العهدة العمرية بنصها الاصلي ...

[Willi]

اعـــــــــوذ بالله, بعد يومين من الحكي, فيني قول انو الحمدلله كلشي دخل من جهة وطلع من جهة(يمكن ما دخل من الاصل).
مستحيل حدا يناقش العرب بشي ويقتنعو فيه.
انو انا ما عم افهم ليش انتو مصرين على ربط الوثيقتين ببعض!!!
النا يومين عم نلعي انو هاي الوثيقة غير هاي. وقلتو انو منطقيا ما بتصير, وقلنا لا منطقيا جدا ممكنة.
ومع هيك بترجعو للبداي. انو الطبري ومدري مينو حكو عن الوثيقة الاولى, معقول نكذب هدول ونصدق هاد!! وكأنو ما لعينا شي.

خلص يا جماعة المسلمين دخلو كل الدول اللي احتلوها (فتحوها قصدي) بدون ما تنزل ولا نقطة دم من اي شخص, هني اصحاب البلد بعتو ورا المسلمين مشان يجو يحتلوهون. وعاملو الكل بنفس المعاملة, حتى الجزية مو هني اللي جبرو الناس عليها, لا هني العالم منهون لحالون اجو عطوهون ياها. وبس حدا يجي يحمل عليهون السيف كانو يجو يبوسوه بوستين, يقوم هو هيك ينزل سيفو وياخدون بالاحضان.
حلو عنا سما ربنا يا.
مضيعة وقت عالفاضي.
فعلا الواحد بينزعج لما بيحكي بيحكي بيحكي وبالاخير بتجو وكأنكون ما قريتو شي من اللي كتبو.

[*Marwa*]

كاتب النص الأصلي : Willi

اعـــــــــوذ بالله, بعد يومين من الحكي, فيني قول انو الحمدلله كلشي دخل من جهة وطلع من جهة(يمكن ما دخل من الاصل).
مستحيل حدا يناقش العرب بشي ويقتنعو فيه.
انو انا ما عم افهم ليش انتو مصرين على ربط الوثيقتين ببعض!!!
النا يومين عم نلعي انو هاي الوثيقة غير هاي. وقلتو انو منطقيا ما بتصير, وقلنا لا منطقيا جدا ممكنة.
ومع هيك بترجعو للبداي. انو الطبري ومدري مينو حكو عن الوثيقة الاولى, معقول نكذب هدول ونصدق هاد!! وكأنو ما لعينا شي.

خلص يا جماعة المسلمين دخلو كل الدول اللي احتلوها (فتحوها قصدي) بدون ما تنزل ولا نقطة دم من اي شخص, هني اصحاب البلد بعتو ورا المسلمين مشان يجو يحتلوهون. وعاملو الكل بنفس المعاملة, حتى الجزية مو هني اللي جبرو الناس عليها, لا هني العالم منهون لحالون اجو عطوهون ياها. وبس حدا يجي يحمل عليهون السيف كانو يجو يبوسوه بوستين, يقوم هو هيك ينزل سيفو وياخدون بالاحضان.
حلو عنا سما ربنا يا.
مضيعة وقت عالفاضي.
فعلا الواحد بينزعج لما بيحكي بيحكي بيحكي وبالاخير بتجو وكأنكون ما قريتو شي من اللي كتبو.

انو روق المسالة مش بحاجة لكل هالتعصيب!
انو بعدنا عم نتناقش!
يا خيا حتى لو جيت معك وقلت انو الوثيقتين مختلفتين وما الهن دخل ببعض!
بس انا معظم العهدات العمرية اللي شفتها بالبحث كان مكتوب انها موجهة لاهل فلسطين تحديدا القدس والبعض قال انها موجهة لاهل ايليا!
اما مسالة دمشق فما شفت حدا جاب سيرتها اصلا! يعني ما شفت عهدة عمرية مكتوب انها خاصى باهل دمشق! اي كلهن بحكوا عن فلسطين !


ويا عمي حقك علينا! اي نحنا المسلمين ناس متخلفين ارهابيين سفاكين دماء فتنا عالمدن والقرى اخدنا الامان من الناس وقتلناهم واجبرنا الناس على اعتناق الاسلام (واكبر دليل على اجبارنا للناس اعتناق الاسلام هي الهند شوف الهند شو اكبر ديانة فيها..يا عيب الشوم علينا ناس عديمي الاحساس والضمير نحنا اللي اخترعنا النووي وضربناه!)
*ما كان بدي احكي كل الجمل اللي حكيتها بالاخر بس يمكن هيك احسن اني بقيت هالبحصة وتريحت شوي!

تحياتي

[Willi]

انا بعتذر ما عاد ضيع وقت اكتر من هيك بنقاش بيزنطي

[*Marwa*]

كاتب النص الأصلي : Willi

انا بعتذر ما عاد ضيع وقت اكتر من هيك بنقاش بيزنطي

لا انا والله اللي بعتذر!
لاني حاسة انو كل واحد فينا بس بدو يتحدى ومتنح!
so خلص خليكوا انتو تناقشوا ولنشوف شو النتجية اللي رح توصلولها! انا عن نفسي مليت!

*على كل الاحوال بدي قول ..انو شو ما كانت النتيجة.. القارىء هو اللي بقرر بعقلو وبالمنطق شو الصح من الغلط وشو بدو يعرف وشو بدو يستنتج!!

مية وردة

[karim94]

كاتب النص الأصلي : shasho

الغالية مروى
نحنا عم نتنقّل من قصة لقصة, كنّا بقصة الجامع الأموي ودرس من التاريخ صرنا بالنجمة السداسية, وبعدين تشعب الموضوع أكتر لوصلنا للوضع هاد
يا أختي, أنا حطيت وثائق عن قصة الجامع يللي كان كنيسة مو مشان نتناحر بطريقة تعامل الخليفة عمر بن الخطاب.
الأمر موثق بأكتر من مكان وبأكتر من كتاب, وأنا ذكرت 3 مصادر.
إذا بتحبي بعمل موضوع عن الخليفة عمر الفاروق, مع اني بصراحة ومو ببيناتنا الكلام, ما كتير صرت متحمس للمواضيع هي, عم فكّر احصر اتجاهي بالتشريفات والمسابقات, وبعالطاير, هيك أحسن.... للأسف

مشان الخليفة عمر الفاروق, ومعاملته لمسيحيي القدس بطريقة مختلفة عن مسيحيي دمشق كمان في وثائق بتأكّد حصول هالتناقض لسببين
الأول انه جيش الغزو ما لاقى مقاومة بالقدس, بعكس دمشق.
السبب الثاني انه الفاروق كان رجل التناقضات بامتياز (مع احترامي لمكانة هالإنسان بقلوب وضمائر إخوتي المسلمين).
اختي العزيزة
الخليفة عمر وافق ربه بثلاث مواقف ذكرها أمام الرسول محمّد عليه السلام, فنزل بها آيات, وأحدها الحجاب, وكان الفاروق يتجول ليلاً وإذا رأى جارية أو مملوكة متحجبة كان يضربها بالدرّة حتى يوقع خمارها وهو يقول: كيف تتشبه الجواري بالحرائر؟ !!!!!
المهم هاد موضوع مختلف وأنا يبدو اني انعديت من البعض بالخروج عن الموضوع بردودي, وأنا آسف, يعني ما بدي اخرج عن الموضوع
تحياتي واحترامي

طيب فين المصدر على الأقل??!

[ASH]

و كل عاده تحور الموضوع لنفوت بحيطان و متاهات تانيه

بس بدي افهم من وين اجا هل حكي عن عمر بن الخطاب

ما علينا بانتظار الباقين لنشوف اخرتها يا بيطلع حليب يا بيطلع لبن

[غريب رحال]

يارب كل الي شاركوا بالموضوع يدخلو الجنة يارب
آمين

[ASH]

كاتب النص الأصلي : غريب رحال

يارب كل الي شاركوا بالموضوع يدخلو الجنة يارب
آمين

تسلم شيخنا يا رب

صدق الله العظيم

[Nabilove]

يا اخي في تلك الحقبة كانت هناك حرب بين الروم كقوة مهيمنة على اراضي شاسعة و منها اراضي عربية و العرب(المسلمين) كقوة صاعدة فكان لا بد ان يحدث الصدام و كان لا بد ان تنتهي الحرب برابح و مهزوم و كان لا بد ان تسيل الدماء من كلا الطرفين, لكن ما يحفظ للاسلام انه لم يلجئ للعمليات التصفية العرقية و التنكيل و استعباد كل السكان الاصليين للمناطق المفتوحة" او المحتلة حسب مرجعيتك" بل نجد ان في بعض المرات انه حصل توافق سياسي سلمي كما هو حال العهدة العمرية.
عموما انا ارى ان الرجوع للتاريخ بغرض تبادل الاتهامات امر مرفوض فتحليل التاريخ بعقلية و منطق الحاضر يشوه التاريخ فالجزية و و الاتاوات و السبي و الغزو ....كانت جزءا من القيم و المبادئ السائدة في تلك الحقبة و مرفوضة كليا الان.