"يوريكا" جريدة الأخوية - صفحة 3

Willi · 07/09/2006

اقتباس:

المشرف ذو اللسان اللاذع ويلي،

Willi · 07/09/2006

كنت جاي قلك فكرة حلوة
بس هلق بطلت

انا اطالب باعتذار صريح وواضح عن الصفة اللي وصفتيني فيها
وبتمنى ما تتكرر مرة تانية

Nirvana · 07/09/2006

اقتباس:

كاتب النص الأصلي : امرأة من ورق

فكرة روعة وتنفيذ أروع

تحياتي نيرفانا

وبتمنى يتثبت الموضوع

شكرا الك .. كلك زوق .

Nirvana · 07/09/2006

اقتباس:

كاتب النص الأصلي : Willi

كنت جاي قلك فكرة حلوة
بس هلق بطلت

انا اطالب باعتذار صريح وواضح عن الصفة اللي وصفتيني فيها
وبتمنى ما تتكرر مرة تانية

شكرا كتير.. أنا قصد فيها انو لسانك قوي .. مو إساءة .. لانو انا بنبسط بهالكاراكتر ..
بس اذا انت حسيت فيها اساءة .. فانا بعتذر ..

يلا قلي الفكرة حلوة وكل شي ..

Nirvana · 07/09/2006

أفادني شخصي وذاتي الموقرين أن أراضي الصالون تشهد اكتظاظ وازدحام من الأعضاء، كما تفيد ذمتي الواسعة بان حركة السير بالصالون متعسرة بعكس باقي الأقسام ..

من جهة أخرى علمت بقدراتي الخاصة وبحواسي جميعها أن مواضيع الصالون حاليا كلها

ورواق وشوية بهارات وشوية ملح وشوية مواضيع حلوة مو غلط اذا بتمرو عليها (دعاية هاتو مصاري).

مو غلط اذا بتعملو تحويلة لبعض الأقسام التانية .. مو مشان شي .. بس مشان الأزمة

.

Nirvana · 07/09/2006

علمت من مصادر فوق فوق وكتير فوق أن بعض الأعضاء تم اختطافهم من قبل مخلوقات فضائية ..

والمفاوضات جارية لإعادتهم إلى أراضي الأخوية المقدسة ..

يرجى من يعرف أي معلومات عنم أن يدلي بدلوه او سطله أو طنجرته لدينا أو في السقيفة أو وين ما بدكم .. بس خبرونا ها ..

هذا وقد قامت جريدة الجماهير "يوريكا" .. بالاعلان عن المفقودين في وقت سابق ..

Me2 .. كوستا .. أبو طريق .. Butterfly ..

&$#&54#^^^^^##%َ@لأـ}}}ْ&^^&*&$#$@!!!!!؟؟؟ ؟؟؟؟ عم بتفاهم مع الكائنات الفضائية ما حدا يدخل ها ..

أسير التشرد · 07/09/2006

بدي حط اعلان بالجريدة ... ممكن

الاعلان
بعلن كامل ولائي وطاعتي لسيدي ومولاي أصل العلوم ومنبع الحلول الشيخ لايص ادام بقائه وسدد خطاه

العبد الآثم والزنديق الآبق
أسير التشرد

Majood · 07/09/2006

مع خالص التثبيت ..............

هع انا رجعت و نفدت من عملية الأغتيال

hanny dagher · 07/09/2006

هلأ وردنا الخبر الاتي

علقت بين المشرف هاني داغر ونفسه

مشان قفل موضوع او عدم قفله في منتدى المسابقات وقد تم قفله مبدئيا لنرى نتائج هذه الحرب المرحلية على المنطقة الوسط الجنوبي في المنتدى

هاظا وقد تابعت قوات الاعضاء في اخوية شلف مواضيعها وين ما كان بدون تفكير وبدون ما يشغلو المخيخ اللي عندن وما سطلنا وزادنا سطلة فوق سطلنا (يعني كنا هيك

صرنا هيك

) هو ان بعض من هذه الطنابر هو من الصفوف الامامية اي انه من الاعضاء القدامى

هاظا وقد قامت فئة تفرعت عن الجيش الرئيسي لتعمل عملية التفاف حول الاخوية وقد قامو بالاستيلاء على الصالون وتحويله الى منتدى غراميات بمواضيع بلا فكاهة وستمزمز

وسنكون معكم بالتفصيل اول باول
يوركا دائما مع الحدث واحيانا قبل الحدث بست شهور

Nirvana · 07/09/2006

تتقدم "يوريكا" من المشرفة الغالية والرائعة والانسانة(يعني بيلزم شوية حب زيادة هادا تثبيت ولا شو) باصدق مشاعر التهاني بمناسبة نفدتها من الاغتيال .. وقيامتها من بين الأموات ...

كما نقدم خالص شكرنا لسيادتها على تثبيت الجريدة .. كجريدة رسمية للاخوية ..

يوريكا

Nirvana · 07/09/2006

وردنا التصريح التالي لجماعة الشيخ لايص أعزه الله وشفاه :

إعلان من جماعة الشيخ لايص

اقتباس:

كاتب النص الأصلي : أسير التشرد

بدي حط اعلان بالجريدة ... ممكن

الاعلان
بعلن كامل ولائي وطاعتي لسيدي ومولاي أصل العلوم ومنبع الحلول الشيخ لايص ادام بقائه وسدد خطاه

العبد الآثم والزنديق الآبق
أسير التشرد

(وين الدفع أسير)

Nirvana · 07/09/2006

مع انتهاء موسم الصيف (ييي ما احلاه) كثرت المواضيع الفنية التي تخص هيفاء وهبي تحديدا في قسم اخبار الفنانين والنجوم (في عز الضهر) .. حيث تسربت أخبار لي شخصيا من مصادر بتعجبكم انو بعد الصيف قررت هيفاء تدفى وتلبس

.. من هيك قررو الشباب يلحقو حالهم ..

واتوقع ان تزيد نسبة ارتياد النادي الليلـ... عفواً

.. قسم اخبار الفنانين في هذه الفترة من قبل أعضاء أخويتنا المفرفشين قبل حلول الشتاء ..

Nirvana · 07/09/2006

أدلى مصدر مسؤول في أخويتنا الجليلة (انا بسمي الطيف) بالتصريح التالي في بريد الأخوية حول موضوع السمعة : " بس ينزل الداون تاون بصير كلشي متاح للكل".

ويبقى السؤال أديه رح يرجعولنا سمعتنا .. ناقصة ولا زايدة ولا شوووووووووووووو؟

Nirvana · 07/09/2006

وردنا الآن من المعاقل الأخوية الصامدة ما يلي:

- يستمر الصالون في دراسة حل أزمة الحب والنسوان في المنطقة وقد وصل الأمر إلى البحث في موضوع الشذوذ الجنسي ..

- تستمر هيفاء في احتلال الجزء الأكبر من أخبار الفنانين ومخوخ شبابنا الطليعيين والرواد في آخر الصور الفنية والغيييييييييييييييييييييير فنية..

- أما المنبر فغلب عليه طابع الشرف والأمانة برمي الاتهامات والاصابع .. مما أثمر عن عدة نساء وفتيات مازلن ضحايا لقضايا الشرف ولا اتفاق لهلأ في منبرنا حول موضوع الشرف.. (ايه بشرفكم خلص) .

فيما تابع بعض الأخوة الأعضاء من غير العرب (هه) بالاستفاضة بدراسة الأصول تبعة الأعضاء وذلك لزرع الفتنة .. وريها .. وحصدها .. بحروب أهلية داخلية داخل أراضينا .. وآخر ما تم التوصل إليه هو أنو (اذا واحد قلك يا عربي اعتبرها مسبة) ..

ومازالت الحركة متوقفة في باقي الأقسام ..

.
.

يتبع

handsome · 07/09/2006

اجتني اخبار عن اثار حرب تطبيشة بالقسم الوحيد الي كان هادي شوي . وهوي قسم العلوم والتكنلوجيا ..
والشباب دورو تدوير عمحل مشان يساو مشكلي واخر الشي وجدو انو المكان الانسب هوي موضوع صور من خلق الله .. وخاصة انو في سيرة الله بالموضوع ..
بتمنى من المندوبين الاهتمام بالموضوع وبعت مراسلين لهنيك للتاكد من الاوضاع الغير سائدة . وابقائنا مع اجد الاحداث
وشكرا لاهتمامكم

Nirvana · 07/09/2006

اقتباس:

كاتب النص الأصلي : handsome

اجتني اخبار عن اثار حرب تطبيشة بالقسم الوحيد الي كان هادي شوي . وهوي قسم العلوم والتكنلوجيا ..
والشباب دورو تدوير عمحل مشان يساو مشكلي واخر الشي وجدو انو المكان الانسب هوي موضوع صور من خلق الله .. وخاصة انو في سيرة الله بالموضوع ..
بتمنى من المندوبين الاهتمام بالموضوع وبعت مراسلين لهنيك للتاكد من الاوضاع الغير سائدة . وابقائنا مع اجد الاحداث
وشكرا لاهتمامكم

على طول ......... ويييييييييييي مشكووووووووووووور

امرأة من ورق · 07/09/2006

خبر عاجل وطازة وطازج

وليييييييييييي شو طازج..... دوبو طالع من الفرن وبيحرق الايدين..... دير بالك وانت داخل لهون لاتحرق صابيعك .... واللي بيشتريك بيرجع ببيعك

المهم نعود الآن للخبر العاجل

وردنا للتو من مراسلينا في العالم الخارجي.... أي عالم المخلوقات الغير أخوية أي عالم المخلوقات الفضائية أن مي2 قد طاب له المقام في العالم الخارجي وقرر أن لا يعود إلى عالمنا الأخوي

ليش والله حرام عليه يتركنا

Nirvana · 07/09/2006

وصلتنا اخبارية عاجلة من صديق الجريدة (هاندسم) عن علقة واصلة لرب السما في قسم العلوم والتكنولوجيا .. بعد ان تحول موضوع "صور من خلق الله" المثير للجدل أصلاً إلى ساحة قتال حول القومية العربية ...

واعتمادا على جهاز الشم اللي عندي (ههه الاستخبارات) .. العضوين اللي عم يتخانقو هلأ راح ينطجو تنبيه ...

وبحب من هذا المنبر العالي (بشوف كل شي) أخبرهم انو في موضوعين بالمنبر الحر أولى بهالخناق من قسم العلوم ..

وطولولنا بالكم ..

وعفكرا بدنا شي موضوع جديد وطازة أكتر لإثارة الفتن .. مشان نشغل هالجريدة يعني !!!

أدوات الموضوع
عرض صفحة الطباعة إرسال هذه الصفحة إلى صديق