حكم بالسجن 6 شهور لمن يرتدي البنطلون الساحل

samya · 18/09/2007

بدأت الموضة التي نحن بصددها من السجن، والآن اكتملت حلقة البناطيل "الواسعة والمرتخية" المعروفة باسم "ساغي" والتي اشتهرت في العام الاخير ..

وتحاول المدن الأمريكية الآن منع هذه الموضة التي غزت شوارعها بصورة قانونية، بل وحتى تقييدها في السجون. وبدأت محاولات منع هذه البناطيل من الشوارع تجتاح عدداً من المدن، إلى حد أن إحدى البلدات في ولاية لويزيانا قررت حبس من يرتدي "البنطلون الساحل"، الذي يظهر الملابس الداخلية التحتية، مدة ستة شهور وغرامة قدرها 500 دولار.

وهناك محاولات لفرض مثل هذه العقوبات في مدن أخرى، ففي ترينتون بنيوجيرسي، فالقبض على من يرتدي هذا النوع من الأزياء يعني دفع غرامة كبيرة إلى جانب القيام بأعمال لخدمة المجتمع، كمساعدة عمال الخدمات ونقل القمامة.
وقالت عضو المجلس البلدي في ترينتون، آنيت لارتيغ، متسائلة: "هل هم موظفون؟ هل يحملون شهادة الدبلوما؟ إن القرار طريقة رائعة لإعادة توجيههم إلى الطريق الصحيح.. والرسالة واضحة: نحن لا نريد رؤية خلفياتكم!"
يشار أن الاعتقاد السائد هو أن هذه الموضة بدأت في السجون، حيث لا يُسمح بإعطاء السجناء حزاماً مع البنطلون الواسع والفضفاض لمنع السجناء من الانتحار أو ضرب زملائهم.
وفي أواخر ثمانينيات القرن العشرين، امتدت الموضة إلى كليبات أغاني الراب، ثم إلى ضواحي المدن والمدارس الثانوية.
وقال عضو فريق الراب في برونكس "كولد كرش بروذرز"، أدريان هاريس: "بالنسبة للشباب الصغار، هذا الزي يشكل نوعاً من التمرد والانتماء.. وهم يعتقدون أنها موضة، ولا يأخذونها بمفهومها السلبي."
أما بالنسبة لمن يحاولون منعها، فإنهم يرونها على أنها موضة مبتذلة وقذرة وأن لها تأثيراً سيئاً على الأطفال.
وفي أطلانطا، تم تقديم مسودة قانون لمنع البناطيل "الرخوة الساحلة"، وقد تشمل العقوبة فرض غرامة أو الخدمة الاجتماعية، لكن العقوبة لن تشمل السجن.
وتدافع بعض محال بيع هذا النوع من الملابس عنها باعتبارها "ملابس عملية"، وأنها مريحة أكثر من غيرها.
وقال صاحب أحد المحال التجارية، ويدعى ماك موراي: "هل سيلاحقون عمال البناء والإنشاءات لأن بناطيلهم واسعة ومرتخية؟"
وبكل الاحوال قد يلاقي البعض انفسهم في السجن جراء ارتداء هذه النوعية من البناطيل .. علما بان هذه الظاهرة بدات تنتشر في بلادنا .. وقد تفرمل في حال تم استخدام نفس هذه الطرق لمنع انتشارها.

ASH · 18/09/2007

يعني قولتك اذا طلعة على امريكا بيحطوني بالسجن ؟؟؟

منيح يلي خبرتيني مشان اجل طلعتي شي سنتين زمان لكن

شكرا على الموضوع

Syrian Gay · 18/09/2007

كنت البس هالبناطلين بس بطلت

حاكم كان يقع مرات البنطلون كللو من كتر ما كنت نزلو

يللا عشنا وشفنا

كل شى اوهام · 18/09/2007

والله كتير منيح الانو لازم يمنعوهن..
الانو بصراحه انا كتير بشوفهن وبعد بضحك عليهن ..يعنى شوى وراح يسلت منهم ولا ومره واحد سلت منوا
ههههههههههههههههههههه منظروا بفرط من الضحك
عئبال ما يطبئوها بالوطن العربى ...
((شكلى راح اكل اتله من الشباب ))

ASH · 19/09/2007

اقتباس:

كاتب النص الأصلي : كل شى اوهام

والله كتير منيح الانو لازم يمنعوهن..
الانو بصراحه انا كتير بشوفهن وبعد بضحك عليهن ..يعنى شوى وراح يسلت منهم ولا ومره واحد سلت منوا
ههههههههههههههههههههه منظروا بفرط من الضحك
عئبال ما يطبئوها بالوطن العربى ...
((شكلى راح اكل اتله من الشباب ))

بعيد الشر يا رب

fadi 2 · 19/09/2007

اقتباس:

كاتب النص الأصلي : كل شى اوهام

والله كتير منيح الانو لازم يمنعوهن..
الانو بصراحه انا كتير بشوفهن وبعد بضحك عليهن ..يعنى شوى وراح يسلت منهم ولا ومره واحد سلت منوا
ههههههههههههههههههههه منظروا بفرط من الضحك
عئبال ما يطبئوها بالوطن العربى ...
((شكلى راح اكل اتله من الشباب ))

ليش روحي بتضحكي عليهن قصدك بتضحكي على هلصورة اللي محطوطة لانو فعلان مو عارف يلبسو للبنطلون
بس مو كل واحد بلبس باغي بتضحكي عليه الناس واول واحد انا
وانشاء الله عقبال ما يضل بناطلين بلعالم اللا الباغي مشان تضلي عم تضحكي

ASH · 19/09/2007

اقتباس:

كاتب النص الأصلي : fadi 2

ليش روحي بتضحكي عليهن قصدك بتضحكي على هلصورة اللي محطوطة لانو فعلان مو عارف يلبسو للبنطلون
بس مو كل واحد بلبس باغي بتضحكي عليه الناس واول واحد انا
وانشاء الله عقبال ما يضل بناطلين بلعالم اللا الباغي مشان تضلي عم تضحكي

في فرق بين باغي و بين بنطلون كمر واطي

هاد يلي بالصور باغي وهوه منزلو ، بس الكمر الواطي شي تاني

fadi 2 · 19/09/2007

اقتباس:

كاتب النص الأصلي : ASH

في فرق بين باغي و بين بنطلون كمر واطي

هاد يلي بالصور باغي وهوه منزلو ، بس الكمر الواطي شي تاني

اي صح يا حبيبي بس الشباب هلق ما عم يميزو بين الباغي ولا بين الكمر الواطي
يعني بلبس باغي وبنزلو حتى يوقع وهي عم تحكي على الباغي مو على الكمر الواطي
وهي عم تتضحك على الباغي مع انو الباغي هو الصح بين البناطلين كلن
بس شو ذنبو اذا الشباب ما عم يعرفو كيف يلبسو
مو هيك زميل

**BL@CK** · 19/09/2007

قال كل مين عم يلبس تياب داخليّة في احتمال يطلع بحقوّه سجن سنة ..

تســـالي ..

زوربا · 19/09/2007

لك يلبسو شو ما بدهن...شو فيها..أي البنات عم يبين نص...*** وماحدا بيطلع فين قانون
طبعا عم أحكي عن البنات الأمريكيات ****بات... مو ع البنات السوريات المؤدبات!!

fadi 2 · 19/09/2007

اقتباس:

كاتب النص الأصلي : زوربا

لك يلبسو شو ما بدهن...شو فيها..أي البنات عم يبين نص...*** وماحدا بيطلع فين قانون
طبعا عم أحكي عن البنات الأمريكيات ****بات... مو ع البنات السوريات المؤدبات!!

يسلم تمك يا حبيبي بس بدي قلك اذا ما حدا سامع انو حتى عنا بسوريا صار يبين عند البنات نص ..*** ..