المثليين جنسيا - الزواج و تغيير الجنس

[M@hmoud]

برأيي انو المثليين جنسيا هنني غالبا نوعين

النوع الاول يأخذ الموضوع مجبر نتيجة مكونات بيولوجية بحتة حتمت عليه هالوضع...هو مرض متل كل الامراض العضوية
النوع التاني بياخد الموضع من باب التغيير لحياته...متل اللي كان عم بيدخن وصار يشرب مخدرات

النوع الاول يجب معالجته طبيا وبكل الوسائل...لانه اساسا يخالف الطبيعة البشرية ومن المفروض محاولة اعادته
الى طبيعته ...اما اذا تركناه عا راحتو فرح يكون مولد بشكل مباشر وغير مباشر للاعداد اللي من النوع التاني


الموضوع لا علاقة له بحرية التصرف والحرية الشخصية ...... فهالشي بيسعى ولو بشكل ما الى تخريب صورة العلاقة الجنسية الطبيعية اصلا...اللي بتكون الانثى مع الرجل فيها ...(الخطر الأول )

اذا.... النوع الثاني هو اللي رح يخرب بنية المجتمع لانه اساسا نحن ما عالجنا النوع الاول وتركنا عاراحتو من باب ما يسمى بالحرية

وتصور المشهد بعد مئتي عام

انقسمت العلاقات ......

الرجل ينام مع الرجل

والمرأة تنام مع المرأة

غالب النساء في الدول الغربية يكرهون التوالد والحبل لاسباب ...منها المسؤولية..الخوف من آلام الحبل...وايضا يعتبرون الانجاب ايقافا لمستقبلهم العملي الوظيفي

من سينجب الاولاد....طبعا عن طريق الحقن الصناعي والانابيب ...اي من المرأتين ستقبل ان تحمل طفلا

واذا اخذنا الحرية الشخصية واستقلال القرار بين فردي العلاقة نرى انو ممكن يؤدي الى انقراض النسل البشري بعد قرن او قرنين من الزمن.... (الخطر الثاني)

كتبت بواسطة Dimonze
يعني إذا كانوا بيختلفوا عننا فما يعني انو حدا مننا غلطان


هنن هيك خلقوا او هيك صاروا ما شايف وين الغلط او وين المشكلة

هنن هيك و خلصت القصة , و ما حدا بيحقلوا يحاكمن او يبررلن او يتسامح حتى

برأي ان كل من يقول بحرية شخصية وباستقلاليتهون ...عليه ان يتحمل مسؤولية النتائج بعدين ويحس بتعذيب الضمير

بواسطة Geeny
نا بصراحة مع المثليين جنسياً لانها شغلة مو من إرادتهم بس أنا ضد أنهم يتزوجوا لأنهم هيك رح يأذوا مشاعر غيرهم متل أهلهم مثلاً يعني إشباع الرغبة الجنسية و الوصول للذة ما يكون على حساب مشاعر الأخرين يعني لازم يضحوا شوي ...

الموضوع يحتاج علاج طبي ويجب ان يصنف هالشي من الامراض....متلو متل الكوليرا

كتبت بواسطة بنفسجة
لهيك صوتت انو المجتمع يتركون بحالون وطول انون ما نون عم يشكل خطر وهني اكيد مارح يشكلو خطر فمالنا ومالون اذا في مجال المشاكل الهرمونية او النفسية تتعالج فبيكون منيح واذا ما في مجال فهني كتير احرار

اللي درس الكيمياء الحيوية بيعرف القاعدة

كل طفرة والها نتائج عكسية.....لذللك ما بصير نقول ما الهون خطر ...ونفهم الخطر بس هوي الضرب والعدوانية

[M@hmoud]

كاتب النص الأصلي : ويجا

بكل الطرق الطب مانفع لان اصلا لسا ما عرف السبب ليعرف الدواء
والصلاة صليت لوفيت
الصيام لا تحدث
الدعاء بكيت دم مو دموع وانا عم ادعي ربنا
الابتعاد عن المثيرات وابتعدت
محاولة اشغال النفس وما قصرت
وبقدر بقلكن اني شاب كامل الصحة
ومتعلم يعني مالي جاهل واهبل
ومنخرط في المجتمع يعني مو منعزل ووحيد
واتربيت احسن ترباية
ولا اغتصبت ولا حدا اتعدى علي
يعني ما حدا يقلي نفسي
وبالمقابل اعضاء جسمي كاملة وصحيحة كذكر ولحية وشارب وصوت خشن واش بدكن
بس البنات مالي علاقة فيهن لو كيف ماشفت البنت كاني عم شوف حيطة ما في
بس لو شفت شب جذاب او حلو راسا استثار جنسيا مابعرف ليش وكيف بس هيك حالة جسمي بتتغير من دون اي تدخل مني ولا بكون الي اي قدرة على السيطرة على الموضوع

اخي الكريم

اول شي حسيت من كلامك انو عم بتعاني من هالشي.... عالقليل بأول ما حسيت هالشي فيك

بس بعدين انت تأقلمت مع الوضع لانو مافي حل

وهالشي لازم اللي قاعدين عم بيقولو انو ليس مرض ومالو علاج وحرية شخصية ..... يتحملو مسؤوليتو

وقت اهل االعلم والبحوث بيحطوه في قائمة الابحاث متلو متل اي مرض تاني..رح يلتقى الجينات المسؤولة عن هالشي متل ما عم بيلاقو الجينات المسؤولة عن لون الشعر ولالعيون..ونعومة البشرة واطالة العمر


انت لست اول ولا اخر واحد في المجتمع...ولست نقطة سودا فيه طالما كنت مصاب بهالشي...متل اللي بينصاب بداء الشراهة بالاكل

ليش هاداك لقولو علاج وما قالو انو الشغلة حرية شخصية....وهادا ما عم بيريدو انو يدورو عا علاج

بعرف وهو بيعرف ان مابايدي شي اعمله
جربت كل شي كل شي ما نفع

انا منهم ومابيدي اعمل شي فحلو عني

اكيد مارح ينفع شي لانو الغرب ماعاد يعتبرو مشكلة وبطل يدور عا حل لالها.....انت كيف بدك تحللها
وقت تركوك انت وغيرك بحالكو ....اضطريتو تتأقلمو مع الوضع ...

بدعيلك انو الله يعينك .....

[BL@CK]

كاتب النص الأصلي : M@hmoud

الموضوع يحتاج علاج طبي ويجب ان يصنف هالشي من الامراض....متلو متل الكوليرا

خيو أنا مالي ضليع بالطب .!!

بس بتوّقع في عنا بالأخوية طلاب طب و خريجين مستعدين يناقشوك في الحلول الطبيّة ,

تفضل اقترح مشان تنسما عليك أنو عم تصف حكي ..

[Syrian Gay]

بس شغلة صغيرة .. أنو المثليين ما بيحبو يغيرو جنسون ..
يللي بيريد يغير جنسو هو الخنثى
- و المخنثين (يلي بيندرجوا تحت قسم من أقسام المثلية)

_____________________________________________

كاتب النص الأصلي : ويجا

السلام عليكم
انا تابعت الموضوع من الاول ورح قول رايي
فاقد الشيء لا يعطيه
والي ايده بالمي مو متل الي ايدو بالنار
يعني في ناس مع احترامي الكامل الها قاعدة عم تحكي وتفسر وتلاقي الاسباب وهاد
بقول السبب مو بيولوجي هو نفسي
والتاني بقول ما بعرف ايش
انا بحب اقلكن الانسان العارف هو الي مابيعطي رايه الا بالشي الي بيعرفه
يعني اذا المشكلة مو معكن فمستحيل تقدرو تحكمو على الي معه المشكلة
يعني انا بعترف اني هي المشكلة عندي وبعاني منها كتير وبدي اتغير وحاولت
بكل الطرق الطب مانفع لان اصلا لسا ما عرف السبب ليعرف الدواء
والصلاة صليت لوفيت
الصيام لا تحدث
الدعاء بكيت دم مو دموع وانا عم ادعي ربنا
الابتعاد عن المثيرات وابتعدت
محاولة اشغال النفس وما قصرت
وبقدر بقلكن اني شاب كامل الصحة
ومتعلم يعني مالي جاهل واهبل
ومنخرط في المجتمع يعني مو منعزل ووحيد
واتربيت احسن ترباية
ولا اغتصبت ولا حدا اتعدى علي
يعني ما حدا يقلي نفسي
وبالمقابل اعضاء جسمي كاملة وصحيحة كذكر ولحية وشارب وصوت خشن واش بدكن
بس البنات مالي علاقة فيهن لو كيف ماشفت البنت كاني عم شوف حيطة ما في
بس لو شفت شب جذاب او حلو راسا استثار جنسيا مابعرف ليش وكيف بس هيك حالة جسمي بتتغير من دون اي تدخل مني ولا بكون الي اي قدرة على السيطرة على الموضوع
وانا بعرف انه حرام بس مالي مقتنع ان ربنا رح يعاقبني لان انا بعرف وهو بيعرف ان مابايدي شي اعمله
جربت كل شي كل شي ما نفع
فياريت تتركو الناس بحالها ومايقعد كل واحد وهو مو فهمان عن هيك حالات شي الا القشور ما يقعد يحكم ويقول بقبل ولا برفض ولا الله يشفيهن لان الله مو منتظر دعائكن اولا وماحدا منتظر تقبل او ترفض تانيا
واحسن ما تحكمو على الناس دورا جواكم على مشاكلكن وحلوها
عذرا لو ازعجت حدا
بس الي بياكل العصي مو متل الي بيعدها

ورجاء من صاحب الموضوع يضيف للاستفتاء
انا منهم ومابيدي اعمل شي فحلو عني

لا طبعاً ما أزعجت حدا ..
عبّرت عن يللي بداخلك بطريقة حلوة كتير ..
وأنا معك بكل شي قلتو ..
بس نسيت تذكر أنو يللي مو عاجبو وضعنا .. يضرب رأسو بـ مية حيط ..

يـــا أهـــــلا وســــهــــلا فــيــك مــعــنــا ..
وأكيد بقول هالحكي لـ ألك ولـ كل المثليين ..
حسستني شوي بـ أمان هللا ..

كاتب النص الأصلي : بنفسجة

انا بعتبر انو المثليين ناس لازم يحل المجتمع عنون ويتركون بحالون لان مثليتون مش بايدون براي
انا مابتعاطف معون بس بعرف انو عندون خلل هرموني ومشكل نفسي ادى الى انو يكونو هيك
لهيك صوتت انو المجتمع يتركون بحالون وطول انون ما نون عم يشكل خطر وهني اكيد مارح يشكلو خطر فمالنا ومالون اذا في مجال المشاكل الهرمونية او النفسية تتعالج فبيكون منيح واذا ما في مجال فهني كتير احرار

شكراً كتير عالدعم بنفسجة ..

[yass]

أنا فيني أناقش طبيا بس أناقش ناس مستعدة تسمع... المثلية ليست مرض انما هي حالة طبيعية جدا و ليست خلل من أي نوع... الخلل بالعقل الحجري تبع المجتمع

بس شغلة صغيرة .. أنو المثليين ما بيحبو يغيرو جنسون ..
يللي بيريد يغير جنسو هو الخنثى

تماما.... هاي الحالة المرضية

[dimozi]

مين نكش ها الموضوع ..................... على فكرة هاد من أول مواضيع الاخوية

[waleeeeeedo]

لكل شيء ضوابطه ...
قضية تغيير الجنس ... انا مع العلاج للحالات المرضية التي يرى الطب انها تحتاج إلى عملية تغيير للجنس.

أما موضوع زواج المثليين فهذا شذوذ وأمر منافي للفطرة البشرية ... والاقرار به خطيئة وذنب كبير

[بنفسجة]

كاتب النص الأصلي : Syrian Gay

شكراً كتير عالدعم بنفسجة ..

على الرحب والسعة

[بنفسجة]

كاتب النص الأصلي : M@hmoud

اللي درس الكيمياء الحيوية بيعرف القاعدة

كل طفرة والها نتائج عكسية.....لذللك ما بصير نقول ما الهون خطر ...ونفهم الخطر بس هوي الضرب والعدوانية

ليش لتعتبري الموضوع وصل لدرجة الطفرة هناك خلل طبيعي في الافراز الهرموني وابدا المثليين مانون عدائيين
شو شايفة Syrian Gay عادئي شي اصلا انت مابتعرفيون الا اذا خبروكي انون هيك
بالنهاية انا ماشفت حدا منون عدائي انا بزعل على وضعون وبتمنى اذا ماقدرو يشفو حالون انون يتاقلمو وانو الناس تتركون بحالون

[باشق مجروح]

حلوة نكشة هالموضوع:
أنا الي رأي فيه.....
الشذوذ الجنسي هو خارج عن ارادة الانسان تماما
وناجم غالبا عن خلل هرموني أو صدمات نفسية من مرحلة معينة من حيات الانسان وغالبا بالطفولة
وأنا رأيي انه لا يوجد حل لهذا الموضوع حيث انه لا يعد مرض أساسا بل حالة طبيعية
لذلك الانسان الشاذ جنسيا بعلم النفس هو انسان طبيعي قادر على ممارسة حياتو بشكل كامل
مع الزمن لا بد للمجتمع أن يتقبل هالحالات رغم رفض الدين والعادات والتقاليد
لكن أنا بظن انها قاصرة حتى الآن على فهم ماهية الشاذ جنسيا وحالتو
على كل أنا بعرف شاب صاحبي شاذ جنسيا أو من مثليي الجنس بيمر بحالات اكتئاب شديدة بسبب ضغوط المجتمع ورغبتو بالتغيير الي اصطدمت بحاجز عجز الطب
ولولاي كان هلأ انتحر ...مع العلم انو متدين وحج 3 مرات بس برأيي القصة أكبر من هيك وأكبر من نظرة الأديان
لازم نوسع صدرنا ونتقبل المثليين
أنا هاد رأيي

[ظل جيفارا]

انا ما بعرف بشوف انو ما لازم ننظر للموضوع بهالسهولة
اولا ....انا ما رح احكي عن الأسباب ابدا .
بس بدي قول عن السماج بها وفق قوانين الدولة اولا هيدا الشي ممكن يدفع كتير ناس ممن هم اسوياء لإستسهالها وتجربتها وخصوصا المراهقين مما قد يدفع إلى تأثرهم الجنسي لإن الحالة الجنسية لا تستقر إلى بعد ان يبلغ المرء عمرا هو ما بين ال 17 إلى 21 وقبل الإستقرار الجنسي قد يؤثر في المرء اي مؤثؤ خارجي
وما كانت إزالة المثلية من قاموس الأمراض إلا إستجابة لضغوطات اللوبي المثلي الذي يحق لي التساؤل من اين يستمد قوته وتمويله الخضم جدا ؟
تحياتي الحارة
ظل جيفارا

[ظل جيفارا]

كاتب النص الأصلي : yass

أنا فيني أناقش طبيا بس أناقش ناس مستعدة تسمع... المثلية ليست مرض انما هي حالة طبيعية جدا و ليست خلل من أي نوع... الخلل بالعقل الحجري تبع المجتمع

صديقي لقد تم بفضل جهود اللوبي المثلي في العالم وهو لوبي لا يستهان بقوته تم اعتبار المثلية خارجة اطار الأمراض انا واثق لو انه بقي في القاموس كمرض لوجد له الحل .
تحياتي الحارة
ظل جيفارا

[Syrian Gay]

كاتب النص الأصلي : ظل جيفارا

وما كانت إزالة المثلية من قاموس الأمراض إلا إستجابة لضغوطات اللوبي المثلي الذي يحق لي التساؤل من اين يستمد قوته وتمويله الخضم جدا ؟
تحياتي الحارة
ظل جيفارا

هل من المعقول أنو بسبب ضغوط تم إزالة المثلية من قاموس الأمراض ؟
شو هالضغوط هاي ؟ صير منطقي شوي ..
هل من المعقول أنو مافي ولا دكتور غربي بيتحدى فكرة إزالة المثلية من قاموس الأمراض ؟

[Syrian Gay]

كاتب النص الأصلي : باشق مجروح

على كل أنا بعرف شاب صاحبي من مثليي الجنس بيمر بحالات اكتئاب شديدة بسبب ضغوط المجتمع ورغبتو بالتغيير الي اصطدمت بحاجز عجز الطب
ولولاي كان هلأ انتحر ...مع العلم انو متدين وحج 3 مرات بس برأيي القصة أكبر من هيك وأكبر من نظرة الأديان
لازم نوسع صدرنا ونتقبل المثليين
أنا هاد رأيي

لك أخخخخ .. قوللو لهاد رفيقك أنو مو لحالو يللي بيمر بهل الحالات من الأكتئاب والضيق .. كلنا هيك ..

وشكراً كتير بشوق ع الدعم .. و بأعتبارك متقبّل فـ يا ريت ما تستعمل "شذوذ جنسي" بل "مثلية جنسية" لأن الشذوذ الجنسي غير شكل هو ..

[باشق مجروح]

كاتب النص الأصلي : Syrian Gay

لك أخخخخ .. قوللو لهاد رفيقك أنو مو لحالو يللي بيمر بهل الحالات من الأكتئاب والضيق .. كلنا هيك ..

وشكراً كتير بشوق ع الدعم .. و بأعتبارك متقبّل فـ يا ريت ما تستعمل "شذوذ جنسي" بل "مثلية جنسية" لأن الشذوذ الجنسي غير شكل هو ..

له ولك سيريان غاي
خلص من اليوم ورايح أنا رح استخدم مصطلح مثلية جنسية
ولا زعلك
وسلامتك من الاكتئاب
و أنا دايما بدعم رفيقي وبحاول ساعدو يطلع من هيك حالات
هلا وغلا

[W.E.G.A]

كاتب النص الأصلي : M@hmoud

اخي الكريم

اول شي حسيت من كلامك انو عم بتعاني من هالشي.... عالقليل بأول ما حسيت هالشي فيك

بس بعدين انت تأقلمت مع الوضع لانو مافي حل

وهالشي لازم اللي قاعدين عم بيقولو انو ليس مرض ومالو علاج وحرية شخصية ..... يتحملو مسؤوليتو

وقت اهل االعلم والبحوث بيحطوه في قائمة الابحاث متلو متل اي مرض تاني..رح يلتقى الجينات المسؤولة عن هالشي متل ما عم بيلاقو الجينات المسؤولة عن لون الشعر ولالعيون..ونعومة البشرة واطالة العمر


انت لست اول ولا اخر واحد في المجتمع...ولست نقطة سودا فيه طالما كنت مصاب بهالشي...متل اللي بينصاب بداء الشراهة بالاكل

ليش هاداك لقولو علاج وما قالو انو الشغلة حرية شخصية....وهادا ما عم بيريدو انو يدورو عا علاج

كاتب النص الأصلي : M@hmoud

اكيد مارح ينفع شي لانو الغرب ماعاد يعتبرو مشكلة وبطل يدور عا حل لالها.....انت كيف بدك تحللها
وقت تركوك انت وغيرك بحالكو ....اضطريتو تتأقلمو مع الوضع ...
بدعيلك انو الله يعينك .....

شكرا على كلامك الطيب اول شي
تاني شي انا مش رافض الحل بس رافض الكلام عن الموضوع لمجرد التسلاية والحكي وابداء الراي من غير لامعرفة في الموضوع ولا محاولة ان صاحب الراي يحط نفسه بمكان الي عم يحكي عنه ورفض المجتمع او قبوله شي مو موجود لان المجتمع ككل ما بيرضى عن شي معين كله مع بعضه لهيك في شي اسمه معارضة بكل شي
بس انت عطيني الحل الناجع وانا مستعد اطبقه
هي هي القصة لا اكثر ولا اقل

كاتب النص الأصلي : Syrian Gay

بس شغلة صغيرة .. أنو المثليين ما بيحبو يغيرو جنسون .. يللي بيريد يغير جنسو هو الخنثى - و المخنثين (يلي بيندرجوا تحت قسم من أقسام المثلية) _____________________________________________ لا طبعاً ما أزعجت حدا .. عبّرت عن يللي بداخلك بطريقة حلوة كتير .. وأنا معك بكل شي قلتو .. بس نسيت تذكر أنو يللي مو عاجبو وضعنا .. يضرب رأسو بـ مية حيط .. يـــا أهـــــلا وســــهــــلا فــيــك مــعــنــا .. وأكيد بقول هالحكي لـ ألك ولـ كل المثليين .. حسستني شوي بـ أمان هللا ..




شكراً كتير عالدعم بنفسجة ..

كيفك Syrian Gay اول شي انا معك بقصة انو المثليين ما بحبو يغيرو جنسن وعدم ذكر هي القصة من غيرك بدل على انه الشخص الي مابيعاني من هي المشكلة مابيعرف شو القصة وديخل بالحيط وبس بدو يحكي عن الموضوع على اساس انه موضوع شائك عرفت علي شلون ما علينا خليهن يحكو لاشوف وين بدهن يصلو بس
رح يضلو يحكو ويعطو اراء ولا رح يحاولو يلاقو حلول للموضوع اهو مستنين

كاتب النص الأصلي : yass

أنا فيني أناقش طبيا بس أناقش ناس مستعدة تسمع... المثلية ليست مرض انما هي حالة طبيعية جدا و ليست خلل من أي نوع... الخلل بالعقل الحجري تبع المجتمع



تماما.... هاي الحالة المرضية

انا معك للاخر ومستعد اسمع اش بدك تقول المهم نصل لنتيجة

كاتب النص الأصلي : بنفسجة

ليش لتعتبري الموضوع وصل لدرجة الطفرة هناك خلل طبيعي في الافراز الهرموني وابدا المثليين مانون عدائيين
شو شايفة Syrian Gay عادئي شي اصلا انت مابتعرفيون الا اذا خبروكي انون هيك
بالنهاية انا ماشفت حدا منون عدائي انا بزعل على وضعون وبتمنى اذا ماقدرو يشفو حالون انون يتاقلمو وانو الناس تتركون بحالون

شكرا ياذوق

[lady yana]

لك يضربو ليش مغلبين حالكون وبتتناقشو كل واحد حر بحاله انشالله يقلبو معزة شو بهمكون بالأخر الواحد بهمو نفسه مش غيرو انا من عندي ما دام راسي سلمان تضرب كل الروس وتحياتي لكل والي براسو شي يعملو لا يخاف من النااااااااااااااس لأن الناااااااس ما بتنفعو هو بينفع حاله والناس ما بتفهمو هو بس بيفهم حاله وتحياتي الكون

[yass]

كاتب النص الأصلي : ظل جيفارا

صديقي لقد تم بفضل جهود اللوبي المثلي في العالم وهو لوبي لا يستهان بقوته تم اعتبار المثلية خارجة اطار الأمراض انا واثق لو انه بقي في القاموس كمرض لوجد له الحل .
تحياتي الحارة
ظل جيفارا

هلأ لكل شي بالدنيا بدنا نطالعلو لوبي؟؟؟ معقول؟؟, هلأ بالولايات المتحدة المثليين مالهون حقوق بشكل عام ( في ولايات قليلة عم تحاول بس مو طالع شي) يعني لو في لوبي كان أثّر هنيك...

قاموس الأمراض مو شغل سياسيين و لا هو دفتر سمّان لحتى تنشال و تنحط أمراض ع كيف العالم, في كتير من علماء النفس و الغدد بحثوا على مدى سنين للوصول الى قناعة بـأنو ليس مرض, و فيني أأكّد انو أغلبهون عمل دون قناعة دينية أو فكرية بهالشي لكن عرفوا أنهون أولا و اخيرا علماء و العلم تكلّم

لحد ما نتعلّم نعطي ما لله لله, و ما لقيصر لقيصر راح نظل نتخبّط



تحية