عبد الله الثاني يصاهر آل الحريري؟

[samsoum]

كاتب النص الأصلي : Nirvana

اذا الفلسطينيون نسيو بلدهم وانتماءه هاد شي بخصهم .. بس مو الجنسية الأردنية السبب .. لانو الفلسطين اذا اخد الجنسية الألمانية بضلو فلسطيني والسوري اذا معو الجنسية الامريكية بضل سوري ... بقا ما دخل ..
هلأ ليش أعطوهم جنسية فهاي قصة سياسية تانية .. بس الشعب القوي هوي اللي بحافظ هويتو لو اخد ميت جنسية .. والفلسطينيين اللي عم تقول عن معاناتهم .. روح تفرج على عمان بس .. وارجع لنحكي ..
ورح تتفاجا انو معظم عمان بيحكو اللهجة الفلسطينية .. انت بتعرف مين اللي بيقدر يعيش بعمان .. بقا اذا الفلسطينيين بحاجة لمساعدة حدا من الاولى أن يساعدهم فلسطينيي عمان ..

انا طول عمري وما زلت بحب الكل على حد سواء وبحترم كل انسان .. وبالنسبة للفلسطينين بحبهم وبحترمهم .. حبيت وضح هالشي لانو الجواب المذكور فوق هوي بس للي عم يحاول ينتقص من قدر الاردنيين أو الأردن .. لاني عم حاول خاطبو بنفس أسلوبو .

شكرا سمسوم ..

كمان مرحبا
أنا بأيد معظم الكلام اللي قلتيه بالبداية
بس برأيك انا من وين جبت الشي اللي حكيته عن التفريق بالمعاملة بين الاردنيين والفلسطينيين؟ أكيد مش من عندي، وانما من ناس كتار هم اللي حكولي، بالاضافة اني شفت بعيني بعض المخيمات اللي حالتها بتأسي

اما انو الفلسطينيين اللي عايشين بعمان هم اللي لازم يساعدو ابناء شعبهم، اسمحيلي أيدك بجزء من هالكلام وخالفك بجزء
معظم سكان عمان هم من الفلسطينيين صحيح، والكثيرون منهم هم من الاثرياء ويجب عليهم بالتأكيد مساعدة اخوانهم، (هون عم أيدك)
بس طالما هالفقراء (قصدي الفلسطينيين) يحملون الجنسية الاردنية، معناها صارو مواطنين اردنيين، وبالتالي من واجب الدولة الاهتمام بمواطنيها وتأمين أدنى حد من المستوى المعيشي اللائق، وان لا تتعامل بمنطق الخيار وفقوس، يعني مثلا في لبنان الفلسطينيين ما معهم جنسيه، والحكومة متخذه هالشي ذريعة لفرض قوانين تضيق عليهم وتحرهم من ابسط الحقوق(وهون عم خالفك)
كلمة أخيرة، وهي لا تعتبريها مديح وانما من خلال الكثير من مشاركاتك وردودك الواعية والبعيدة عن التعصب في مواضيع مختلفة، خليتيني قول ياريت كل الاردنيين، والعرب بشكل عام متلك
تحياتي الك

[samsoum]

كاتب النص الأصلي : suad_computer

ولله يا جماعه لو الرسول ييجي يشوف هالنسل كان تبرا منه ،
اما عشان الفلسطينين بالاردن فإحنا أهل و اخوان ، ومش بفضل الملك وغيره
الكل بعرف انه الملك ما قبل الفسطينين بالاردن إلا عشان خاطر عيون اسرائيل (ليخلالهم الجو)
فما في داعي نضل نهتف وندعي بطولة العمر بعدين العالم بصدق إنا مرتاحين

samsuom
الله يجبر بخاطرك ، بس انا عارفه في للاردن مواقف ( الحكومه طبعا) انا بتمنى فيها لو ما كنت اردنيه

أهلين suad
انا بتمنى الفلسطينيين والاردنيين يعيشو كأهل واخوان، ومو بس أنا أكيد كل عربي بيغار على عروبته مابيتمنى الفرقة بين اي من الشعوب العربية، واللي عم تقوليه بالنسبة للدفاع عن الملك او الرئيس أيا كان، بأيدك فيه تماما، الشعب مالازم يكون كالقطيع، يسوقه الحاكم كيفمايشاء، بظن انو صار لازم نوعى شوي ونحاول نسمي الامور بمسمياتها الحقيقية، ولما الحاكم يخطيء نقول هذا خطأ، لأنو لما الحاكم بيشوف الشعب عالطالعة والنازلة عم يهتف بإسمه ويدعيلو بيظن انو هو عم يتصرف صح وبيستمر بالخطأ.
بصراحة أكتر شي بيقهرني انو بتلاقي انو واحد معدم مش ملاقي ياكل، واقف وعم يهتف بحياة الملك او الحاكم، مش بس بالاردن، وانما في كل الدول العربية دون استثناء.
ومالازم تتمني انك ماتكوني اردنية، لأنو الكل بيعرف انو الشعب مغلوب على امره، وانو الحكام المتسلطين هم سبب الخراب الله ياخدهم جميعا بليلة وحدة قولي آمين

وتحياتي الك

[BL@CK]

كاتب النص الأصلي : نـــســـيـــم

غصب عنك نسب الرسول أشرف نسب يا وقح
أشرف منك ومن كل عيلتك وكل قرايبك والي حوليك والي بعزّو عليك


عض ع صرماي احسنلك

روء روء ..

أنا حكيت شي غير اللي انت طالبوه ..

أنا عم قول نسلوه للرسول أشرف نسل و السبب كان ينقي الـ Dna ليش انقرقت ..

بشرفي انك تسالي ..

[samsoum]

كاتب النص الأصلي : ادونيس_90

اندلسي اذا حدا نبح عكلامي وانا مو هون انت رد عني
لانو عندي دراسة

شكرا هاد من لطفك

[•• LEO ••]

بشرفي انك تسالي ..

مو لمّا يكون في بالأول

[Miss Karmoosheh]

كلام سليم، وهذا اللي انا حكيته، انو الاردن اعطى الجنسية للفلسطينيين لحتى ينسو هويتهم ، وبالفعل كتار منهم للأسف نسيوها، وحضرتك منهم

تصحيح معلومات أنا أردنيه من أصل أردني ( بالأساس من قريه من قرى شمال الاردن- تابعه لمحافظة اربد)
و إذا بتحب ترجع لأصل النسل
فأنا من نسل سيدنا علي بن ابي طالب رضي الله عنه ( بتحب ابعتلك شجرة العايله!!؟)



على فكرة كل هالقيامه قامت بس لأنه الخبر بيقول الملك عبد الله سيصاهر آل الحريري!!!
يعني لو كان رح يصاهر اي عائلة ثانية ما كنت حتقوم هالقيامه بس بسبب العلاقات السيئة جدا بين سوريا و آل الحريري ولعوها بينا الأردنيين و الفلسطينيين
يا حرام كيف قدروا بعض السوريين باللعب فينا
و عم قول بعض (لأنه في كتييير سوريين مناح و ما بدخلوا بهيك مهتارات)
يعني حضراتكم و انا دقينا ببعض و ما خلينا على بلاد بعض فهل هاللي عملناها غير شي أو حيغير شي
فيكم واحد مستعد يضحي بمكانتة الأجتماعية أو دراستة أو شغله أو شغل الوالد مشان يوقف و يقول هدا الحكي بوجه حكومة اي بلد عربي!!!!؟؟؟؟
او مستعد يتشطر و يريح البلاد العربيه من شي حاكم او وزير؟؟؟!!!!

يعني نحنا شغل حكي و عرط و فرد عضلات على بعض بس قدام الحكومات بنصير خنافس!!!!

فما في داعي تخسروا بعض على شي ما يتقدروا تغييروا فيه

و كل واحد رح يضل يحب بلده اكتر من اي بلد تاني و ما بحب حدا يحكي عنها بأي سوء
فخليكم حبايب و انسوا هالموضوع

او ناقشوا الموضوع بأصله يعني فقط مصاهرة الملك لآل الحريري و لا تفوتوا بكتيييييييييييييير شغلات ما حتوصلكم لشي





تقبلوا تحياتي
و اعتذر للاطاله

[Nirvana]

كاتب النص الأصلي : suad_computer

ولله يا جماعه لو الرسول ييجي يشوف هالنسل كان تبرا منه ،

مزبوط كلامك .. يعني اذا الرسول منيح ما بيعني انو سلوكيات نسلو من أكتر من ألف عام تكون منيحة...

[Nirvana]

كاتب النص الأصلي : samsoum

كمان مرحبا
أنا بأيد معظم الكلام اللي قلتيه بالبداية
بس برأيك انا من وين جبت الشي اللي حكيته عن التفريق بالمعاملة بين الاردنيين والفلسطينيين؟ أكيد مش من عندي، وانما من ناس كتار هم اللي حكولي، بالاضافة اني شفت بعيني بعض المخيمات اللي حالتها بتأسي

اما انو الفلسطينيين اللي عايشين بعمان هم اللي لازم يساعدو ابناء شعبهم، اسمحيلي أيدك بجزء من هالكلام وخالفك بجزء
معظم سكان عمان هم من الفلسطينيين صحيح، والكثيرون منهم هم من الاثرياء ويجب عليهم بالتأكيد مساعدة اخوانهم، (هون عم أيدك)
بس طالما هالفقراء (قصدي الفلسطينيين) يحملون الجنسية الاردنية، معناها صارو مواطنين اردنيين، وبالتالي من واجب الدولة الاهتمام بمواطنيها وتأمين أدنى حد من المستوى المعيشي اللائق، وان لا تتعامل بمنطق الخيار وفقوس، يعني مثلا في لبنان الفلسطينيين ما معهم جنسيه، والحكومة متخذه هالشي ذريعة لفرض قوانين تضيق عليهم وتحرهم من ابسط الحقوق(وهون عم خالفك)
كلمة أخيرة، وهي لا تعتبريها مديح وانما من خلال الكثير من مشاركاتك وردودك الواعية والبعيدة عن التعصب في مواضيع مختلفة، خليتيني قول ياريت كل الاردنيين، والعرب بشكل عام متلك
تحياتي الك

أول شي شكرا كتير كتير على زوقك ولطفك ..

الدولة بتهتم بالأردنيين الفلسطينيين متل الأردنيين الأردنيين .. يعني اساسا مدام معو الجنسية بكون الو نفس الحقوق والجنسيات .. أما اذا على موضوع العشائرية والواسطات فهي ماشية على الأردني قبل الفلسطيني .
واذا الحكومة مقصرة فبتكون مقصرة على الفلسطينيين والأردنيين سوا ..
صدقني الحال صعبة مو على الفلسطينيين بس وكمان على الأردنيين ..

الوضع بالتاكيد مختلف في لبنان لانو الفلسطيني ما معو جنسية ففهي ذريعة للحكومة .. بس بالأردن ما في ذرائع لانو الفلسطيني يحمل الجنسية الأردنية .. يعني غصب عن راس الحكومة لازم تمشي أمورو ..

وانا حكيت عن فلسطيني عمان مشان بس وضح انو في كتير فلسطينيين عايشين ومرتاحين وكتير منهم أغنياء .. يبقى اذا في فقرا .. فهالشي ماشي عالكل .

وشكرا الك..

[•• LEO ••]

إلى الست الفاضلة : نيرفانا

والفلسطينيين اللي عم تقول عن معاناتهم .. روح تفرج على عمان بس .. وارجع لنحكي ..

حبيت انوه لشغلة .. انو الفلسطسنيين الي عم تحكي عنهم ما اجو أول امبارح ع الاردن واخدو الجنسية
هدول من قبل سنة الـ 70 بالاردن
وكتير من السلطية مثلا بتلاقي أصلهم نابلسي وكتير من الكركية بتلاقي أصلهم خليلي

وبخصوص شغلة الثراء هاي شغلة نسبية .. يعني نسيتي المخيمات بكل محافظات المملكة ؟ هاي مين ساكن فيها ؟؟؟ الطفايلة ؟

وكمان الشغلة شغلة عدد .. يعني الاردنيين من أصل فلسطيني شو نسبتهم بالاردن ؟؟ يمكن بتجاوزو النص

وبخصوص الواسطة والعشائرية والمحسوبية .. هاي ما بدها 2 يحكو فيها بصالح مين ..

بقا خلي الواحد يحكي الي إلو والي عليه .. كلامك كلو مو منطقي نهائيا



هامش : أنا سلطي وخوالي فلسطينيين

ياريت كل الاردنيين، والعرب بشكل عام متلك

تخنتها شوي

[Nirvana]

كاتب النص الأصلي : نـــســـيـــم

إلى الست الفاضلة : نيرفانا



حبيت انوه لشغلة .. انو الفلسطسنيين الي عم تحكي عنهم ما اجو أول امبارح ع الاردن واخدو الجنسية
هدول من قبل سنة الـ 70 بالاردن
وكتير من السلطية مثلا بتلاقي أصلهم نابلسي وكتير من الكركية بتلاقي أصلهم خليلي

وبخصوص شغلة الثراء هاي شغلة نسبية .. يعني نسيتي المخيمات بكل محافظات المملكة ؟ هاي مين ساكن فيها ؟؟؟ الطفايلة ؟

وكمان الشغلة شغلة عدد .. يعني الاردنيين من أصل فلسطيني شو نسبتهم بالاردن ؟؟ يمكن بتجاوزو النص

وبخصوص الواسطة والعشائرية والمحسوبية .. هاي ما بدها 2 يحكو فيها بصالح مين ..

بقا خلي الواحد يحكي الي إلو والي عليه .. كلامك كلو مو منطقي نهائيا



هامش : أنا سلطي وخوالي فلسطينيين





تخنتها شوي

وانت كمان قول اللي الك واللي عليك .. وانا ما رح اشرحلك اصلي وفصلي ... لاني قبل ما كون شو ما كون انا انسانة وبشوف اي شخص قدامي انسان كمان ...
أنا ما عم ببرر ولا اختلق اعذار انا كل اللي عم قولو انو المعاناة على الكل ..
انت قلتها عدد الاردنيين من اصل فلسطيني أكتر من نص عدد سكان الاردن .. لحد هون وما رح زيد .. بتقدر تفهمها لحالك .. ومشان ما تفكر أكتر كمان .. موارد الأردن لمين ولا لمين بدها تكفي ..
وبتحكي عن المخيمات .. اذا الاردنيين الفقرا مو ملاقيين بيوت متل العالم يعيشو فيها والحكومة مو سائلة فيهم .. الحكومة بدها تسأل باللاجئين ... اذا المساعدات اللي بتيجي عالاردن عم بتروح لجيوب المسؤولين الكبار وما أدراك من هم الكبار .. من الملك وجر .. بدهم يسألو بمين جوعان ومين طفران ..

وعن الواسطة .. بتعرف انو ممكن تروح تقدم لشركة صاحبها فلسطيني وما تنقبل لانك اردني ومو من اصل فلسطيني ..

بقا انا بقلك العنصرية موجودة وموجودة عالكل ومن الطرفين .. وانا أول وحدة ضدها وبتمنى تبطل موجودة .. وما بنكر انو كون الاردن اردن بدها ترجح لكفة الأردنيين متل ما انت عارف .. بس انا شايفتها عم ترجح لكفة اللي معاه مصاري وبس شو ما يكون أصلو.

[black_iris]

رأيي يا جماعه إنا بعدنا عن الموضوع و صرنا نيجي ببعض


1- النبي برىء من عيله الملك عبدلله ومش لانه من نسل النبي لازم نقدسه


2- الاردنيين و الفلسطينيين اخوان وبالنسبه لبعض العنصريه ( ما بتخلى)


3- الكل بفكر انو اللي بكره الملك بكون فلسطيني بجنسيه اردنيه ، و الكلام غير صحيح ، انا اردنيه حتى العظم


من عجلون ، والمهازل اللي بتصير بالبلد ما بتخفى إلا على الاعمى

وبالنهايه الملك عبدالله كله على بعضه مش محرز كل هالحكي

[maged-syrian]

كاتب النص الأصلي : الأندلسي

تدقق جهات سياسية في العاصمة اللبنانية، في معلومات عن قرب اعلان مصاهرة سياسية بين العائلة الهاشمية المالكة في الاردن وآل الحريري.

وذكرت تقارير عدة، بلغ بعضها البعثات الديبلوماسية العربية والغربية العاملة في بيروت، ان العاهل الاردني الملك عبد الله الثاني ينوي اعلان خطوبته او زواجه على الآنسة هند الحريري، الابنة الصغرى للرئيس الاسبق للحكومة الراحل رفيق الحريري والسيدة نازك عودة الفلسطينية – الاردنية الاصل، واخت الوريث السياسي لآل الحريري النائب سعد الدين الحريري.
وعلم ان الآنسة هند شاركت في سفرات ورحلات عدة الى الاردن قام بها شقيقاها سعد وبهاء، اللذان يرتبطان بمصالح عقارية وتلزيمات بنائية وانشائية وعمرانية ضخمة في الاردن، وأحد هذه المشاريع، الذي اقيم ليكون نسخة طبق الاصل عن مشروع استملاك الوسط التجاري في بيروت المعروف بـ "سوليدير"، تتخطى كلفته المعلنة الملياري دولار اميركي.

وفي حال تمت هذه المصاهرة السياسية والتجارية بإمتياز، تصبح الآنسة هند الزوجة الثانية للملك الاردني المرتبط راهنا بالملكة رانية، الفلسطينية الاصل

ألتم المتعوس على خايب الرجا
الله يهني سعدان بسعيدة

[•• LEO ••]

وعن الواسطة .. بتعرف انو ممكن تروح تقدم لشركة صاحبها فلسطيني وما تنقبل لانك اردني ومو من اصل فلسطيني ..

بلشنا نخبص ونحكي حكي ما الو دخل و يخلو من المنطق .. وانا وانتي عارفين شو الصح
مشان الله ما تكابري وتحكي حكي انتي نفسك عارفة انو مو مزبوط


ما بدي أفوت بتفاصيل .. خصوصا انك عم تضحكي ع حالك وانتي عارفة


___________

صحيح كأنو هاي كلها ردود خارجة عن الموضوع

[Nirvana]

كاتب النص الأصلي : نـــســـيـــم

بلشنا نخبص ونحكي حكي ما الو دخل و يخلو من المنطق .. وانا وانتي عارفين شو الصح
مشان الله ما تكابري وتحكي حكي انتي نفسك عارفة انو مو مزبوط


ما بدي أفوت بتفاصيل .. خصوصا انك عم تضحكي ع حالك وانتي عارفة


___________

صحيح كأنو هاي كلها ردود خارجة عن الموضوع

أنا بحكي واقع وصاير أو اقلك .. تصطفل .. لانو اذا بدك تقعد تشكك بمصداقيتي مع حالي كل ما احكيلك أو أحكي مع غيرك كلمة ... فأكيد ما رح تصدق اي شي بحكي .. وانت اساسا بتكون مو ماخد كلامي مأخذ الجد ...

الصحيح إنو هَزُلَت ..

[•• LEO ••]

بالفعل هزلت
أنا اردني ومن أصل اردني وقاعد بحكي مسلَّمات كلامك الغير صحيح ما بغيرها.. والحق يقال >>

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

واسمحيلي اقلك برافـــو .. انسحاب برفع الراس من الموضوع


بصراحة مو عارف شو الغاية من كلام انتي مقتنعة 100% انو غلط

[اممي]

كاتب النص الأصلي : الأندلسي

شو عليه ...
والله صهر بينشد الظهر فيه

بينجاب وحياتك

[Nirvana]

كاتب النص الأصلي : نـــســـيـــم

بالفعل هزلت
أنا اردني ومن أصل اردني وقاعد بحكي مسلَّمات كلامك الغير صحيح ما بغيرها.. والحق يقال >>

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

واسمحيلي اقلك برافـــو .. انسحاب برفع الراس من الموضوع


بصراحة مو عارف شو الغاية من كلام انتي مقتنعة 100% انو غلط

يعني لو عم بتحاول تبين اني غلطانة ما عندي مشكلة واذا كنت فعلا غلطانة كمان ما عندي مشكلة بس انو تقول اني بحكي كلام انا نفسي مقتنعة انو غلط .. كيف رح ناقشك ؟؟؟

انا لا عم قول انو الفلسطينين كلهم مبسوطين بالاردن وقلتلك انو الكفة بترجح للاردنيين بس بدك تقنعني هلأ انو جية الفلسطينيين عالأردن ما أثرت على الاردنيين سلبيا كمان .. مو بس الفلسطينيين والعراقيين كمان ..

أهلا وسهلا بكل شعوب المنطقة .. بس ما تقنعني انو نحنا مبسوطين بعيشتنا كأردنيين وتاركين الفلسطينيين يتعذبو ..

وغير شي ما حدا بيقدر ينكر لا انا ولا انت انو في عنصرية من الجهتين (في استثناءات لانو في ناس واعية وفهمانة) اذا في هالمنتدى دخلت في عدة صدامات بهالموضوع وما كان الحكي يتعلق بالملك عبدالله بل بالأردن كدولة وكشعب ... وهالشي بالنسبة الي مرفوض.
كما انو انت عارف انو كل مين صاحب مركز ومال بميل للي الو .. يعني لو انت معك مصاري وعندك شركة .. بتبدي عيلتك وأصحابك وناس في الك مصلحة معهم لتشغلهم عندك حسب قانون العشائرية والواسطات الماشي بالبلد .. فانت ما تقلي كمان انو ما في هيك شي ..


ونهاية بتمنى ما تصير لهجتك هون كلهجتك بموضوع

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

‏

[Nathalie]

الواحد بيضلوا ساكت ساكت بس بعدين بتفقع مرارته وبيضطر يحكي...

كاتب النص الأصلي : Nirvana

بس بدك تقنعني هلأ انو جية الفلسطينيين عالأردن ما أثرت على الاردنيين سلبيا كمان ‏

عن أي فلسطينيين عم تحكي؟ مين هم الي أثروا سلبا على الأردنيين؟ اللي إجو من ال48 مثلاً؟ بتحبي أحكيلك كيف إجوا على الأردن وشو هو دور الحكومة"النشمية" ولا بتعرفيه؟ أصلا لولا الفلسطينيين ما كان في أردن ولا دولة أردنية! كلها بسبب اتفاقات الخائن الأكبر الملك عبدالله الأول الي تآمر مع الحركة الصهيونية على طرد الفلسطيننين من فلسطين ونقلهم إلى الأردن من أجل أن يكون في عنده شعب ل"دولته الموعودة"!
شو هو التأثير السلبي دخلك؟ إنهم بنوا البلد وعمروها؟ ولا حضرتك بتنظريلهم دخلاء وزوار زي العراقيين الي بعد الحرب على العراق دخولوا للأردن لتبييض أموالهم هناك، بينم استنكرت الحكومة اتدخل هالأكمن فلسطيني المزتوتين على الحدود العراقية والسورية؟!
يعني أوزني الكلام قبل متحكيه، ولا إنتي هيك إيمتا ما بدك بتعتبري الفلسطيني مواطن أردني وإيمتى ما بدك بتعتبري دخيل وزائر عم يسرق خيراتكم؟!

ويلا خلينا نشوف كمان شو عم تحكي:

بقا انا بقلك العنصرية موجودة وموجودة عالكل ومن الطرفين .. وانا أول وحدة ضدها وبتمنى تبطل موجودة ..وما بنكر انو كون الاردن اردن بدها ترجح لكفة الأردنيين متل ما انت عارف .. بس انا شايفتها عم ترجح لكفة اللي معاه مصاري وبس شو ما يكون أصلو.

واضح إنك ضد العنصرية وكلامك عن الفلسطينيين الي عم بيأثروا سلبا على الأردنيين أكبر دليل.
والأردن بدها ترجح كفة للأردنيين، يا سلام معناته ليش يطالب الفلسطيني بأنه يظهر ولاؤه للأردن والملك دائما، ما دامه الأردن رح يرجح الكفة للأردنيين؟ طيب لشو هالمعايير المزدوجة هاي. خلص إذا هيك القصة بيحق للفلسطيني يكون عنصري وحاقد كمان، طالما البلد الي بتطالبه بإظهار مواطنته الكاملة، رح اتضل شو ما عمل ترجح كفتها للأردنيين الأصليين.
عم بترجح كفتها حاليا للمصاري، هذا كلام صحيح وما عليه غبار، بس أيام ما كان في مصاري، كانت الكفة تترجح للنشامى فقط وليس للبلجيكيين

وخلينا نشوف كلامك "غير العنصري" كمان مرة

اذا الفلسطينيون نسيو بلدهم وانتماءه هاد شي بخصهم .. بس مو الجنسية الأردنية السبب .. لانو الفلسطين اذا اخد الجنسية الألمانية بضلو فلسطيني والسوري اذا معو الجنسية الامريكية بضل سوري ... بقا ما دخل ..

دخلك خيتو نظام أردنة الجميع ما دخل برضه؟ محاولات الراحل حسين لإجهاض منظمة التحرير (الي كانت محافظة على الهوية الفلسطينية)، والهيمنة على القرار الفلسطيني ما دخل برضه؟
وبعدين الفلسطيني أبو جنسية ألمانية ما بينطلب منه ينسى أصله، بعكس الفلسطيني أبو جنسية أردنية، الي صار بعد أيلول الأسود ينشل عرضه إذا حكى شو هو أصله!

هلأ ليش أعطوهم جنسية فهاي قصة سياسية تانية .. بس الشعب القوي هوي اللي بحافظ هويتو لو اخد ميت جنسية .. والفلسطينيين اللي عم تقول عن معاناتهم .. روح تفرج على عمان بس .. وارجع لنحكي ..

روح تفرج على عمان!!!! روحي على الوحدات وشنلر والزرقا والبقعة وشوفيهم كيف عايشين بالنعيم
الفلسطينيين أكتر من النصف ولذلك بالنسبة والتناسب رح تكون نسبة الأغنياء فيهم كتر وذات الشي نسبة الفقراء، بس هاد ما بيعفي الحكومة من مسؤوليتها لتحسين أوضاع المخيمات. شوفي الحكومة الرشيدة شو عملت لهالمواطن بمخيم البقعة لتعوض على أهله

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

مو حكى الملك حسين "الإنسان أغلى ما نملك"...بس الظاهر في ناس أغلى من ناس...!

وهذا غيض من فيض! ولحتى أكون عادلة وصادقة، بعرف أردنيين فاهمين الوضع السياسي في الأردن مزبوط وما بيضحكوا على حالهم، وآرائهم بحترمها جدا لأنها متزنة، وما بيرموا الحكي رمي، بيكونوا فاهمين عن شو عم يحكوا وآرائهم بخصوص وضع الفلسطينيين في الأردن بحترمها وبقدرها جدا لأنها آراء مو مبينة على عاطفة ولكن على تحليل سياسي عملي، بيحمل كل جهة، الأردنية والفلسطينية على حد سواء، الأخطاء الي ارتكبتها وبيطالب من كل جهة إنها تدرك هذه الأخطاء لحتى وضع البلد يتحسن.