كيف ممكن يصير حوار؟؟

[الغضب القسامي]

منيح الي عنا فتح وحماس والجهاد ولكل بيطرح وجهة نظره حول الصراع مع اسرائيل من دون زعل وضع المنتدى والحوار هو اسواء من حوار فتح وحماس ان كان على صعيد افراد بالشارع او السياسيين

انا لم اجد في سوريا قضيه حقيقيه يلتف حولها السوريين من كل الاطياف غير حزب الحاكم المسيحيين بوادي والمسلمين والعلويين ودروز بقا اش هاي الوطنيه ؟؟؟ وان سقط نظامكم سيكون وضع ؟؟؟؟؟؟؟؟؟؟؟؟؟؟

وياريت حد يقلي شو نسبت كل تيار او دين او حزب بسوريا ولو على الخاص ؟؟؟؟؟؟؟؟؟؟؟؟؟

انا شايف الحوار ممكن بالمنتدى بس على ارض الواقع ان سقط النظام ستنهشوا لحم بعضكم

[كهربجي]

ما بعرف والله.. شو رأيك أنت؟؟

بالنسبة إلي إي

[كهربجي]

يا غضب قسامي

ممكن يكون معك حق... بس الفلسطينية على حسب ماني شايف عم ينهشوا لحم بعض من هلق


مبرووك

[كهربجي]

ورجعنا...

up مشان ما اكتب موضوع جديد

[Nirvana]

هالموضوع راح علي وقت ما كنت فوت على اخوية .. يلا مو مشكلة ..

رأيي أو بصير في حوار بين مين ما كان لما يكون في احترام للآخر.

بالنسبة للمؤمن والملحد تحديدا ينطبق عليهم رأيي لكن نتيجة اختلاف المرجعيات قد لا تصل الى نتيجة .. بس ممكن تستفيد من الحوار في معرفة وجهة نظر الآخر وطريقة تفكيرو ,, الخ.
هل تستطيع نقاش المؤمن بأمور دينية .. لا .. بس في استثناءات حسب عقلية هالمؤمن.

[abosleman]

اذا كان في تقبل للآخر واحترام للرأي ووعي كافي للتحاور

والسؤال هل ممكن يكون في وعي وتقبل بين الطرفين ؟؟

[Nirvana]

كاتب النص الأصلي : abosleman

اذا كان في تقبل للآخر واحترام للرأي ووعي كافي للتحاور

والسؤال هل ممكن يكون في وعي وتقبل بين الطرفين ؟؟

ليش لأ ,, يمكن نحنا بنتعامل مع اغلبية اعماها التطرف وقلة الوعي.. وهالشي موجود مو بس عند المتدينين .. عند كتير من الناس .. ما بعرف حالة غريبة وما بعرف شو سميها .. جهل، تعصب، لا مبالاة .. بس متل ما قلتلك في استثناءات .. في ناس واعية ومحترمة بتقدر تدخل معها بحوار .. وحتى لو ما وصلت لنتيجة بهالحوار بس بتكون عالأقل ما فتت بخناق من نوعية الخناقات اللي عم تصير اخوية حالياً.

[Abu Guzef]

شوف معلم بغض النظر عن الدردود يلي سبقت لاني ماقريت

بس الحوار هون ممكن يصير بشروط

انو كيف هي الشروط

انو مثلا موضوع علمي ما لاوم يدخل الدين فيه إذا هيك كاين مشرط بالموضوع متل موضوعي يليطرحتو تبع الشمس لا حياة لمن تنادي

موضوع سياسي كمان الحوار فيه صعب بسبب الاطراف شي معرض شي مع

موضوع ديني هاد اضرب شي

طيب شو السبب

السبب انو اغلب المحاورين بيفوتو متمسكين بافكار غير الله ما بيغيرها اي اي واحيانا ما بيعرفو شو بتعني افكارون

طيب شو الحلول لهل الشغلة مع انو ما بعتقد يكون في حلول كتير

ممكن يصير في مجموعات خاصة

متل مجموعة الديكارتيين اذا بتتزكر

ممكن يصير مجموعة العلمانيين

وهيك حلول

[butterfly]

حبيت ردودي .. بهالموضوع ..
كتير حبيتن .. يا زلمي أأقراهن وارجع اعجب بنفسي


أما بخصوص .. هل ممكن ..
اكيد ممكن
نحاور
واكيد ممكن
نعيش

الاختلاف مصدر غنى
والتشابه محدودية ..

[COSTA]

حوار شو ؟؟
ومشان شو ؟؟
طيب
الحوار بكل انواعو واشكالو هو بالنهاية حوار ...... ممكن يجيب نتيجة انو يصير في فهم لوجهات النظر او الطرفين يللي عم يتحاورو يصير في بيناتهون شيء من القبول
بس الشغلة بترجع للحوار ونوعو ... ومين الطرف الاقوى فيه ... طبعا الاقوى هون بكون اما بالتعداد يللي خلف احد اطراف الحوار او بالنفوذ والمال او القوة
بس يا ترى شفتو حوار طلع منو حدا لا غالب ولا مغلوب ؟؟؟؟
مستحيل
بس دايما بحاول احد الاطراف وهو الضعيف دايما انو يتمسك بالمبادئ والانسانيات حتى يطلع باقل خسارة
واي نوع من الحوار بتقصدو فيه ؟؟؟؟
حتى نتناقش فيه

[abosleman]

كاتب النص الأصلي : Nirvana

ليش لأ ,, يمكن نحنا بنتعامل مع اغلبية اعماها التطرف وقلة الوعي.. وهالشي موجود مو بس عند المتدينين .. عند كتير من الناس .. ما بعرف حالة غريبة وما بعرف شو سميها .. جهل، تعصب، لا مبالاة .. بس متل ما قلتلك في استثناءات .. في ناس واعية ومحترمة بتقدر تدخل معها بحوار .. وحتى لو ما وصلت لنتيجة بهالحوار بس بتكون عالأقل ما فتت بخناق من نوعية الخناقات اللي عم تصير اخوية حالياً.

المشكلة بالاغلبية واحيانا اسباب التطرف وقلة الوعي هي وراثيه او نتيجة البيئه اللي بيخلق فيها
وافكارو عبارة عن عادات اكيد ما اجت نتيجة لتفكير وهاد الشي اللي بيخلق التعصب او التحجر للفكرة
هلئ بأي موضوع ممكن يكون في نقاش بس لازم الطرفين متل ماحكينا يكون عندن وعي لتقبل الفكر الآخر
وما بالضرورة يكون في غالب ومغلوب المهم يوصلو يكون في حوار بدون مشاكل وبعدين مع تكرار الحوارات
ممكن يوصلو لنتيجة او لفكرة بتجمعهن

[BL@CK]

و للأسف ..

في الأخوية و في الحياة العملية .. يقتصر الحوار فقط عالسياسة و الدين ..

أنو نحنا شعب أفهم أمة الله بالدين و أفهم أمة الله بالسياسة

طبعاً شاطرين بشغلتين

الأولى نكفّر بعض

و التانية نحكي عـ الدولة و شرطك لما يعدي شرطي مرور الكل يسكت و نتنهامس بين بعض " خالتك عم تسلّم عليك "

طيب مثلاً ما منفكر بشكل من الأشكال نفتح حوار تاريخي - أدبي - صحي - و و و و و

و لمّا منفتح هيك حوار لدقائق معدودة و مرات نادرة ..

أنو مثلاً أنا كـ هندوسي أو بوذي بتفق معك كـ مسيحي أو كـ مسلم أو كـ ملحد .. أنو بكره الأرض اللي بتمشي عليّا غادة السمان .. و بقدس شي اسمو نزار قباني ..

يعني في نقاط اتفاق بيني و بينك بغض النظر عن الأيدولوجية الدينية ..

ليه دايماً أنا و انت مختلفين كوننا مختلفين في الدين أو انت موالاة و أنا معارضة .. أو أو أو أو ..

لمّا منقدر منبحث عن نقط مشتركة ووفاق بيناتنا .. رح تتحسن لهجة الحوار السياسي و الديني لاحقاً .. كوني عرفت عنك كتير اشيا .. و صار في بيناتنا اتفاق بموضوعٍِ ما ..

و طالما حوارنا مقتصر على السياسة و الدين ما في أمل

خلونا نجرب ولو مرة نطلع برا السياسة و الدين و نشوف كيف المختلفين هلأ رح يصير متفقين بموضوع أدبي مثلاً و العكس بالعكس


و الخلود لنضالنا النقابي

[sydra]

اكيد ممكن يصير حوار وبين الكل وبكل المواضيع بس هيدا وقت بيكون الاشخاص يلي عم يتحاورو ع مستوى الحكي مش كل واحد مصدق انو احسن شي ووقت بيمتلكو العلم والثقافة وارائن وافكارن هي نابعة من خبرة وفكر ووعي مو هيك انا وهيك الناس يلي بعرفن كل شي ممكن بالعقل والعلم والثقافة

[ليندا]

كهربجي ...الحوار ليس له علاقه لا بدين ولا بطائفه معينه سواء كانت سياسيه او دينيه .كل الاديان السماوية حثت على الحوار البناء لو لم يكن هناك حوار بناء لما نجح الرسل في التبليغ عن رسالاتهم ...........وبالنسبه للمصطلحات يلي انت زكرتها بمعرض حديثك ويلي بيزكرها المسلمين اثناء الحوار معك او مع غيرك فاسمحلي قلك انو لو لم تتقبل هذه المصطلحات اثناء النقاش فلن تكون محاور جيد ولن نصل الى مستوى الحوار المطلوب ....


الحوار كلمة راقية جداُ كمفهوم وراقية جداُ كتطبيق ..


سؤال / الك كهربجي باعتبارك صاحب الموضوع / هل تستطيع وصف مايدور تحت سقف الاخويه من نقاشات بين الأعضاء بصفة الرقي ؟؟؟؟
جوابي انا / لااااااااااااااااااااااااااااااااااااااااا .... وانا واثقه انو جوابك بيطابق جوابي
لأنو باختصار شديد المعادلة بتقول { حوار = رقي } ......... ونحنا مانوجد عنا رقي لحتى ينوجد حوار ..
الحوار بيستلزم الرقي في الالفاظ وفي التعبير واي مناقشة استوجبت وجود تسفيه او استفزاز او تقليل من شأن الطرف الأخر ...(كما يحدث في الأخويه )
ابعد مايكون عن مصطلح حوار والاجدر ان يطلق عليه مسمى (جدل ) او خناق او شد شعر متل مابيتريدو بس بعدوا عن كلمة حوار لانو ماعم تلبقلنا الحوارات بنوب
لحتى يصير عنا حوار كهربجي لازم نبعد عن كل مايخدش بالحوار يعني مثلا المسخرة .ومايستتبعها من محاولة اثبات الزات بطريقه سطحيه جدا ..الاعتماد ع الالفاظ
وقوتها دون االاهتمام لاثبات الحقيقه وتوضيح وجهة النظر ..يعني الاعتماد باثبات وجهات النظر عنا يااخويه بيكون باسلوب سلطوي ..يعني كل مين بيتسلطن على غيرو وانا الصح والكل غلط دون اي اعتبار ات لحقوق الاطراف المشاركه بالنقاش ( بالمشرمحي اسلوب اغلبوهم بالحكي ) وبدكن يكون عنا حوار اي شو هاد يا
وناس كتير تفكيرها حلو جدا ووعم طالب باقامة حوار بناء بس مع الاسف كل ماشافت رد ازعر نط الشيطان لراسا و تزعرنت معو بقى كيف بدو يصير حوار ؟؟



مية ورده

[Nirvana]

كاتب النص الأصلي : BL@CK

و للأسف ..

في الأخوية و في الحياة العملية .. يقتصر الحوار فقط عالسياسة و الدين ..

أنو نحنا شعب أفهم أمة الله بالدين و أفهم أمة الله بالسياسة

طبعاً شاطرين بشغلتين

الأولى نكفّر بعض

و التانية نحكي عـ الدولة و شرطك لما يعدي شرطي مرور الكل يسكت و نتنهامس بين بعض " خالتك عم تسلّم عليك "

طيب مثلاً ما منفكر بشكل من الأشكال نفتح حوار تاريخي - أدبي - صحي - و و و و و

و لمّا منفتح هيك حوار لدقائق معدودة و مرات نادرة ..

أنو مثلاً أنا كـ هندوسي أو بوذي بتفق معك كـ مسيحي أو كـ مسلم أو كـ ملحد .. أنو بكره الأرض اللي بتمشي عليّا غادة السمان .. و بقدس شي اسمو نزار قباني ..

يعني في نقاط اتفاق بيني و بينك بغض النظر عن الأيدولوجية الدينية ..

ليه دايماً أنا و انت مختلفين كوننا مختلفين في الدين أو انت موالاة و أنا معارضة .. أو أو أو أو ..

لمّا منقدر منبحث عن نقط مشتركة ووفاق بيناتنا .. رح تتحسن لهجة الحوار السياسي و الديني لاحقاً .. كوني عرفت عنك كتير اشيا .. و صار في بيناتنا اتفاق بموضوعٍِ ما ..

و طالما حوارنا مقتصر على السياسة و الدين ما في أمل

خلونا نجرب ولو مرة نطلع برا السياسة و الدين و نشوف كيف المختلفين هلأ رح يصير متفقين بموضوع أدبي مثلاً و العكس بالعكس


و الخلود لنضالنا النقابي

وانا مع هالكلام مية بالمية .. بس المشكلة بلاك كمان انو اسلوبنا بالحوار .. في اشخاص اسلوبهم بالحوار مستفز حتى لو عم يحكو عن الطبيخ .. يعني يقلك طبيخي أحسن من طبيخك والسوريين اكلهم هيك والاردنيين أكلهم هيك .. على سبيل المثال بالطبع .. اذن في ناس مو مؤهلة اصلا لتدخل بحوار.
انا بتمنى يكون كلامي غلط .. بس المشكلة اني عم بحكي عن تجربة.

[Nirvana]

كاتب النص الأصلي : ليندا

الحوار بيستلزم الرقي في الالفاظ وفي التعبير واي مناقشة استوجبت وجود تسفيه او استفزاز او تقليل من شأن الطرف الأخر ...(كما يحدث في الأخويه )

احترام الآخر واحترام حريته في ابداء الرأي .
لو كل شخص احترم مساحة الحرية للشخص الآخر كان كنا بألف خير .
بس لا وين رايحين لازم نعمل كوبي بيست عن أنفسنا .. لازم نكون الأفضل دائما .. ويا ويلو يلي عادينا ..

[BL@CK]

كاتب النص الأصلي : Nirvana

وانا مع هالكلام مية بالمية .. بس المشكلة بلاك كمان انو اسلوبنا بالحوار .. في اشخاص اسلوبهم بالحوار مستفز حتى لو عم يحكو عن الطبيخ .. يعني يقلك طبيخي أحسن من طبيخك والسوريين اكلهم هيك والاردنيين أكلهم هيك .. على سبيل المثال بالطبع .. اذن في ناس مو مؤهلة اصلا لتدخل بحوار.
انا بتمنى يكون كلامي غلط .. بس المشكلة اني عم بحكي عن تجربة.

طالما الله و السياسة بعاد عن موضوع النقاش نوعاً ما من الممكن الدخول بحوار ..

لإني مثلا ً كـ سوري بس قلت لأردني مثلاً أنو الملك حسين يا أخي عميل هي الحقيقة .. و هوي كـ أردني قلي بشار وريث للحكم وين الجمهورية عندكون ,..

علقنا و ما عاد نلتقي لا بموضوع أدبي و لا اجتماعي و لا عاد نسلم عـ بعض ..

بالعكس رح نتنتظر بعد عـ غلطة ..

طبعاً ما عم أحكي عن الناس المو مؤهلة بنوب هدول ما في داعي نحكي عنوّن لإني دواهون الطناش ..

و على عيني

[Nirvana]

كاتب النص الأصلي : BL@CK

طالما الله و السياسة بعاد عن موضوع النقاش نوعاً ما من الممكن الدخول بحوار ..

لإني مثلا ً كـ سوري بس قلت لأردني مثلاً أنو الملك حسين يا أخي عميل هي الحقيقة .. و هوي كـ أردني قلي بشار وريث للحكم وين الجمهورية عندكون ,..

علقنا و ما عاد نلتقي لا بموضوع أدبي و لا اجتماعي و لا عاد نسلم عـ بعض ..

بالعكس رح نتنتظر بعد عـ غلطة ..

طبعاً ما عم أحكي عن الناس المو مؤهلة بنوب هدول ما في داعي نحكي عنوّن لإني دواهون الطناش ..

و على عيني

بانتظار تطبيق ما قلت .. لانو نظريا انا متفقة مع ما قلت .. بيبقى نشوف نتائج عملية خصوصا باخوية