بدي التفسير العلمي كيف انو الشمس رح تصير تشرق من الغرب...؟؟

[hanny dagher]

حجي محمد اول صورة حطيتا بتقول انو المريخ

بس طلع على تاني صورة الكوكب الاحمر ما عم يدور حول الشمس يعني مو هوي المريخ

[sarah s]

تسمحولي شارك بالمعلومات البسيطة اللي عندي ياها

[محمد ابراهيم]

كاتب النص الأصلي : محمد ابراهيم

لاء يا معلم اذا اي واحد رصد حركة المريخ من على الارض رح يلاقي هالنتيجه (طبعا مش بنفس المواضع طول الوقت ) لكن في شيء اسمو retrograde motion
بيعملو كل الكواكب بس بيظهر اكتر مع المريخ فيك تقول عنو ارتداد ظاهري
بالصوره عندك الاصل انو الحركه من الشرق للغرب من تحت لفوق من 1 الى 4 ومن 6 الى 10 بس من الملاحظ انو الحركه اتراجعت وصارت من فوق لتحت او من الغرب للشرق في النقط من 4 الى 6
اللي عمبقولو مو اكتشاف جديد هاي حقيقه مثبته من زمن الزمان يمكن الاغريق كانو بيعرفوها بس بصوره مو دقيقه متل هلا .
.

كاتب النص الأصلي : hanny dagher

حجي محمد اول صورة حطيتا بتقول انو المريخ

بس طلع على تاني صورة الكوكب الاحمر ما عم يدور حول الشمس يعني مو هوي المريخ

هالصوره بتوضح ان ظاهرة الارتداد للمريخ كانت معروفه قديما , الشرح جنب الصوره بيقول ان كان في واحد اسمو
بطليموس وكمان ما ننسى ارسطو (هادول الاغريق يللي حكيت عنهم ) والله الذاكر هالتاريخيه راحت هما اما يونان او اغريق (انا صاحي من كتير ولسا ما نمت والساعه هلق داخله على تلاته بنص اليوم النهار يعني
المهم انا قلت برد سابق انو هال الارتداد الظاهري معروف من زمن الزمان وليس اختراع حديث

وهالصوره باختصار العالم زمان كانو مخون عأدون (بقصد العلماء بطليموس وارسطو ) افتكرو ان الارض مركز الكون وكل شيء عمبيدور حولها لا تقول لحد احسن يفكروني مجنون
والله يا جماعه هيك كانو مفكرين (وحياة ولادي )
يعني هالصوره المريخ بيدور في مدار دائري صغير وبنفس الوقت بيدور في مدار اكبر حول الارض يللي هي كانت مركز الكون ( حسب تخيل وتفكير علماء زمان ) ارسطو وبطليموس .
وانا كمان لو كنت هنيك زمان كنت رح اكون بقره وافكر الارض مركز الكون

[Abu Guzef]

يعني بيطلع معنا بلأخير انو الارض رح تفتل بالعكس متل ما كنت متوقع

وانو وقت الأرض توقف رح تموت البشر يعني متل ما وضح هاني واحد عم يسوق سيارة بسرعة عالية وضرب فرام

بتلاقي الشوفير والغراض صارو بالبلور

والأرض رح تفتل بالعكس وعملية وقوف الارض رح يكون متل جيب محرك كهربا شغلو بعدين اعكس اقطابو

بتلاقيه خف بعدين بيوقف لحظة

بعدين بيدور بالعكس

[ayaa]

السلام عليكم

متل ما ذكر اخونا امير الاردن
ما بدا شي يلي خلاها تطلع من المشرق بخليها تطلع من المغرب مو صعبة كتير

كاتب النص الأصلي : الآلهة

صديقي لاحظ انو من اول الموضوع ما حدى غلط على الدين و الانبياء
مو مستاهلة حضرتك تفوت وتسأل سؤال تافه لأنو راح يسبو الانبياء والدين واذا نسب سيدنا
محمد فبتكون انت السبب الله يرضى عليك ياابني خليك ضمن الموضوع

يا اخي يا ريت يكون اسلوبك راقي بالكلام وتحترم مشاعر الاخوه المسلمين
في هذا المنتدى ما فيه داعي يكون ردك بهالطريقه اذا صاحب الموضوع الاخ
Abu Guzef ما هاجم ولا ذكر الدين الاسلامي ورسول الله صلى الله عليه وسلم
اتمنى ان نحترم بعض ولو اختلفنا في الاراء

اخي الكريم Abu Guzef
حضرتك بتقول ما تدخلوا الدين بالموضوع بس انا شايفه انه صعب هالموضوع
يكون بعيد عن الدين بس خلينا نقول هلئ لما الشمس بتشرق من الشرق
والكواكب الموجوده واللي بتسبح بالفضاء يا ترى اللي قادر على هالشي كله
يعني ما قادر انه يخلي الشمس تشرق من الغرب وبالنسبه للشروق اخي هذه
من العلامات الكبرى يعني بتحصل قبل يوم القيامه والله يعطيك العافيه

[Abu Guzef]

اذا صاحب الموضوع الاخ
Abu Guzef ما هاجم ولا ذكر الدين الاسلامي ورسول الله صلى الله عليه وسلم
اتمنى ان نحترم بعض ولو اختلفنا في الاراء

ايه ماهجمت وليش عم تحكي عن المسلمين بشكل خاص انا مسلم ولا جبت سيرة لا هاد ولا هاد

ما علينا

اول شي

يسلمو اية

انا بعرف انو في الله وانو هوي خلق الارض طيب ماشي

انا خلقني علأرض

وهوي حكا بما معناه انو لو قدرتو توصلو عالسما السابعة وصلو

وانا زلمة علماني بـ ثقافتي عرفتي علي كيف

يعني كل شي عم يصير على هلأرض الو سبب او علة والعلة الاولى هية الله هاد شي ما بنختلف فيو

بس انو نقاش موضوعي علمي ومادخلت الدين فيو

[ayaa]

كاتب النص الأصلي : Abu Guzef

ايه ماهجمت وليش عم تحكي عن المسلمين بشكل خاص
انا مسلم ولا جبت سيرة لا هاد ولا هاد

ما علينا

اول شي

يسلمو اية

انا بعرف انو في الله وانو هوي خلق الارض طيب ماشي

انا خلقني علأرض

وهوي حكا بما معناه انو لو قدرتو توصلو عالسما السابعة وصلو

وانا زلمة علماني بـ ثقافتي عرفتي علي كيف

يعني كل شي عم يصير على هلأرض الو سبب او علة والعلة الاولى هية الله هاد شي ما بنختلف فيو

بس انو نقاش موضوعي علمي ومادخلت الدين فيو

اسفه اخي ما فاهمه عليك وانا ما قلت انك جبت سيرة حدا انا بس قصدي
انه انت صاحب الموضوع وما اتهجمت على الاخ وكان ردك محترم يعني شو
دخل الاخ الالهه ليكون كلامه هجومي ولما قلت انهاتمنى ان نحترم بعض ولو
اختلفنا في الاراء هذا الكلام كان للاخ الالهه
المهم معك حق انه كل شي له سبب بصراحه انا ما بعرف السبب ليه الارض
راح تصير تبرم بالعكس والشمس ساعتها راح تشرق من الغرب بس راح حاول
ابحث بالجوجلي وشوف الموضوع

[الآلهة]

كاتب النص الأصلي : ayaa

اسفه اخي ما فاهمه عليك وانا ما قلت انك جبت سيرة حدا
انا بس قصدي انه انت صاحب الموضوع وما اتهجمت على الاخ
وكان ردك محترم يعني شو دخل الاخ الالهه ليكون كلامه هجومي
المهم معك حق انه كل شي له سبب بصراحه انا ما بعرف السبب
ليه الارض راح تصير تبرم بالعكس والشمس ساعتها راح تشرق من
الغرب بس راح حاول ابحث بالجوجلي وشوف الموضوع

لك انا كلامي مو هجومي بس مسيو ابو زوزيف
طلب من اول الموضوع لا حدى يجيب سيرة الدين
يعني بدو جواب مدروس وعلمي بحت
فعم يجي كم شب طحيني بيذكر الله والانبياء

[ayaa]

اخي الآلهة
والله انا ما قصدي اهاجمك بس اتمنى لما تضايق من رد احد
يا ريت ما اتضايقنا وتجيب سيرة الاسلام والانبياء والله يعطيك العافيه

[ayaa]

موقع الدكتور زغلول النجار

طلوع الشمس من مغربها

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

ويمكنكم البحث في الجوجلي عن طلوع الشمس من مغربها

[Willi]

تعليق,
هلق الصورة اللي اقتبسها هاني من اللي كتبو محمد, متل ما فهمت من الكتابة اللي فوق الصورة.
فهاد القمر, وليس المريخ.
هلق بالصورة التانية فهو المريخ بالفعل.
صراحة انا صارت عندي واضحة شغلة ال retrograde motion من اللي كتبو محمد.

بس مو هاد الموضوع اللي سأل عليه الشب.
الشب سأل عن موضوع انو الشمس تصير تشرق من الغرب.

بالنسبة الي, ما بشوف انو هالشي (ان كان ممكن)
انو يصير خلال هالمليون سنة الجاي.

صراحة لو هالشي ممكن, او في فكرة انو يصير كانت انطبلت الدنيا بهالشي.
هاد عدا عن انو مافي شي يخليها تفتل بالعكس.
ومتل ما قال هاني, انو الكوكب العاشر اللي حكت عنو كيوتي. ما حدا سمع فيه.
يعني سمعنا انو بلوتو بطل بالمجموعة الشمسية, وهو ابعد من بلوتو عن الشمس.
بس ما سمعنا بهالكوكب اللي قريب من الشمس

[ayaa]

الإعجاز العلمي في القرآن

منذ مدة عرض في التليفزيون لقاء مع الدكتور زغلول النجار استاذ الجيلوجيا وعلوم الارض حول الإعجاز العلمي في القرآن من وجهة نظره كعالم في الجيولوجيا .. ذكر في ذلك عدة نقاط منها مايلي :
1. من المعروف بأن الارض تدور حول نفسها دورة كاملة في كل 24 ساعة هذا الدوران الذي ينتج عنه الليل والنهار ومن اتجاهه تظهر الشمس من الشرق وتغرب من الغرب . ثبت للعلماء بأن الارض تبطئ من سرعة دورانها هذا جزء من الثانية في كل 100 سنة , ويقال بأنه ومنذ 4000 مليون سنة كان مدة كل من الليل والنهار 4 ساعات فقط.. واستمرت حركة الدوران في البطئ حتى تساوى طول كل من اليل والنهار .. وكنتيجة طبيعية لهذا التباطؤ فسوف يأتي وقت تتوقف فيه الارض تماما عن الدوران .. وبعد فترة توقف قصيرة ـ وعلميا ـ لابد أن تبدأ بالدوران في اتجاه عكسي وعندها وبدلا من ان تشرق الشمس من الشرق كما اعتدنا ستشرق من الغرب . ( دليل علمي بحت لحتمية طلوع الشمس من مغربها )
سؤال اذا كانت نسبة التباطؤ معروفة فمعنى ذلك ان الوقت الازم لتوقف الارض تماما معلوم فهل يعني ذلك بأن القيامة معروفة الوقت ؟
ـ كلا فالقيامة لها اوضاع خاصة , ولكن الله يضع مايثبت امكانية حدوثها فمن رحمته تعالى فهو يترك لنا مايؤكد ذلك وهذا ينفي قول الدهريون باستحالة طلوع الشمس من مغربها . (( ربما يحدث امر ما خارج عن المألوف يؤدي إلى تسريع عملية التباطؤ قنبلة هيدروجينية مثلا أو اصطدام نيزك او نجم بكوكب الارض .. الخ المهم ان المبدأ موجود )) . 2. يذكر العلماء بان الارض وحين تقف سيعقب ذلك فترة اضطراب في حركتها قبل أن تبدأ بالدوران عكسيا , وفي فترة التوقف تلك لن تكون سرعة الارض في دورانها منتظمة وعليه فلن تكون مدة اليوم معلومة او كما نعهدها الآن فقد يطول وقد يقصر .أي أنه وقبل يوم القيامة سيكون هنالك اضطراب مؤقت في طول اليوم ولن يكون كما نعهده الآن .
منقول

[Raw]

مسا الخير يا جماعة الخير

موضووووع حلوو و حظي تعيس إني تأخرت للانضمام

لذلك رح تكون مشاركتي مختصرة

أولاً بالنسبة للمعلومات اللي حطتها مدري مين و بتحكي عن الكوكب صاحب الجاذبية الكبيرة هاد الحكي خاطئ جملة و تفصيلا للأسباب التالية ؛؛؛

1. كلام غير موثق
2. ليس من المعقول أن يؤثر كوكب كتلته 4 أضعاف الأرض كل هذا التأثير ؛؛ يعني زلزال تسونامي اللي صار من كم سنة زحزح محور الأرض كم جزء من الدرجة عن مكانه
3. متل ما ئال البعض من الشباب معلوماااات إن كانت صحيحة فهي قديمة

بس في شغلة محيرتني
إنو الكذب على لسان الأنبياء أو الله فهمنااااه بس الكذب على العلماء و العلم و المكتشفاات شووو طعمتوووو ؟؟؟!!!

---------

أما الموضوع الأصلي ؛؛

أول شي عندي اعتراض على شغلة انوو الأرض عم تخفف من سرعتا و بعدين بدها تلف بالعكس!!!
يعني مو شرط إذا خففت تفتل بالعكس بعدين ؛؛ يعني بجوز مثلاً تكون عم تخفف و بدها تترك (متل المدخنين)
مثاااال
اذا ركلت كرة باتجاه ما عدا الأعلى يعني خليها تمشي على الأرض و شوووفو شووو رح يصير بعدين ؛؛ أكيد رح توئف و بس يعني ما رح ترجع لعندي
أما اذا زتيتها لفوووء بدها تخفف تخفف تخفف و بعدا توئف آنياً و ترجع تنزل بفعل الجاذبية يعني لو اتفئنا انو الأرض عم تخفف (طبعاً مو بحاجة لنتفئ لأن هاد الشي مثبت و مفرووغ منوو) هاد ما بيعني انو رح تلف بالعكس إلا إذا تلقت قوة معاكسة و صارت بنفس التدريج اللي كانت انطفت فيه القوة الأولى يعني شغلة عويصة بصراحة

لذلك انا أرجح النظرية التانية بهاد الخصوص و هيه اللي بتتعلق بمحور الدوران مع الانتباه لعدم الخلط بينها و بين حكاية الكوكب الخرافي تبع الـ 3200 سنة
أي رح يضل محور الأرض يميل و يميل لبين ما يدور نص دورة حول نفسه و هيك بتصير الأرض تلف عكس ما هلأ عم تعمل و نحنا البشر أكابر و ما مننكر حق حدا لذلك حتى لو غيرت جهة دورانها رح نضل نسمي الجهة اللي كانت شرق قديما شرق رغم عدم شروق الشمس منها!

هلأ هيك بيكفي بس منرجع انشالله



®

[hanny dagher]

كاتب النص الأصلي : ayaa

الإعجاز العلمي في القرآن

منذ مدة عرض في التليفزيون لقاء مع الدكتور زغلول النجار استاذ الجيلوجيا وعلوم الارض حول الإعجاز العلمي في القرآن من وجهة نظره كعالم في الجيولوجيا .. ذكر في ذلك عدة نقاط منها مايلي :
1. من المعروف بأن الارض تدور حول نفسها دورة كاملة في كل 24 ساعة هذا الدوران الذي ينتج عنه الليل والنهار ومن اتجاهه تظهر الشمس من الشرق وتغرب من الغرب . ثبت للعلماء بأن الارض تبطئ من سرعة دورانها هذا جزء من الثانية في كل 100 سنة , ويقال بأنه ومنذ 4000 مليون سنة كان مدة كل من الليل والنهار 4 ساعات فقط.. واستمرت حركة الدوران في البطئ حتى تساوى طول كل من اليل والنهار .. وكنتيجة طبيعية لهذا التباطؤ فسوف يأتي وقت تتوقف فيه الارض تماما عن الدوران .. وبعد فترة توقف قصيرة ـ وعلميا ـ لابد أن تبدأ بالدوران في اتجاه عكسي وعندها وبدلا من ان تشرق الشمس من الشرق كما اعتدنا ستشرق من الغرب . ( دليل علمي بحت لحتمية طلوع الشمس من مغربها )
سؤال اذا كانت نسبة التباطؤ معروفة فمعنى ذلك ان الوقت الازم لتوقف الارض تماما معلوم فهل يعني ذلك بأن القيامة معروفة الوقت ؟
ـ كلا فالقيامة لها اوضاع خاصة , ولكن الله يضع مايثبت امكانية حدوثها فمن رحمته تعالى فهو يترك لنا مايؤكد ذلك وهذا ينفي قول الدهريون باستحالة طلوع الشمس من مغربها . (( ربما يحدث امر ما خارج عن المألوف يؤدي إلى تسريع عملية التباطؤ قنبلة هيدروجينية مثلا أو اصطدام نيزك او نجم بكوكب الارض .. الخ المهم ان المبدأ موجود )) . 2. يذكر العلماء بان الارض وحين تقف سيعقب ذلك فترة اضطراب في حركتها قبل أن تبدأ بالدوران عكسيا , وفي فترة التوقف تلك لن تكون سرعة الارض في دورانها منتظمة وعليه فلن تكون مدة اليوم معلومة او كما نعهدها الآن فقد يطول وقد يقصر .أي أنه وقبل يوم القيامة سيكون هنالك اضطراب مؤقت في طول اليوم ولن يكون كما نعهده الآن .
منقول

هلأ كلكن عم تحكو بفكرة انو الارض رح توقف وبعدين تبرم بالعكس شو بياكدلكن انو رح تبرم بالعكس
شو بيعرفنا انو ما توقف لفترة وبعدين ترجع تكفي دورانها بنفس الاتجاه وهالشي بياكد ما قاله الدهريون (ما بعرف مين هدول ) باستحالة طلوع الشمس من مغربها

ناحية تانية وقت بدكن تناقشو هيك موضوع ناقشو خارج اطار يوم القيامة

ابو الجود خيو مو ضروري يكون القمر بالصورة كمان لانو هاد ما عم يدور حوالين الارض ما بعرف انا رح حاول ترجم النصوص هلأ ولنشوف شو بيصير معنا

[hanny dagher]

كاتب النص الأصلي : Raw

أما الموضوع الأصلي ؛؛

أول شي عندي اعتراض على شغلة انوو الأرض عم تخفف من سرعتا و بعدين بدها تلف بالعكس!!!

يعني مو شرط إذا خففت تفتل بالعكس بعدين ؛؛ يعني بجوز مثلاً تكون عم تخفف و بدها تترك (متل المدخنين)
مثاااال
اذا ركلت كرة باتجاه ما عدا الأعلى يعني خليها تمشي على الأرض و شوووفو شووو رح يصير بعدين ؛؛ أكيد رح توئف و بس يعني ما رح ترجع لعندي
أما اذا زتيتها لفوووء بدها تخفف تخفف تخفف و بعدا توئف آنياً و ترجع تنزل بفعل الجاذبية يعني لو اتفئنا انو الأرض عم تخفف (طبعاً مو بحاجة لنتفئ لأن هاد الشي مثبت و مفرووغ منوو) هاد ما بيعني انو رح تلف بالعكس إلا إذا تلقت قوة معاكسة و صارت بنفس التدريج اللي كانت انطفت فيه القوة الأولى يعني شغلة عويصة بصراحة

سبقتني على هالفكرة يا معلم يلعن ابو الزباين

[Abu Guzef]

همممممممم

انا هلق نعست وعقلي ماعاد جمع

مشان هيك رح اترك الموضوع لبكرة بكون صحصحت

يسلمو لكل يلي حاورو حوار راقي

[محمد ابراهيم]

جاد قال انو هالكلام (تبع شروق الشمس من الغرب مارح يحصل الا لما الارض تعكس حركتها)
للارض حركتان
الاولى حول الشمس :وهاي تحدثنا عنها باستفاضه وذكرنا ما يسمى " الارتداد العكسي " لهالحركه (ظاهريا )
وقلنا انو مالو علاقه بشروق الشمس من الاساس .
الحركه التانيه هي حركة الارض حول محورها : هاي تحديدا هي اللي ممكن (لاحظو كلمة ممكن ) من الناحيه العلميه انها ينتج عن عكس اتجاهها (شروق من الغرب)
وهاد حكي جدو زغلول يللي نقلتو ايه

كاتب النص الأصلي : sarah s

تسمحولي شارك بالمعلومات البسيطة اللي عندي ياها

شو هالادب اللي مالو مثيل
اتفضلي طبعا

كاتب النص الأصلي : محمد ابراهيم

هالصوره بتوضح ان ظاهرة الارتداد للمريخ كانت معروفه قديما , الشرح جنب الصوره بيقول ان كان في واحد اسمو
بطليموس وكمان ما ننسى ارسطو (هادول الاغريق يللي حكيت عنهم ) والله الذاكر هالتاريخيه راحت هما اما يونان او اغريق (انا صاحي من كتير ولسا ما نمت والساعه هلق داخله على تلاته بنص اليوم النهار يعني
المهم انا قلت برد سابق انو هال الارتداد الظاهري معروف من زمن الزمان وليس اختراع حديث

وهالصوره باختصار العالم زمان كانو مخون عأدون (بقصد العلماء بطليموس وارسطو ) افتكرو ان الارض مركز الكون وكل شيء عمبيدور حولها لا تقول لحد احسن يفكروني مجنون
والله يا جماعه هيك كانو مفكرين (وحياة ولادي )
يعني هالصوره المريخ بيدور في مدار دائري صغير وبنفس الوقت بيدور في مدار اكبر حول الارض يللي هي كانت مركز الكون ( حسب تخيل وتفكير علماء زمان ) ارسطو وبطليموس .
وانا كمان لو كنت هنيك زمان كنت رح اكون بقره وافكر الارض مركز الكون

شو نوع الحشيش يللي كان معي قبل النوم
الاغريق هما اليونانين
قال انا وبتحجج بالذاكره التاريخيه واني ما نمت

في نقطه تانيه مهمه (نقلا عن بحث الدكتور محمد باسل الطائي ,كلية العلوم ـ جامعة اليرموك ـ الأردن)



أن اليونان هم من وضعوا الأسس النظرية لتركيب العالم(العلم هو مصطلح كان يطلق وقتها على الارض والشمس والقمر والكواكب) معلومه للتوضيح ، فإنهم، ومن خلال المعارف التي انتقلت إليهم من بابل ومصر، تمكنوا من تصور العالم وفق منظور جعلوا فيه الأرض مركزاً للعالم، ولقد أقرّ أرسطوطاليس ( 384ـ322 ق.م) النظرية الكوكبية البدائية المعتمدة على فكرة مركزية الأرض، فقال بأن الأرض تقع في مركز العالم فيما تكون الشمس والقمر والكواكب الخمسة المعروفة على عهده (وهي عطارد والزهرة والمريخ والمشتري وزحل) متحيزة في كرات أثيرية شفافة متمركزة بعضها فوق البعض الآخر. وقد احتاج أرسطو إلى وجود الكرات لتثبيت الأجرام السماوية فيها ومنعها من السقوط نحو الأرض. كما وجد ضرورة أن تكون هذه الكرات شفافة لتفسير رؤية الأجرام متفرقة أو مجتمعة في قبة السماء. ولقد أضاف أرسطو إلى نموذجه هذا كرة ثامنة هي كرة النجوم الثابتة. وتصور أرسطو لهذه الكرات محركاً هو الفلك المحيط الذي يديرها جميعاً وكما هو موضح بالصورة التالية
(رح احط الصوره مرفق بملف ورد لعدم امكانية وضعها هنا)


نظرية أرسطو في توزيع الكواكب على كراتأثيرية


استطاعت هذه النظرية الأرسطية تفسير الحركة الظاهرية للشمس والقمر والكواكب والحركة اليومية لنجوم القبة السماوية من الناحية المبدأية العامة لكنها لم تستوعب تفاصيل حركة الكواكب السيارة التي وجدها رُصّاد السماء تتراجع أحياناً في خط سيرها فتصير إلى حركة تراجعية من الشرق إلى الغرب. وذلك أن الكواكب تتحرك بحركتها الذاتية (وليس الحركة اليومية للقبة السماوية) عادة من الغرب إلى الشرق. لكنها تخرق هذه العادة أحياناً فتتحرك باتجاه معاكس أي من الشرق إلى الغرب ويسمى هذا الحركة التراجعية RetrogradeMotionحيث يتباطأ الكوكب في سيره الاعتيادي (من الغرب إلى الشرق) حتى يتوقف لبضعة أيام فيقال إنه في الثبات للرجوع، ثم يسير متراجعاً (من الشرق إلى الغرب) فيقال إنه في التراجع، ثم يتوقف فيقال إنه في الثبات للاستقامة ثم يستقيم على حركته الاعتيادية (أي من الغرب إلى الشرق). وقد لوحظ أن كوكب عطارد يتحرك متراجعاً مرات عديدة في السنة. بينما تتراجع الزهرة مرات أقل، وهكذا بالنسبة إلى المريخ والمشتري وزحل حيث لا تتراجع إلا قليلاً وعلى فترات أطول. ولم يستطع القدماء قبل بطليموس تفسير هذه الحركات التراجعية.
وقد بلغ علم الفلك عند الإغريق أوجه وقمة تطوره على يد الفلكي والرياضياتي الشهير كلاوديوس بطليموس (85 ـ 165م )، وهو عالم مصري من أصل يوناني ولد في صعيد مصر نهاية القرن الأول الميلادي. لقد تمكن هذا الرجل من أن يرقى بعلم الفلك إلى مستوى جديد من خلال نظرياته الفلكية الهندسية التي استطاع التحقق من الكثير من معطياتها من خلال الرصد. ولعل أشهر أعماله هو كتاب المجسطي Almagest أو الأعظم الذي اشتمل على كافة المواضيع الهندسية والفلكية. وقد تُرجم كتابه هذا إلى العربية واعتمده الفلكيون العرب المسلمين. وقد استطاع بطليموس تفسير الحركة التراجعية للكواكب السيارة وفق نموذج جعل من الأرض مركزاً، فيما يدور الكوكب في فلك يسمى "فلك التدوير" يقع مركزه في نقطة تقع على محيط الفلك الذي تكون الأرض مركزه وهو المسمى الفلك الحامل.

[محمد ابراهيم]

كاتب النص الأصلي : Raw

---------

أما الموضوع الأصلي ؛؛

أول شي عندي اعتراض على شغلة انوو الأرض عم تخفف من سرعتا و بعدين بدها تلف بالعكس!!!
يعني مو شرط إذا خففت تفتل بالعكس بعدين ؛؛ يعني بجوز مثلاً تكون عم تخفف و بدها تترك (متل المدخنين)
مثاااال
اذا ركلت كرة باتجاه ما عدا الأعلى يعني خليها تمشي على الأرض و شوووفو شووو رح يصير بعدين ؛؛ أكيد رح توئف و بس يعني ما رح ترجع لعندي
أما اذا زتيتها لفوووء بدها تخفف تخفف تخفف و بعدا توئف آنياً و ترجع تنزل بفعل الجاذبية يعني لو اتفئنا انو الأرض عم تخفف (طبعاً مو بحاجة لنتفئ لأن هاد الشي مثبت و مفرووغ منوو) هاد ما بيعني انو رح تلف بالعكس إلا إذا تلقت قوة معاكسة و صارت بنفس التدريج اللي كانت انطفت فيه القوة الأولى يعني شغلة عويصة بصراحة

شو هالمثال يللي حطيتو تبع زت الكرة
ما كنت متوقع منك هيك
عممت انو لو زتيتها لفوق رح تنزل
وهو في حالتين الها تطلع ومارح تنزل
او تطلع وتنزل