القرية الاكثر ديمقراطية في سوريا

[Nasserm]

كاتب النص الأصلي : Nay

يحرق حريشك.. ولشو حضرتها تلزق فيك انت ورفيقتك مادام هيك..
يلا الحمد الله على السلامة.. ولا تؤاخذنا بما فعل السفهاء منا..

بإيام المراهقة ما كان البوكس ذو أهمية.. كانت كل رفقة مع بنت.. حقّها علقة.. (نقضّيها مورّمين)

بس اللي ما ركب معي وقتها.. إني أكلت بوكس كرمال بنت ما بعرفها!!


وبما إنو ما بيضيع حق وراه مطالب.. فـ أنا لهلق بعتبر.. إني دافع "علقة سلف".. يعني بيطلعلي عندكن رفقة بنت

[osian]

كاتب النص الأصلي : Nay

هلأ ما فينا نبالغ صديقتي.. اذا كنتي انتي شركسية فمعناتا لازم تكوني بتعرفي انو في أغلبية غالبة متعصبة بين الشركس.. ولازم تكوني بتعرفي انو اذا عرفو انو الشب مو شركسي وعم يتمشى بالضيعة ونطرفت عينو على شي صبية شو ممكن يصير..
لانو الشركس متل كل الاقليات او الاكثريات فيهون ناس تافهين وناس متفضيين وفيهون الزعران كمان.. والغريب انو يتصادف انو هدول الزعران هنن الأكثر تعصبا دايما وعلى طول الخط وبكل الاقليات.. وهنن اللي بيعملو المشاكل.. والسكاكين شغالة

صدقيني ما بالغت بحكيي في فكرتين :
أول وحدة أنو الشركس أكتر أقلية عندا أنتماء لسوريا وحقيقة صارو بيعتبرو حالن سوريين مقارنة مع غيرهن من الأقليات
تاني فكرة أنو أنا معك أنو أوقات في شباب غير شركس بتنضرب ببريقة وبيرعجم بس ليش؟ ياترى لأنن عم يتمشو بأدبهن وبيجو الشركس المتعصبين بيضربوهن ؟ أكيد لأ .. يلي عم يسبب المشاكل لما شباب مو من الضيعة بيجو عالضيعة ليبصبصو ع بنات الضيعة ويصوروهن بالكاميرات من غير ما ياخدو أذنهن فطبيعي هالبنات يدافعو عنهون أخواتن أو أبناء ضيعتهون ..يعني هالشي ما دخلو بالتعصب وبتوقع بأي ضيعة بسوريا لما حدا يقلل أدب وهو مو من الضيعة حياكل أتلة ..بس يلي عم يتصرف عادي ويتطلع عادي ما حدا بدايقو بنظرة حتى من الزعران يلي زكرتيون (بزكر من فترة طلع كم شخص مو شركسي برحلة كلها شركس وع ضيعة شركسية وما حدا رجع زعلان)

[osian]

كاتب النص الأصلي : Nasserm

بإيامات المدرسة.. تعرّف على "بوكس" شركسي.. هيك وجه لوجه.. بس مو بالضيعة.. لأ بقلب الشام..

كنا طالعين من جودت الهاشمي.. الـGـو بتاعي .. ورفيقتها.. وأنا..

رحنا قعدنا بحديقة زكي الأرسوزي.. وأكلنا درة..

هني فلّوا.. ويا غافل إلك الله.. أكلتها علقة..


عرفت بعدين إنو.. رفيقة رفيقتي.. شركسية!!

.. والله ضحكت من كل قلبي ..بس عنجد كيف شافوك من أول مرة هدول شغل استخبارات
يمكن صار سوء تفاهم أو شي ..خاصة أنو هيي رفيقة رفيقتك .. بس يمكن هالشي كان يصير من زمان أكتر
بهالوقت ومن كم سنة حتى لو كانت رفيقتك شركسية ما حدا بيتدخل طالما البنت بدها تحكي معك ..
وبكل الأحوال sorry عنجد

[Nasserm]

كاتب النص الأصلي : osian

بهالوقت ومن كم سنة حتى لو كانت رفيقتك شركسية ما حدا بيتدخل طالما البنت بدها تحكي معك ..

جيّد هالحكي..

رح جرّب.. و.. ببقى بخبرك شو بيصير معي

كاتب النص الأصلي : osian

وبكل الأحوال sorry عنجد

حاج تقولولي صوري.. خجلتوني

حاسس حالي عملت ابتزاز عاطفي بقصّة البوكس..

إنو صار مارق ع القصة أكتر من عشر سنين!!

[Nay]

كاتب النص الأصلي : osian

صدقيني ما بالغت بحكيي في فكرتين :
أول وحدة أنو الشركس أكتر أقلية عندا أنتماء لسوريا وحقيقة صارو بيعتبرو حالن سوريين مقارنة مع غيرهن من الأقليات
تاني فكرة أنو أنا معك أنو أوقات في شباب غير شركس بتنضرب ببريقة وبيرعجم بس ليش؟ ياترى لأنن عم يتمشو بأدبهن وبيجو الشركس المتعصبين بيضربوهن ؟ أكيد لأ .. يلي عم يسبب المشاكل لما شباب مو من الضيعة بيجو عالضيعة ليبصبصو ع بنات الضيعة ويصوروهن بالكاميرات من غير ما ياخدو أذنهن فطبيعي هالبنات يدافعو عنهون أخواتن أو أبناء ضيعتهون ..يعني هالشي ما دخلو بالتعصب وبتوقع بأي ضيعة بسوريا لما حدا يقلل أدب وهو مو من الضيعة حياكل أتلة ..بس يلي عم يتصرف عادي ويتطلع عادي ما حدا بدايقو بنظرة حتى من الزعران يلي زكرتيون (بزكر من فترة طلع كم شخص مو شركسي برحلة كلها شركس وع ضيعة شركسية وما حدا رجع زعلان)

هيي القصة انو مجرد شخص متعود يحمل سكين بجيبتو معناتا هوي أزعر ومانو متربى.. سواء كان الشخص شركسي ولا عربي.. والملفت للنظر انو نفس هدول الزعران اللي بيضربو الشباب العرب ببيرعجم هنن نفسون اللي بيتقاتلو بين بعضون وبيدبحو بعض لما يكونو سكرانين..
قصص البصبصة بتصير والتلطيش بيصير وين ما كان مو بس بضيعة معينة.. ومو كل مرة الملطش بياكل قتلة .. لانو مو هيك بتنحل الأمور..

لما شخص بينكسرو كل سنانو وبينكسر حنكو وبيطلعلو تعويض مشان القتلة أكتر من 300 الف ليرة ما بيكون هادا رد فعل تعصبي؟؟.. ولما واحد قدامي السنة الماضية بيطلع دماغو على الارض كمان بيكون بس لأنو لطش بنت؟؟
لازم نعترف انو عنا زعران ومو متربايين متل كل الاقليات التانية ولازم يكون في حل جدي وتوعية لهدول الاشخاص مو دفاع عنهون وايجاد مبررات ما حدا بيصدقها غيرنا..

[Nay]

كاتب النص الأصلي : Nay

هيي القصة انو مجرد شخص متعود يحمل سكين بجيبتو معناتا هوي أزعر ومانو متربى.. سواء كان الشخص شركسي ولا عربي.. والملفت للنظر انو نفس هدول الزعران اللي بيضربو الشباب العرب ببيرعجم هنن نفسون اللي بيتقاتلو بين بعضون وبيدبحو بعض لما يكونو سكرانين..
قصص البصبصة بتصير والتلطيش بيصير وين ما كان مو بس بضيعة معينة.. ومو كل مرة الملطش بياكل قتلة .. لانو مو هيك بتنحل الأمور..

لما شخص بينكسرو كل سنانو وبينكسر حنكو وبيطلعلو تعويض مشان القتلة أكتر من 300 الف ليرة ما بيكون هادا رد فعل تعصبي؟؟.. ولما واحد قدامي السنة الماضية بيطلع دماغو على الارض كمان بيكون بس لأنو لطش بنت؟؟
لازم نعترف انو عنا زعران ومو متربايين متل كل الاقليات التانية ولازم يكون في حل جدي وتوعية لهدول الاشخاص مو دفاع عنهون وايجاد مبررات ما حدا بيصدقها غيرنا..

انا ما عم قرب أبدا على موضوع انتمائنا لسورية .. هي القصة انا متأكدة منها بس ما عنا أزمة هوية كشركس.. أكيد عنا.. الشركس مو قادرين على تحديد وطنهون الحقيقي ورغم محبتهون لسورية بس ما بشوف انو بتعنيهون كتير قضايا البلد انا شخصيا بشوفون ماشيين الحيط الحيط يا رب السترة.. حتى اللي استلمو مناصب كبيرة بين الشركس كانو ماشيين على مبدا الحيط الحيط كمان..
الشركس عندون أزمة هوية لأنو غير قادرين على الاندماج وقبول العرب بسوريا.. غير قادرين على تقبل مسألة زواج أبناؤهن من سورييين عرب .. وغير قادرين على استرجاع لغتهون اللي عم تضيع.. وغير قادرين على العودة لوطنهون وتأسيس حياة جديدة لأنو الظروف هونيك ما بتشجع... وحديثا وبعد الردة الدينية اللي منشوفها عند كل السوريين بما فيهون الشركس صار عندون صعوبة كمان بايجاد معادلة محلولة بين الدين والعادات الشركسية..

بعتذر للاطالة ولكن وجب التوضيح

[Nay]

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

هذا الفيلم:
يوضح ما يمكن للأفراد أن ينجزوه عندما تتوفر الإرادة للعمل.

احتاج هذا العمل إلى:
ـ أشخاص متطوعين
ـ ساعة ودقائق
ـ أدوات بسيطة
إعمل لمجتمعك.. إعمل لـ بئرعجم.

قدم هذا العمل في الاجتماع المتهيدي لمجلس تنمية قرية بئرعجم التابع لبرنامج القرى الصحية ـ اليونيسيف ـ سورية.