تدخين الفتيات ........ موضوع للنقاش

[hamido1979]

كاتب النص الأصلي : BL@CK

إإإإإيــه يمكن إذا غيرت رأيي و خطرلي أرتبط بيوم نحس من الأيام .. ان شاء الله

لازم تكون بتدخن .. شرط اساسي

يا زلمي السيكارة بين شفاف البنت بتعطي البنت أنوثة غير طبيعية .. حتى لو كانت حمرا طويلة

وشو بدك أحلا من أنو يكون ابنك عم ياخد نيكوتين وهوي في بطن أموه ..

بنزل الولد مدخّن بالفطرة ..

رائع رائع ..

مؤيد و بشدة ...

شكرا لمرورك المعارض بشدة

[hamido1979]

كاتب النص الأصلي : البدوي الأحمر

لأني بعشق السيكارة بإيد البنت .......... ضروري تكون شاعلة خليها بئيدا و مطفيه ..........متل ما من حق الشب والرجل يدخن من حق المرأة تدخن وتاخد حريتها ....... بس الحرية مو بالتدخين بس .............. هي حياتها أولا وأخيرا ..... أما عن العادات والتقاليد ........ فبظن نحن صرنا بعصر العادات والتقاليد انتهت وصارت بخبر كان ......... للأسف ..........بس لازم تكون حريتها بالتدخين بتتوقف عند حرية أطفالها بالحياة ...........يعني في شي ايجابي

شكرا لمرورك

[hamido1979]

كاتب النص الأصلي : Syrian_Gay

انو حلو شكلا البنت او المرأة تدخن

بيبين عليها الارستقراطية وأكابر

مع اني بكره السجارات بس بحب الاركيلة

لا و الله غلطان روح ع البرامكة اذا انت بالشام و شوف بياعات الدخان هنن وعم يدخنو و شوف الارستقراطية
مع تحياتي

[hamido1979]

كاتب النص الأصلي : maro18

التدخين ضار للاتنين
بس كل واحد حر يعنى البنت من حقها تدخن وماحدا يقول لها حاجة

فى ستات كتير شكلهم بيبقى حلو وهم بيدخنوا وفى ما بيليق عليهم
اكتر شىء بيضايقنى نظر الناس وكانوا شافوا شى غريب لو لاحظوا ان فى واحدة مدخنة

شكرا لمرورك

مع تحياتي

[hamido1979]

كاتب النص الأصلي : romanista

الموضوع القادم ..

تحشيش الفتيات .. ماروانا وLSD .. هل أنت مؤيد ام معارض لهذه الظاهرة!

يلا ناطرين الموضوع

[hamido1979]

كاتب النص الأصلي : يمان Rooooonaldo

انو انا رايي...انو لا ما بحب

لانو انا ما بحب التدخين اصلا ولا شكل هالسيكارة بخلقتي لح خلي


صاحبتنا تحشش يعني

نو اي فشرت



بس عنجد ما بطيقا الببنت اللي بتحشش بحسا يخخخخ

شكرا لمرورك

[hamido1979]

كاتب النص الأصلي : thelife.pro

شكرا لك على هذا الطرح الجميل
ربما هذه اول مشاركاتي بس مو ربما اكيد

اتمنى ان اكون قد ابديت صورة حسنة

شكرا لمرورك و الله يعطيك العافية

[hamido1979]

كاتب النص الأصلي : nano881988

انا برايي الشخص او الشخصة يلي شخصيتو ناقصة وعبيكملها بالسيجارة مو شرط !!!!!

وانا بستغرب من هدول يلي بيكونو عبيشربو السيجارة بتمون بعدين يطفوها برجلون شو دخل هي بهي كيف هيك لخبطن ببعضن

ولا حدا يحكيلي انو هي الشغلة الوحيدة يلي بتحرق حالها مشانا ؟؟!!! طيب ماشي



بس مع كل هاد التحشيش إلو وقتو بس بيدون سيجارا لانو انا منظر السيجارا ما بطيقو تحشيش ايه و سيجارة لأ

والله يغني الجميع عنها
ويلي بقيدو الله يزيدو بقيدو يعني بئيدو بس شلون زبطت معك

هلأ انت بتسمح المخدرات و ما بتحب التدخين يا سلام

ع اي حال شكرا لمرورك

[hamido1979]

كاتب النص الأصلي : betty_palestine

والله مين بيعمل هيك الا المضغوط او اللي معو مصاري بكفي انو بالدين حرام ويسلمو

اول شي الله يسلمك
تاني شي اتركيلي موضوع حلال و حرام مشان ما تصير نقاشات دينية
تالت شي انو الضغوط بتعمل هيك ايه ممكن بس شو دخل اللي معو مصاري
مع العلم انو الب المدخنين هنن من الفقراء

شكرا على مرورك نورتي الموضوع

مع تحياتي

[cresto]

هوي مضرّ ما اختلفنا ..
بس بشوفا عادي انو البنت تدخن او تأركل ...
ليش بتضلو لاحقين البنت ع الدعسة

[FIBER]

لك يأبرني رب البنت يلي بدخن بموت بالسيجارة بأيد البنت لك لما شوف بنت عم دخن مدري شو بصرلي بنحل بأرضي

لك انا بحب الدخان لك بموت بشي اسمو سيجارة
بقى كيف إذا كان سيجارة + بنت =

[myimmortal]

[quote=nano881988;702594]انا برايي الشخص او الشخصة يلي شخصيتو ناقصة وعبيكملها بالسيجارة

لا اظن انك غلطان انه السيجارة نقص شخصية مو اظن متاكدة
معناها عحكيك كل 90% من العالم عندن نقص شخصية

[myimmortal]

كاتب النص الأصلي : cresto

هوي مضرّ ما اختلفنا ..
بس بشوفا عادي انو البنت تدخن او تأركل ...
ليش بتضلو لاحقين البنت ع الدعسة

والله العظيم ما بعرف لسه كل شي بتعمله البنت غريب ومنن معودين عليه بشلوا عرضها
شي بطئئ
ولسه بقولوا ليش البنات بنتحروا

[myimmortal]

ما بعرف ليه معئدين الامور
ليه كلشي مسموح للشب وممنوع للبنت حاج حلوا عنا عاد اختنئنا

[The Dark Dragon]

لك مشكووووووووور ابو حميد على هالمواضيع الحلوة


يعني بالنسبة لرأيي.....انو انا اكيد ما بفضل البنت اللي بتدخن...مع اني بوافق البعض انو في بنات لما بيدخنوا بيطلعوا كتير بيجننوا...بس كمان يعني البنت فيها تكون بتجنن بدون ما تدخن



يعني انو البنت كتييييييييييييير بسوريا اخدة حرية....والتدخين من جملة هالحريات اللي حصلت عليها البنت







MAJD....The Dark Dragon

[زوربا]

انشالله يدخنو أو لأ...............مانن كبار وفهمانبن......يصطفلو......بنات ولي شباب.....كلو متل بعضو........شو البنت رح تنضر أكتر من الشب يعني..............

[مجنووووووونة ايوان]

لك دخيلو كل واحد قايل انو قال شو منظر البنت بيجنن هي وعم تدخن
انا ما بحب حتى الشب يدخن
بكرة كلكون ح تندمو ع هالحكي

[Syrian Gay]

كاتب النص الأصلي : hamido1979

لا و الله غلطان روح ع البرامكة اذا انت بالشام و شوف بياعات الدخان هنن وعم يدخنو و شوف الارستقراطية
مع تحياتي

انا ما بقصد هدول

بقصد الطبقة المثقفة من النساء
يبين عليهون الاكابرية

معلومة : انا ما بدخن وبكره الدخان كتير بس يعني وجهة نظر