الاختلاط بالمدارس الثانوية و أثاره الايجابية و السلبية ...

[ابن الساحل]

...

و يا ابن الساحل مهما كن هناك ظواهر سلبية يبقى التفكير في المرحلة الجامعية فيها
نضج اكثر من أي مرحلة سابقة .... المدينة الجامعية لا تفسد أحد برايي ..[/quote]


يا سكي أنا ما قلت أن الظواهر السلبية معدومة لاء أنا معك أنها أكثر من الإيجابية
خصوصا نظرة المجتمع الدونة للصداقة بين الجنسين طبعا هي يلي بيرضا
فيها بس

رأيك بمحلو عن المدينة الجامعية لكن حبيت الفت انتباه أنو إذا المانع من مدارس مختلطة
مو بس هي الشغلات الأخلاقية يلي كان الحكي عنها لأنها موجودة حتى بالمدارس المنفصلة وبالجامعات
كلنا شافيين طلاب وطالبات ثانوي برات المدارس وقت الدوام مع بعض
لكن تبقى من الناحية .................العلمية ......................في مجتمعنا الدمارس المختلطة الأفضل

[skipy]

كاتب النص الأصلي : ابن الساحل

يا سكيبي ,وبدك تقنعني أنو في طالب بسوريا بحب الدراسة لأنها عملو
أي وحياتك نحنا طلاب الهندسة وحتى الطب عم ندرس بس من شان شوية معدل

ما عم تدرس من أجل 48 + 2
سمعت انهم الغوها - للأسف اتعس جامعات بتاريخ البشرية هي الجامعات السورية ..

[امرأة من ورق]

كاتب النص الأصلي : skipy

ما عم تدرس من أجل 48 + 2
سمعت انهم الغوها - للأسف اتعس جامعات بتاريخ البشرية هي الجامعات السورية ..

غريبة شوي انو صاحب الموضوع يخرج عن الموضوع..... مو؟؟؟
على حسب علمي انو موضوعنا عن المدارس المختلطة هلأ صرت بالجامعات السورية ومو بس هيك صرت بشخصنة حوار كمان

ماعلينا بنرجع للموضوع ولنفس النقطة بس ضمن موضوعنا..... برأيك عالميا ومو بس بسوريا شو نسبة الطلاب بالمدارس الاعدادية والثانوية (يعني عمر مابين 12-18 سنة وسطيا) اللي عم يدرسو كرمال العلم والمعرفة والثقافة بعيدا عن هدف متل التفوق او الخوف من الاهل او الترغيب او الترهيب بطريقة او تانية (وطبعا الترغيب هون بيتضمن شغلة تجنب الاحراج بالمدارس المختلطة)؟؟؟؟

على فكرة هي تالت مرة بتنطرح هي الفكرة بهاد الموضوع بس انت ماعم تنتبهلها او عم تنتبه وتحسها يمكن غير مهمة وبالتالي ماعم تجاوب عليها بس بتمنى اسمع منك الجواب لانو بالنسبة لرأيي انا بالموضوع هي نقطة اساسية كتير وبالتالي بانتظار الجواب

[skipy]

كاتب النص الأصلي : امرأة من ورق

غريبة شوي انو صاحب الموضوع يخرج عن الموضوع..... مو؟؟؟
على حسب علمي انو موضوعنا عن المدارس المختلطة هلأ صرت بالجامعات السورية ومو بس هيك صرت بشخصنة حوار كمان

الله يرضى عليك ، هي اسمها احاديث جانبية ...
شو الاتهامات - هي اسمها وضع النقاط على الحروف

[ابن الساحل]

كاتب النص الأصلي : امرأة من ورق

غريبة شوي انو صاحب الموضوع يخرج عن الموضوع..... مو؟؟؟
على حسب علمي انو موضوعنا عن المدارس المختلطة هلأ صرت بالجامعات السورية ومو بس هيك صرت بشخصنة حوار كمان

بتمنا انك تقري بتمعن ,,,,,,,,,,,,,,,,,,,,,,,,,,نحنا استعنا بالجامعة لأنها مكان للاختراقات
الأخلاقية يلي حكوا أنها بتصير بالمدارس المختلطة بقى ليش ما بيفصلوا الجامعة
وكمان منشان أكد وجهة نظرك أنو ما في طالب بسوريا حتى الجامعيين بحبو كعمل حقيقي
بل حب التفوق أوضمان للمستقبل فقط
يا عيوني سكي النجاح صار50 يا حرام السنة الألى 60 وطالعة معن

[skipy]

كاتب النص الأصلي : ابن الساحل

بتمنا انك تقري بتمعن ,,,,,,,,,,,,,,,,,,,,,,,,,,نحنا استعنا بالجامعة لأنها مكان للاختراقات
الأخلاقية يلي حكوا أنها بتصير بالمدارس المختلطة بقى ليش ما بيفصلوا الجامعة
وكمان منشان أكد وجهة نظرك أنو ما في طالب بسوريا حتى الجامعيين بحبو كعمل حقيقي
بل حب التفوق أوضمان للمستقبل فقط
يا عيوني سكي النجاح صار50 يا حرام السنة الألى 60 وطالعة معن

عزيزي ليس هناك مكان محصن - لانها هذه طبيعة الحياة - نحن لا نقول أن هناك
امور غير اخلاقية تحدث بالمدرسة و لا تحدث بالجامعة ..
و لكن بشهادة الكثيرين يبقى هناك نضج بالتفكير لدى شريحة أكبر من الطلبة بالجامعة ..
من المراحل الثانوية ..
مجدداً الهدف هو تربوي أكثر منه اخلاقي مع عدم نسيان أن العواطف تكون ملتهبة في
هذا العمر - عمر المراهقة -

[ابن الساحل]

أنا معك لا تقارن الجامعة #بالثانوية بس كانت##كدليل مو أكتر##
ومنرجع للموضوع إذا كان الهدف تربوي تبقى المدارس المخطلة عندا مجال أوسع
وذات قدرة أكبر على إعطاء خبرة من المدارس
المنفصلة يلي بتقتصر على مشاكل صنف واحد
ولا شر رأيك

[اية الرحمان]

كاتب النص الأصلي : Willi

بدايتا حبيت علق على هالجملة
انت هون عم تحكي وجهة نظرك. يعني انت مانك بمركز بخولك انك تقول لهاد رأيك صحيح, ولهاد رأيك غلط.
فيك تقول انا بوافقك برأيك, وانا ما بوافقك برأيك.



سؤالي الك,
ايمت سمعت بحدا حبل داخل المدرسة؟؟
شو دخل هاي بهاي.
يعني بحياتك شفت وحدة حبلت بقلب المدرسة!!!
انا صراحة ما سمعت بهالحكي.
شو دخل المدرسة بالحبل!!

اي اعتبرها خطا مطبعي وفوتها
لانو لو دخلنا بهالخطا المطبيعي راح اعطيك ادلة بس نفوت بالحيط وموضوع تاني فبلاه

[شب الكوبة]

أكيد اكيد المدارس المختلطة ........

وبالاخص بفترة المراهقة فترة تكون الشخصية وفترة البلوغ ضروري كتير يكون في اختلاط بين الجنسين مشان يتعرفو ع بعضن و هيدا بيشجع البني ادم على العطاء والتميز ..يعني كل واحد بيصير بدو يفرجي الجنس الاخر انو هوي مميز وهوي الافضل وما احدا احسن منو ..فبيدور ع شي يتميز فيه مشان يفجر طاقاتو ويرضي عواطفو الجامحة ..فهيدا الشي بيطلق روح التميز والتنافس

واكيد ما فينا نعيش بدون الجنس الاخر... وبدون الحب وبالخص بفترة المراهقة..... لانو عن جد احلى حب واصدق حب هوي حب المرحلة الثانوية"اذا بدنا نقارنو بحب الجامعة" ..وهيدا الحب بيعطيك طاقة رهيبة من أجل العمل ..والدراسة ""هلا طبيعي هاد الحكي بيختلف من شخص لاخر ""

بالنسبة الي انا درست بمدرسة مختلطة وعرفت فيها ايام حلوة واصدقاء وصديقات رائعين .. ورح ضل اذكر هالايام طول ما ان عايش

تحياتي

[Willi]

اي اعتبرها خطا مطبعي وفوتها
لانو لو دخلنا بهالخطا المطبيعي راح اعطيك ادلة بس نفوت بالحيط وموضوع تاني فبلاه

انت سمعتي عن عالم حبلو بالمدرسة؟؟
هاتي سمعينا القصص

[امرأة من ورق]

كاتب النص الأصلي : skipy

مجدداً الهدف هو تربوي أكثر منه اخلاقي مع عدم نسيان أن العواطف تكون ملتهبة في
هذا العمر - عمر المراهقة -

معلش تشرحلي معنى كلمة تربوي ؟؟؟
لو سمحت

[أسير التشرد]

كاتب النص الأصلي : skipy عرض المشاركة
مجدداً الهدف هو تربوي أكثر منه اخلاقي مع عدم نسيان أن العواطف تكون ملتهبة في
هذا العمر - عمر المراهقة -

بنعالجو بالانتي بيوتيك..(مضاد حيوي واسع الطيف)...

[skipy]

كاتب النص الأصلي : امرأة من ورق

معلش تشرحلي معنى كلمة تربوي ؟؟؟
لو سمحت

تجربة أحد زملائي ...
في مدرسة ثانوية بسورية كانت مختلطة ....كان يصير فيها كل أنواع الخطيئة ونسبة الرسوب كانت كبيرة بشكل مخيف عندما أتى مدير وفصل بين البنات والشباب مع العلم أ نه يتبنى نشاطات مشتركة من فترة لفترة وهيك صار ضبط للشباب والبنات بهالعمر و صار تعارف وفعلا زادت نسبة النجاح والدراسة وبعدين لاحقين الناس بالجامعة وعلى الرغم من خطر العلاقات الغير صحيحة بالجامعة بس أنو برأيي بيكون الانسان وعي أكتر وصار بيعرف مصلحه إلى حد ما وبيكون مسؤول 100% عن تصرفاته ...

[KILLER011]

كاتب النص الأصلي : skipy

تجربة أحد زملائي ...
في مدرسة ثانوية بسورية كانت مختلطة ....كان يصير فيها كل أنواع الخطيئة ونسبة الرسوب كانت كبيرة بشكل مخيف عندما أتى مدير وفصل بين البنات والشباب مع العلم أنو بيعمل نشاطات مشتركة من فترة لفترة وهيك صار ضبط للشباب والبنات بهالعمر و صار تعارف وفعلا زادت نسبة النجاح والدراسة وبعدين لاحقين الناس بالجامعة وعلى الرغم من خطر العلاقات الغير صحيحة بالجامعة بس أنو برأيي بيكون الانسان وعي أكتر وصار بيعرف مصلحه إلى حد ما وبيكون مسؤول 100% عن تصرفاته ...

أول مرة تحكي شي صح بحياتك ...............o

[skipy]

كاتب النص الأصلي : KILLER011

أول مرة تحكي شي صح بحياتك ...............o

حبيب القلب انشاءالله أنا ما بحكي إلا الشي الصح و مضطر آسفاً أزعج البعض حتى لا يتراكم الخطأ
أو يتم غسيل دماغ أي انسان بأية أفكار غير صحيحة ..

[ابن الساحل]

كاتب النص الأصلي : skipy

تجربة أحد زملائي ...
في مدرسة ثانوية بسورية كانت مختلطة ....كان يصير فيها كل أنواع الخطيئة ونسبة الرسوب كانت كبيرة بشكل مخيف عندما أتى مدير وفصل بين البنات والشباب مع العلم أ نه يتبنى نشاطات مشتركة من فترة لفترة وهيك صار ضبط للشباب والبنات بهالعمر و صار تعارف وفعلا زادت نسبة النجاح والدراسة وبعدين لاحقين الناس بالجامعة وعلى الرغم من خطر العلاقات الغير صحيحة بالجامعة بس أنو برأيي بيكون الانسان وعي أكتر وصار بيعرف مصلحه إلى حد ما وبيكون مسؤول 100% عن تصرفاته ...

مثال رائع .................................................. .........
رح قللك أنو التعارف للجامعة أحسن بيكون الإنسان مسؤول عن حالو تماما متل ما قلت
بس مو شايف أنو يكون في مجالات للتعارف بالثانوي والإعدادي غير الدراسة يعني معسكرات
صيفية متل العاشر كل سنة أفضل ما يضل الفراغ بين الشباب والبنات للجامعة
طبعا مع بقاء المدارس منفصلة...........................

[أبو بحر]

مرحبا شباب شكرا كتير على كل آرائكم بهالموضوع الحساس وكل الآراء منطقية يلي مع الاختلاط ويلي ضدو
بس شخصيا أنا رح أتخرج وعندي رفقات بنات على عدد شعر راسي ولحد الآن بشعر أن التعامل مع البنت أو الشب يلي من مدرسة مختلطة أريح وأفض وبشعر موبس أنا كتير من زملائي بالأريحية والطبيعية بالتعامل معن
أنا شخصيا درست بمدرسة مو مختلطة وما بقلكن في كتير أشياء مريحة بهالموضوع بس كمان ما حدا فينو ينكر أنو الجنسيبن يعني الشباب والبنات بحاجة لبعض وهادا لمسناه بالجامعة والخلطة بالمرحلة الدراسية كتير ممتازة وضرورية لتنمية الشخصية
مثلا رفقاتنا البنات والشباب يلي ما كانوا مختلط لحد الآن بشوفوا بالجنس الآخر مجرد أنو جنس آخر وما بيعرفوا يتعاملوا معو على أساس أنو بشر لذلك بتشوف الشب أو البنت بيغير طريقة كلامو وتصرفاتو قدام الجنس الآخر وبيصير مزيف أو مصطنع أو حتى مبتزل يعني باختصار عم يضحك على حالو وعالعالم
وفي شغلة كتييييييييييييييييييييييي ير مهمة بموضوع الخلطة وهو اختيار الشريك
فلما بكون في اختلاط وبيتعود الشب أنو البنت مو لقمة سائغة أو كائن فضائي وبتتعود البنت أنو الشب مو بعبع أو وحش كاسر أو مجال للعرض بكون اختيار الشريك عن ثقة وقناعة تعقل ومنطقية كمان الواحد بيعرف اللي إلو واللي عليه
بينما بدون اختلاط لا الشب رح يعرف شو بدها البنت ولا البنت كذلك ولا رح يعرفوا يتأقلموا مع بعض مت الخلق والبشر
أما الشغلة الثانية :أنا شخصيا حبيت بالسنة الثانية بنت لطيفة كتير ضليت معها 8أشهر وبعدين وصلت بيني وبينها للسما وبعد ما انفصلنا اكتشفنا قديش نحنا أغبياء بسبب الخطوة يلي أقدمنا عليها بتسرع وبدون وعي وتعقل وإدراك لمتطلبات الشب والبنت مع العلم أنو البنت حبابة ومحترمة وأخلاقية ومرباية وأنا أكيد ما رح قول عن حالي غير هيك بس لاحظو مواصفات البنت هي مواصفات بيتمناها كل شب بالصبية لكن هادا بأيامنا ما بيكفي لأنو أنا والبنت كنا متل الشرق والغرب أنا بفكر بطريقة وهي بطريقة مختلفة كليا وما بيجمع بيناتنا شي إطلاقا
وهلق أنا سنة رابعة وتعودت على الاختلاط الواعي بعد أربع سنين تجارب ولحد الآن بحس أنو بعض رفقاتنا الشباب والبنات ما عم يلاقوا صيغة للتفاهم والتأقلم مع جو الاختلاط بينما لو كانوا متعودين على هالشي من المدرسة كان اختلف الوضع أكيد وعلى فكرة في كتير صبايا رفقاتنا واعيات جدا وممكن الاعتماد عليهن جدا والتفاهم معن جدا بس كلن درسوا بمدارس مختلطة وأما الصبايا والشباب يلي مادرسوا مختلط كل همهن أنن يستعرضوا ويحسوا بنظرة الجنس الآخر حتى لو كانوا عم يضحكوا على حالهن
والنقطة الأخيرة هي الخوف من أنو الشب والبنت يغلطوا ببعض هادا شي التربية بتحددوا موالختلاط ويلي مربى ببيت أهلو إن شا الله نحطو بين الأوباش والسفلة والوقحين رح يضل مربى طول ما الأهل متمكنين وواعيين وحضاريين
وأكبر دليل أنو المدارس عنا مو مختلطة وما في شب إلا بينزل على صرفات بنات المدارس وبيتعرف عليهن وبيمشي معهن من ورا ضهر أهلن بينما الشباب والبنات الحضاريين بيحاكوا بعض بأريحية وبعلم الأهل
وعلى فكرة أنا شخصيا ضليت متعقدمن البنات لحتى فتت على الجامعة
لذلك وباختصار الاختلاط ضروري للنضوج والوعي وبناء الشخصية يلي عم تضل مهزوزة لأسف لحتى البشر يدخلوا على الجامعة

[skipy]

كاتب النص الأصلي : أبو بحر

ة يلي عم تضل مهزوزة لأسف لحتى الشب والصبية يدخلوا على الجامعة

الانسان الذي شخصيته مهزوزة لن تنفع فيه جامعة او اختلاط -
ثانياً : أشير لامر مهم هو انه هناك مجتمعات متخلفة دينياً أمثال بيئة بعض من
يتبعون الاساليب المتخلفة الدينية في تربية أبنائهم تضيف حملاً إضافياً بتربية قاسية جداً -
يعني ينبغي تغيير هذه المجتمعات المتخلفة أسروياً و بيئياً في البداية
هؤلاء الذين يبقون الضيف نصف ساعة على الباب لإخلاء المنزل و لا ننسى المراة تختبأ بالتواليت
و الحمام حتى لا تظهر و هذا يؤثر سلباً أكثر بمليون مرة من النظام المدرسي بغض النظر عنه
لأننا ناقشنا المسألة - بينما نرى في بيئات حضارية كثيرة يكون هناك نوع من الحرية
و التعامل الاخوي الذي يؤثر ايجاباً على سلوك الشاب و الفتاة ، يعني البيئة المريضة
و إصلاحها أهم من رمي مصطلح عام ...