عاهرات وداعرات وماذا بعد(تحشيشة تقيلة)

[Willi]

اول شي بدي احكي عن علاقة الألم بالعهر واللي حكيتو عنو بالموضوع..... انا بوافق اللي حكو انو العاهرة عندها ألم كتير...... والالم مو ناتج عن ممارسة الجنس بحد ذاتو وانما ناتج اول شي عن ممارسة الجنس بدون حب يعني احساس المرأة انها مجرد بضاعة عم تنشرى وتنباع (ألم نفسي) ..... وبعدين من نظرة المجتمع الها واللي اكيد رح تسببلها ألم كتير (كمان ألم نفسي)...... وبعدين في شغلة مابعرف اذا مو منتبهيلها او عم تفضلو انو ماتفكرو فيها وهي انو قسم كبير من الرجال اللي بيلجأو للعاهرات عم يكون عندو حاجات غريبة ويمكن شاذة ويمكن ماعندون جرأة انو يطالبو شريكة عادية فيها خوفا انو ينزلو من عينها او ما بيطالبو الشريكة العادية فيها من باب الاحترام للشريكة ولهي بيلجأو للعاهرات لحتى يفرغو هالحاجات المريضة..... ويمكن هالحاجات هي تسبب الم جسدي للمرأة (العاهرة هون)

لك
بترجع بتقلي الم لانو نظرة المجتمع ولانو عم تمارسو بدون حب

يا جماعة
لسى البنت ما مارست الجنس مع حدا, اوكي؟؟؟
شو الشي اللي خلاها تمارسو
مو شو الشي اللي سببلها ياه ممارستو

[butterfly]

كاتب النص الأصلي : Willi

لك
بترجع بتقلي الم لانو نظرة المجتمع ولانو عم تمارسو بدون حب

يا جماعة
لسى البنت ما مارست الجنس مع حدا, اوكي؟؟؟
شو الشي اللي خلاها تمارسو
مو شو الشي اللي سببلها ياه ممارستو

ضعف ....غلطة .. غباء ... شو ما بدك سميو ضعف بشري ...

[hany_77]

بغض النظر عن انو عم يعملو هالشي عن ألم أو ضعف أو شي تاني
بس المهم انو نتفق على شغلة وحدة وهيه انو نتعامل معهم كانسان ونكون عامل مساعد ليتجاوزو ازمتهم مو نكون نحن والزمن عليهم
بس اللي صاير فينا متل المثل الشعبي اللي بقول لما بتوقع البقرة بكترو السكاكين عليها
يعني الكل بساهم بالجريمة

[me2]

عباس بدباس ....

[امرأة من ورق]

كاتب النص الأصلي : Willi

لك
بترجع بتقلي الم لانو نظرة المجتمع ولانو عم تمارسو بدون حب

يا جماعة
لسى البنت ما مارست الجنس مع حدا, اوكي؟؟؟
شو الشي اللي خلاها تمارسو
مو شو الشي اللي سببلها ياه ممارستو

هلأ برأيي مافينا نحصر الاسباب اللي بتدفع بنت على هيك شي..... بس برأيي اي بنت بتسلك هيك طريق هيي اما سلكت هالطرق لانها فعلا مضطرة يعني وصلت لدرجة من الفقر والعوز الهائلة اللي مافينو انسان يتخيلها ولاحدا يقلي تلاقي اي شغل لانو مو شغلة بهالسهولة انها تلاقي شغل خصوصا اذا كانت ماعندها مؤهلات دراسية او خبرة مهنية باي مجال
وفي قسم تاني يمكن مو مضطرين ماديا وبيعملوها لانو شايفينها شغلة سهلة ويمكن ممتعة وهدول اكيد برأيي مريضات نفسيا يعني ممكن الوحدة منون تعرضت لاغتصاب او صدمة جنسية كبيرة بمرحلة مبكرة من عمرها فصار عندها اضطراب حقيقي بنظرتها للجنس وبالفعل صارت تلاقي المتعة والرياحة بالعلاقات الجنسية المشوهة..... يعني مريضة نفسيا ومانها مجرمة
وممكن كتير عاهرات هني خليط من النوعين

بقى بالحالتين بتضل العاهرة بشر وبدل مانحكم عليها ونزيد وضعها سوء يفترض المجتمع يحاول يلاقيلها حل مادي ونفسي واجتماعي يطلعها من اللي هيي فيه

وشغلة تانية كمان ماحدا عذب حالو وحكاها انو العاهرة بنسميها عاهرة وبنحكم عليها باقسى الاحكام مع انو كلنا بنعرف انها بحالات كتير عم تكون مضطرة تشتغل هالشغلة...... طيب الرجل اللي بيلجألها شو هاد؟؟؟ ليش مابنقول عنو انو عاهر؟؟؟ ماهوي كمان تعامل مع الجنس مقابل المصاري

وتحياتي

[Willi]

اي بس اذا كل وحدة بحاجة مصاري بدها تروح تمارس جنس, ولازم ندبرلها مصاري
لعمى مصيبة

وشغلة تانية كمان ماحدا عذب حالو وحكاها انو العاهرة بنسميها عاهرة وبنحكم عليها باقسى الاحكام مع انو كلنا بنعرف انها بحالات كتير عم تكون مضطرة تشتغل هالشغلة...... طيب الرجل اللي بيلجألها شو هاد؟؟؟ ليش مابنقول عنو انو عاهر؟؟؟ ماهوي كمان تعامل مع الجنس مقابل المصاري

اي هاد رجال وسيد الرجال
الرجال معلش

[امرأة من ورق]

كاتب النص الأصلي : Willi

اي بس اذا كل وحدة بحاجة مصاري بدها تروح تمارس جنس, ولازم ندبرلها مصاري
لعمى مصيبة

هلأ مو ضروري تدبرولها مصاري كاش
بس دبرولها شغل..... دبرولها علاج نفسي اذا كانت من اصحاب الصدمات القاتلة...... دبرولها شوية احترام..... اضعف الايمان اتركوها بحالها ولاتعاملوها انها صارت زبالة وشيطان وبطلت بشر

اي هاد رجال وسيد الرجال
الرجال معلش

[Willi]

هلأ مو ضروري تدبرولها مصاري كاش
بس دبرولها شغل..... دبرولها علاج نفسي اذا كانت من اصحاب الصدمات القاتلة...... دبرولها شوية احترام..... اضعف الايمان اتركوها بحالها ولاتعاملوها انها صارت زبالة وشيطان وبطلت بشر

لا هلق انا ماني مع معاملتها على انها شيطان وبطلت بشر
وماني مع انو العالم تضربها اخلاقيات عليها
وماني مع العالم اللي بتحلل قتلها

ومن هالحكي الفاضي كلو

اذا هية هيك بدها تعمل تسطفل منها لحالها هية حرة

هلق يمكن تدبير الشغل يساعد كتير بمجتمعنا بس مثلا شوفي المجتمعات الغنية
اللي فرص العمل فيها كتير منيحة مع هيك بتلاقي عندهون هيك حالات واكتر من عنا يمكن
هني بنفس الوقت منفتحين كتير على هالشغلة لدرجة انها شوي تاني بتصير عادية انك تمشي بالشارع وتشوفي تنين عم يعملوها سوا (طبعا ما وصلت لهلدرجة, بس شوي شوي)


بالنسبة للعلاج النفسي, ما بعرف اذا ملاحظة بس في شي من هالنوع بلش يصير بالمجتمع السوري, يعني اذا بتلاحظي المسلسلات السورية صار في شي من نوع انو عم يحطو هيك حالات مثلا بنت اغتصبوها او من هالحكي وعم يعالجو الموضوع بطريقة حلوة, يعني منها تقبل البنت اللي هيك وانو هاي مو غلطتها وببعض الاحيان كتير عم يعالجوها بطرق نفسية. حتى بعيد عن المسلسلات الناس صارت شوي اوعى من قبل وصارت تفهم انو هاي الحالة البنت ما الها علاقة فيها, يعني كانت مجرد ضحية.
برأيي هيك حالة بلش يتقبلها مجتمعنا, عطيه شوية وقت بصير بيتفهمها اكتر.


هلق الاحترام هاد شي تاني خالص, وقت البنت بتعمل هيك وهية بتعرف انو مجتمعها ما بيتقبل هالشي
معناتها هية مو فارق معها احترام المجتمع الها, بس بمعظم الاحيان الناس بتركض وراها, وبس يخلصو اللي بدهون ياه ببلشو بقا حكي عليها!
مع هيك انا شخصيا ما بقدر احترم هيك شخص, لان هو عرفان انو رح يفقد احترامو بهيك شغلة ومع هيك عملها.

[امرأة من ورق]

willi
يمكن في فكرة انا ماوضحتها بشكل صح وهي انو اللي بتتعرض لاغتصاب او تحرش جنسي (طبعا تحرش خطير مو شغلة تلطيشة بالشارع وبس) رح تفقد اتزانها من الناحية الجنسية وتتشوه نظرتها للجنس والاخطر من هيك انها رح تحس بقذارة جسدها وانو رخيص ورح تفقد احترامها لنفسها..... ومافيك تتوقع من انسانة فقدت احترامها لنفسها انو تنطر الناس يحترموها
مرة تانية انسانة مريضة بس مو مجرمة

وتحياتي

[Willi]

كاتب النص الأصلي : امرأة من ورق

willi
يمكن في فكرة انا ماوضحتها بشكل صح وهي انو اللي بتتعرض لاغتصاب او تحرش جنسي (طبعا تحرش خطير مو شغلة تلطيشة بالشارع وبس) رح تفقد اتزانها من الناحية الجنسية وتتشوه نظرتها للجنس والاخطر من هيك انها رح تحس بقذارة جسدها وانو رخيص ورح تفقد احترامها لنفسها..... ومافيك تتوقع من انسانة فقدت احترامها لنفسها انو تنطر الناس يحترموها
مرة تانية انسانة مريضة بس مو مجرمة

وتحياتي

اي اكيد انا ما قصدت بكلامي انو البنت اللي اغتصبوها ما بقدر احترمها
متل ما قلتلك انو تقبل هالحالات بلش يبين بشكل واضح بالمجتمع السوري
بتصوري كام سنة تانية هاي ما عاد بتصير مشكلة

[امرأة من ورق]

كاتب النص الأصلي : Willi

اي اكيد انا ما قصدت بكلامي انو البنت اللي اغتصبوها ما بقدر احترمها
متل ما قلتلك انو تقبل هالحالات بلش يبين بشكل واضح بالمجتمع السوري
بتصوري كام سنة تانية هاي ما عاد بتصير مشكلة

اكيد انا كمان ماتوقعت من كلامك انك مابتحترم البنت المغتصبة بس اللي عم قوله انو البنت بعد صدمة من هالنوع اذا نحرفت وشتغلت هيك شغلة مافيك تلومها وتقلها لازم تضلي عالطريق الصح لانو نفسيتها اتشوهت كتير والشغلة طبعا مو بس من ورا تعامل الناس معها لانو في كتير بنات اغتصبت بس ماحدا عرف بالموضوع ومع ذلك بتشوفها نحرفت لانو هيي بطلت تتقبل حالها كإنسانة وبالتالي مارح يفرق معها كتير بعد هيك اذا الناس تقبلوها او لأ
وانشاله يمشي الحال مع مجتمعنا ونطلع من الافكار والعقد هي..... مع انو تقبل المجتمع بحد ذاتو بيخفف من حدة المشكلة بس هوي لحالو مانو حل نهائي ولازم يكون مصاحب بعلاج نفسي لحتى البنت فيها ترجع تحترم نفسها

[Willi]

والشغلة طبعا مو بس من ورا تعامل الناس معها لانو في كتير بنات اغتصبت بس ماحدا عرف بالموضوع ومع ذلك بتشوفها نحرفت لانو هيي بطلت تتقبل حالها كإنسانة وبالتالي مارح يفرق معها كتير بعد هيك اذا الناس تقبلوها او لأ

ليش منين تشكلت نظرة البنت لهلشي؟ مو من نظرة المجتمع؟؟ يعني وقت خبت هالشي عن الناس اللي حواليها معناتها انو بالفعل هية ما بدها الناس تعرف هالشي, لان انو ما يعرفو فيها شي بهمها.

هلق مافي شك انو معالجة هالبنت معالجة نفسية شي ضروري
بس شلون بدك تعالجي هالشخص المريض اذا المحيط اللي عايش فيه ما بيتقبل مرضو
قبل ما نعالج المريض من مرضو, لازم نقضي على الشي اللي سبب هالمرض, مشان هيك بنظري تقبل المجتمع لهلحالة هو جزء كتير مهم بالعلاج النفسي. هلق مافي شك انو العلاج النفسي ما بيقتصر على تقبل المجتمع.
بمعظم حالات المرض النفسي بيطلب الطبيب من عالم بيعرفوه للمريض (اصدقائو, قرايبينو, اهلو) انو يحاولو يفهموه انو هني متقبلينو ومانهون رافضينو, وهني فخورين فيه, يعني يحاولو يزيدو من ثقتو بحالو.
كون الشخص عايش بين عالم مريضة شي طبيعي يطلع مريض متلهون اذا عالجناه وتركنا الباقي ما رح نستفاد شي, رح يرجع يمرض, وهالناس رح ترجع تمرض غيرو.
اللي عم حاول وصلو انو لازم نعالج المجتمع لنقدر نعالج هالبنات.

[امرأة من ورق]

كاتب النص الأصلي : Willi

اللي عم حاول وصلو انو لازم نعالج المجتمع لنقدر نعالج هالبنات.

ياعيني عليك هاد كلام حلو كتير
بس برأيك من وين بدنا نبلش نعالج المجتمع؟؟
برأيي انا انو بدنا نبلش نعالجو من حالنا..... يعني نحنا نبلش نحاول نفهم ليش هالبنات عم يتصرفو هيك ونبلش شوي نحسسون بشوي من الاحترام..... هلأ مو ضروري يكون هالاحترام اتجاهون عميق بعقلنا لأنو اكيد رح نضل نفكر بالسلوك اللي عم يعملوه...... بس مع ذلك لازم نخليون يحسو فيه شوي بالقليلة

ومشان انو البنت المغتصبة ليش بتحس انها فاقدة احترامها لذاتها..... هي الفكرة ماعم نتفق عليها انا وانت ....... هلأ المجتمع بيقلل او بيزيد من حدة قلة احترام البنت لنفسها..... بس انو انسى المجتمع تماما..... مجرد احساس الانسان انو ماالو سيطرة وماالو ملكية حتى لجسدو وانو جسدو مستباح للغير هي شغلة رح تخلي اي انسان مهما كان قوي انو يحس انو ماالو اي احترام بالوجود......

[ابومزيد]

يعطيكم العافية كلكم وخصوصا ويلي وامراة من ورق على المناقشة الحلوة استمتعت بقرائتها كتير بس مو ملاحظين
انو الموضوع اتشعب كتير يعني ما عاد اعرفنا انتو عم تحكوا على اسباب العهر ام على معالجة العهر على انو مرض اجتماعي او على
نظرة المجتمع للعاهرات او على المغتصبات وحالتون النفسية
يعني يا ريت تحددوا الموضوع بدقة لانو كتير صار متشعب وكل وحدة من هاي الشغلات موضوع لحالو
بس في شغلة بدي قولها البنت الي اغتصبها واحد حقير لو وراها اهل بيساندوها وبيطالعوها من هالازمة ومو ضروري تصير عاهرة بعدين لازم يقتصوا من الغاصب (ولكم بالقصاص حياة يا اولي الالباب)

[hanny dagher]

كاتب النص الأصلي : ابومزيد

يعطيكم العافية كلكم وخصوصا ويلي وامراة من ورق على المناقشة الحلوة استمتعت بقرائتها كتير بس مو ملاحظين
انو الموضوع اتشعب كتير يعني ما عاد اعرفنا انتو عم تحكوا على اسباب العهر ام على معالجة العهر على انو مرض اجتماعي او على
نظرة المجتمع للعاهرات او على المغتصبات وحالتون النفسية
يعني يا ريت تحددوا الموضوع بدقة لانو كتير صار متشعب وكل وحدة من هاي الشغلات موضوع لحالو
بس في شغلة بدي قولها البنت الي اغتصبها واحد حقير لو وراها اهل بيساندوها وبيطالعوها من هالازمة ومو ضروري تصير عاهرة بعدين لازم يقتصوا من الغاصب (ولكم بالقصاص حياة يا اولي الالباب)

خيو الموضوع يشمل جميع النواحي اللي حكيت عنها

انا كتبت هالرد مشان رد الموضوع على الصفحة الاولى

[RAMoOoOoO]

الله يعطيك العافية على الموضوع الحلو
بس انا نفسي شوف عاهرة وتضحك بوشي

[وائل 76]

مرسي زين على موضوعك الرائع

لكن انا بقول متى وصلت البنت لهاي المرحلة اكيد راح تكون فقدت كتير من انسانيتها
لانها راح تكون تخلت عن كتير اشياء حلوة ميزنا الله عن باقي المخلوقات في هاي الصفات
لكن لو احنا تركنا هاي الانسانة ايا كانت بنكون نحنا كمان فقدنا كتير من معاني انسانيتنا وبنكون نحنا الداعرين والعاهرين لانو اذا كانت هي ضحت بجسمها فنحنا بنكون ضحينا بانسانة كان ممكن نساعدها ونرجع الها كتير من يلي فقدته
انا هون ما بفرق كتير بين الاسباب سواء كان المجتمع سبب او المرض النفسي والحاجة لانو المضمون والنتيجة وحدة

بتمنى نوصل لمرحلة من الوعي والايمان وان نسقط كل الحسابات المادية من قاموس حياتنا لان ما وصلنا اله هو نتيجة حساباتنا المادية


تحياتي للجميع

[leoprad]

كاتب النص الأصلي : zen

أستغرب معاملة البعض لهن باحترام رغم معرفتهم بحقيقتهن, كأننا نعيش في زمن ترتفع فيه قيمة المرأة بارتفاع تنورتها, و تزداد بازدياد حجم شفتيها و مقدمتها و مؤخرتها (الثقافيتين طبعاً)!!

!!!

اكتر الشي عجبني بالموضوع
و الظاهر انكم حكيتو كلشي