الهجرة تتوسط للسوريين عند سفارتهون منشان تمشّيهون

[Government]

كاتب النص الأصلي : yass

الله وكيلك هون ادارة الهجرة تتوسط للسوريين عند سفارتهون منشان تمشّيهون

والله يا اب شريك تقريبا الحال من بعضو مو بس عندكن ..

يعني بصراحة الله يجعل السفارة السورية سفارة
يعني لازم يكتبو عليها سفارة مشان مانخربط فيا

يعني بصراحة عبيعملو هالسفارة وبتكلفو ..
مالا طعمة يصرفوا ع شي تاني احسن
انا صلي 9 سنين ما استفدتا منا
حتى جوازي ماججدتو عندن

[souriana]

كاتب النص الأصلي : yass

يا سيدي هاي لأ و ستين لأ و أنا شاهد....

جربت شي مرة تصدّق ورقة مشان تطلع لبرا؟ الشهادة لله بالعادة مافي مشاكل بس خليه يحس انك مستعجل عليها.... بيذلّك

السفارات السورية بالعالم أجمع مخجلة... يعني سفارة مدريد و الله العظيم شي خان شوالات مو هيك, و الناس تشتكي و عالفاضي..... الله يساعد اللي يعلق بايدهون فعلا


بدك تعد كل الوزارات

بهي ما معك حق
لا وستين لا وأنا شاهد كمان
عشر دقايق او ربع ساعة كان كل شي خالص بالخارجية
وعفكرة السفارة السورية و رابطة المغتربين السوريين بوارسو بيعتبروها من أرقى السفارات الموجودة ببولونيا
وبيعتبرو الجالية السورية من أرقى الجاليات الموجودة ببولونيا
بعمرو سوري ما عمل مشكلة ببولونيا
السنة الماضية كنت بالحفلة اللي عملتها رابطة المغتربين و السفارة بمناسبة عيد الجلاء
والله شي بيرفع الراس
بدك تقلي سرقات و مابعرف شو
اي لا
لانو مو بس السفارة والرابطة كمان دفعت والمغتربين
وكانت من أروع السهرات
وكان شخصيات اقتصادية هامة و نواب بولون وسفراء أجانب موجودين
والكل شهد بسورية و بالسفارة
اي لا وستين لا

[Willi]

والكل شهد بسورية و بالسفارة
اي لا وستين لا

اي نشكر الله في سفارة منيحة من بين كل السفارات السورية بالعالم.
عالعموم. حتى السفارة السورية باميركا مو لهلدرجة سيئة.

[Government]

اخي امريكا وبولندا .. والمانيا ..
غير قطر والبحرين والسعودية ..


يعني لما بدو يطالعلك ببرنامج هادا تبع المغتربين انا ماعاد اتزكر شو اسمو ..
بروح بورجيك الجالية السورية وسفاراتا بامريكا بالسويد باليونان بالنمسا بانجلترا بفرنسا بالمانيا ..
هادول هي ..
بس الاخ مابجي بورجيكي الجالية السورية بقطر ولا بالسعودية ولا بالبحرين ..
لانو شي بسود الوش وماخرج بتورجا (قصدي ع السفارات طبعا )

وكل بلد عن بلد بتفرق
فتأمل يارعاك الله

[yass]

كاتب النص الأصلي : souriana

بهي ما معك حق
لا وستين لا وأنا شاهد كمان
عشر دقايق او ربع ساعة كان كل شي خالص بالخارجية
وعفكرة السفارة السورية و رابطة المغتربين السوريين بوارسو بيعتبروها من أرقى السفارات الموجودة ببولونيا
وبيعتبرو الجالية السورية من أرقى الجاليات الموجودة ببولونيا
بعمرو سوري ما عمل مشكلة ببولونيا
السنة الماضية كنت بالحفلة اللي عملتها رابطة المغتربين و السفارة بمناسبة عيد الجلاء
والله شي بيرفع الراس
بدك تقلي سرقات و مابعرف شو
اي لا
لانو مو بس السفارة والرابطة كمان دفعت والمغتربين
وكانت من أروع السهرات
وكان شخصيات اقتصادية هامة و نواب بولون وسفراء أجانب موجودين
والكل شهد بسورية و بالسفارة
اي لا وستين لا

أنا انطلب منب ألفين ليرة على أربع وراق على كلمة بلكي بيلحقو اليوم.... و عم قول انو ما حكى شي لحتى سمع هالكلمة و قاللي 500 عالوحدة و اليوم تنام بالدير (شنو كل لهجة فيها كلمة "شنو" عند الشوام ديرية).... و ما رديت عليه و نمت بالشام لتاني يوم اش هالمشكلة يعني.... و بعدين أنا عم قول

الشهادة لله بالعادة مافي مشاكل بس خليه يحس انك مستعجل عليها.... بيذلّك

بعدين عيني وفرلي الستين لأ... عم احكي عن سفارة مدريد انو خان شوالات و بتخجّل و ما عملتلنا شي بحياتها, حتى جواز السفر بالبريد ما بتأمن تبعتو لأنو بيرجعوه بالبريد العادي و اذا ضاع الحق عليك, نوموني يومين بمدريد منشان تجديد جواز و تسجيل قنصلي.

و على فكرة.... ما حكيت عن سفارة وارسو لذلك لا تعطيني دروس عن كيف صايرة سفارة مدريد يعني اللاءات هدول بلاهون.... ما جبت حكي من عندي و لا حكيت عن شي ما عانيتو.....

[مسطول على طول]

الله محيي اصلك جاد وهتلك بوسه مافي شي احكيه الوضع الكل بيعرفو ( سمايلي مقهور )

وهي متابعه

[phoenixbird]

طيب امنا انو في فساد شو الحل ؟ ومن المسؤوول الاول النظام ؟ الحكومة ؟ الموظفين ؟ نحنا ؟
وشو اللي فينا نعمله مثلا ؟
نعتصم بساحة السبع بحرات لاسقاط الحكومة ولا ننزل للشارع ولا شو مثلا؟
احسن مو قاعدين نشكي ونبكي

[مسطول على طول]

الفساد المستشري بكل دوائر الدوله اصبح أمر طبيعي لا وبل أمر طبيعي جداً

قسما بالله انو كل مادخول دائره حكوميه " يرفع عليها العلم السوري " مشان معامله او أي شي عادي وبسيط قلبي بينقمط ونفسيتي بتجعلك

طيب امنا انو في فساد شو الحل ؟ ومن المسؤوول الاول النظام ؟ الحكومة ؟ الموظفين ؟ نحنا ؟
وشو اللي فينا نعمله مثلا ؟
نعتصم بساحة السبع بحرات لاسقاط الحكومة ولا ننزل للشارع ولا شو مثلا؟
احسن مو قاعدين نشكي ونبكي

والله يا ابو شريك لا اعتصام ولا مظاهرات ولا شي من هل الكلام بينفع اذا كان سقف المطالب عالي انو نطالب بمكافحة الفساد قشه لفه هاد مستحيل يتحقق والاصلاح الشامل بدو وقت سنين وعقود

أنا شخصياً لي مطلبين فقط في الاصلاح الا وهم " القضاء " والسلطه الرابعه "

واتمنا اصلاح القضاء ورفع رواتب القضاة الى 400%

نعم القضاء عندما يكون نزيهاً ويمتلك قدراً عالياً من الشفافيه والانصاف, سنرى أن حدة الفساد ستتراجع على كل الاصعده أن كان في الاجهزه الأمنيه أو الدوائر الحكوميه الخ..

هل من الممكن أن استطيع يوماً أن اقاضي مسؤلاً لانه اغتصب حقاً لي ؟ أم انه حلم

لماذا كريم لايحاكم علنياً ؟

( عندما يكون هناك قضاء وعداله من الممكن أن نلمس فعل جدي لمكافحة الفساد ) اعلم ان العداله نسبيه واحلم بها

وأما السلطه الرابعه " الصحافه والأعلام " عندما نمتلك مؤسسات اعلاميه خاصه تمتلك الجرئه بفضح المفسدين وملاحقتهم وكشف المستور أيضاً من الممكن أن نلتمس اصلاحاً

[عطر سوريا]

لا تعليق موضوع وعنوان لا يمكن ان يضاف عليهم اي تعليق او رد لانه مهما كان الرد لن يوصف حالت الفساد في بلادنا

[Willi]

طيب امنا انو في فساد شو الحل ؟ ومن المسؤوول الاول النظام ؟ الحكومة ؟ الموظفين ؟ نحنا ؟
وشو اللي فينا نعمله مثلا ؟
نعتصم بساحة السبع بحرات لاسقاط الحكومة ولا ننزل للشارع ولا شو مثلا؟
احسن مو قاعدين نشكي ونبكي

نعم النظام هو المسؤول الاول.
اما اللي فينا نعملو, كبداي مثلا. نوقف تطبيل للنظام عالطالعة والنازلة.
هاي كبداي.

عالعموم رد مسطول على طول طارح فكرة ممتازة.
بس يا استاذ مسطول
حتى لو القاضي راتبو 100 الف بالشهر
اذا اجاه واحد من المعلمية (الكتار بالبلد ما شاءالله) وقلو عمول هيك.
فغصب عن راسو بدو يعملها.
اذا بدنا قضاء نضيف, لازم الحكومة تكون نضيفة.

بالنسبة للاعلام. فانا معك 100%

[phoenixbird]

طيب وبطلنا تطبيل وتزمير وبعدين شو بنعمل ؟

[عطر سوريا]

كاتب النص الأصلي : phoenixbird

طيب وبطلنا تطبيل وتزمير وبعدين شو بنعمل ؟

بنعمل شاي يعني شو بنعمل
غير انو نشتغل ايد بأيد لنصلح البلد انا وانت وغيرنااااااا

[Government]

كاتب النص الأصلي : عطر سوريا

بنعمل شاي يعني شو بنعمل
غير انو نشتغل ايد بأيد لنصلح البلد انا وانت وغيرنااااااا

الشغلة بطاطا لانو


بعدين البلد مو كتير خربانة لهالدرجة حتى نقول بدا تصليح
اخي بلدنا بدا شوية صيانة صيانة مو تصليح

[phoenixbird]

كاتب النص الأصلي : GOVERMENT

الشغلة بطاطا لانو


بعدين البلد مو كتير خربانة لهالدرجة حتى نقول بدا تصليح
اخي بلدنا بدا شوية صيانة صيانة مو تصليح

لا عنجد عبحكي

هلا اوكي وبطلنا تطبيل للنظام شو بعدين ؟